ରୋମିୟ 6:14 - New Testament in Pengo Parja Language

¹⁴ ଲାଗିଙ୍ଗ୍ ପାପ୍ ମି ଜିବୁନ୍‌ତିଙ୍ଗ୍ ସାସନ୍ କିଦୁତ୍, ଇନେସ୍‌କି ଏପେଙ୍ଗ୍ ଦରମ୍ ସାସ୍ତର୍‌ନି ନିୟମ୍ ତାରେନ୍ ହିଲୁଦେର୍, ହେଦାଙ୍ଗ୍ ପାପ୍ କାମାୟ୍ କିୟି କିଦ୍‌ନାତ୍। ମାତର୍ ଆପେଙ୍ଗ୍ ଈଶ୍ୱର ଦୟାତାଙ୍ଗ୍ ମାନାପ୍।

ସତ୍‌ ବଚନ୍‌ ପୁନି ନିୟମ୍‌

¹⁴ ଇନେକିଦେଂକି ପାପ୍‌ ମି ଜପି ରାଜ୍‌ କିଦ୍‌ମେତ୍‌, ଲାଗିଂ ଏପେଙ୍ଗ୍‌ ବିଦିନି ତଲ୍ୟା ଆକାୟ୍‌, ମତର୍‌ ଇସ୍ୱର୍‌ ଉପ୍‌କାର୍‌ତ ତାରେନ୍‌ ମାନାଟ୍‌ ।

ରୋମିୟ 6:14 ပူးပေါင်းရင်းမြစ်များ

ମାତିଉ 1:21

ହେଦେଲ୍ ବପାଙ୍ଗ୍ ଜନମ୍ କିନାତ୍, ଆରେ ଏପେଙ୍ଗ୍ ତା ତର୍‌ ଯୀଶୁ ହିନାଦେର୍, ଲାଗିଙ୍ଗ୍ ହେୱାନ୍ ତା ମାନାୟାରିଙ୍ଗ୍ ୱିଜୁ ପାପ୍‌ତାଙ୍ଗ୍ ଉଦାର୍ କିନାନ୍।”

ଜହନ୍‌ 1:14

ହେ ବେଣ୍ ମାନାୟ୍ ରୁପ୍ ଆତାତ୍, ଆରେ ମା ହୁଦାଙ୍ଗ୍ ବାହାକିତାତ୍‌। ହେୱାନ୍ ଦୟା ଆରେ ସତ୍ ବିଷୟ ବାର୍ତି ମାଚାତ୍। ଆବା ଈଶ୍ୱର ର ମେହିତାକେ ଇନେସ୍ ଲେକେ ଗୌରବ ମାନାତ୍, ହେଲେକେ ଗୌରବ ଆପେଙ୍ଗ୍ ହୁଡ଼୍‌ତାପ୍।

ଜହନ୍‌ 1:17

ଈଶ୍ୱର ମାଙ୍ଗେଙ୍ଗ୍ ମୋଶା ଲେକିକିତି ନିୟମ୍‌ନି ସାସ୍ତର୍‌ତାଙ୍ଗ୍ ହିତ୍‌ତାନ୍‌ନା। ମାତର୍ ଯୀଶୁ ଖ୍ରୀଷ୍ଟତାଙ୍ଗ୍ ଦୟା ଆରେ ସତ୍ ବିଷୟ ହିତ୍‌ତାନ୍‌ନା।

ଜହନ୍‌ 8:36

ଯଦି ହେ ହିମ୍‌ଣା ମିଙ୍ଗେଙ୍ଗ୍ ମୁକ୍ତି ହିଦ୍ନାନାନ୍‌, ଲାଗିଙ୍ଗ୍ ଏପେଙ୍ଗ୍ ହାତ୍‌ପା ମୁକ୍ତି ପାୟାଆନାଦେର୍।

ରୋମିୟ 11:6

ଆରେ ହେୱାର୍ ଯଦି ଈଶ୍ୱର ଦୟା କାଜିଙ୍ଗ୍ ଉଦାର୍ ପାୟାଆନାର୍‌, ଲାଗିଙ୍ଗ୍ ହେଦାଙ୍ଗ୍ ତା ହାର୍ କାମାୟ୍ କିତି କାଜିଙ୍ଗ୍ ଆକାୟ୍। ଯଦି ହେଲେକେ ଆନାତ୍ ଲାଗିଙ୍ଗ୍ ଈଶ୍ୱରତି ଦୟା ଆରେ ଦୟା ଆକାୟ୍, ମାତର୍ ହେୱାର୍ କାମାୟ୍ କାଜିଙ୍ଗ୍ ଆନାତ୍।

ରୋମିୟ 4:16

ଲାଗିଙ୍ଗ୍ ମାନାୟାର୍ ପାର୍ତି କାଜିଙ୍ଗ୍ ଈଶ୍ୱର ପାର୍ମାଣ୍ କିତାନ୍। ଇ ପାର୍ମାଣ୍ ଈଶ୍ୱର ଦୟା କିତି କାଜିଙ୍ଗ୍ ଗାଟାଆତ୍‌ତାନା। ଇ ପାର୍ମାଣ୍ ଈଶ୍ୱର ନିୟମ୍‌ତିଙ୍ଗ୍ ପାୟାଆତି ଅବ୍ରାହାମ କୁଟୁମ୍‌ନି ମାନାୟାର୍ କାଜିଙ୍ଗ୍ ନେ ଆକାୟ୍। ମାତର୍ ଏଚେଜାଣ୍ ପାର୍ତିକିନାରା, ହେ ୱିଜୁ ଅବ୍ରାହାମନି କୁଟୁମ୍‌ନି ମାନାୟାର୍ ଆନାର୍, ଇନେସ୍‌କି ହେୱାର୍ ଈଶ୍ୱରତିଙ୍ଗ୍ ପାର୍ତିକିନାରା, ଇନେସ୍ ଅବ୍ରାହାମ ପାର୍ତି କିଜି ମାଚାନ୍, ଆରେ ଅବ୍ରାହାମ ମା ଆକଦାଦି ଆତାନ୍।

ରୋମିୟ 5:17

ଯଦି ର ମାନାୟ୍ ପାପ୍ କିତି କାଜିଙ୍ଗ୍ ୱିଜାକାରିଙ୍ଗ୍ ମାରାଣ୍ ୱାତାତ୍‌ନା, ଲାଗିଙ୍ଗ୍ ଇମ୍‌ଣି ମାନାୟାର୍ ଈଶ୍ୱର ଦୟା ଆରେ ଦରମ୍ ମାନାୟ୍ ଆନି ଦାନ୍‌ତିଙ୍ଗ୍ ପାୟାଆତାର୍‌ନା, ହେୱାର୍ ଯୀଶୁ ଖ୍ରୀଷ୍ଟ କାଜିଙ୍ଗ୍ ଆଦିକ୍ ୱିଜ୍‌ୱି ଜିବୁନ୍ ପାୟାଆନାର୍‌। ଆରେ ହେୱାର୍ ଯୀଶୁ ହୁଦାଙ୍ଗ୍ ସାସନ୍ କିନାର୍। ଇନେସ୍‌କି ହେୱାର୍ ତାଙ୍ଗେଙ୍ଗ୍ ପାର୍ତି କିତାର୍‌ନା।

ରୋମିୟ 5:18

ଆଦମତି ର ପାପ୍ ୱିଜାକାରିଙ୍ଗ୍ ଈଶ୍ୱର ଆଗେ ଦସ୍ କିତ୍‌ତାତ୍, ମାତର୍ ଖ୍ରୀଷ୍ଟ ଇମ୍‌ଣାକା ର ଦରମ୍ କାମାୟ୍ କିତାନ୍, ହେଦାଙ୍ଗ୍ କାଜିଙ୍ଗ୍ ୱିଜୁ ମାନାୟାର୍ ଈଶ୍ୱର ଆଗେ ଦରମ୍ ମାନାୟ୍ ଆତାର୍ ଆରେ ହେୱାନ୍ ହେୱାରିଙ୍ଗ୍ ଜିବୁନ୍ ହିତାନ୍।

ରୋମିୟ 6:12

ହେଦାଙ୍ଗ୍ କାଜିଙ୍ଗ୍ ପାପ୍ କାମାୟ୍ କିନି ଇଚା, ମା ଗାଗାଡ଼୍‌ତିଙ୍ଗ୍ ସାସନ୍ କିଦ୍‌ମେତ୍, ଆରେ ଏପେଙ୍ଗ୍ ପା, ପାପ୍ କାମାୟ୍ କିନି ଇଚା ଅନୁସାରେ କିମାଟ୍।

ରୋମିୟ 6:15

ଆସେଙ୍ଗ୍ ଯଦି ଦରମ୍ ସାସ୍ତର୍‌ନି ନିୟମ୍ ତାରେନ୍ ହିଲୁସ୍, ଆରେ ଈଶ୍ୱରତାକେନି ଦୟାନି ତାରେନ୍ ମାନାସ୍। ଲାଗିଙ୍ଗ୍ ଆସେଙ୍ଗ୍ ପାପ୍ କାମାୟ୍ କିୱି ମାନି ଦର୍‌କାର୍।

ରୋମିୟ 8:12

ଲାଗିଙ୍ଗ୍, ଏ ଲାଡ୍‌ନି ପାର୍ତିକିନି ଟଣ୍ଡାର୍‌କାଦେର୍, ଆସେଙ୍ଗ୍ ମା ଗାଗାଡ଼୍‌ନି ଇଚା ଅନୁସାରେ ଜିବୁନ୍ କାଟି କିୱାଦାଙ୍ଗ୍, ଈଶ୍ୱର ଆତ୍ମା ୱେଚ୍‌ଚିତି ଲେକେ ଜିବୁନ୍ କାଟିକିନି ଦର୍‌କାର୍।

ରୋମିୟ 8:2

ଇନେସ୍‌କି ପବିତ୍ର ଆତ୍ମା ମାଙ୍ଗେଙ୍ଗ୍ ଜିବୁନ୍ ହିଦ୍‌ନାତ୍ ହେଦାଙ୍ଗ୍ ଯୀଶୁ ଖ୍ରୀଷ୍ଟତାଙ୍ଗ୍ ୱାନାତ୍, ଆରେ ପାପ୍‌ନି ଶାକ୍ତିତାଙ୍ଗ୍ ଆରେ ମାରାଣ୍‌ତାଙ୍ଗ୍ ମୁକ୍ତି କିଦ୍‌ନାତ୍।

ଗାଲାତିୟ 3:23

ମାତର୍ ଖ୍ରୀଷ୍ଟ ୱାୱି ଆଗେ, ଆସେଙ୍ଗ୍ ଯିହୁଦି ମାନାୟ୍ ବନ୍ଦି ଆତି ମାନାୟ୍ ଲେକେ ମାଚାସ୍ ଆରେ ନିୟମ୍ ସାସ୍ତର୍ ମା ଜାଗୁୱାଡ଼ି ଆଜି ମାଚାତ୍। ଲାଗିଙ୍ଗ୍ ଖ୍ରୀଷ୍ଟତାକେ ପାର୍ତିକିନି କାଜିଙ୍ଗ୍, ରକାନ୍ ମାନାୟ୍ ନିୟମ୍ ସାସ୍ତର୍‌ନି ବନ୍ଦିଆତିତାଙ୍ଗ୍ ମୁକ୍ତି ଆଦେଙ୍ଗ୍ ଆଡ୍‌ନାର୍ ଇଞ୍ଜି ଈଶ୍ୱର ୱେଚ୍‌ଚାନ୍।

ଗାଲାତିୟ 4:21

ଏପେଙ୍ଗ୍ ମୋଶା ଲେକିକିତି ନିୟମ୍ ସାସ୍ତର୍ ତାରେନ୍ ମାଞ୍ଜେଙ୍ଗ୍ ଇଚା କିନାଦେରା ଯେ, ନାଙ୍ଗେଙ୍ଗ୍ ୱେଚ୍‌ଚାଟ୍ ତ, ମୋଶା ଲେକିକିତି ନିୟମ୍ ସାସ୍ତର୍ ହାତ୍‌ପା ଇନାକା ୱେଚ୍‌ନାତା?

ଗାଲାତିୟ 5:18

ମାତର୍ ଯଦି ଏପେଙ୍ଗ୍ ପବିତ୍ର ଆତ୍ମାନି ସାଇଜତାଙ୍ଗ୍ ଜିବୁନ୍ କାଟିକିନାଦେର୍, ଲାଗିଙ୍ଗ୍ ଏପେଙ୍ଗ୍ ମୋଶା ଲେକିକିତି ନିୟମ୍ ସାସ୍ତର୍ ତାରେନ୍ ହିଲୁଦେର୍।

ତୀତସ 2:14

ଆସେଙ୍ଗ୍ ଇନେସ୍ ତା ମାନାୟ୍ ଆଜି ୱିଜୁ ହାର୍ଦି କାମାୟ୍ କିନି କାଜିଙ୍ଗ୍ ଆରେ ଅଦରମ୍‌ ଜିବୁନ୍‌ତାଙ୍ଗ୍ ମୁକ୍ତି କିଦ୍‌ଦେଙ୍ଗ୍ ଆରେ ୱିଜୁ କରାପ୍ ବ୍ୟବହାର୍‌ତାଙ୍ଗ୍ ହପ୍ତେଦେଙ୍ଗ୍ ଯୀଶୁ ଖ୍ରୀଷ୍ଟ ଜାର୍ ଜିବୁନ୍‌ତିଙ୍ଗ୍ ହିତାନ୍‌ନା।

ଏବ୍ରି 8:10

ଆରେ ମାପୃ ୱେଚ୍‌ଚାନ୍, ସମୟ୍ ୱାନାତ୍ ଆନେଙ୍ଗ୍ ଇସ୍ରାଏଲନି ଲାତ୍ରା ହୁଦାଙ୍ଗ୍ ପୁନି ପାର୍ମାଣ୍ ରହ୍‌ନାଙ୍ଗ୍। ହେଦାଙ୍ଗ୍ ଇଦାଙ୍ଗ୍, ଆନେଙ୍ଗ୍ ହେୱାର୍ ମାନ୍ତ ନା ନିୟମ୍ ହିନାଙ୍ଗ୍, ଲାଗିଙ୍ଗ୍ ହେୱାର୍ ହେଦାଙ୍ଗ୍ ବୁଜା ଆନାର୍। ଆନେଙ୍ଗ୍ ହେୱାର୍ ଗରବ୍‌ତାକେ ନା ନିୟମ୍ ଲେକିକିନାଙ୍ଗ୍, ଲାଗିଙ୍ଗ୍ ହେୱାର୍ ହେଦାଙ୍ଗ୍ ମାନିକିନାର୍। ଆନେଙ୍ଗ୍ ହେୱାର୍ ଈଶ୍ୱର ଆନାଙ୍ଗ୍, ଆରେ ହେୱାର୍ ନାଲକ୍ ଆନାର୍।