ରୋମିୟ 9:19 - New Testament in Pengo Parja Language

¹⁹ ଲାଗିଙ୍ଗ୍ କେତ୍‌ଜାଣ୍ ମାଙ୍ଗେଙ୍ଗ୍ ଇଞ୍ଜେଙ୍ଗ୍ ଆଡ଼୍‌ଦାନାର୍, “ଈଶ୍ୱର ଇନାକିଦେଙ୍ଗ୍ ମାଙ୍ଗେଙ୍ଗ୍ କରାପ୍ ଇଞ୍ଜି ଇନାନା? ଇନେସ୍‌କି ହେୱାନ୍ ଇନାକା ଇଚାକିନାନ୍ ହେଦାଙ୍ଗ୍ ହେୱାନ୍ କିନାନ୍, ଆରେ ତାଙ୍ଗେଙ୍ଗ୍ ଇନେର୍ ମୁନା କିଦେଙ୍ଗ୍ ଆଡୁର୍।”

ସତ୍‌ ବଚନ୍‌ ପୁନି ନିୟମ୍‌

¹⁹ ଇବେ ଏପ୍‌ ନାଙ୍ଗ୍‌ ଇଞ୍ଜ୍‌ନାଦେରା, “ତେବେ ହେୱାନ୍‌ ଆରେ ଦସ୍‌ ଆସ୍ତାନାର୍‌ ଇନେକିଦେଂ ? ଇନେକିଦେଂକି ହେୱାନ୍ତି ଇଚା ଇନେର୍‌ ବିରୁଦ୍‌ କିଦେଙ୍ଗ୍‌ ଆଡ୍‌ନାର୍‌ ?”

ରୋମିୟ 9:19 ပူးပေါင်းရင်းမြစ်များ

ମାର୍କ 14:21

ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା ବିଷୟରେ ସାସ୍ତର୍‌ତାକେ ଇନେସ୍ ଲେକେ ଲେକା ମାନାତ୍, ହେଲେକେ ହେୱାନ୍ ହାଃନାକା ସତ୍, ମାତର୍ ଇମ୍‌ଣାକାନ୍ ନାଙ୍ଗେଙ୍ଗ୍ ଶାତ୍ରୁ କେଇଦ ଆହିକିଦ୍‍ନାନ୍, ହେୱାନ୍‌ ବୟଙ୍କାର୍ ଦଣ୍ଡ୍ ପାୟା ଆନାନ୍। ହେୱାନ୍ ଜନମ୍ ଆୱାଦାଙ୍ଗ୍ ମାଚିସ୍ ହାର୍ ଆତାତ୍‌ମା।”

ପକ୍ୟାତାକା 2:23

ଈଶ୍ୱର ହେୱାର୍ ଯଜନାତାଙ୍ଗ୍ ଯୀଶୁଙ୍ଗ୍ ମି କେଇଦ ଆହିକିଦେଙ୍ଗ୍ ଉପାୟ୍ କିଜି ମାଚାନ୍‌। ଆରେ ଏପେଙ୍ଗ୍ ହେୱାନିଙ୍ଗ୍ ବିନ୍‌ଜାତିର୍ ମାନାୟାର୍‌ତାଙ୍ଗ୍ କୃଶକାଟ୍‌ତାକେ ଦୁପ୍‌ଚି ମାର୍ନେ ଅସ୍ତି ମାଚାଦେର୍।

ରୋମିୟ 11:19

ଏପେଙ୍ଗ୍ ଜାର୍ ମାନ୍ତ ବାବିକିମାଟ୍, ର ମାର୍‌ତାଙ୍ଗ୍ କେନ୍ଦାଙ୍ଗ୍ କାତ୍‌ତିଲେକେ ଈଶ୍ୱର ତା ନିଜର୍ ଯିହୁଦି ଜାତିନି ମାନାୟାରିଙ୍ଗ୍ ପିସ୍ତି ହିୱାତାନ୍‌ନା। ଲାଗିଙ୍ଗ୍ ଏପେଙ୍ଗ୍ ବିନ୍‌ଜାତିନି ମାନାୟାରିଙ୍ଗ୍ ଈଶ୍ୱର ଆସ୍ତାନ୍‌ନା। ଏପେଙ୍ଗ୍ ତ ତୁଇଜି ମାଚି ର କେନ୍ଦାତିଙ୍ଗ୍ ମାର୍‌ତ ଜଡ଼ାୟ୍‌କିତି ଲେକେ।

୧ କରନ୍ତିୟ 15:12

ମାତର୍ ନଙ୍ଗୟ୍ ଏପେଙ୍ଗ୍ ନାଙ୍ଗେଙ୍ଗ୍ ୱେଚ୍‌ଚାଟ୍ ଯଦି ମିଙ୍ଗେଙ୍ଗ୍ ଆପେଙ୍ଗ୍ ଖ୍ରୀଷ୍ଟ ହାଃତିତାଙ୍ଗ୍ ଆରେରଗ ନିଙ୍ଗ୍‌ତାନ୍ ଇଞ୍ଜି ଶୁଣାୟ୍ କିତାପ୍‌ନା। ଲାଗିଙ୍ଗ୍ ଇନାକିଦେଙ୍ଗ୍ ମି ବିତ୍ରେତାଙ୍ଗ୍ କେତ୍‌ଜାଣ୍ ଇନାରା ହାଃତି ମାନାୟାର୍ ଆରେରଗ ଜିବୁନ୍ ଆଉର୍।

୧ କରନ୍ତିୟ 15:35

ଆରେ ଇନେର୍ ଯଦି ନାଙ୍ଗେଙ୍ଗ୍ ୱେନ୍‌ବା ଆଦ୍‌ନାର୍, “ଈଶ୍ୱର ଇନେସ୍‌କିଜି ହାଃତି ମାନାୟାରିଙ୍ଗ୍ ଆରେରଗ ଜିବୁନ୍ କିନାନ୍, ଆରେ ହେ ହାଃତି ମାନାୟାର୍ ଗାଗାଡ଼୍ ଇନେସ୍ ମାନ୍‌ଗାନାତ୍?”

ଜାକ୍‌ବ 1:13

ଲାଗିଙ୍ଗ୍ ଇମ୍‌ଣାକାନ୍ ପରିକ୍ଷାତାକେ ପଡ଼ାଆନାନ୍ ହେପାଦ୍ନା ହେୱାନ୍ ଈଶ୍ୱର ପରିକ୍ଷା କିୟିକିଦ୍‌ନାନ୍ ଇଞ୍ଜି ୱେଚ୍‌ମେନ୍‌, ଇନେସ୍‌କି ଈଶ୍ୱର ଇନେରିଙ୍ଗ୍ ପା କରାପ୍ କାମାୟ୍ କିଦେଙ୍ଗ୍ ୱେଚ୍‌ଚୁନ୍। ଆରେ ହେୱାନ୍ ନିଜେ ଇନେରିଙ୍ଗ୍ ପା ପରିକ୍ଷା କିଉନ୍।

ଜାକ୍‌ବ 2:18

ମାତର୍ ରକାନ୍ ଯଦି ନାଙ୍ଗେଙ୍ଗ୍ ୱେଚ୍‌ନାନ୍, “ରକାଙ୍ଗ୍ ଯୀଶୁଙ୍ଗ୍ ପାର୍ତି କିନାଙ୍ଗା, ଆରେ ରକାଙ୍ଗ୍ ହାର୍ଦି କାମାୟ୍ କିନାଙ୍ଗା।” ଲାଗିଙ୍ଗ୍ ଆନେଙ୍ଗ୍ ହେୱାନିଙ୍ଗ୍ ୱେଚ୍‌ନାଙ୍ଗ୍, “ଏନେଙ୍ଗ୍ ହାର୍ଦି କାମାୟ୍ କିୱାଦାଙ୍ଗ୍ ଇନେସ୍ ଯୀଶୁତାକେ ପାର୍ତି କିନାୟା ହେଦାଙ୍ଗ୍ ନାଙ୍ଗେଙ୍ଗ୍ ଚଚ୍‌ଚା?, ଲାଗିଙ୍ଗ୍ ଆନେଙ୍ଗ୍ ହାର୍ଦି କାମାୟ୍ କିଜି ଯୀଶୁତାକେ ପାର୍ତି କିନାକା ଚଚ୍‌ଚେଦେଙ୍ଗ୍ ଆଡ୍‌ନାଙ୍ଗ୍।”