ରୋମିୟ 3:31 - New Testament in Pengo Parja Language

³¹ ଲାଗିଙ୍ଗ୍ ଆସେଙ୍ଗ୍ ପାର୍ତି କାଜିଙ୍ଗ୍ ନିୟମ୍‌ତିଙ୍ଗ୍ ଗୁଚାୟ୍ କିନାସା କି? ହେଦାଙ୍ଗ୍ ଇନାୱେଡ଼ାଙ୍ଗ୍ ପା ଆମେତ୍, ମାତର୍ ଆପେଙ୍ଗ୍ ଦରମ୍ ସାସ୍ତର୍‌ତିଙ୍ଗ୍ ପୁରା କିନାପ୍।

ସତ୍‌ ବଚନ୍‌ ପୁନି ନିୟମ୍‌

³¹ ବାଟିଙ୍ଗ୍‌ ଆପ୍‌ କି ପାର୍ତି ହୁକେ ବିଦିତିଂ ୱିହ୍‌ନାପା ? ହେଦାଂ ଇନାୱେଡ଼ାଂ ପା ଆମେତ୍‌ ଇଚିସ୍‌ ଆପ୍‌ ପାର୍ତି ହୁକେ ବିଦିନି କୁନାଦି ଡାଟ୍‌ କିନାସା ।

ରୋମିୟ 3:31 ပူးပေါင်းရင်းမြစ်များ

ମାତିଉ 15:6

ଏପେଙ୍ଗ୍ ଏଲେଙ୍ଗ୍ ଇଞ୍ଜି ଜାର୍ ଆୟାଆବାରିଙ୍ଗ୍ ମାନି କିଦେଙ୍ଗ୍ ହିଉଦେରା। ହେଲେକେ ଏପେଙ୍ଗ୍ ମାନାୟାରିଙ୍ଗ୍ ହିକ୍ଷା ହିନିହିଙ୍ଗ୍ ଈଶ୍ୱର ସାସ୍ତର୍ ବିଦିତିଙ୍ଗ୍ ପିହ୍‌ନାଦେରା। ଆରେ ଆଗେନିକାର୍ ହିକାଇ କିତି ବିଦିତିଙ୍ଗ୍ ଏପେଙ୍ଗ୍ ମାନି କିନାଦେରା, ଏପେଙ୍ଗ୍ ଇ ବିଦିତିଙ୍ଗ୍ ମାନିକିଜି ବେସିବୁଲ୍ କିନାଦେରା।”

ମାତିଉ 3:15

ମାତର୍ ଯୀଶୁ ହେୱାନିଙ୍ଗ୍ ୱେଚ୍‌ଚାନ୍, “ନଙ୍ଗୟ୍ ରାଜି ଆ, ଇନେସ୍‌କି ହେଲେକେ ୱିଜୁ ହାର୍ଦି ବିଷୟ ମାନିକିନି ଦର୍‌କାର୍।” ଲାଗିଙ୍ଗ୍ ଡୁବନ୍‌ହିନି ଯୋହନ ଯୀଶୁ କାତାତିଙ୍ଗ୍ ଡୁବନ୍ ହିଦେଙ୍ଗ୍ ରାଜି ଆତାନ୍।

ମାତିଉ 5:17

ଯୀଶୁ ମୋଶା ଲେକିକିତି ନିୟମ୍‌ନି ସାସ୍ତର୍ ଭବିଷ୍ଯତବକ୍ତା କାଜିଙ୍ଗ୍ ଦରମ୍ ବେଣ୍ ବାଙ୍ଗାୟ୍ କିଦେଙ୍ଗ୍ ୱାତାଙ୍ଗ୍‌ନା, ଏଲେଙ୍ଗ୍ ଏପେଙ୍ଗ୍ ବାବିକିମାଟ୍, ମାତର୍ ପୁରା କିଦେଙ୍ଗ୍ ୱାତାଙ୍ଗ୍‌ନା।

ମାତିଉ 5:20

ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚାନାଙ୍ଗା, ଈଶ୍ୱର ଇଚାନି ଆଦେସ୍‌ତିଙ୍ଗ୍ ମାନିକିଜି ଏପେଙ୍ଗ୍ ପଣ୍ଡିତ୍‌ ଆରେ ପାରୁସିଦଳ୍‍ତାଙ୍ଗ୍‌ ଆଗେ ଆନାଦେର୍। ଲାଗିଙ୍ଗ୍ ଏପେଙ୍ଗ୍ ଈଶ୍ୱର ସାସନ୍ କିନି ରାଜିତାକେ ହାଞ୍ଜେଙ୍ଗ୍ ଆଡ୍‌ନାଦେର୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 20:16

ମାଲିକ୍ ୱାଜି ଆଦି ଆସ୍ତାକାରିଙ୍ଗ୍ ଅହ୍‌ନାନ୍। ଆରେ ଅଲଗାଲଗାଙ୍ଗ୍ ଅଙ୍ଗୁର୍ ବାଡ଼୍ ହିନାନ୍।’ ମାନାୟାର୍ ଇ ବେଣ୍‌ତିଙ୍ଗ୍ ୱେନ୍‌ଞ୍ଜି ୱେଚ୍‌ଚାର୍, ‘ଈଶ୍ୱରଲେକେ କିମେନ୍।’ ”

ରୋମିୟ 10:4

ଲାଗିଙ୍ଗ୍ ଖ୍ରୀଷ୍ଟ ଦରମ୍ ସାସ୍ତର୍‌ତାକେ ଲେକାଆତି ନିୟମ୍ ୱିଜୁତିଙ୍ଗ୍ ପୁରା କିତାନ୍‌ନା, ଲାଗିଙ୍ଗ୍ କେତେକ୍ ମାନାୟ୍ ତାଙ୍ଗେଙ୍ଗ୍ ପାର୍ତିକିନାର୍, ଈଶ୍ୱର ହେୱାରିଙ୍ଗ୍ ଦରମ୍ ମାନାୟ୍ କିନାନ୍‌।

ରୋମିୟ 2:20

ଆରେ ଏପେଙ୍ଗ୍ ବୁଦିହିଲି ମାନାୟାରିଙ୍ଗ୍ ହିକ୍ଷାହିଦେଙ୍ଗ୍ ଆରେ ଈଶ୍ୱରତି ସତ୍ ହିକ୍ଷାତିଙ୍ଗ୍ ହିମ୍‌ଣାରିଙ୍ଗ୍ ହିକାୟ୍ କିଦେଙ୍ଗ୍ ଆଡ୍‌ନାପ୍ ଇଞ୍ଜି ଜାର୍‌ତିଙ୍ଗ୍ ୱେଚ୍‌ନାଦେରା। ଇନେସ୍‌କି ମୋଶା ନିୟମ୍‌ତାଙ୍ଗ୍ ପୁରା ସତ୍ ଆରେ ଜ୍ଞାନ୍‌ନି ବିଷୟ ପୁଚାପ୍‌ନା ଇଞ୍ଜି ଜାର୍‌ତିଙ୍ଗ୍ ବାବିକିନାଦେରା।

ରୋମିୟ 3:4

ପୁର୍ତିନି ୱିଜୁ ମାନାୟାର୍ ମିଚ୍ ୱେଚ୍‌ନାର୍, ମାତର୍ ଈଶ୍ୱର ୱିଜୁଦିନ୍ ସତ୍ ୱେଚ୍‌ନାନ୍, ଇନେସ୍‌କି ଇଲେକେ ଦରମ୍ ସାସ୍ତର୍‌ତାକେ ଈଶ୍ୱର ବିଷୟରେ ଲେକା ମାନାତ୍, ଏପେଙ୍ଗ୍ ୱେଚ୍‌ନି ୱିଜୁ କାତା ଟିକ୍ ଆନାତ୍, ଆରେ ବିଚାର୍ କିଦ୍‌ନି ବାହାତାକେ ଏପେଙ୍ଗ୍ ଜିତା ଆନାଦେର୍।

ରୋମିୟ 3:6

ହେଦାଙ୍ଗ୍ ଇନାୱେଡ଼ାଙ୍ଗ୍ ପା ଆମେତ୍, ଯଦି ଈଶ୍ୱର ଯିହୁଦି ଜାତିନି ମାନାୟାରିଙ୍ଗ୍ ନ୍ୟାୟ୍ ବିଚାର୍ କିଦେଙ୍ଗ୍ ଆଡୁନା, ଲାଗିଙ୍ଗ୍ ଈଶ୍ୱର ଇନେସ୍ କିଜି ପୁର୍ତିନି ମାନାୟାରିଙ୍ଗ୍ ନ୍ୟାୟ୍ ବିଚାର୍ କିନାନ୍।

ରୋମିୟ 4:14

ଯଦି ଅବ୍ରାହାମ ଆରେ ତା କୁଟୁମ୍‌ତିଙ୍ଗ୍ ଈଶ୍ୱର ନିୟମ୍‌ତିଙ୍ଗ୍ ମାନିକିତି କାଜିଙ୍ଗ୍ ଇ ପାର୍ମାଣ୍‌ତିଙ୍ଗ୍ ହିତାନ୍‌ନା, ଲାଗିଙ୍ଗ୍ ଅବ୍ରାହାମ ପାର୍ତି କିତାକା ବେକାର୍ ଆତାତ୍‌ମା ଆରେ ଈଶ୍ୱର ହିତି ପାର୍ମାଣ୍ ପା ପୁରା ଆୱାତାତ୍‌ମା।

ରୋମିୟ 7:22

ଆନେଙ୍ଗ୍ ନା ଗରବ୍‌ତାଙ୍ଗ୍ ଈଶ୍ୱର ଦରମ୍ ସାସ୍ତର୍‌ନି ନିୟମ୍‌ତିଙ୍ଗ୍ ଲାଡ୍ କିନାଙ୍ଗା,

ରୋମିୟ 7:25

ଆନେଙ୍ଗ୍ ମା ମାପୃ ଯୀଶୁ ଖ୍ରୀଷ୍ଟ କାଜିଙ୍ଗ୍ ଈଶ୍ୱରତିଙ୍ଗ୍ ଦନ୍ଯବାଦ୍ ହିନାଙ୍ଗା, ଇନେସ୍‌କି ହେୱାନ୍ ନାଙ୍ଗେଙ୍ଗ୍ ଉଦାର୍ କିଦ୍‌ନାନ୍। ଆନେଙ୍ଗ୍ ନା ମାନ୍ତ ତା ଦରମ୍ ସାସ୍ତର୍‌ନି ନିୟମ୍ ମାନି କିଦେଙ୍ଗ୍ ଇଚା କିନାଙ୍ଗା, ମାତର୍ ନା ଗରବ୍‌ତାକେ କରାପ୍ ଇଚା ମାନି କାଜିଙ୍ଗ୍ ଆନେଙ୍ଗ୍ ନଙ୍ଗୟ୍ ପାତେକ୍ ପାପ୍ କିନାଙ୍ଗା।

ରୋମିୟ 8:4

ହେୱାନ୍ ଇଲେକେ କିଜି ଦରମ୍ ସାସ୍ତର୍‌ନି ନିୟମ୍‌ତିଙ୍ଗ୍ ମା କାଜିଙ୍ଗ୍ ପୁରା କିତାନ୍, ଆରେ ଆପେଙ୍ଗ୍ ମା ପାପ୍‍କିନି ଇଚା ଅନୁସାରେ ଜିବୁନ୍ କାଟି କିୱାଦାଙ୍ଗ୍ ପବିତ୍ର ଆତ୍ମା ସାଇଜତାଙ୍ଗ୍ ଜିବୁନ୍ କାଟିକିନାପା।

୧ କରନ୍ତିୟ 9:21

ହେଲେକେ ଆନେଙ୍ଗ୍ ଏଚେପାଦ୍ନା ବିନ୍‌ଜାତିନି ମାନାୟାର୍‌ତାକେ କାମାୟ୍ କିଜି ମାଚାଙ୍ଗ୍, ଆନେଙ୍ଗ୍ ହେୱାରିଙ୍ଗ୍ ଖ୍ରୀଷ୍ଟତାକେ ତାସିୱାନାଙ୍ଗ୍ ଦରମ୍ ସାସ୍ତରତିଙ୍ଗ୍ ମାନିକିୱି ବିନ୍‌ଜାତିର୍ ମାନାୟ୍ ଲେକେ ଜିବୁନ୍ କାଟିକିଜି ମାଚାଙ୍ଗ୍। ଆନେଙ୍ଗ୍ ଈଶ୍ୱର ନିୟମ୍‌ତିଙ୍ଗ୍ ମାନିକିଜି ଜିବୁନ୍ କାଟିକିଜି ମାନାଙ୍ଗ୍, ଇନେସ୍‌କି ଆନେଙ୍ଗ୍ ଖ୍ରୀଷ୍ଟନି ନିୟମ୍ ତାରେନ୍ ମାନାଙ୍ଗ୍।

ଗାଲାତିୟ 2:19

ଆନେଙ୍ଗ୍ ଏଚେପାଦ୍ନା ନିୟମ୍‌ତିଙ୍ଗ୍ ମାନି କିଦେଙ୍ଗ୍ ଉପାୟ୍ କିତାଙ୍ଗ୍, ଇଦାଙ୍ଗ୍ ନାଙ୍ଗେଙ୍ଗ୍ ଦସି କିତ୍‌ତାତ୍। ଆରେ ଆନେଙ୍ଗ୍ ନିୟମ୍ କାଜିଙ୍ଗ୍ ହାଃତାଙ୍ଗ୍‌ନା, ଲାଗିଙ୍ଗ୍ ଆନେଙ୍ଗ୍ ଇନେସ୍ ଈଶ୍ୱର କାଜିଙ୍ଗ୍ ଜିଜି ମାନାଙ୍ଗ୍, ଇଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ଆରେ ନିୟମ୍ ୱିଜୁତିଙ୍ଗ୍ ମାନି କିଦେଙ୍ଗ୍ ଉପାୟ୍ କିଉଙ୍ଗା।

ଗାଲାତିୟ 2:21

ଈଶ୍ୱର ମାଙ୍ଗେଙ୍ଗ୍ ଦୟାକିଜି ଉଦାର୍ କିଦ୍‌ନି ବିଷୟତିଙ୍ଗ୍ ଆନେଙ୍ଗ୍ ବେକାରେ କିଉଙ୍ଗ୍। ଇନେସ୍‌କି ନିୟମ୍ ସାସ୍ତର୍ ମାନିକିନି କାଜିଙ୍ଗ୍ ଯିଦି ଦରମ୍ ଗାଟାଆଦ୍‍ନାତ୍, ଲାଗିଙ୍ଗ୍ ଖ୍ରୀଷ୍ଟ ହାଃନାକା ପା ବେକାରେ ଆନାତ୍।”