ତୀତସ 1:15 - New Testament in Pengo Parja Language

¹⁵ ହାର୍ଦି ମାନାୟାର୍ କାଜିଙ୍ଗ୍ ୱିଜୁ ବିଷୟ ନେ ହାର୍। ମାତର୍ କରାପ୍ ଆରେ ପାର୍ତିକିୱି ମାନାୟାର୍ କାଜିଙ୍ଗ୍ ଇମ୍‌ଣି ବିଷୟ ପା ହାର୍ ଆକାୟ୍। ଇନେସ୍‌କି ହେୱାର୍ ମାନ୍ ଆରେ ବୁଜାଆନି ଶାକ୍ତି ଇ ରିଣ୍ଡାଙ୍ଗ୍ ନେ କରାପ୍।

ତୀତସ 1:15 ပူးပေါင်းရင်းမြစ်များ

ମାତିଉ 15:18

ଆରେରଗ ଯୀଶୁ ୱେଚ୍‌ଚାନ୍, “ଇନାକା ମାନାୟ୍ ଗରବ୍ ତାକେଣ୍ଡାଙ୍ଗ୍ ହନାତ୍, ହେଦାଙ୍ଗ୍‌ନେ ହେୱାନିଙ୍ଗ୍ କରାପ୍ କିନାତ୍।

ପକ୍ୟାତାକା 10:15

ଆରେରଗ ଈଶ୍ୱର ପିତରତିଙ୍ଗ୍ ୱେଚ୍‌ନାକା ୱେଚାନ୍, “ଇମ୍‌ଣାକା ଆନେଙ୍ଗ୍ ତିନାକା ଇଞ୍ଜି ନିୟମ୍ କିତାଙ୍ଗ୍‌ନା, ଏନେଙ୍ଗ୍ ହେଦାଙ୍ଗ୍ ଚିଞ୍ଜେଙ୍ଗ୍ ନିୟମ୍ ଆକାୟ୍ ଇଞ୍ଜି ୱେଚ୍‌ମା।”

ରୋମିୟ 14:14

ଆନେଙ୍ଗ୍ ମାପୃ ଯୀଶୁ ଅଦିକାର୍‌ତାଙ୍ଗ୍ ହାର୍ କିଜି ପୁଚାଙ୍ଗ୍‌ନା ଯେ, ଇମ୍‌ଣି କାଦି ପା ତିନାକା ବୁଲ୍ ଆକାୟ୍। ମାତର୍ ଯଦି ଇମ୍‌ଣି ମାନାୟ୍ ୱିଜୁ କାଦି ତିନାକା ବୁଲ୍ ଇଞ୍ଜି ପାର୍ତି କିନାନା, ଲାଗିଙ୍ଗ୍ ହେଦାଙ୍ଗ୍ ତା କାଜିଙ୍ଗ୍ ବୁଲ୍।

ରୋମିୟ 14:20

ଏପେଙ୍ଗ୍ ତିନିକାଦି କାଜିଙ୍ଗ୍ ଈଶ୍ୱର କାମାୟ୍‌ତିଙ୍ଗ୍ ବେକାର୍ କିମାଟ୍। ଏପେଙ୍ଗ୍ ମାନ୍ତ ଇଟାଟ୍ ଯେ, ୱିଜୁ ପର୍‌କାର୍ କାଦି ତିନାକା ବୁଲ୍ ଆକାୟ୍। ମାତର୍ ଯଦି ର ମାନାୟ୍ ଏପେଙ୍ଗ୍ ତିନି ର କାଦି କାଜିଙ୍ଗ୍ ଈଶ୍ୱରତିଙ୍ଗ୍ ପାର୍ତି କିନାକା ବନ୍ଦ୍ କିନାନା, ଲାଗିଙ୍ଗ୍ ହେଦାଙ୍ଗ୍ ବୁଲ୍।

ରୋମିୟ 14:23

ମାତର୍ ଇମ୍‌ଣି ମାନାୟାର୍ ତିନି କାଜିଙ୍ଗ୍ ରି ମାନ୍ୟା ଆନାର୍ ହେୱାର୍ ତିନ୍‌ୱି ଦର୍‌କାର୍। ନଇଲେ ହେୱାର୍ ଈଶ୍ୱରତିଙ୍ଗ୍ ପାର୍ତି କିଉରା ଇଞ୍ଜି ଦସି କିନାର୍। ଯଦି ଏପେଙ୍ଗ୍ ଇଦାଙ୍ଗ୍ ଟିକ୍ କାମାୟ୍ ଆକାୟ୍ ଇଞ୍ଜି ହେ କାମାୟ୍ କିନାଦେର୍, ଲାଗିଙ୍ଗ୍ ଏପେଙ୍ଗ୍ ପାପ୍ କିନାଦେରା।

୧ କରନ୍ତିୟ 10:23

ମି ବିତ୍ରେତାଙ୍ଗ୍ କେତ୍‌ଜାଣ୍ ୱେଚ୍‌ନାର୍ ଆପେଙ୍ଗ୍ ୱିଜୁ ଜିନିଷ୍ କିଦେଙ୍ଗ୍ ଇନେର୍ ମୁନା କିଦୁର୍, ହେଦାଙ୍ଗ୍ ସତ୍ ମାତର୍ କେତେକ୍ ଜିନିଷ୍ ମାନାତ୍ ମାଙ୍ଗେଙ୍ଗ୍ ଈଶ୍ୱରତିଙ୍ଗ୍ ପାର୍ତି କିନାକା ଦୁର୍‌ବଲ୍ କିଦ୍‌ନାତ୍।

୧ କରନ୍ତିୟ 10:25

ମି ମାନ୍‌ତିଙ୍ଗ୍ କିଲେର୍ କିଜି ଇଟ୍‌ନି କାଜିଙ୍ଗ୍ ଇନା ପ୍ରଶ୍ନ ୱେନ୍‌ବାୱାଦାଙ୍ଗ୍ ଆଡ଼୍‌ତ ପନି ଜେଇତିଙ୍ଗ୍ ଜାର୍ ଇଚାତାଙ୍ଗ୍ ଚିଞ୍ଜେଙ୍ଗ୍ ଆଡ୍‌ନାଦେର୍।

୧ କରନ୍ତିୟ 10:31

ଏପେଙ୍ଗ୍ ତିନାଟ୍ କି ଉଣାଟ୍ ଆରେ ଏପେଙ୍ଗ୍ ଇନାକା ପା କିୟାଟ୍, ହେ ୱିଜୁ ଈଶ୍ୱରତିଙ୍ଗ୍ ଗୌରବ କିଦେଙ୍ଗ୍ କିୟାଟ୍।

୧ କରନ୍ତିୟ 8:7

ମାତର୍ କେତେକ୍ ପାର୍ତିକିନି ଟଣ୍ଡାର୍ ଇ ବିଷୟତିଙ୍ଗ୍ ପୁନ୍‌ୱାତାର୍‌ନା ଯେ, ମୁର୍ତିକାଙ୍ଗ୍ ଶାକ୍ତି ହିଲ୍‌ଗୁତ୍ ଇନେସ୍‌କି ହେୱାର୍ ଆଗେତାଙ୍ଗ୍ ମୁର୍ତିକାଙ୍ଗ୍ ପୁଜାକିନି ଅବ୍ୟାସ୍ ମାନାତ୍। ଲାଗିଙ୍ଗ୍ ଏଚେପାଦ୍ନା ହେୱାର୍ ମୁର୍ତିତିଙ୍ଗ୍ ହିତି କାଦିତିଙ୍ଗ୍ ତିନାର୍, ହେୱାର୍ ନିଜେ ବୁଲ୍‌ରେ ବାବିକିନାର୍ ଯେ ଆପେଙ୍ଗ୍ ନଙ୍ଗୟ୍ ପାତେକ୍ ମୁର୍ତି ପୁଜା କିନାପା ଆରେ ପାପ୍ କିତାପ୍ ଇଞ୍ଜି ତା ମାନ୍ତ ଆଦିକ୍ ଚିନ୍ତା କିନାର୍।

୧ ତିମତି 6:5

ହେୱାର୍ ମାନ୍ କରାପ୍ ଚିନ୍ତାତାକେ ବାର୍ତିଆଜି ମାନ୍‌ଗାନାତ୍, ଆରେ ହେୱାର୍ ଜେକନିକାର୍ ହୁଦାଙ୍ଗ୍ ଜୁକ୍ତି କିଜିମାନାର୍‌। ହେୱାର୍ ସତ୍ ବିଷୟରେ ଅଲପ୍‌ପା ପୁଞ୍ଜେଙ୍ଗ୍ ଆଡୁର୍। ହେୱାର୍ ଈଶ୍ୱରତିଙ୍ଗ୍ ହେବା କିନି କାଜିଙ୍ଗ୍ ହାଉକାର୍ ଆଦେଙ୍ଗ୍ ଲାବ୍ ଆଦ୍‌ନାତ୍ ଇଞ୍ଜି ମାନ୍ତ ବାବିକିନାର୍।

ଏବ୍ରି 10:22

ଖ୍ରୀଷ୍ଟ ତା ନେତେର୍ ତିର୍‌ପିସ୍, ମା ଗରବ୍‌ନି ଦସ୍‌ତିଙ୍ଗ୍ ଦେହା କିତାନ୍‌ନା, ହାର୍ଦି ଏଜୁଙ୍ଗ୍‌ତାଙ୍ଗ୍ ମା ଗାଗାଡ଼୍‌ତିଙ୍ଗ୍ ସପା କିଜି ମାଙ୍ଗେଙ୍ଗ୍ ରେଡି କିତାନ୍‌ନା। ଲାଗିଙ୍ଗ୍ ୱାଡ ଆସେଙ୍ଗ୍ ନଙ୍ଗୟ୍ ହାର୍ଦି ମାନ୍‌ତାଙ୍ଗ୍ ଆରେ ଷ୍ଟ୍ରଙ୍ଗ୍ ପାର୍ତିତାଙ୍ଗ୍ ଈଶ୍ୱର ଲାଗାୟ୍ ହାନାସ୍।

ଏବ୍ରି 12:15

ଇନେସ୍ ଇନେର୍ ଈଶ୍ୱର ଦୟାତାଙ୍ଗ୍ ଜିୱାତାର୍‌ନା, ହେଦାଙ୍ଗ୍ କାଜିଙ୍ଗ୍ ଜାର୍-ଜାର୍ ସାଇଜ କିବା ଆଡ। ମି ବିତ୍ରେ ଇନେସ୍ ଇମ୍‌ଣି ଅବିସ୍‌ବାସ୍‌ନି କେନି ମାର୍‌ତି ଚିରାଙ୍ଗ୍ ଉବ୍‌ଜା ଆଉତ୍, ହେଦାଙ୍ଗ୍ କାଜିଙ୍ଗ୍ ଜାଗ୍ରତ୍ ଆଜି ମାନାଟ୍। ଇନେସ୍‌କି ଇଦାଙ୍ଗ୍ ଇନାୱେଡ଼ାଙ୍ଗ୍ ଉବ୍‌ଜା ଆନାତ୍, କେତେକ୍ ମାନାୟ୍ ଇ ବିଷୟତାଙ୍ଗ୍ କରାପ୍ ଆନାର୍।

ଏବ୍ରି 9:14

ମାତର୍ ଏପେଙ୍ଗ୍ ଇଦାଙ୍ଗ୍ ବାବି କିୟାଟ୍ ଯେ ହାଃନି ହାଜ୍‌ଦିଙ୍ଗ୍ ଅଦ୍‌ନି କାମାୟ୍‌ତାଙ୍ଗ୍ ଖ୍ରୀଷ୍ଟ ନେତେର୍ ଆଦିକ୍ କିଜି ମା ଗରବ୍‌ତିଙ୍ଗ୍ ଶୁଚି କିଦ୍‌ନାତ୍, ଆରେ ଆସେଙ୍ଗ୍ ଜିବୁନ୍ ମାନି ଈଶ୍ୱରତିଙ୍ଗ୍ ହେବା କିଦେଙ୍ଗ୍ ଆଡ୍‌ନାସ୍। ଇନେସ୍‌କି ୱିଜ୍‌ୱି ଆତ୍ମାନି ଶାକ୍ତିତାଙ୍ଗ୍, ମା ପାପ୍ କାଜିଙ୍ଗ୍ ଖ୍ରୀଷ୍ଟ ତା ଜାର୍ ଜିବୁନ୍‌ତିଙ୍ଗ୍ ଈଶ୍ୱର ଲାଗାୟ୍ ର ପୁରାପୁରି ଟିକ୍ ବଲିପୁଜା କିତାନ୍‌ନା।