ରୋମିୟ 9:1 - New Testament in Pengo Parja Language

^1-3 ନଙ୍ଗୟ୍ ଯଦି ମାଙ୍ଗେଙ୍ଗ୍ ଈଶ୍ୱର ଲାଡ୍‌ତାଙ୍ଗ୍ ଇନାକା ବିନେ କିଦ୍‌ଦେଙ୍ଗ୍ ଆଡ଼୍‌ଦୁତା, ଲାଗିଙ୍ଗ୍ ନା ଯିହୁଦି ମାନାୟାର୍ ଈଶ୍ୱରତାଙ୍ଗ୍ ଇନାକିଦେଙ୍ଗ୍ ଅଲ୍‌ଗା ଆତାର୍। ଆନେଙ୍ଗ୍ ହେୱାର୍ କାଜିଙ୍ଗ୍ ବେସି ଦୁଃକ୍ ଆନାଙ୍ଗା, ଆରେ ପା ନା ଗରବ୍‌ତାକେ ହେୱାର୍ କାଜିଙ୍ଗ୍ ୱିଜୁଦିନ୍ ବେସି କଷ୍ଟ ଆନାତା। ଯଦି ନା ନିଜର୍ ଲଗାଙ୍ଗ୍ ଉଦାର୍ କିନି କାଜିଙ୍ଗ୍ ଖ୍ରୀଷ୍ଟତାଙ୍ଗ୍ ଅଲ୍‌ଗା ଆୟା ଆନାତ୍‌, ଲାଗିଙ୍ଗ୍ ଆନେଙ୍ଗ୍ ହେଦିଲିଙ୍ଗ୍ ପା ରାଜି। ଆନେଙ୍ଗ୍ ସାକି ଲେକେ ଖ୍ରୀଷ୍ଟ ହୁଦାଙ୍ଗ୍ ସତ୍ ୱେଚ୍‌ନାଙ୍ଗା। ପବିତ୍ର ଆତ୍ମା ଆରେ ନାମାନ୍ ପା ସାକି ହିନାତା ଯେ, ଇଦାଙ୍ଗ୍ ମିଚ୍ ଆକାୟ୍।

ସତ୍‌ ବଚନ୍‌ ପୁନି ନିୟମ୍‌

¹ ଇଦାଂ ଆନ୍‌ କ୍ରିସ୍ଟତି ମୁମ୍‌ଦ ହାତ୍‌ପା ଇଞ୍ଜିନାଙ୍ଗା, ମିଚ୍‌ ଇନୁଙ୍ଗା, ନା ଚିନ୍ତା ପୁଇପୁୟା ଜିବୁନ୍‌ତି ସାକ୍ତିତାଂ ନା ଲାହାଙ୍ଗ୍‌ ସାକି ହିଦ୍‌ନାନା,

ରୋମିୟ 9:1 ပူးပေါင်းရင်းမြစ်များ

ରୋମିୟ 1:9

ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ଈଶ୍ୱରତିଙ୍ଗ୍ ୱିଜୁଦିନ୍ ନାଣା ୱେଡ଼ା ପାର୍ତାନା କିନାଙ୍ଗା ଯେ, ଯଦି ହେୱାନ୍ ଇଚା କିଦ୍‌ନାନ୍ ଲାଗିଙ୍ଗ୍ ମିଙ୍ଗେଙ୍ଗ୍ ଗିଟାଆଦେଙ୍ଗ୍ ରଦିନ୍ ୱାନାଙ୍ଗ୍।

ରୋମିୟ 2:15

ହେୱାର୍ ଈଶ୍ୱର ମଶାଙ୍ଗ୍ ହିଜିମାଚି ନିୟମ୍ ତା ଗରବ୍‌ତାକେ ଲେକାଆତାତ୍‌ନା ଇଞ୍ଜି ଚଚ୍‌ନାରା। ଇନେସ୍‌କି ହେୱାର୍ ମାନ୍ ବିରଦ୍ କିଜି ୱେଚ୍‌ନାତ୍‌ ଯେ, ହେୱାର୍ ହାର୍ କି କରାପ୍ କାମାୟ୍ କିନାରା, ଆରେ ହେୱାର୍ ମାନ୍‌ନେ ସତ୍ ବିଷୟତିଙ୍ଗ୍ ପୁନି କିନାତ୍।

ରୋମିୟ 8:16

ଇନେସ୍‌କି ତା ପବିତ୍ର ଆତ୍ମା ମା ଗରବ୍ ବିତ୍ରେ ୱେଚ୍‌ନାତା ଯେ, ଆପେଙ୍ଗ୍ ଈଶ୍ୱର ମେହିକାପ୍।

୨ କରନ୍ତିୟ 1:12

ଆସେଙ୍ଗ୍ ବାଟ୍‌ପାଣ୍ ଆଜି ୱେଚ୍‌ଚେଙ୍ଗ୍ ଆଡ୍‌ନାସ୍, ଇନେସ୍‌କି ଆପେଙ୍ଗ୍ ଦରମ୍ ଆରେ ସତ୍ ସମ୍ପର୍କ ମିହୁଦାଙ୍ଗ୍ ଇଡ଼୍‌ତାପ୍‌ନା, ହେଦାଙ୍ଗ୍ ମା ମାନ୍ତି ବାବ୍‌ନା ସାକି ହିନାତା। ଆସେଙ୍ଗ୍ ମା ପୁର୍ତିନି ଜ୍ଞାନ୍‌ତିଙ୍ଗ୍ ଆହା କିୱାଦାଙ୍ଗ୍, ଈଶ୍ୱର ଦୟାତିଙ୍ଗ୍ ଆହା କିନାପା। ହେଲେକେ ମିହୁଦାଙ୍ଗ୍ ଆରେ ୱିଜାକାର୍ ହୁଦାଙ୍ଗ୍ ଜିବୁନ୍ କାଟିକିଜି ମାଚାପ୍।

୨ କରନ୍ତିୟ 1:23

ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା ଆରେ ଈଶ୍ୱର ହେଦାଙ୍ଗ୍ ସାକି ମାନାନ୍। ଆନେଙ୍ଗ୍ ମି କରାପ୍ କାମାୟ୍ କାଜିଙ୍ଗ୍ ମିଙ୍ଗେଙ୍ଗ୍ ଦମ୍‌କାଇ କିଦ୍‌ଦେଙ୍ଗ୍ ମାନ୍ କିୱାଦାଙ୍ଗ୍ ମାଚାଙ୍ଗ୍, ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ କରନ୍ତିୟ ସହର୍‌ତାକେ ଆରେରଗ ଲେଉଟା ଆଜି ୱାୱାତାଙ୍ଗ୍।

୨ କରନ୍ତିୟ 11:10

ଆରେ ଏପେଙ୍ଗ୍ ପୁଚାଦେର୍‌ନା ଯେ, ଖ୍ରୀଷ୍ଟତି ସତ୍ ନା ବିତ୍ରେ ମାନାତା, ଲାଗିଙ୍ଗ୍ ଆନେଙ୍ଗ୍ ଇ ବିଷୟରେ ବାଟ୍‌ପାଣ୍ ଆନାକା, ଆକାୟା ସହର୍ ନିକାର୍ ଇନେର୍ ପା ନାଙ୍ଗେଙ୍ଗ୍ ବନ୍ଦ୍ କିଦ୍‌ଦେଙ୍ଗ୍ ଆଡ଼୍‌ଦୁର୍।

୨ କରନ୍ତିୟ 11:31

ମା ମାପୃ ଯୀଶୁ ଖ୍ରୀଷ୍ଟ ଲାତ୍ରାହି, ଈଶ୍ୱର ୱିଜୁଦିନ୍ ଜୟ୍-ଜୟ୍ ପାୟା ଆନାନ୍ ହେୱାନ୍ ପୁଚାନ୍‌ନା ଯେ ଆନେଙ୍ଗ୍ ମିଚ୍ ୱେଚୁଙ୍ଗା।

୨ କରନ୍ତିୟ 12:19

ଏପେଙ୍ଗ୍ ବାବିକିଜି ମାନାଦେର୍ ଯେ, ମା ବିରୁଦ୍‌ତାକେ ୱେଚ୍‌ଚି ମାନି ୱିଜୁ ବିଷୟତିଙ୍ଗ୍ ବନ୍ଦ୍ କିଦେଙ୍ଗ୍ ଇ ୱିଜୁ ଲେକିକିନାଙ୍ଗା, ହେଲେକେ ଆକାୟ୍, ମାତର୍ ଆପେଙ୍ଗ୍ ଖ୍ରୀଷ୍ଟତାକେ ଚାକର୍ ଆଜିମାଚି କାଜିଙ୍ଗ୍ ଇ ୱିଜୁ ୱେଚ୍‌ଚାନାପା। ଇ ୱିଜୁ ଜିନିଷ୍ ମି ଲାବ୍ କାଜିଙ୍ଗ୍ କିନାପା, ଇନେସ୍‌କି ଆପେଙ୍ଗ୍ ପୁଚାପ୍‌ନା ଯେ ଈଶ୍ୱର ମାଙ୍ଗେଙ୍ଗ୍ ୱେଞ୍ଜ୍‌ନାନା।

ଗାଲାତିୟ 1:20

ଈଶ୍ୱର ସାକି ମାନାନ୍ ଆନେଙ୍ଗ୍ ଇମ୍‌ଣି ୱିଜୁ ବିଷୟ ମିଙ୍ଗେଙ୍ଗ୍ ଲେକିକିଦ୍‌ନାଙ୍ଗା ହେଦାଙ୍ଗ୍ ୱିଜୁ ସତ୍।

ପିଲିପିୟ 1:8

ଯୀଶୁ ଖ୍ରୀଷ୍ଟନି ଲାଡ୍‌ତାଙ୍ଗ୍ ମିଙ୍ଗେଙ୍ଗ୍ ମାହା ଆଦ୍‌ଦେଙ୍ଗ୍ ବେସି ଇଚା କିଦ୍‌ନାଙ୍ଗା ଇ ବିଷୟରେ ଈଶ୍ୱର ନେ ସାକି ଆନାନ୍।

୧ ଥେସଲନୀକିୟ 2:5

ଏପେଙ୍ଗ୍ ପା ପୁଚାଦେର୍‌ନା ଯେ, ଆପେଙ୍ଗ୍ ମିଙ୍ଗେଙ୍ଗ୍ ସାର୍‌ଦା କିଦ୍‌ଦେଙ୍ଗ୍ ହାର୍ ଇଞ୍ଜି ୱେଚ୍‌ଚାୱାତାପ୍‌ନା। ଆରେ ଆପେଙ୍ଗ୍ ମିବେତାଙ୍ଗ୍ ଡାବୁଙ୍ଗ୍ ପାୟାଆନି ଆହା କାଜିଙ୍ଗ୍ ଜାର୍‌ତିଙ୍ଗ୍ ଚଞ୍ଜ୍‌ଜିୟା ଆୱାତାପ୍‌ନା, ହେଦାଙ୍ଗ୍ ଈଶ୍ୱର ସାକି ମାନାତ୍।

୧ ତିମତି 1:5

ଆନେଙ୍ଗ୍ ୱେଚ୍‌ଚିନି ଅର୍ତ ଇଦାଙ୍ଗ୍ ଯେ, ଏପେଙ୍ଗ୍ ମି ବିତ୍ରେ ଲାଡ୍ କିବା ଆନାଦେର୍। ଆରେ ଇ ଲାଡ୍ ହାର୍ଦି ମାନ୍, ହାର୍ଦି ଚିନ୍ତା ଆରେ ସତ୍ ପାର୍ତିତାଙ୍ଗ୍ ଆନି ଦର୍‌କାର୍।

୧ ତିମତି 2:7

ଇଦାଙ୍ଗ୍‌ କାଜିଙ୍ଗ୍ ଈଶ୍ୱର ନାଙ୍ଗେଙ୍ଗ୍ ରକାନ୍ ଶୁଣାୟ୍ କିନାକାନ୍, ରକାନ୍ ବାଚିକିତି ଚେଲା, ସତ୍ ଆରେ ପାର୍ତିକିନି ବିଷୟରେ ବିନ୍‌ଜାତିନି ମାନାୟାରିଙ୍ଗ୍ ହିକାଇ କିନି କାଜିଙ୍ଗ୍ ର ମାଷ୍ଟେର୍ ଲେକେ ନାଙ୍ଗେଙ୍ଗ୍ ବାଚି କିତ୍‌ତାନ୍‌ନା। ଆନେଙ୍ଗ୍ ଇଦାଙ୍ଗ୍ ମିଚ୍ ଆକାୟ୍ ସତ୍ ୱେଚ୍‌ଚାନାଙ୍ଗା।

୧ ତିମତି 5:21

ଈଶ୍ୱର ଯୀଶୁ ଖ୍ରୀଷ୍ଟତି ଆରେ ବାଚିକିତି ଦୁତ୍‌କୁ ଆଗେ ଆନେଙ୍ଗ୍ ନିଙ୍ଗେଙ୍ଗ୍ ଆଦେସ୍ ହିଦ୍‌ନାଙ୍ଗା, ଏନେଙ୍ଗ୍ ଇନେରିଙ୍ଗ୍ ପା ତାନ୍ଦ୍ରା ଆଜି ବିଚାର୍ କିମା ଆରେ ମାନାୟ୍ ହୁଡ଼୍‌ଜି ବ୍ଯବହାର୍ କିମା।