ରୋମିୟ 2:27 - New Testament in Pengo Parja Language

²⁷ ଆରେ ଯଦି ସୁନତ ଆୱିତି ବିନ୍‌ଜାତିନି ମାନାୟ୍ ମଶା ଲେକିକିତି ନିୟମ୍‌ତିଙ୍ଗ୍ ମାନି କିନାରା ହେୱାନ୍ ମଶା ଲେକିକିତି ଦରମ୍ ସାସ୍ତର୍‌ତିଙ୍ଗ୍ ପୁଚାର୍‌ନା ଆରେ ସୁନତ ଆତି ମାନାୟ୍‌ତାଙ୍ଗ୍ ହାର୍।

ସତ୍‌ ବଚନ୍‌ ପୁନି ନିୟମ୍‌

²⁷ ଆରେ, ତର୍‌ଦିଂ ସୁନ୍ନତ୍‌ ଆୱାତାକାର୍‌ ମାନାୟ୍‌ ଜଦି ବିଦି ପାଲି କିତାର୍‌, ବାଟିଙ୍ଗ୍‌ ଲେକିକିତି ବିଦି ଆରି ସୁନ୍ନତ୍‌ନି ବିଦି ପାୟା ଆଜ଼ି ପା ବିଦି ମାନିକିଉଦେରା ଜେ ଏପେଙ୍ଗ୍‌ ହେୱାନ୍‌ ମି ବିଚାର୍‌ କିଦ୍‌ନାନ୍‌ ।

ରୋମିୟ 2:27 ပူးပေါင်းရင်းမြစ်များ

ମାତିଉ 3:15

ମାତର୍ ଯୀଶୁ ହେୱାନିଙ୍ଗ୍ ୱେଚ୍‌ଚାନ୍, “ନଙ୍ଗୟ୍ ରାଜି ଆ, ଇନେସ୍‌କି ହେଲେକେ ୱିଜୁ ହାର୍ଦି ବିଷୟ ମାନିକିନି ଦର୍‌କାର୍।” ଲାଗିଙ୍ଗ୍ ଡୁବନ୍‌ହିନି ଯୋହନ ଯୀଶୁ କାତାତିଙ୍ଗ୍ ଡୁବନ୍ ହିଦେଙ୍ଗ୍ ରାଜି ଆତାନ୍।

ପକ୍ୟାତାକା 13:22

ପାଚେ ଈଶ୍ୱର ଶାଉଲତିଙ୍ଗ୍ ରାଜା ପାଦ୍‌ତାଙ୍ଗ୍ ନିକ୍‌ଚି ଦାଉଦତିଙ୍ଗ୍ ରାଜା କିତାନ୍। ଈଶ୍ୱର ପା ତା ବିଷୟରେ ୱେଚ୍‌ଚାନ୍, ‘ଆନେଙ୍ଗ୍ ଯିଶି ମେହି ଦାଉଦତିଙ୍ଗ୍ ଗିଟାଆତାଙ୍ଗ୍, ଇୱାନ୍ ନା ଇଚାତାଙ୍ଗ୍ ତାଙ୍ଗ୍‌ନି ମାନାୟ୍। ଆନେଙ୍ଗ୍ ଇନାକା ୱିଜୁ ଇଚା କିନାଙ୍ଗ୍ ହେୱାନ୍ ହେ ୱିଜୁ କିନାନ୍।’

ରୋମିୟ 13:10

ଇନେସ୍‌କି ଜାର୍-ଜାର୍‌ବିତ୍ରେ ଲାଡ୍ କିନାକା ଇନେରିଙ୍ଗ୍ ଲସ୍ କିଉତ୍, ଲାଗିଙ୍ଗ୍ ଈଶ୍ୱରତି ୱିଜୁ ନିୟମ୍ ପୁରା କିନି କାଜିଙ୍ଗ୍ ଲାଡ୍‌କିନି ଦର୍‌କାର୍।

ରୋମିୟ 2:15

ହେୱାର୍ ଈଶ୍ୱର ମଶାଙ୍ଗ୍ ହିଜିମାଚି ନିୟମ୍ ତା ଗରବ୍‌ତାକେ ଲେକାଆତାତ୍‌ନା ଇଞ୍ଜି ଚଚ୍‌ନାରା। ଇନେସ୍‌କି ହେୱାର୍ ମାନ୍ ବିରଦ୍ କିଜି ୱେଚ୍‌ନାତ୍‌ ଯେ, ହେୱାର୍ ହାର୍ କି କରାପ୍ କାମାୟ୍ କିନାରା, ଆରେ ହେୱାର୍ ମାନ୍‌ନେ ସତ୍ ବିଷୟତିଙ୍ଗ୍ ପୁନି କିନାତ୍।

ରୋମିୟ 2:20

ଆରେ ଏପେଙ୍ଗ୍ ବୁଦିହିଲି ମାନାୟାରିଙ୍ଗ୍ ହିକ୍ଷାହିଦେଙ୍ଗ୍ ଆରେ ଈଶ୍ୱରତି ସତ୍ ହିକ୍ଷାତିଙ୍ଗ୍ ହିମ୍‌ଣାରିଙ୍ଗ୍ ହିକାୟ୍ କିଦେଙ୍ଗ୍ ଆଡ୍‌ନାପ୍ ଇଞ୍ଜି ଜାର୍‌ତିଙ୍ଗ୍ ୱେଚ୍‌ନାଦେରା। ଇନେସ୍‌କି ମୋଶା ନିୟମ୍‌ତାଙ୍ଗ୍ ପୁରା ସତ୍ ଆରେ ଜ୍ଞାନ୍‌ନି ବିଷୟ ପୁଚାପ୍‌ନା ଇଞ୍ଜି ଜାର୍‌ତିଙ୍ଗ୍ ବାବିକିନାଦେରା।

ରୋମିୟ 2:25

ଯଦି ଏପେଙ୍ଗ୍ ମଶା ଲେକିକିତି ଦରମ୍ ସାସ୍ତର୍ ନିୟମ୍‌ତିଙ୍ଗ୍ ମାନି କିନାଦେରା, ଲାଗିଙ୍ଗ୍ ଏପେଙ୍ଗ୍ ସୁନତ ଆନାକା ଲାବ୍ ଆନାତ୍‌। ମାତର୍ ଏପେଙ୍ଗ୍ ଯଦି ଦରମ୍ ସାସ୍ତର୍ ୱେଚ୍‌ଚିତି ଲେକେ କିଉଦେର୍, ଲାଗିଙ୍ଗ୍ ସୁନତ୍ ଆୱିତି ବିନ୍‌ଜାତିନି ମାନାୟାର୍ ହୁଦାଙ୍ଗ୍ ହାମାନ୍।

ରୋମିୟ 2:26

ଆରେ ଯଦି ବିନ୍‌ଜାତିନି ମାନାୟାର୍ ଈଶ୍ୱର ନିୟମ୍‌ତିଙ୍ଗ୍ ମାନିକିନାର୍, ଈଶ୍ୱର ହେୱାରିଙ୍ଗ୍ ତା ଲକ୍ ଆଦେଙ୍ଗ୍ ୱିଜୁ ଅଦିକାର୍ ଆରେ ସନ୍‌ମାନ୍ ହିନାନ୍।

ରୋମିୟ 2:29

ମାତର୍ ମି ଗରବ୍ ଈଶ୍ୱର ହୁଦାଙ୍ଗ୍ ଟିକ୍‌ଆଜି ମାନାତ୍, ଲାଗିଙ୍ଗ୍ ଏପେଙ୍ଗ୍ ସତ୍ ଯିହୁଦି। ଆରେ ସତ୍ ସୁନତ ଇଲେକେ ଯେ, ଗାଗାଡ଼୍‌ନି ଜିନିଷ୍ ହଣ୍ଡ୍‌ନାକା ଆକାୟ୍, ମାତର୍ ଈଶ୍ୱର ଆତ୍ମା ସାଇଜତାଙ୍ଗ୍ ଜାର୍ ଗରବ୍‌ତିଙ୍ଗ୍ ବାଦ୍‌ଲାୟ୍ କିନାକା। ହେ ଲେଗ୍‌ଦି ମାନାୟ୍ ଈଶ୍ୱରତାଙ୍ଗ୍ ଜୟ୍-ଜୟ୍ ପାୟା ଆନାନ୍, ମାତର୍ ମାନାୟାର୍‌ତାଙ୍ଗ୍ ପାୟା ଆଉନ୍।

ରୋମିୟ 3:30

ଇନେସ୍‌କି ପୁର୍ତିତାକେ ର ଈଶ୍ୱରନେ ମାନାନ୍, ଆରେ ର ଉପାୟ୍ ମାନାତ୍ ତା ହୁଦାଙ୍ଗ୍ ଟିକ୍ ଆୟା ଆନାତ୍। ମା ପାର୍ତି କାଜିଙ୍ଗ୍ ହେୱାନ୍ ନେ ମାଙ୍ଗେଙ୍ଗ୍ ଟିକ୍ ମାନାୟ୍ କିଦ୍‌ନାନ୍, ଯିହୁଦି ଜାତିନି ମାନାୟାର୍ ଆଏର୍ କି ବିନ୍‌ଜାତିନି ମାନାୟାର୍ ଆଏର୍।

ରୋମିୟ 8:4

ହେୱାନ୍ ଇଲେକେ କିଜି ଦରମ୍ ସାସ୍ତର୍‌ନି ନିୟମ୍‌ତିଙ୍ଗ୍ ମା କାଜିଙ୍ଗ୍ ପୁରା କିତାନ୍, ଆରେ ଆପେଙ୍ଗ୍ ମା ପାପ୍‍କିନି ଇଚା ଅନୁସାରେ ଜିବୁନ୍ କାଟି କିୱାଦାଙ୍ଗ୍ ପବିତ୍ର ଆତ୍ମା ସାଇଜତାଙ୍ଗ୍ ଜିବୁନ୍ କାଟିକିନାପା।

୧ କରନ୍ତିୟ 7:19

ଇନେସ୍‌କି ଯଦି ର ମାନାୟ୍ କାଜିଙ୍ଗ୍ ସୁନତ ଆନାକା କି ଆୱାକା ହେଦାଙ୍ଗ୍ ମୁକ୍ଯ ବିଷୟ ଆକାୟ୍, ମାତର୍ ଈଶ୍ୱର ଆଦେସ୍‌ତିଙ୍ଗ୍ ମାନିକିନାକା ନେ ମୁକ୍ଯ ବିଷୟ।

୨ କରନ୍ତିୟ 3:6

ଈଶ୍ୱର ତା ପୁନି ନିୟମ୍‌ନି ସାସ୍ତର୍ ହେବା କିନାକାର୍ ମାଙ୍ଗେଙ୍ଗ୍ କିତ୍‌ତାନ୍‌ନା। ଚିଟି ଲେକେ ଇ ପୁନି ନିୟମ୍ ଆକାୟ୍, ମାତର୍ ପବିତ୍ର ଆତ୍ମାକାଙ୍ଗ୍ ଇ ପୁନି ନିୟମ୍ ଲେକାଆତାତ୍‌ନା। ପାନି ନିୟମ୍ ମାରାଣ୍ ତାସିୱାନାତ୍, ମାତର୍ ପବିତ୍ର ଆତ୍ମା ଜିବୁନ୍ ହିଦ୍‌ନାତ୍।

ଗାଲାତିୟ 5:14

ଇନେସ୍‌କି ମୋଶା ଲେକିକିତି ନିୟମ୍ ସାସ୍ତର୍ ଇଦାଙ୍ଗ୍ ର କାତା ମାନିକିନି କାଜିଙ୍ଗ୍ ପୁରାଆନାତ୍, “ଏପେଙ୍ଗ୍ ମି ଲକ୍‌ବାକ୍‌ତିଙ୍ଗ୍ ଗରବ୍‌ତାଙ୍ଗ୍ ଲାଡ୍ କିୟାଟ୍।”

ଏପିସିୟ 2:11

ଇଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ମାନେ କିୟାଟ୍ ଯେ ଏପେଙ୍ଗ୍ ଜନମ୍‌ତାଙ୍ଗ୍ ନେ ବିନ୍‌ଜାତି କାଦେର୍। ଲାଗିଙ୍ଗ୍ ଯିହୁଦି ମାନାୟାର୍ ମିଙ୍ଗେଙ୍ଗ୍ ଅପ୍‌ମାନ୍ କିଜି ସୁନତ ବିଦିତିଙ୍ଗ୍ ମାନିକିୱି ମାନାୟ୍ ଇଞ୍ଜି ୱେଚ୍‌ଚି ମାଞ୍ଚାର୍, ଆରେ ହେୱାର୍ ଜାର୍‌ତିଙ୍ଗ୍ ଈଶ୍ୱରନି ମାନାୟ୍ ଇଞ୍ଜି ବାବିକିଜି ମାଚାର୍। ସୁନତ ବିଦି ଆପ୍‌କା ଗାଗାଡ଼୍ ହୁଦାଙ୍ଗ୍ ନେ ମାହାଆଜି ମାଚାତ୍, ମାନ୍ ହୁଦାଙ୍ଗ୍ ଇନାକା ହିଲାତାତ୍।

୨ ତିମଥି 3:15

ଏପେଙ୍ଗ୍ ହିରୁ ୱାଡ଼ାତାଙ୍ଗ୍ ସାସ୍ତର୍ ବିଷୟରେ ପୁଚାଦେର୍‌ନା ଯେ ଯୀଶୁ ଖ୍ରୀଷ୍ଟତାକେ ପାର୍ତି କିନାସ୍ ଆରେ ଉଦାର୍ ପାୟାଆନି କାଜିଙ୍ଗ୍ ହେଦାଙ୍ଗ୍ ବୁଦି ହିଦେଙ୍ଗ୍ ଆଡ୍‌ନାଦେର୍ ଇଞ୍ଜି।

ଏବ୍ରି 11:3

ପାର୍ତିତାଙ୍ଗ୍ ଆସେଙ୍ଗ୍ ପୁନାସ୍ ଯେ, ଈଶ୍ୱର କାତାତାଙ୍ଗ୍ ପୁରା ପୁର୍ତି ରହିଆତାତ୍‌ନା। ନଙ୍ଗୟ୍ ଇନାକା ଆସେଙ୍ଗ୍ ହୁଡ଼୍‌ନାସା ହେଦାଙ୍ଗ୍ ଇନେର୍ ଇନାୱେଡ଼ାଙ୍ଗ୍ ହୁଡ଼୍‌ୱିତି ବିଷୟତାଙ୍ଗ୍ ଈଶ୍ୱର ରସ୍ତାନ୍‌ନା।