ରୋମିୟ 8:6 - New Testament in Pengo Parja Language

⁶ ଯଦି ମିଙ୍ଗେଙ୍ଗ୍ ପାପ୍ କାମାୟ୍ କିନି ଇଚା ମି ମାନ୍‌ତିଙ୍ଗ୍ କଣ୍ଟ୍ରୁଲ୍ କିନାତା, ଏପେଙ୍ଗ୍ ହାଃନାଦେର୍। ମାତର୍ ଯଦି ପବିତ୍ର ଆତ୍ମା ମି ମାନ୍‌ତିଙ୍ଗ୍ କଣ୍ଟ୍ରୁଲ୍ କିନାତା, ଏପେଙ୍ଗ୍ ଜିବୁନ୍ ଆରେ ଶାନ୍ତି ପାୟାଆନାଦେର୍।

ସତ୍‌ ବଚନ୍‌ ପୁନି ନିୟମ୍‌

⁶ ଇନେକିଦେଂକି ଗାଗାଡ଼୍‌ନି ମାନ୍‌ ହାତାକା, ମାତର୍‌ ଆତ୍ମାନି ବାବ୍‌ନା ଜିବୁନ୍‌ ଆରି ସୁସ୍ତାନିକା;

ରୋମିୟ 8:6 ပူးပေါင်းရင်းမြစ်များ

ଜହନ୍‌ 14:27

ଆନେଙ୍ଗ୍ ମିଙ୍ଗେଙ୍ଗ୍ ଶାନ୍ତି ହିଜି ହାନାଙ୍ଗା। ଇ ଶାନ୍ତି ନାଦି, ଇନାକା ମିଙ୍ଗେଙ୍ଗ୍ ହିଦ୍‌ନାଙ୍ଗା। ପୁର୍ତିନି ଇଲେକେ ଶାନ୍ତି ଆନେଙ୍ଗ୍ ମିଙ୍ଗେଙ୍ଗ୍ ହିଦୁଙ୍ଗା। ଲାଗିଙ୍ଗ୍ ଏପେଙ୍ଗ୍ ମି ମାନ୍ତ ଦୁକ୍ କିଜି ପାଣ୍ଡ୍ରା ଆମାଟ୍।

ଜହନ୍‌ 14:6

ଯୀଶୁ ହେୱାନିଙ୍ଗ୍ ୱେଚ୍‌ଚାନ୍, “ଆନେଙ୍ଗ୍ ହାଜି। ଆନେଙ୍ଗ୍ ସତ୍। ଆରେ ଆନେଙ୍ଗ୍ ଜିବୁନ୍। ଆବା ଈଶ୍ୱରତାକେ ହାଞ୍ଜେଙ୍ଗ୍ ଆନେଙ୍ଗ୍ ନେ ରୱାଙ୍ଗ୍ ହାଜି।

ଜହନ୍‌ 17:5

ଆବା ଈଶ୍ୱର, ପୁର୍ତି ରହ୍‌ୱିତି ଆଗେ ନି ହୁଦାଙ୍ଗ୍, ନା ଇମ୍‌ଣି ଜୟ୍-ଜୟ୍ ମାଚାତ୍, ହେଦାଙ୍ଗ୍ କାଜିଙ୍ଗ୍ ଏନେଙ୍ଗ୍ ନାଙ୍ଗେଙ୍ଗ୍ ପା ନି ହୁଦାଙ୍ଗ୍ ଜୟ୍-ଜୟ୍ କିଦା।

ରୋମିୟ 13:14

ମାତର୍ ମାପୃ ଯୀଶୁ ଖ୍ରୀଷ୍ଟ ମିଙ୍ଗେଙ୍ଗ୍ କଣ୍ଟ୍ରୁଲ୍ କିଦେନ୍, ଆରେ ମି କରାପ୍ କାମାୟ୍ କିନି ଚିନ୍ତାୱିଜୁ ପୁରା କିନି କାଜିଙ୍ଗ୍ ବାବିକିମାଟ୍।

ରୋମିୟ 14:17

ଇନେସ୍‌କି ଈଶ୍ୱର ସାସନ୍ କିନି ରାଜି ତିନି ଉଣି ବିଷୟରେ ଆକାୟ୍, ମାତର୍ ଦରମ୍ ଲକ୍ ଆନି ବିଷୟ, ଶାନ୍ତିରେ ମାନି ବିଷୟ ଆରେ ପବିତ୍ର ଆତ୍ମା ହୁଦାଙ୍ଗ୍ ୱାରିୟାଆନି ବିଷୟ ନେ ମୁକ୍ୟ।

ରୋମିୟ 5:1

ଲାଗିଙ୍ଗ୍, ଯୀଶୁ ଖ୍ରୀଷ୍ଟ ମା କାଜିଙ୍ଗ୍ ଇମ୍‌ଣି କାମାୟ୍ କିତାନ୍‌ନା, ଆରେ ଆସେଙ୍ଗ୍ ପାର୍ତିକିତି କାଜିଙ୍ଗ୍ ଈଶ୍ୱର ଆଗେ ଦରମ୍ ମାନାୟ୍ ଆତାପ୍‌ନା ଆରେ ଆସେଙ୍ଗ୍ ତା ହୁଦାଙ୍ଗ୍ ଶାନ୍ତିତାଙ୍ଗ୍ ମାନାପ୍।

ରୋମିୟ 5:10

ଇନେସ୍‌କି ଆସେଙ୍ଗ୍ ଏଚେପାଦ୍ନା ଈଶ୍ୱରତିଙ୍ଗ୍ ବିରଦ୍ କିଜି ମାଚାସ୍, ହେପାଦ୍ନା ମା ଯୀଶୁ ଖ୍ରୀଷ୍ଟ ମା କାଜିଙ୍ଗ୍ ହାଃତିଲେ ଆସେଙ୍ଗ୍ ଈଶ୍ୱର ହୁଦାଙ୍ଗ୍ ହାର୍ ରୱାଣ୍‌ ଇଡ଼୍‌ଜି ମାହା ଆତାସ୍‌। ନଙ୍ଗୟ୍ ଆପେଙ୍ଗ୍ ହାର୍‌ଦାଙ୍ଗ୍ ପୁଚାପ୍‌ନା ଯେ, ଈଶ୍ୱର ହୁଦାଙ୍ଗ୍ ହାର୍ ରୱାଣ୍‌ ଇଡ଼୍‌ତାପ୍‌ନା, ଆରେ ଯୀଶୁ ମାଙ୍ଗେଙ୍ଗ୍ ରକ୍ଷା କିଦ୍‌ନାନା, ଇନେସ୍‌କି ହେୱାନ୍ ନଙ୍ଗୟ୍ ପାତେକ୍ ଯିବୁନ୍ ମାନାନ୍।

ରୋମିୟ 6:21

ଏଚେପାଦ୍ନା ଏପେଙ୍ଗ୍ ପାପ୍‌ନି ଚାକର୍ ଆଜି ମାଚାଦେର୍, ହେପାଦ୍ନା ଏପେଙ୍ଗ୍ କରାପ୍ କାମାୟ୍ କିଜି ମାଚାଦେର୍ ଆରେ ଏପେଙ୍ଗ୍ ନଙ୍ଗୟ୍ ହେଦାଙ୍ଗ୍ କାଜିଙ୍ଗ୍ ଲାଜା ଆନାଦେରା। ଲାଗିଙ୍ଗ୍ ଏପେଙ୍ଗ୍ ଇନାକା ଆର୍ଜା ଆତାଦେର୍‌ନା ହେଦାଙ୍ଗ୍‌ନେ ମି କାଜିଙ୍ଗ୍ ମାରାଣ୍ ତାନାତ୍‌।

ରୋମିୟ 6:23

ଇନେସ୍‌କି ପାପ୍ କାମାୟ୍ କାଜିଙ୍ଗ୍ ମାରାଣ୍ ୱାତାତ୍, ମାତର୍ ମା ମାପୃ ଯୀଶୁ ଖ୍ରୀଷ୍ଟ କାଜିଙ୍ଗ୍ ୱିଜ୍‌ୱି ଜିବୁନ୍ ଈଶ୍ୱର ଦୟାତାଙ୍ଗ୍ ଦାନ୍ ହିତାନ୍।

ରୋମିୟ 7:11

ଲାଗିଙ୍ଗ୍ ପାପ୍, ଦରମ୍ ସାସ୍ତର୍ କାଜିଙ୍ଗ୍ ଉପାୟ୍ କିଜି ନାଙ୍ଗେଙ୍ଗ୍ ଟକାୟ୍ କିତ୍‌ତାତ୍। ହେ ହାର୍ଦି ନିୟମ୍ ସାଇଜତାଙ୍ଗ୍ ନାଙ୍ଗେଙ୍ଗ୍ ଈଶ୍ୱର ଆଗେ ଦସ୍ କିତ୍‌ତାତ୍ ଆରେ ତାବେତାଙ୍ଗ୍ ଦେହା କିତ୍‌ତାତ୍।

ରୋମିୟ 7:5

ଏଚେକାଡ଼୍‌ଦ ମା ପାପ୍ କାମାୟ୍ କିଦେଙ୍ଗ୍ ଇଚା ମାଙ୍ଗେଙ୍ଗ୍ କଣ୍ଟ୍ରୁଲ୍ କିଜି ମାଚାତ୍, ହେ ଇଚା ମା ବିତ୍ରେ କାମାୟ୍ କିଜି ମାଚାତ୍। ଆରେ ହେ ନିୟମ୍ କାଜିଙ୍ଗ୍ ହେଲେକେ କରାପ୍ ଚିନ୍ତା ପାପ୍ କାମାୟ୍ କିଜି ମାଚାତ୍, ଲାଗିଙ୍ଗ୍ ହେ ପାପ୍ କାମାୟ୍ କାଜିଙ୍ଗ୍ ଆପେଙ୍ଗ୍ ହାଃଜି ମାଚାପ୍।

ରୋମିୟ 8:13

ଯଦି ଆସେଙ୍ଗ୍ ପାପ୍‍କିନି ଇଚା ଅନୁସାରେ ଜିବୁନ୍ କାଟି କିନାସା, ଆସେଙ୍ଗ୍ ଈଶ୍ୱରତାଙ୍ଗ୍ ଦେହା ଆୟା ଆନାତ୍। ମାତର୍ ଯଦି ଆସେଙ୍ଗ୍ ପବିତ୍ର ଆତ୍ମା ସାଇଜତାଙ୍ଗ୍ ପାପ୍ କାମାୟ୍ କିନି ଇଚାତିଙ୍ଗ୍‌ ବନ୍ଦ୍ କିତିସ୍‌, ଲାଗିଙ୍ଗ୍ ଆସେଙ୍ଗ୍ ଜିଜି ମାନାସ୍।

ରୋମିୟ 8:27

ଆରେ, ଆବା ଈଶ୍ୱର ୱିଜାକାର୍ ଗରବ୍‌ତିଙ୍ଗ୍ ପୁଚାନ୍‌ନା, ଲାଗିଙ୍ଗ୍ ହେ ପବିତ୍ର ଆତ୍ମାନି କାତାତିଙ୍ଗ୍ ବୁଜା ଆନାନା, ଇନେସ୍‌କି ଈଶ୍ୱର ଜାର୍ ଇଚା ଅନୁସାରେ ହାମାନ୍ ଆଜି ମାନି କାଜିଙ୍ଗ୍ ପବିତ୍ର ଆତ୍ମା ମା କାଜିଙ୍ଗ୍ ତାତାକେ ଗୁୱାରି କିନାତା।

ରୋମିୟ 8:7

ଇନେସ୍‌କି ପାପ୍‍କିନି ଇଚା ୱିଜୁଦିନ୍ ଈଶ୍ୱରତିଙ୍ଗ୍ ବିରଦ୍ କିନାତ୍, ହେଦାଙ୍ଗ୍ ଈଶ୍ୱର ନିୟମ୍‌ତିଙ୍ଗ୍ ମାନି କିଦେଙ୍ଗ୍ ଇଚା କିଉତ୍ ଆରେ ଇନାୱେଡ଼ାଙ୍ଗ୍ ମାନିକିଉତ୍।

ଗାଲାତିୟ 5:22

ମାତର୍ ପବିତ୍ର ଆତ୍ମା ମାଙ୍ଗେଙ୍ଗ୍ ସାଇଜ କିତ୍‌ତିସ୍, ଇଲେକେ ଗୁଣ୍: ଲାଡ୍ କିନାକା, ୱାରି କିନାକା, ଶାନ୍ତିତାଙ୍ଗ୍ ମାନାକା, ବେସି କଷ୍ଟତିଙ୍ଗ୍ ସମ୍ୱାଲି କିନାକା, ଦୟା କିନାକା।

ଗାଲାତିୟ 6:8

ଇନେସ୍‌କି ଇମ୍‌ଣାକାନ୍ ଜାର୍ ଗାଗାଡ଼୍ ଇଚାତାଙ୍ଗ୍ ୱାରି କିଦେଙ୍ଗ୍ ନେ ଇଚାକିନାନ୍, ହେୱାନ୍ ଗାଗାଡ଼୍‌ତାଙ୍ଗ୍ ନଷ୍ଟ ବିଷୟ ଆରେ ହାଃନାନ୍। ମାତର୍ ଇମ୍‌ଣାକାନ୍ ପବିତ୍ର ଆତ୍ମାତିଙ୍ଗ୍ ନେ ୱାରି କିୟିକିଦେଙ୍ଗ୍ ଇଚାକିନାନ୍, ହେୱାନ୍ ଆତ୍ମାତାଙ୍ଗ୍ ୱିଜ୍‌ୱି ଜିବୁନ୍ ପାୟା ଆନାନ୍।