ରୋମିୟ 5:15 - New Testament in Pengo Parja Language

¹⁵ ଈଶ୍ୱର ମାଙ୍ଗେଙ୍ଗ୍ ଦୟାକିଜି ଦାନ୍ ହିତିଲେକେ ଆଦମ ପାପ୍ ଆକାୟ୍। ଇନେସ୍‌କି ର ମାନାୟ୍ ପାପ୍ କାଜିଙ୍ଗ୍ ୱିଜାକାରିଙ୍ଗ୍ ମାରାଣ୍ ୱାତାତ୍। ମାତର୍ ଈଶ୍ୱର ଦୟା ଆରେ ଦରମ୍ ମାନାୟ୍ ଆନି ଦାନ୍ ହେୱାନ୍ ମାଙ୍ଗେଙ୍ଗ୍ ହିତ୍‌ତାନ୍, ବେସିହେନି ମାନାୟ୍ ହେଦାଙ୍ଗ୍ ପୁଚାର୍ ଆରେ ହେଦାଙ୍ଗ୍ ବେସି ମୁଲ୍ଯବାନ୍‌। ଯୀଶୁ ଖ୍ରୀଷ୍ଟ ଦୟାକିଜି ଇନା କାମାୟ୍ କିତାନ୍‌ନା ହେଦାଙ୍ଗ୍ କାଜିଙ୍ଗ୍ ଈଶ୍ୱର ମା ପାପ୍ କେମା କିତ୍‌ତାନ୍।

ସତ୍‌ ବଚନ୍‌ ପୁନି ନିୟମ୍‌

¹⁵ ମାତର୍‌ ପାପ୍‌ ଇନେସ୍‌, ଉପ୍‌କାର୍‌ ଦାନ୍‌ ପା ଜେ ହେ ଲାକେ, ହେଦାଂ ଆକାୟ୍‌, ଇନେକିଦେଂକି ଜଦି ରୱାନ୍‌ତି ପାପ୍‌ ହୁକେ ହେନି ହାତାର୍‌, ତା ଆତିସ୍‌ ଇସ୍ୱର୍ତି ଉପ୍‌କାର୍‌ ଆରି ରୱାନ୍‌ ମାନାୟ୍‌ତିଂ, ଇଚିସ୍‌ ଜିସୁ କ୍ରିସ୍ଟତି ଉପ୍‌କାର୍‌ ହିତି ଦାନ୍‌ ହେନି କାଜିଂ ଆଦିକ୍‌ ବେସି ଆତାତ୍‌ ।

ରୋମିୟ 5:15 ပူးပေါင်းရင်းမြစ်များ

ମାତିଉ 20:28

ହେଲେକେ ଆନେଙ୍ଗ୍ ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା ପା ହେବା ପାୟା ଆଦେଙ୍ଗ୍ ୱାୱାତାନ୍‌ନା। ମାତର୍ ୱିଜାକାର୍ କାଜିଙ୍ଗ୍ ହାଃଜି ମୁକ୍ତି ହିଦେଙ୍ଗ୍ ୱାତାନ୍‌ନା।”

ମାତିଉ 26:28

ଆରେ ଯୀଶୁ ହେୱାରିଙ୍ଗ୍ ୱେଚ୍‌ଚାନ୍, “ଇ ଅଙ୍ଗୁର୍ ରାସ୍ ନା ନେତେର୍। ଇ ନେତେର୍ କାଜିଙ୍ଗ୍ ଈଶ୍ୱର ଆରେ ମାନାୟାର୍ ଲାହାଙ୍ଗ୍ ପୁନି ନିୟମ୍ ଆନାତ୍‌। ଆନେଙ୍ଗ୍ ଏଚେପାଦ୍ନା ହାଃନାଙ୍ଗ୍ ହେ ନେତେର୍ ୱିଜାକାର୍ ପାପ୍ କେମା କାଜିଙ୍ଗ୍ ବଡ଼ାଆନାତ୍।

ଜହନ୍‌ 3:16

ଇନେସ୍‌କି ଈଶ୍ୱର ପୁର୍ତିତିଙ୍ଗ୍ ଏଚେକ୍ ଲାଡ୍ କିତାନ୍ ଯେ, ହେୱାନ୍ ତା ରକାନ୍ ଇଞ୍ଜି ମେହିଙ୍ଗ୍ ହିତ୍‌ତାନ୍। ଇନେସ୍ ଲେକେ ତା ମାଜିଙ୍ଗ୍ ପାର୍ତିକିନାର୍ ହେ ମାନାୟାର୍, ନଷ୍ଟ ଆୱାଦାଙ୍ଗ୍ ୱିଜ୍‌ୱି ଜିବୁନ୍ ପାୟାଆନାର୍‌।

ଜହନ୍‌ 4:10

ଯୀଶୁ ହେଦେଲିଙ୍ଗ୍ ୱେଚ୍‌ଚାନ୍, “ଏନେଙ୍ଗ୍ ଈଶ୍ୱର ହିତି ଜିନିଷ୍ ବିଷୟରେ ପୁନ୍‌ୱାତାଇନା। ନିଙ୍ଗେଙ୍ଗ୍ ଏଜୁଙ୍ଗ୍ ଏନ୍ତିନି ମାନାୟ୍‌ତିଙ୍ଗ୍ ଏନେଙ୍ଗ୍ ପୁନୁୟେ। ଏନେଙ୍ଗ୍ ଯଦି ଇ ୱିଜୁବେଣ୍ ପୁଚାଇମା, ଲାଗିଙ୍ଗ୍ ଏନେଙ୍ଗ୍ ନାଙ୍ଗେଙ୍ଗ୍ ଏନ୍ତାତାଇମା। ଆରେ ଆନେଙ୍ଗ୍ ନିଙ୍ଗେଙ୍ଗ୍ ଜିବୁନ୍ ଏଜୁଙ୍ଗ୍ ହିତ୍‌ତାଙ୍ଗ୍‌ମା।”

ପକ୍ୟାତାକା 15:11

ଲାଗିଙ୍ଗ୍ ଆସେଙ୍ଗ୍ ଏଲେଙ୍ଗ୍ କିନାକା ହାର୍ ଆକାୟ୍। ହେୱାର୍ ଇନେସ୍ ମାପୃ ଯୀଶୁ ଦୟାତାଙ୍ଗ୍ ରକ୍ଷା ପାୟାଆନାପ୍ ଇଞ୍ଜି ପାର୍ତି କିତାର୍, ଆପେଙ୍ଗ୍ ପା ହେଲେକେ ପାୟାଆତାପ୍‌ନା, ମଶା ଲେକିକିତି ସାସ୍ତର୍ ନିୟମ୍‌ତିଙ୍ଗ୍ ମାନିକିତିସ୍ ଆସେଙ୍ଗ୍ ରକ୍ଷା ପାୟାଆଉସ୍‌।”

ରୋମିୟ 5:12

ଈଶ୍ୱର ପାର୍ତୁମ୍ ଆଦମତିଙ୍ଗ୍ ଉବ୍‌ଜାଇ କିତାନ୍, ହେ ମାନାୟ୍ କାଜିଙ୍ଗ୍ ପୁର୍ତିତାକେ ପାପ୍ ୱାତାତ୍, ଆରେ ହେ ଆଦମ ପାପ୍ କିତି କାଜିଙ୍ଗ୍ ପୁର୍ତିନି ୱିଜାର୍ ମାନାୟ୍‌ତିଙ୍ଗ୍ ମାରାଣ୍ ୱାତାତ୍। ହେୱାନ୍ ପାପ୍ କିତିଲେ ଆସେଙ୍ଗ୍ ପା ପାପ୍ କିତାସ୍, ଇନେସ୍‌କି ଆସେଙ୍ଗ୍ ୱିଜାକାସ୍ ତା କୁଟୁମ୍ ନିକାସ୍।

ରୋମିୟ 6:23

ଇନେସ୍‌କି ପାପ୍ କାମାୟ୍ କାଜିଙ୍ଗ୍ ମାରାଣ୍ ୱାତାତ୍, ମାତର୍ ମା ମାପୃ ଯୀଶୁ ଖ୍ରୀଷ୍ଟ କାଜିଙ୍ଗ୍ ୱିଜ୍‌ୱି ଜିବୁନ୍ ଈଶ୍ୱର ଦୟାତାଙ୍ଗ୍ ଦାନ୍ ହିତାନ୍।

୨ କରନ୍ତିୟ 5:14

ଇନେସ୍‌କି ଖ୍ରୀଷ୍ଟ ଲାଡ୍ ମାଙ୍ଗେଙ୍ଗ୍ କଣ୍ଟ୍ରୁଲ୍ କିଦ୍‌ନାତା, ହେଦାଙ୍ଗ୍ କାଜିଙ୍ଗ୍ ଆସେଙ୍ଗ୍ ପାର୍ତି କିନାସା ଯେ, ଖ୍ରୀଷ୍ଟ ୱିଜାର୍ କାଜିଙ୍ଗ୍ ହାଃତାନ୍, ଆରେ ଆସେଙ୍ଗ୍ ଇଦାଙ୍ଗ୍ ପାର୍ତି କିନାସା ଯେ, ଆସେଙ୍ଗ୍ ପା ତା ହୁଦାଙ୍ଗ୍ ହାଃତାସ୍‌ନା।

୨ କରନ୍ତିୟ 9:15

ଆସେଙ୍ଗ୍ ଈଶ୍ୱରତିଙ୍ଗ୍ ଦନ୍ଯବାଦ୍ ହିନି ଦର୍‌କାର୍, ଇନେସ୍‌କି ହେୱାନ୍ ଚାନିଆଆନି ଦାନ୍ ଯୀଶୁ ଖ୍ରୀଷ୍ଟଙ୍ଗ୍ ମା କାଜିଙ୍ଗ୍ ହିତ୍‌ତାନ୍‌ନା।

ଏପିସିୟ 2:8

ଲାଗିଙ୍ଗ୍ ପାର୍ତିକିନି କାଜିଙ୍ଗ୍ ଈଶ୍ୱର ତା ଦୟାତାଙ୍ଗ୍ ମିଙ୍ଗେଙ୍ଗ୍ ଉଦାର୍ କିତ୍‌ତାନ୍‌ନା। ଏପେଙ୍ଗ୍ ନିଜେ ଜାର୍‌ତିଙ୍ଗ୍ ରକ୍ଷା କିମାଟ୍, ମାତର୍ ଇଦାଙ୍ଗ୍ ଈଶ୍ୱର ଦାନ୍ କିତ୍‌ତାକା।

ଏବ୍ରି 2:9

ମାତର୍ ଆସେଙ୍ଗ୍ ଯୀଶୁଙ୍ଗ୍ ହୁଡ଼୍‌ନାସା! ଈଶ୍ୱର ଦୟାତାଙ୍ଗ୍ ଯୀଶୁ ଇନେସ୍ ୱିଜୁ ମାନାୟାର୍ କାଜିଙ୍ଗ୍ ହାଃନାନ୍, ଇଦାଙ୍ଗ୍ କାଜିଙ୍ଗ୍ ହେୱାନ୍ ଅଲପ୍ ସମୟ୍ କାଜିଙ୍ଗ୍ ଦୁତ୍‌କୁତାଙ୍ଗ୍ ହିରୁ ଆଜି ମାଚାନ୍। ହେୱାନ୍ ଦୁକ୍‌କଷ୍ଟ ଆରେ ହାଃତି କାଜିଙ୍ଗ୍, ଈଶ୍ୱର ହେୱାନିଙ୍ଗ୍ ଗୌରବ ଆରେ ସନ୍‌ମାନ୍‌ନି ମୁକୁଟ୍ ହିତାନ୍‌ନା।

୧ ଯୋହନ 2:2

ଖ୍ରୀଷ୍ଟ ମା ପାପ୍‌ନି ଦଣ୍ଡ୍‌ତିଙ୍ଗ୍ ପିଣ୍‌ଜି ଅନି କାଜିଙ୍ଗ୍ ହାଃତାନ୍। ହେୱାନ୍ ମା ପାପ୍ ନେ ଅୱାତାନ୍‌ନା, ମାତର୍ ପୁର୍ତିନି ୱିଜାର୍ ମାନାୟାର୍ ପାପ୍‌ତିଙ୍ଗ୍ ଅତାନ୍‌।

୧ ଯୋହନ 5:11

ଈଶ୍ୱର ଇ ଲେକେ ସାକି ହିତାନ୍‌ନା ଯେ, ଈଶ୍ୱର ମାଙ୍ଗେଙ୍ଗ୍ ୱିଜ୍‌ୱି ଜିବୁନ୍ ହିତ୍‌ତାନ୍‌ନା, ଆରେ ଇ ଜିବୁନ୍ ତା ମେହିତାକେ ମାନାତ୍।