ରୋମିୟ 4:2 - New Testament in Pengo Parja Language

² ଯଦି ଅବ୍ରାହାମ ତା ହାର୍ କାମାୟ୍ କାଜିଙ୍ଗ୍ ଈଶ୍ୱର ତାଙ୍ଗେଙ୍ଗ୍ ଦରମ୍ ଆତାନ୍‌ନା, ଲାଗିଙ୍ଗ୍ ହେୱାନ୍ ଗାର୍‌ବି ଆନାକା ଟିକ୍। ମାତର୍ ଈଶ୍ୱର ଆଗେ ହାର୍ କାମାୟ୍ କିତାଙ୍ଗ୍‌ନା ଇଞ୍ଜି ଗାର୍‌ବି ଆଦେଙ୍ଗ୍ ଆଡୁନ୍।

ସତ୍‌ ବଚନ୍‌ ପୁନି ନିୟମ୍‌

² ଇନାକିଦେଂକି ଅବ୍ରାହାମ୍‌ ଜଦି କିନି କାମାୟ୍‌ନି ଦାର୍ମି ଇଞ୍ଜି ଗାଣା କିୟାତାନ୍‌, ଲାଗିଂ ତା ଗରବ୍‌ କିନାକା ମାନାତ୍‌, ମାତର୍‌ ଇସ୍ୱର୍‌ତି ଲାଗାଂ ହିଲେତ୍ ।

ରୋମିୟ 4:2 ပူးပေါင်းရင်းမြစ်များ

ରୋମିୟ 15:17

ଯୀଶୁ ହୁଦାଙ୍ଗ୍ ମାହାଆଜି ଈଶ୍ୱରତି ହେବା କିତି କାଜିଙ୍ଗ୍ ଆନେଙ୍ଗ୍ ୱାରିୟା ଆନାଙ୍ଗା।

୧ କରନ୍ତିୟ 1:29

ଲାଗିଙ୍ଗ୍ ଇନେର୍ ପା ଈଶ୍ୱର ମୁମ୍‌ଦ ଆନେଙ୍ଗ୍ ଗାଜାକାଙ୍ଗ୍ ଇଞ୍ଜି ଚଞ୍ଜିଆ ଆଦେଙ୍ଗ୍ ଆଡୁର୍।

୧ କରନ୍ତିୟ 1:31

ହେଦାଙ୍ଗ୍ କାଜିଙ୍ଗ୍ ଦରମ୍ ସାସ୍ତର୍‌ତାକେ ଲେକା ମାନାତ୍ ଯେ, “ଇମ୍‌ଣି ମାନାୟ୍ ଗାର୍‌ବି ଆଦେଙ୍ଗ୍ ଇଚା କିନାନା, ହେୱାନ୍ ମାପୃ ତା କାଜିଙ୍ଗ୍ ଇନାକା କିତାତ୍‌ନା ହେଦାଙ୍ଗ୍ କାଜିଙ୍ଗ୍ ଗାର୍‌ବି ଆନି ଦର୍‌କାର୍।”

୧ କରନ୍ତିୟ 4:7

ଇନେର୍ ପା ମିଙ୍ଗେଙ୍ଗ୍ ଗାଜାକାର୍ କିଦ୍‌ୱାତାର୍‌ନା। ଈଶ୍ୱର ମିଙ୍ଗେଙ୍ଗ୍ ୱିଜୁ ଜିନିଷ୍ ହିତ୍‌ତାନ୍‌ନା। ଲାଗିଙ୍ଗ୍ ଏପେଙ୍ଗ୍ ବାଟ୍‌ପାଣ୍ ଆନି ଅଦିକାର୍ ହିଲେତ୍, ଇନେସ୍‌କି ଇନାକା ୱିଜୁ ପାୟା ଆତାଦେର୍‌ନା ହେ ୱିଜୁ ଈଶ୍ୱର ମିଙ୍ଗେଙ୍ଗ୍ ହିତ୍‌ତାନ୍‌ନା।

୧ କରନ୍ତିୟ 9:16

ଯଦି ଆନେଙ୍ଗ୍ ହାର୍ଦିକାବୁର୍ ଶୁଣାୟ୍ କିନାଙ୍ଗା, ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ବାଟ୍‌ପାଣ୍ ଆନି ଦର୍‌କାର୍ ଆକାୟ୍। ଇନେସ୍‌କି ଈଶ୍ୱର ନାଙ୍ଗେଙ୍ଗ୍ ହେଦାଙ୍ଗ୍ କିଦେଙ୍ଗ୍ ଆଦେସ୍ ହିତ୍‌ତାନ୍‌ନା ଆରେ ଯଦି ଆନେଙ୍ଗ୍ ହାର୍ଦିକାବୁର୍ ଶୁଣାୟ୍ କିଉଙ୍ଗ୍, ଲାଗିଙ୍ଗ୍ ହେୱାନ୍ ନାଙ୍ଗେଙ୍ଗ୍ ଦଣ୍ଡ୍ ହିଦ୍‌ନାନ୍।

୨ କରନ୍ତିୟ 11:12

ଲାଗିଙ୍ଗ୍ ଆନେଙ୍ଗ୍ ହେ ମିଚ୍ ଚେଲାରିଙ୍ଗ୍ ବନ୍ଦ୍ କିଦେଙ୍ଗ୍ ଆଡ୍‌ନାଙ୍ଗ୍, ଇମ୍‌ଣାକାର୍ ମା ହୁଦାଙ୍ଗ୍ ହାମାନ୍ ଇଞ୍ଜି ଜାର୍‌ତିଙ୍ଗ୍ ବାବିକିନାର୍। ହେୱାର୍ ହାତ୍‌ପା ବାଟ୍‌ପାଣ୍ ଆନି କାଜିଙ୍ଗ୍ ଉପାୟ୍ ଦାହ୍‌ନାରା, ଲାଗିଙ୍ଗ୍ ହେୱାର୍ ମା ହୁଦାଙ୍ଗ୍ ହାମାନ୍ ଇଞ୍ଜି ଚଚ୍‌ଚେଙ୍ଗ୍ ଆଡ୍‌ନାର୍।

୨ କରନ୍ତିୟ 11:30

ଯଦି ଆନେଙ୍ଗ୍ ବାଟ୍‌ପାଣ୍ ଆନାଙ୍ଗ୍, ଲାଗିଙ୍ଗ୍ ଆନେଙ୍ଗ୍ ଇ ଦୁର୍‌ବଲ୍ କାଜିଙ୍ଗ୍ ବାଟ୍‌ପାଣ୍ ଆୟା ଆନାତ୍।

୨ କରନ୍ତିୟ 5:12

ଆପେଙ୍ଗ୍ ଆରେରଗ ମି ଆଗେ ଗାଜାକାପ୍ ଇଞ୍ଜି ଚଞ୍ଜିଆ ଆନି କାଜିଙ୍ଗ୍ ଉପାୟ୍ କିଉପା, ମାତର୍ ମା ହୁଦାଙ୍ଗ୍ ମାହାଆଜି ବାଟ୍‌ପାଣ୍ ଆନି କାଜିଙ୍ଗ୍ ସୁଯଗ୍ ହିଦ୍‌ନାପା। ଲାଗିଙ୍ଗ୍ ଏପେଙ୍ଗ୍ ଗରବ୍ ବିଷୟ କାଜିଙ୍ଗ୍ ବାଟ୍‌ପାଣ୍ ଆୱାଦାଙ୍ଗ୍ ବାର୍ତ ବାଟ୍‌ପାଣ୍ ଆନାକାରିଙ୍ଗ୍ ଉତର୍ ହିଦେଙ୍ଗ୍ ଆଡ୍‌ନାଦେର୍।

ଗାଲାତିୟ 3:22

ମାତର୍ ଦରମ୍ ସାସ୍ତର୍ ୱେଚ୍‌ଚାନାତା ଯେ, ଆସେଙ୍ଗ୍ ୱିଜାକାସ୍ ପାପ୍ ଶାକ୍ତିତାଙ୍ଗ୍ ବନ୍ଦି ଆତାସ୍‌ନା। ଲାଗିଙ୍ଗ୍ ଆସେଙ୍ଗ୍ ଯୀଶୁ ଖ୍ରୀଷ୍ଟଙ୍ଗ୍ ପାର୍ତିକିନି କାଜିଙ୍ଗ୍ ଈଶ୍ୱର କିଜିମାଚି ସ୍ୱାଦିନ୍‌ନି ପାର୍ମାଣ୍‌ତିଙ୍ଗ୍ ପାୟାଆତାସ୍।

ଏପିସିୟ 2:9

ଏପେଙ୍ଗ୍ ଇମ୍‌ଣି ହାର୍ଦି କାମାୟ୍ କିତି କାଜିଙ୍ଗ୍ ଉଦାର୍ ପାୟାଆୱାତାସ୍‌ନା, ଲାଗିଙ୍ଗ୍ ଏପେଙ୍ଗ୍ ଜାର୍‌ତିଙ୍ଗ୍ ବାଟ୍‌ପାଣ୍ ଆମାଟ୍।

ପିଲିପିୟ 3:9

ଆନେଙ୍ଗ୍ ମୋଶା ନିୟମ୍‌ତିଙ୍ଗ୍ ମାନିକିନି କାଜିଙ୍ଗ୍ ଆନେଙ୍ଗ୍ ଦରମ୍ ମାନାୟ୍ ଆୱାତାଙ୍ଗ୍‌ନା, ମାତର୍ ଖ୍ରୀଷ୍ଟଙ୍ଗ୍ ପାର୍ତିକିନି କାଜିଙ୍ଗ୍ ଆନେଙ୍ଗ୍ ଦରମ୍ ମାନାୟ୍ ଆତାଙ୍ଗ୍‌ନା। ହେ ଦରମ୍‌ନି ବିଷୟ ଈଶ୍ୱର ହିତ୍‌ତାନ୍‌ନା।