ରୋମିୟ 5:10 - New Testament in Pengo Parja Language

¹⁰ ଇନେସ୍‌କି ଆସେଙ୍ଗ୍ ଏଚେପାଦ୍ନା ଈଶ୍ୱରତିଙ୍ଗ୍ ବିରଦ୍ କିଜି ମାଚାସ୍, ହେପାଦ୍ନା ମା ଯୀଶୁ ଖ୍ରୀଷ୍ଟ ମା କାଜିଙ୍ଗ୍ ହାଃତିଲେ ଆସେଙ୍ଗ୍ ଈଶ୍ୱର ହୁଦାଙ୍ଗ୍ ହାର୍ ରୱାଣ୍‌ ଇଡ଼୍‌ଜି ମାହା ଆତାସ୍‌। ନଙ୍ଗୟ୍ ଆପେଙ୍ଗ୍ ହାର୍‌ଦାଙ୍ଗ୍ ପୁଚାପ୍‌ନା ଯେ, ଈଶ୍ୱର ହୁଦାଙ୍ଗ୍ ହାର୍ ରୱାଣ୍‌ ଇଡ଼୍‌ତାପ୍‌ନା, ଆରେ ଯୀଶୁ ମାଙ୍ଗେଙ୍ଗ୍ ରକ୍ଷା କିଦ୍‌ନାନା, ଇନେସ୍‌କି ହେୱାନ୍ ନଙ୍ଗୟ୍ ପାତେକ୍ ଯିବୁନ୍ ମାନାନ୍।

ସତ୍‌ ବଚନ୍‌ ପୁନି ନିୟମ୍‌

¹⁰ ଇନେକିଦେଂକି ଆପ୍‌ ସାତ୍ରୁ ମାନି ସମୁତ ଜଦି ଇସ୍ୱର୍‌ ଲାହାଙ୍ଗ୍‌ ହେୱାନ୍ତି ମାଜ଼ିତି ହାକି ହୁକେ ମେହା ଆତାପ୍‌, ତା ଆତିସ୍‌ ଇଦାଂ ଆଦିକ୍‌ ହାତେନେ ଜେ, ଆପ୍‌ ମେହାଜ଼ି ହେୱାନ୍ତି ଜିବୁନ୍‌ ହୁକେ ମୁକ୍ତି ଆନାସ୍‌ ।

ରୋମିୟ 5:10 ပူးပေါင်းရင်းမြစ်များ

ଜହନ୍‌ 14:19

କେତ୍‌ଦିନ୍ ପାଚେ ଇ ପୁର୍ତିନି ମାନାୟାର୍ ନାଙ୍ଗେଙ୍ଗ୍ ଆରେ ହୁଡ଼୍‌ଦେଦେଙ୍ଗ୍ ଆଡ଼୍‌ଦୁର୍। ମାତର୍ ଏପେଙ୍ଗ୍ ନାଙ୍ଗେଙ୍ଗ୍ ହୁଡ଼୍‌ଦାନାଦେର୍। ଇନେସ୍‌କି ଆନେଙ୍ଗ୍ ଜିବୁନ୍ ମାନାଙ୍ଗ୍, ଏପେଙ୍ଗ୍ ପା ଜିବୁନ୍ ମାନ୍‌ଗାନାଦେର୍।

ଜହନ୍‌ 5:26

ମାତର୍ ସରଗ୍‌ନି ଆବା ଆନାନା ଜିବୁନ୍‌ନି ଆଦିକାର୍ ମାନାତ୍। ହେୱାନ୍ ତା ମେହିଙ୍ଗ୍ ପା ଜିବୁନ୍‌ନି ଆଦିକାର୍ ହିତାନ୍‌ନା।

ଜହନ୍‌ 6:40

ୱିଜାକାର୍ ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣାତିଙ୍ଗ୍ ହୁଡ଼୍‌ନାର୍, ଆରେ ହେୱାନ୍‌ତାକେ ପାର୍ତିକିନାର୍। ଆରେ ହେୱାର୍ ଇନେସ୍‌କି ୱିଜ୍‌ୱି ଜିବୁନ୍ ପାୟାଆନାର୍‌। ଆନେଙ୍ଗ୍ ହେୱାନିଙ୍ଗ୍ ସେସ୍‌ଦିନ୍‌ତ ଆରେରଗ ଜିବୁନ୍ କିନାଙ୍ଗ୍। ଇଦାଙ୍ଗ୍ ନେ ନାଙ୍ଗେଙ୍ଗ୍ ପକ୍ତିତି ଆବା ଈଶ୍ୱରତି ଇଚା।”

ଜହନ୍‌ 6:57

ନାଙ୍ଗେଙ୍ଗ୍ ପକ୍ତିତି ଆବା ଈଶ୍ୱର ଜିବୁନ୍ ହିଦ୍‌ନାନ୍। ଇନେସ୍ ଲେକେ ହେୱାନ୍ ନାଙ୍ଗେଙ୍ଗ୍ ଜିବୁନ୍ ହିଦ୍‌ନାନ୍, ହେଲେକେ ଆନେଙ୍ଗ୍ ପା ନା ଗାଗାଡ଼୍‌ନି ଜେଇ ତିନି ମାନାୟାରିଙ୍ଗ୍ ଜିବୁନ୍ ହିନାଙ୍ଗ୍।

ରୋମିୟ 11:28

ଯିହୁଦି ଜାତିନି ମାନାୟାର୍ ଈଶ୍ୱରତିଙ୍ଗ୍ ବିରଦ୍ କିନାରା, ଇନେସ୍‌କି ହେୱାର୍ ହାର୍ଦିକାବୁର୍‌ତିଙ୍ଗ୍ ପାର୍ତିକିନି ଇଚା କିଉରା ଆରେ ହେଦାଙ୍ଗ୍ ମି କାଜିଙ୍ଗ୍ ବେସି ଲାବ୍ ଆତାତ୍‌ନା। ମାତର୍ ତା ଆକଦାଦିରିଙ୍ଗ୍ ଈଶ୍ୱର ବେସି ଲାଡ୍ କିନାନା ଇନେସ୍‌କି ହେୱାରିଙ୍ଗ୍ ତା ଲକ୍ କିଦେଙ୍ଗ୍ ଆଗେତାଙ୍ଗ୍ ବାଚି କିତାନ୍‌ନା।

ରୋମିୟ 5:11

ୱାରା ଏଚେକ୍ ଆକାୟ୍, ମାତର୍ ନଙ୍ଗୟ୍ ଯୀଶୁ ଖ୍ରୀଷ୍ଟ କାଜିଙ୍ଗ୍ ଈଶ୍ୱର ହୁଦାଙ୍ଗ୍ ହାର୍ ରୱାଣ୍‌ ଇଡ଼୍‌ଜି ମାହାଆତାପ୍‌ନା, ହେଦାଙ୍ଗ୍ କାଜିଙ୍ଗ୍ ଆପେଙ୍ଗ୍ ୱାରି କିନାପା।

ରୋମିୟ 5:6

ଏଚେପାଦ୍ନା ମାଙ୍ଗେଙ୍ଗ୍ ସାଇଜ ଦର୍‌କାର୍ ମାଚାତ୍, ଟିକ୍ ହେପାଦ୍ନା ଯୀଶୁ ଖ୍ରୀଷ୍ଟ ୱାତାନ୍ ଆରେ ମା ପାପ୍ କାଜିଙ୍ଗ୍ ହାଃତାନ୍।

ରୋମିୟ 8:32

ଈଶ୍ୱର ତା ମେହିଙ୍ଗ୍ ନେ ତାବେ ଇଟ୍‌ୱାତାନ୍‌, ମାତର୍ ମା କାଜିଙ୍ଗ୍ ତାଙ୍ଗେଙ୍ଗ୍ ଶତ୍ରୁ କେଇଦ ହିତାନ୍, ଲାଗିଙ୍ଗ୍ ହେୱାନ୍ ପାର୍ମାଣ୍‌କିତି ୱିଜୁ ଜିନିଷ୍ ପା ମାଙ୍ଗେଙ୍ଗ୍ ଆଶ୍ରିବାଦ୍ କିତାନ୍।

ରୋମିୟ 8:34

ଇନେର୍ ପା ମାଙ୍ଗେଙ୍ଗ୍ ଦସି କିତ୍‌ଦେଙ୍ଗ୍ ଆଡ଼୍‌ଦୁର୍, ଇନେସ୍‌କି ଯୀଶୁ ଖ୍ରୀଷ୍ଟ ମା କାଜିଙ୍ଗ୍ ହାଃତାନ୍‌ନା। ଆରେ ହେ ମାରାଣ୍‌ତାଙ୍ଗ୍ ମା କାଜିଙ୍ଗ୍ ଜିବୁନ୍ ଆତାନ୍‌ନା। ହେୱାନ୍ ସନ୍‌ମାନ୍ ପାୟାଆନି ବାହାତାକେ ଈଶ୍ୱରତାକେ ତିନାବାଗାୟ୍ କୁଚ୍‌ଚାନ୍‌ନା, ଆରେ ହେୱାନ୍ ମାପଣ୍ଡାଙ୍ଗ୍ ଆଜି ଈଶ୍ୱରତିଙ୍ଗ୍ ଗୁୱାରି କିନାନା।

ରୋମିୟ 8:7

ଇନେସ୍‌କି ପାପ୍‍କିନି ଇଚା ୱିଜୁଦିନ୍ ଈଶ୍ୱରତିଙ୍ଗ୍ ବିରଦ୍ କିନାତ୍, ହେଦାଙ୍ଗ୍ ଈଶ୍ୱର ନିୟମ୍‌ତିଙ୍ଗ୍ ମାନି କିଦେଙ୍ଗ୍ ଇଚା କିଉତ୍ ଆରେ ଇନାୱେଡ଼ାଙ୍ଗ୍ ମାନିକିଉତ୍।

୨ କରନ୍ତିୟ 5:20

ଆସେଙ୍ଗ୍ ଖ୍ରୀଷ୍ଟ ବାଦୁଲ୍‌ତ ହାର୍ଦିକାବୁର୍ ଶୁଣାୟ୍ କିନି ମାନାୟ୍ ଆତାସ୍‌ନା, ଆରେ ଈଶ୍ୱର ମିହୁଦାଙ୍ଗ୍ ବେଣ୍‌କିଦେଙ୍ଗ୍ ମାଙ୍ଗେଙ୍ଗ୍ ବ୍ୟବହାର୍ କିଦ୍‌ନାନା। ଖ୍ରୀଷ୍ଟ ଇବେ ମାନ୍‌ଞ୍ଜି ଗୁୱାରି କିତିଲେକେ ଆପେଙ୍ଗ୍ ମିଙ୍ଗେଙ୍ଗ୍ ଗୁୱାରି କିଦ୍‌ନାପା, “ଏପେଙ୍ଗ୍ ଈଶ୍ୱର ହୁଦାଙ୍ଗ୍ ଆରେରଗ ମାହାଆଡ।”

୨ କରନ୍ତିୟ 5:21

ଇନେସ୍‌କି ଈଶ୍ୱର ଇନାୱେଡ଼ାଙ୍ଗ୍ ପାପ୍ କିୱିତି ଖ୍ରୀଷ୍ଟଙ୍ଗ୍ ମା ପାପ୍ କାଜିଙ୍ଗ୍ ହାଃଦେଙ୍ଗ୍ ହିତ୍‌ତାନ୍, ହେଦାଙ୍ଗ୍ କାଜିଙ୍ଗ୍ ଈଶ୍ୱର ମାଙ୍ଗେଙ୍ଗ୍ ଖ୍ରୀଷ୍ଟ କାଜିଙ୍ଗ୍ ତା ମୁମ୍‌ଦ ଦରମ୍ ମାନାୟ୍ କିଦ୍‌ଦେଙ୍ଗ୍ ଆଡ୍‌ନାନ୍।

ଏପିସିୟ 2:16

ଆରେ ଖ୍ରୀଷ୍ଟ ତା କୃଶକାଟ୍‌ତାକେ ହାଃତି କାଜିଙ୍ଗ୍ ରି ଜାତିତିଙ୍ଗ୍ ଏକ୍ କିତାନ୍‌ନା ଆରେ ଈଶ୍ୱରତାକେ ମାହାଇ କିତ୍‌ତାନ୍‌ନା। ଇଲେକେ ହେୱାନ୍ ଯିହୁଦି ଆରେ ବିନ୍‌ଜାତିନି ମାନାୟାର୍ ବିତ୍ରେ ମାନି ଶତ୍ରୁତିଙ୍ଗ୍ ନଷ୍ଟ କିତାନ୍‌ନା।

ଏପିସିୟ 2:3

ଆସେଙ୍ଗ୍ ପା ହେୱାର୍ ଲେକେ ଆଗେ ଜିବୁନ୍ କାଟିକିଜି ମାଚାପ୍। ଆପେଙ୍ଗ୍ ପାପ୍ ଗାଗାଡ଼୍‌ନି ଇଚାତାଙ୍ଗ୍ ଜିବୁନ୍ କାଟିକିଜି ମାନ୍‌ନି ୱିଜୁ ଇଚାତାଙ୍ଗ୍ ପୁରା କିଜି ମାଚାପ୍। ଆରେ ହେ ଆଦେସ୍ ମାନିକିୱି ହିମ୍‌ଣାର୍ ହୁଦାଙ୍ଗ୍ ଆପେଙ୍ଗ୍ ୱିଜାକାପ୍ ପା ରଞ୍ଜେମାଡ୍ ମା ଗାଗାଡ଼୍‌ନି ଇଚାତାଙ୍ଗ୍ ଜିବୁନ୍ କାଟିକିଜି ଗାଗାଡ଼୍‌ନି ଆରେ ମାନ୍‌ନି ଇଚା ପୁରା କିଜି ମାଚାପ୍। ଲାଗିଙ୍ଗ୍ ଜେକନିକାର୍ ଲେକେ ଆପେଙ୍ଗ୍ ପା ଈଶ୍ୱର ଦଣ୍ଡ୍ ପାୟାଆନି ଯଗ୍ଯ ଆଜି ମାଚାପ୍।

ଏବ୍ରି 2:17

ଲାଗିଙ୍ଗ୍ ଇନେସ୍ ହେୱାନ୍ ଈଶ୍ୱର ଲାଗାୟ୍ ମା କାଜିଙ୍ଗ୍ ଦୟା ଆରେ ବିସ୍‌ବସ୍ତ ପ୍ରଦାନ୍ ମୁଡ଼୍‌ଦି ପୁଜାରି ଆଦେଙ୍ଗ୍ ଆଡ୍‌ନାନ୍। ଆରେ ମା ପାପ୍‌ତିଙ୍ଗ୍ ଦେହା କିଦେଙ୍ଗ୍ ହେୱାନ୍ ନିଜେ ଇନେସ୍ ବଲିପୁଜା କିଦେଙ୍ଗ୍ ଆଡ୍‌ନାନ୍, ହେଦାଙ୍ଗ୍ କାଜିଙ୍ଗ୍ ତା ଟଣ୍ଡାହିର୍ ଲେକେ ଯୀଶୁ ପା ୱିଜୁ ବିଷୟରେ ହାମାନ୍ ଆଦେଙ୍ଗ୍ ଦର୍‌କାର୍ ମାଚାତ୍।

ଏବ୍ରି 7:25

ଲାଗିଙ୍ଗ୍ ଯୀଶୁତାଙ୍ଗ୍ ଇମ୍‌ଣାକାର୍ ଈଶ୍ୱର ଲାଗାୟ୍ ୱାନାର୍, ହେୱାନ୍ ହେୱାରିଙ୍ଗ୍ ୱିଜୁଦିନ୍ କାଜିଙ୍ଗ୍ ଉଦାର୍ କିଦେଙ୍ଗ୍ ଆଡ୍‌ନାନ୍। ଇନେସ୍‌କି ଈଶ୍ୱର ଲାଗାୟ୍ ହେୱାର୍ ନିପଣ୍ ଆଜି ଗୁୱାରି କିନି କାଜିଙ୍ଗ୍ ହେୱାନ୍ ୱିଜୁଦିନ୍ କାଜିଙ୍ଗ୍ ଜିବୁନ୍ ମାନାନ୍।

୧ ଯୋହନ 2:1

ଏ କାଡ଼୍‌ଦେର୍, ଏପେଙ୍ଗ୍ ଇନେସ୍‌କି ପାପ୍ କିଉଦେର୍, ଇଦାଙ୍ଗ୍ ଆନେଙ୍ଗ୍ ମି କାଜିଙ୍ଗ୍ ଲେକିକିନାଙ୍ଗା। ମାତର୍ ଏପେଙ୍ଗ୍ ଯଦି ପାପ୍ କିନାଦେର୍, ଆବା ଈଶ୍ୱର ଆଗେ ମାପଣ୍ଡାଙ୍ଗ୍ ଆଜି ୱେଚ୍‌ନାକାନ୍ ର ମାନାୟ୍ ମାନାନ୍, ହେୱାନ୍ ଦରମ୍ ଯୀଶୁ ଖ୍ରୀଷ୍ଟ।

୧ ଯୋହନ 4:10

ଆସେଙ୍ଗ୍ ଈଶ୍ୱରତିଙ୍ଗ୍ ଲାଡ୍ କିନାସା, ହେଦାଙ୍ଗ୍ ଆକାୟ୍, ମାତର୍ ହେୱାନ୍ ମାଙ୍ଗେଙ୍ଗ୍ ଲାଡ୍ କିତ୍‌ତାନ୍। ଆରେ ତା ମେହିଙ୍ଗ୍ ମା ପାପ୍‌ନି ଦଣ୍ଡ୍‌ତିଙ୍ଗ୍ ପିଣ୍‌ଜି ଅନି କାଜିଙ୍ଗ୍ କୃଶକାଟ୍‌ତାକେ ହାଃଦେଙ୍ଗ୍ ପକ୍ତାତାନ୍, ଏଲେଙ୍ଗ୍ କିଜି ହେୱାନ୍ ତା ଲାଡ୍‌ତିଙ୍ଗ୍ ଚଚ୍‌ଚାତାନ୍।

ହତ୍‌ତି 1:18

ଆନେଙ୍ଗ୍ ନେ ହାଃତାକାଙ୍ଗ୍ ନଙ୍ଗୟ୍ ଜିବୁନ୍ ମାନାଙ୍ଗ୍, ଆନେଙ୍ଗ୍ ରଗ ହାଃଜି ମାଚାଙ୍ଗ୍ ମାତର୍ ନଙ୍ଗୟ୍ ଆନେଙ୍ଗ୍ ଜିବୁନ୍ ମାନାଙ୍ଗ୍ ଆରେ ନଙ୍ଗୟ୍ ୱିଜୁଦିନ୍ କାଜିଙ୍ଗ୍ ଜିବୁନ୍ ମାନ୍‌ଗାନାଙ୍ଗ୍। ନାବେ ମାରାଣ୍‌ତିଙ୍ଗ୍ ଆରେ ପାତାଳ୍‌ତିଙ୍ଗ୍ ଆରେ ହାଃତାକାରିଙ୍ଗ୍ ଆରେରଗ ଜିବୁନ୍ କିନି ଅଦିକାର୍ ମାନାତ୍।