ରୋମିୟ 6:6 - New Testament in Pengo Parja Language

⁶ ଇନେସ୍‌କି ଆସେଙ୍ଗ୍ ଆରେରଗ ପାପ୍‍କିନି ଚାକର୍ ଆଉସ୍। ହେଦାଙ୍ଗ୍ କାଜିଙ୍ଗ୍ ଆସେଙ୍ଗ୍ ମା ପାପ୍‌ନି ଗାଗାଡ଼୍ ନଷ୍ଟ କିନି କାଜିଙ୍ଗ୍ ମା କରାପ୍ ବ୍ୟବହାର୍‌ତିଙ୍ଗ୍, ଖ୍ରୀଷ୍ଟ ହୁଦାଙ୍ଗ୍ କୃଶକାଟ୍‌ତାକେ ମାର୍ନେ ଅସ୍ତାପ୍‌ନା।

ସତ୍‌ ବଚନ୍‌ ପୁନି ନିୟମ୍‌

⁶ ଇନେସ୍‌ ଆସେଙ୍ଗ୍‌ ଆରେ ପାପ୍‌ନି ଆଡ଼ିଏନ୍‌ ମାନୁସ୍‌, ଇଦାଂ କାଜିଂ ପାପ୍‌ନି ଗାଗାଡ଼୍‌ ନସ୍ଟ ଆନି କାଜିଂ ମା ପ୍ଡାନି ଗୁଣ୍‌ ଜେ ହେୱାନ୍‌ତି ଲାହାଙ୍ଗ୍‌ କ୍ରୁସ୍‌ତ ହାତାନ୍ନା,

ରୋମିୟ 6:6 ပူးပေါင်းရင်းမြစ်များ

ରୋମିୟ 6:12

ହେଦାଙ୍ଗ୍ କାଜିଙ୍ଗ୍ ପାପ୍ କାମାୟ୍ କିନି ଇଚା, ମା ଗାଗାଡ଼୍‌ତିଙ୍ଗ୍ ସାସନ୍ କିଦ୍‌ମେତ୍, ଆରେ ଏପେଙ୍ଗ୍ ପା, ପାପ୍ କାମାୟ୍ କିନି ଇଚା ଅନୁସାରେ କିମାଟ୍।

ରୋମିୟ 6:22

ମାତର୍ ନଙ୍ଗୟ୍ ଏପେଙ୍ଗ୍ ପାପ୍‌ନି ଶାକ୍ତିତାଙ୍ଗ୍ ମୁକ୍ତି ପାୟା ଆତାଦେର୍‌ନା ଆରେ ଈଶ୍ୱରତାକେ ଚାକର୍ ଆତାଦେର୍‌ନା। ନଙ୍ଗୟ୍ ଏପେଙ୍ଗ୍ ପବିତ୍ର ଆଦେଙ୍ଗ୍ ଆରେ ୱିଜ୍‌ୱି ଜିବୁନ୍ ପାୟା ଆଦେଙ୍ଗ୍ ଦରମ୍ କାମାୟ୍ କିନାଦେରା।

ରୋମିୟ 7:14

ଲାଗିଙ୍ଗ୍ ଆସେଙ୍ଗ୍ ପୁଚାସ୍ ଯେ, ଦରମ୍ ସାସ୍ତର୍‌ନି ନିୟମ୍ ହାର୍, ମାତର୍ ଆନେଙ୍ଗ୍ ନିଜେ କରାପ୍, ଆରେ ଆନେଙ୍ଗ୍ ପାପ୍‌ନି ଦାସ୍ ଆତାଙ୍ଗ୍‌ନା, ଆରେ ପାପ୍ ନା ମାଲିକ୍ ଆତାତ୍‌ନା।

ରୋମିୟ 8:13

ଯଦି ଆସେଙ୍ଗ୍ ପାପ୍‍କିନି ଇଚା ଅନୁସାରେ ଜିବୁନ୍ କାଟି କିନାସା, ଆସେଙ୍ଗ୍ ଈଶ୍ୱରତାଙ୍ଗ୍ ଦେହା ଆୟା ଆନାତ୍। ମାତର୍ ଯଦି ଆସେଙ୍ଗ୍ ପବିତ୍ର ଆତ୍ମା ସାଇଜତାଙ୍ଗ୍ ପାପ୍ କାମାୟ୍ କିନି ଇଚାତିଙ୍ଗ୍‌ ବନ୍ଦ୍ କିତିସ୍‌, ଲାଗିଙ୍ଗ୍ ଆସେଙ୍ଗ୍ ଜିଜି ମାନାସ୍।

୨ କରନ୍ତିୟ 5:14

ଇନେସ୍‌କି ଖ୍ରୀଷ୍ଟ ଲାଡ୍ ମାଙ୍ଗେଙ୍ଗ୍ କଣ୍ଟ୍ରୁଲ୍ କିଦ୍‌ନାତା, ହେଦାଙ୍ଗ୍ କାଜିଙ୍ଗ୍ ଆସେଙ୍ଗ୍ ପାର୍ତି କିନାସା ଯେ, ଖ୍ରୀଷ୍ଟ ୱିଜାର୍ କାଜିଙ୍ଗ୍ ହାଃତାନ୍, ଆରେ ଆସେଙ୍ଗ୍ ଇଦାଙ୍ଗ୍ ପାର୍ତି କିନାସା ଯେ, ଆସେଙ୍ଗ୍ ପା ତା ହୁଦାଙ୍ଗ୍ ହାଃତାସ୍‌ନା।

ଗାଲାତିୟ 2:20

ନା ପାନି ଚାଲିଚଲନ୍ ଖ୍ରୀଷ୍ଟ ହୁଦାଙ୍ଗ୍ କୃଶକାଟ୍‌ତାକେ ହାଃତାତ୍‌ନା। ଲାଗିଙ୍ଗ୍ ଆନେଙ୍ଗ୍ ଆରେ ଜିବୁନ୍ ଆକାୟ୍, ମାତର୍ ଖ୍ରୀଷ୍ଟ ନାବେ ଜିବୁନ୍ ମାନାନ୍। ଯୀଶୁ ଈଶ୍ୱର ମେହି, ହେୱାନ୍ ନାଙ୍ଗେଙ୍ଗ୍ ଲାଡ୍ କିତ୍‌ତାନ୍ ଆରେ ନା କାଜିଙ୍ଗ୍ ଜାର୍ ଜିବୁନ୍‌ତିଙ୍ଗ୍ ହିତାନ୍, ଲାଗିଙ୍ଗ୍ ଆନେଙ୍ଗ୍ ଇ ଗାଗାଡ଼୍‌ତ ହେୱାନ୍‌ତାକେ ପାର୍ତି କିଜି ଜିନାଙ୍ଗ୍।

ଗାଲାତିୟ 5:24

ଇମ୍‌ଣାକାର୍ ଯୀଶୁ ଖ୍ରୀଷ୍ଟନି ମାନାୟ୍, ହେୱାର୍ ତା ଗାଗାଡ଼୍‌ନି ଇଚା ଆରେ କରାପ୍ ଚିନ୍ତାତିଙ୍ଗ୍ ତା କୃଶକାଟ୍‌ତାକେ ଅସ୍ତାର୍‌ନା।

ଗାଲାତିୟ 6:14

ମା ମାପୃ ଯୀଶୁ ଖ୍ରୀଷ୍ଟନି କୃଶକାଟ୍‌ତିଙ୍ଗ୍ ପିସ୍ତି, ଆନେଙ୍ଗ୍ ଆରେ ଇନାକାତାକେ ପା ଗର୍ବ କିଉଙ୍ଗ୍। ଇନେସ୍‌କି ଖ୍ରୀଷ୍ଟ କାଜିଙ୍ଗ୍, ଇ ଜଗତ୍‌ତାକେ ମାନି ନା ଇଚା କୃଶକାଟ୍‌ତାକେ ହାଃତାତ୍‌ନା, ଆରେ ନାବେ ମାନି ପୁର୍ତିନି ଇଚା ପା ହାଃତାତ୍‌ନା।

ଏପିସିୟ 4:22

ଏପେଙ୍ଗ୍ ପାୟା ଆତାଦେର୍‌ନା ଯେ ଆଗେ ଇନେସ୍ ଏପେଙ୍ଗ୍ ଜିବୁନ୍ କାଟିକିଜି ମାଚାଦେର୍ ହେଦାଙ୍ଗ୍ ୱିଜୁ ବନ୍ଦ୍ କିଦେଙ୍ଗ୍ ଆରେ ମି ପାପ୍ କାମାୟ୍‌ନି ବ୍ଯବାହାର୍‌ତିଙ୍ଗ୍ ପିସ୍ତେଙ୍ଗ୍। ଇନେସ୍‌କି ମି କରାପ୍ ଇଚା ମିଙ୍ଗେଙ୍ଗ୍ ଟକାଇ କିତ୍‌ତାତ୍‌ନା ଆରେ ମି ଜିବୁନ୍‌ତିଙ୍ଗ୍ ନଷ୍ଟ କିତାତ୍‌ନା।

କଲସିୟ 3:5

ଲାଗିଙ୍ଗ୍ ପୁର୍ତିନି ପାପ୍‌ନି ୱିଜୁ ଗୁଣ୍‌ତିଙ୍ଗ୍ ପିହାଟ୍, ଇଦାଙ୍ଗ୍‌ନି ଅର୍ତ ଇୱିଜୁ ଗୁଣ୍, ଦାରି କାମାୟ୍, କରାପ୍ କାମାୟ୍, ଅପ୍‌ମାନ୍‌ନି କାମାୟ୍, ମାନ୍ ବିତ୍ରେ ଦାରି ଚିନ୍ତା କିନାକା, କରାପ୍ ଚିନ୍ତା, ଲବ୍ରା ଆନାକା। ରଞ୍ଜାଙ୍ଗ୍ ମୁର୍ତିତିଙ୍ଗ୍ ପୁଜା କିତିଲେକେ।

ତୀତସ 3:3

ଇନେସ୍‌କି ଯୀଶୁଙ୍ଗ୍ ପାର୍ତିକିୱି ଆଗେ ଆପେଙ୍ଗ୍ ପା ମୁର୍କ ଆଜି ଈଶ୍ୱରତିଙ୍ଗ୍ ମାନିକିୱାଦାଙ୍ଗ୍ ମାଚାପ୍, ମାନାୟାର୍ ମାଙ୍ଗେଙ୍ଗ୍ ଟକାଇ କିଜି ମାନ୍‌ଞ୍ଚାର୍। ଆରେ ଆପେଙ୍ଗ୍ ବାରବିନି କରାପ୍ ଇଚା ଆରେ ୱାରିନି ଜିବୁନ୍ କାଟିକିନି ଦାସ୍ ଆଜି ମାଚାପ୍। ଆପେଙ୍ଗ୍ ପୁରା କରାପ୍ ଆରେ ଜେକନିକାରିଙ୍ଗ୍ ଆକାର୍ ଆଜି ଜିବୁନ୍ କାଟିକିଜି ମାଚାପ୍। ମାନାୟାର୍ ମାଙ୍ଗେଙ୍ଗ୍ ଗିଣ୍‌କିଜି ମାନ୍‌ଞ୍ଚାର୍ ଆରେ ଆପେଙ୍ଗ୍ ପା ଜେକନିକାରିଙ୍ଗ୍ ଗିଣ୍‌କିଜି ମାଚାପ୍।