ରୋମିୟ 5:3 - New Testament in Pengo Parja Language

³ ୱାରା ଏଚେକ୍ ଆକାୟ୍, ମାତର୍ ଆପେଙ୍ଗ୍ ଦୁଃକ୍ କଷ୍ଟ ୱାତିସ୍ ପା ୱାରି କିନାପା। ଇନେସ୍‌କି ଆପେଙ୍ଗ୍ ଦୁଃକ୍ କଷ୍ଟ ପାୟାଆଜି ପୁଚାପ୍‌ନା ଯେ, ଦୁଃକ୍ କଷ୍ଟ ପାୟାଆତିସ୍‌ନେ ସାସ୍ ଆୟା ଆନାତ୍‌।

ସତ୍‌ ବଚନ୍‌ ପୁନି ନିୟମ୍‌

³ କେବଲ୍‌ ହେଦାଂ ଆକାୟ୍‌, ୱିଜ଼ୁ ବାନି ଦୁକ୍‌ତ, କସ୍ଟତ ପା ଗରବ୍‌ କିନାପା, ଲାଗିଂ ଦୁକ୍‌ତାଂ ସାସ୍‌, ସାସ୍‌ତାଂ ପୁନାକା,

ରୋମିୟ 5:3 ပူးပေါင်းရင်းမြစ်များ

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 21:19

ଇ ୱିଜୁଗଟ୍‌ନା ବିତ୍ରେ ଏପେଙ୍ଗ୍ ନାଙ୍ଗେଙ୍ଗ୍ ଯଦି ପାର୍ତି କିଜି ମାନ୍‌ଞ୍ଚିସ୍ ଜାର୍ ଜିବୁନ୍ ରକ୍ଷା ପାୟାଆନାଦେର୍।”

ପକ୍ୟାତାକା 5:41

ବାଚିକିତି ଚେଲାହିର୍ ହେ ବିଚାର୍‌କିନି ମିଟିଙ୍ଗ୍ ଇଞ୍ଜାଙ୍ଗ୍ ୱାରିଆଜି ହାଚାର୍। ଇନେସ୍‌କି ଯୀଶୁ ତର୍‌ କାଜିଙ୍ଗ୍ ଦୁକ୍‌କଷ୍ଟ ପାୟାଆନି ଜଗ୍ଯ ଇଞ୍ଜି ହେୱାର୍ ପୁନ୍‌ଞ୍ଜି ମାଚାର୍।

ରୋମିୟ 5:11

ୱାରା ଏଚେକ୍ ଆକାୟ୍, ମାତର୍ ନଙ୍ଗୟ୍ ଯୀଶୁ ଖ୍ରୀଷ୍ଟ କାଜିଙ୍ଗ୍ ଈଶ୍ୱର ହୁଦାଙ୍ଗ୍ ହାର୍ ରୱାଣ୍‌ ଇଡ଼୍‌ଜି ମାହାଆତାପ୍‌ନା, ହେଦାଙ୍ଗ୍ କାଜିଙ୍ଗ୍ ଆପେଙ୍ଗ୍ ୱାରି କିନାପା।

ରୋମିୟ 8:23

ଆରେ ଇ ପୁର୍ତି ୱାରା ହେଲେକେ କଷ୍ଟ ପାୟା ଆଉତା, ମାତର୍ ମାଙ୍ଗେଙ୍ଗ୍ ଈଶ୍ୱର ତା ପବିତ୍ର ଆତ୍ମା ପାର୍ମାଣ୍‌କିତି ଚିନ୍‌ଲେକେ ହିତ୍‌ତାନ୍‌ନା। ଆରେ ମା ଗାଗାଡ଼୍ ବିତ୍ରେ ଦୁଃକ୍ କଷ୍ଟ ପାୟାଆନାସା, ଆରେ ଆସେଙ୍ଗ୍ ପା ହେ ଦିନ୍‌ତିଙ୍ଗ୍ ମୁକ୍ତି ପାୟା ଆଦେଙ୍ଗ୍ ବେସି ଆହା କିଜି କାତାସ୍‌ନା। ଈଶ୍ୱର ଏଚେପାଦ୍ନା ମାଙ୍ଗେଙ୍ଗ୍ ତା ହିମ୍‌ଣା ଆଦେଙ୍ଗ୍ ପୁରା ଅଦିକାର୍ ହିଦ୍‌ନାନ୍। ଆରେ ଇମ୍‌ଣି ପୁନି ଗାଗାଡ଼୍ ହିଦ୍‌ନାଙ୍ଗ୍ ଇଞ୍ଜି ପାର୍ମାଣ୍ କିଜି ମାଚାନ୍ ହେଦାଙ୍ଗ୍ ପୁରା କିନାନ୍।

ରୋମିୟ 9:10

ଆରେ ହେ କାଡ଼୍‍ଦେ ଇସାକ ମା ଆକଦାଦି ମାଚାନ୍। ହେୱାନ୍ ଗାଜାଆତି ପାଚେ ରିବିକାଙ୍ଗ୍ ବିବାଆତାନ୍‌, ଇନେର୍ ଜାଉଁଣା ହିମ୍‌ଣାକାଙ୍ଗ୍ ଜନମ୍ କିଜି ମାଚାତ୍।

୨ କରନ୍ତିୟ 4:17

ଇନେସ୍‌କି ଆସେଙ୍ଗ୍ ନଙ୍ଗୟ୍ ପାୟାଆନି ଦୁଃକ୍ କଷ୍ଟ ୱିଜୁ ହିରୁ ଆରେ ବେସିଦିନ୍ ମାନ୍‌ଗୁତ୍। ହେଦାଙ୍ଗ୍ କାଜିଙ୍ଗ୍ ଆସେଙ୍ଗ୍ ୱିଜ୍‌ୱି ଜିବୁନ୍ ପାୟାଆନାସ୍, ଇମ୍‌ଣାକା କି ୱିଜୁ ଜିନିଷ୍‌ତାଙ୍ଗ୍ ଗାଜା ଆରେ ୱିଜୁଦିନ୍ ମାନ୍‌ଗାନାତ୍।

୨ କରନ୍ତିୟ 8:19

ଯିରୁଶାଲାମ ସହର୍‌ନି ପାର୍ତିକିନି ମାନାୟାରିଙ୍ଗ୍ ସାଇଜ କିଦେଙ୍ଗ୍ ଅରାୟ୍ କିତି ଡାବୁଙ୍ଗ୍ ମା ହୁଦାଙ୍ଗ୍ ମାହାଆଜି ଅସିହିନି କାଜିଙ୍ଗ୍ ମଣ୍ଡ୍‌ଲିନି ମାନାୟାର୍ ତାଙ୍ଗେଙ୍ଗ୍ ବାଚିକିତାର୍‌ନା। ହେଦାଙ୍ଗ୍ ଇଲେକେ ହେବା ଯେ, ମାପୃ ଗୌରବ ପାୟାଆନାତ୍ ଆରେ ଆସେଙ୍ଗ୍ ହେୱାରିଙ୍ଗ୍ ବେସି ସାଇଜ କିନି ଇଚା ଚଚ୍‌ଚାନାତା।

ଏପିସିୟ 3:13

ଲାଗିଙ୍ଗ୍ ଆନେଙ୍ଗ୍ ୱେଚ୍‌ଚାନାଙ୍ଗା ଯେ, ଆନେଙ୍ଗ୍ ଇମ୍‌ଣି ଦୁକ୍‌କଷ୍ଟ ପାୟାଆନାଙ୍ଗା, ହେଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ମନ୍‌ଦୁକ୍ କିମାଟ୍। ମାତର୍ ଇଦାଙ୍ଗ୍ ମିଙ୍ଗେଙ୍ଗ୍ ଲାବ୍‌ନି ବିଷୟ।

ପିଲିପିୟ 1:29

ଇନେସ୍‌କି ଈଶ୍ୱର ମିଙ୍ଗେଙ୍ଗ୍ ଖ୍ରୀଷ୍ଟତାକେ ନେ ପାର୍ତି କିଦେଙ୍ଗ୍ ଦୟା ହିଦ୍‌ୱାତାନ୍‌ନା, ମାତର୍ ହେୱାନ୍ କାଜିଙ୍ଗ୍ ଦୁକ୍‌କଷ୍ଟ ସାମ୍ୱାଲି କିନି କାଜିଙ୍ଗ୍ ପା ମିଙ୍ଗେଙ୍ଗ୍ ଦୟା ହିତ୍‌ତାନ୍‌ନା।

ଜାକ୍‌ବ 1:12

ଇମ୍‌ଣି ମାନାୟ୍ ପରିକ୍ଷା ଆତିହିଙ୍ଗ୍ ପା ଈଶ୍ୱରତାକେ ପାର୍ତି କିଜି ମାନାନ୍, ହେୱାନ୍ ଆଶ୍ରିବାଦ୍‌ନି ମାନାୟ୍। ଇନେସ୍‌କି ଈଶ୍ୱରତିଙ୍ଗ୍ ଲାଡ୍‌କିନି ମାନାୟ୍‌ରିଙ୍ଗ୍ ଇମ୍‌ଣି ୱିଜ୍‌ୱି ଜିବୁନ୍‌ନି ମୁକୁଟ୍ ହିଦେଙ୍ଗ୍ ଈଶ୍ୱର ପାର୍ମାଣ୍ କିତାନ୍‌ନା। ପରିକ୍ଷାତାଙ୍ଗ୍ ଜିତାଆତି ପାଚେ ହେ ମାନାୟାରିଙ୍ଗ୍ ହେ ମୁକୁଟ୍ ଈଶ୍ୱର ହିନାନ୍।

୧ ପିତର 3:14

ମାତର୍ ଏପେଙ୍ଗ୍ ଯଦି ହାର୍ କାମାୟ୍ କିନି କାଜିଙ୍ଗ୍ ଦୁଃକ୍ କଷ୍ଟ ପାୟାଆନାଦେରା, ଲାଗିଙ୍ଗ୍ ଏପେଙ୍ଗ୍ ଚିନ୍ତା କିମାଟ୍ କି, ବ୍ୟବହାର୍ କାଜିଙ୍ଗ୍ ପାଣ୍ଡ୍ରା ଆମାଟ୍, ହେଦାଙ୍ଗ୍ କାଜିଙ୍ଗ୍ ଈଶ୍ୱର ମିଙ୍ଗେଙ୍ଗ୍ ପୁରଷ୍କାର୍ ହିଦ୍‌ନାନ୍।