ରୋମିୟ 16:17 - New Testament in Pengo Parja Language

¹⁷ ଏ ପାର୍ତି ଟଣ୍ଡାର୍‌କାଦେର୍, ଆନେଙ୍ଗ୍ ନଙ୍ଗୟ୍ ମିଙ୍ଗେଙ୍ଗ୍ ଆରେ ରଞ୍ଜି ଗୁୱାରି କିଦ୍‌ନାଙ୍ଗା ଯେ, ଏପେଙ୍ଗ୍ ଜାର୍-ଜାର୍‌ବିତ୍ରେ ଗଣ୍ଡ୍‍ଗଲ୍ କିଜି ବାଗ୍ କିନି ମାନାୟାର୍‌ତାଙ୍ଗ୍ ଆରେ ମାନାୟାର୍ ପାର୍ତିତିଙ୍ଗ୍ ଉଣା କିନି ମାନାୟାର୍‌ତାଙ୍ଗ୍ ଜାଗ୍ରତ୍ ଆଜି ମାନାଟ୍। ହେୱାର୍ ଆପେଙ୍ଗ୍ ହିଜିମାଚି ସତ୍ ହିକ୍ଷା ବିରୁଦ୍‌ତାକେ ଇଞ୍ଜ୍‌ନାର୍, ଲାଗିଙ୍ଗ୍ ଏପେଙ୍ଗ୍ ହେୱାର୍‌ତାଙ୍ଗ୍ ଦେହା ମାନାଟ୍।

ସତ୍‌ ବଚନ୍‌ ପୁନି ନିୟମ୍‌

¹⁷ ଏ ଟଣ୍ଡାର୍‌ ଆରି ତଣ୍‌ଦେକ୍‌, ଏପେଙ୍ଗ୍‌ ଇମ୍‌ଣି ହିକ୍ୟା ପାୟାତାର୍ଣ୍ଣା, ହେବେନି ପାଲ୍‌ଟା ଇମ୍‌ଣାକାର୍‌ ଦଲ୍‌ଗଣ୍ଡ୍‌ଗଲ୍‌ ଆରି ବାଦାନି କାରଣ୍‌ ଗିଟାୟ୍‌ କିତାର୍‌, ହେୱାରିଂ ଚିନ୍‌ ଇଡ଼୍‌ଜି ହେୱାର୍‌ତାଂ ବିନେ ମାଞ୍ଜେଙ୍ଗ୍‌ କାଜିଂ ଆନ୍‌ ମିଙ୍ଗେଙ୍ଗ୍‌ ଗୱାରି କିଦ୍‌ନାଙ୍ଗା ।

ରୋମିୟ 16:17 ပူးပေါင်းရင်းမြစ်များ

ମାତିଉ 18:17

ହେୱାର୍ କାତା ପା ଯଦି ମାନିକିୱିତିସ୍, ତା ବିଷୟତିଙ୍ଗ୍ ମଣ୍ଡ୍‌ଲିତାକେ ୱେଚାଟ୍। ହେୱାନ୍ ଯଦି ପାର୍ତି କିନାକାର୍ କାତା ପା ମାନିକିୱିତିସ୍, ଲାଗିଙ୍ଗ୍ ହେୱାନ୍ ମାନିକିୱିତିସ୍ ର ସିସ୍ତୁଅନାକାନ୍ ନଇଲେ ର ବିନ୍‌ଜାତିନି ମାନାୟ୍ ଇଞ୍ଜି ଇନାଟ୍।

ମାତିଉ 18:7

ଇ ପୁର୍ତିନି କେତ୍‌ଜାଣ୍ ମାନାୟାର୍ ପାପ୍ କାମାୟ୍ କିୟିକିଦେଙ୍ଗ୍ ପୁସ୍ରାଇ କିନାର୍, ପାର୍ତିତାଙ୍ଗ୍ ମାନି ମାନାୟ୍ କାଜିଙ୍ଗ୍ ଆନେଙ୍ଗ୍ ଦୁକ୍ କିନାଙ୍ଗା। ଇ ୱିଜୁଗଟ୍‌ନା ହାତ୍‌ପା ଗଟାଆନାତ୍। ମାତର୍ ଇମ୍‌ଣି ମାନାୟ୍ ଇ ୱିଜୁଗଟ୍‌ନା ଇନେସ୍ ଗଟାଆନାତ୍ ତା କାଜିଙ୍ଗ୍ ହେୱାର୍ ବେସି କରାପ୍ ଆନାର୍।

ମାତିଉ 7:15

ମିଚ୍‌ୱା ଭବିଷ୍ଯତବକ୍ତାତାଙ୍ଗ୍ ସାବ୍‌ଦାନ୍ ଆଜି ମାନାଟ୍, ଇନେର୍‌କି ଦରମ୍ ମେଣ୍ଢାଲେକେ ଦରମ୍‌ଆଜି ୱାନାର୍। ମାତର୍ ହେୱାର୍ ହାତ୍‌ପା ହୁଣ୍ଡେର୍ ଲେକେ ନଷ୍ଟ କିଦ୍‌ନାର୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 17:1

ଦିନେକ୍ ଯୀଶୁ ତା ଚେଲାରିଙ୍ଗ୍ ୱେଚ୍‌ଚାନ୍, “ଇମ୍‌ଣିୱିଜୁ ପରିକ୍ଷା କାଜିଙ୍ଗ୍ ମାନାୟାର୍ ପାପ୍ କାମାୟ୍ କିନାର୍। ମାତର୍ ହେ ୱିଜୁ ହାତ୍‌ପା ଆନାତ୍। ମାତର୍ ଇନେର୍ ଇ ପାପ୍ କାମାୟ୍‌ନି ଦାୟି ଆନାନ୍। ସେସ୍‌ଦିନ୍‌ତ ହେୱାନ୍ ବେସି ଦଣ୍ଡ୍ ପାୟା ଆନାନ୍।

ପକ୍ୟାତାକା 15:24

ଆପେଙ୍ଗ୍ ୱେଚାପ୍‌ନା, ମା ଆଦେସ୍ ହିୱାଦାଙ୍ଗ୍ ମା ବିତ୍ରେତାଙ୍ଗ୍ କେତେକ୍ ମାନାୟ୍ ମି ଲାଗାୟ୍ ୱାତାର୍, ଆରେ ହେୱାର୍ କେତେକ୍ କାତା ୱେଚ୍‌ଚି ମି ମାନ୍‌ତିଙ୍ଗ୍ ବୁଲ୍‌କାଇ କିଜି ଚାନିଆ କିୟିକିତ୍‌ତାର୍।

୧ କରନ୍ତିୟ 11:18

ହେଦାଙ୍ଗ୍ ଏପେଙ୍ଗ୍ ଈଶ୍ୱରତିଙ୍ଗ୍ ପାର୍ତାନା କିଦେଙ୍ଗ୍ ମଣ୍ଡ୍‌ଲିତାକେ ରୁଣ୍ଡା ଆତିହିଙ୍ଗ୍ ମି ବିତ୍ରେତାଙ୍ଗ୍ ବାଗ୍-ବାଗ୍ ଆଜି ବିରଦ୍ କିବାଆନାଦେରା। ଆନେଙ୍ଗ୍ ପାର୍ତି କିନାଙ୍ଗା, ଇନେସ୍‌କି କେତ୍‌ଜାଣ୍ ନାଙ୍ଗେଙ୍ଗ୍ ୱେଚ୍‌ଚାନାରା।

୧ କରନ୍ତିୟ 3:3

ଏପେଙ୍ଗ୍ ନଙ୍ଗୟ୍ ପାତେକ୍ ପୁର୍ତିନି ମାନାୟାର୍ ବ୍ଯବହାର୍ କିନିଲେକେ ବ୍ଯବହାର୍ କିନାଦେରା। ଏପେଙ୍ଗ୍ ଜାର୍-ଜାର୍‌ବିତ୍ରେ ଆକାର୍ ଆଜି ଗଣ୍ଡ୍‍ଗଲ୍ ଆନାଦେରା, ହେଦାଙ୍ଗ୍ କାଜିଙ୍ଗ୍ ପୁନ୍ୟା ଆନାତା ଯେ, ଏପେଙ୍ଗ୍ ଜାର୍ ଇଚା ଅନୁସାରେ ଜିବୁନ୍ କାଟି କିନାଦେରା, ଆରେ ମାପୃ ଯୀଶୁ ଖ୍ରୀଷ୍ଟଙ୍ଗ୍ ପୁନ୍‌ୱିତି ମାନାୟାର୍‌ଲେକେ ବ୍ଯବହାର୍ କିନାଦେରା।

ଗାଲାତିୟ 2:4

ମାତର୍ ଇଦାଙ୍ଗ୍ ଜାମ୍‌ଲା ଆତାତ୍, ଏଚେପାଦ୍ନା କେତେକ୍ ନକ୍‌ଲି ପାର୍ତିକିନି ଟଣ୍ଡାର୍ ମା ବିତ୍ରେ ଇନେର୍ ପୁନ୍‌ୱାଦାଙ୍ଗ୍ ୱାତାର୍। ହେୱାର୍ ଡ଼ୁଗ୍‌ଜି-ଡ଼ୁଗ୍‌ଜି ମାଙ୍ଗେଙ୍ଗ୍ ହୁଡ଼୍‌ଜି ମାନ୍‌ଞ୍ଚାର୍। ଆରେ ହେୱାର୍ ମା ଇମ୍‌ଣି ସ୍ୱାଦିନ୍ ଯୀଶୁ ଖ୍ରୀଷ୍ଟତାକେ ମାନାତ୍, ହେବେତାଙ୍ଗ୍ ମାଙ୍ଗେଙ୍ଗ୍ ହପ୍‌ଚି ଯିହୁଦିର୍ ନିୟମ୍‌ନି ଦାସ୍ କିଦ୍‌ଦେଙ୍ଗ୍ ଉପାୟ୍ କିଜି ମାନ୍‌ଞ୍ଚାର୍।

ପିଲିପିୟ 3:17

ଏ ନା ପାର୍ତିକିନି ଟଣ୍ଡାର୍‌କାଦେର୍, ଏପେଙ୍ଗ୍ ୱିଜାକାଦେର୍ ମାହାଆଜି ନା ଲେକେ ବ୍ୟବହାର୍ କିୟାଟ୍। ଆରେ ଇମ୍‌ଣାକାର୍ ନା ବ୍ୟବହାର୍‌ତିଙ୍ଗ୍ ମାନି କିନାରା ହେୱାର୍ ଲେକେ ଆଦେଙ୍ଗ୍ ମାନ୍‌ଦିୟାନ୍ ହିୟାଟ୍।

କଲସିୟ 2:8

ଏପେଙ୍ଗ୍ ଜାଗ୍ରତ୍ ଆଜି ମାନାଟ୍, ଇନେର୍ ପା ମିଙ୍ଗେଙ୍ଗ୍ ମୁଲ୍ୟ ହିଲ୍‌ୱି ଦର୍‍ମନି ହିକ୍ଷା ଆରେ ବେକାର୍ ଉପାୟ୍‌ନି ହିକ୍ଷାହିଜି ମିଙ୍ଗେଙ୍ଗ୍ ଜାଲ୍‌ଦ ରାତ୍‌ତେମେର୍। ଇନେସ୍‌କି ଇ ଲେକେ ହିକ୍ଷା ଖ୍ରୀଷ୍ଟତି ହିକ୍ଷା ଆକାୟ୍, ମାତର୍ ମାନାୟ୍‌ନି ଜ୍ଞାନ୍‌ନି ହିକ୍ଷା ଆରେ ପୁର୍ତିନି ମାନାୟାର୍ ହିକ୍ଷା।

୨ ଥେସଲନୀକିୟ 3:6

ଏ ପାର୍ତିକିନି ଟଣ୍ଡାର୍‌କାଦେର୍, ଆପେଙ୍ଗ୍ ମାପୃ ଯୀଶୁ ଖ୍ରୀଷ୍ଟ ତର୍‍ଦାଙ୍ଗ୍ ମିଙ୍ଗେଙ୍ଗ୍ ଇ ଆଦେସ୍ ହିଦ୍‌ନାପା। ଇମ୍‌ଣାକାର୍ ଆପେଙ୍ଗ୍ ହିଜିମାଚି ହିକ୍ଷାତିଙ୍ଗ୍ ମାନିକିଉର୍‌, ଆରେ ଆଡ଼୍‌ସାୟ୍ ଆଜି ମାନାନ୍, ହେଲେଗ୍‌ଦି ମାନାୟାର୍‌ତାଙ୍ଗ୍ ଏପେଙ୍ଗ୍ ଦେହା ମାନାଟ୍।

୧ ତିମତି 1:3

ଆନେଙ୍ଗ୍ ମାକଦନିଆ ଜିଲ୍ଲାତାକେ ହାନିହିଙ୍ଗ୍ ଇନେସ୍ ନିଙ୍ଗେଙ୍ଗ୍ ଏପିସ ସହର୍‌ତାକେ ମାଞ୍ଜେଙ୍ଗ୍ ୱେଚ୍‌ଚି ମାନ୍‌ଞ୍ଚାଙ୍ଗ୍, ଆରେରଗ ୱେଚ୍‌ଚାନାଙ୍ଗ୍ ଏନେଙ୍ଗ୍ ନଙ୍ଗୟ୍ ହେବେ ମାନା। ଆରେ ହେବେ ବୁଲ୍ ହିକ୍ଷାହିନି ମାଷ୍ଟେରାରିଙ୍ଗ୍ ବୁଲ୍ ହିକ୍ଷା ହିୱେଦେଙ୍ଗ୍ ଆଦେସ୍ ହିୟା।

୨ ତିମଥି 3:5

ହେୱାର୍ ଈଶ୍ୱରତିଙ୍ଗ୍ ସନ୍‌ମାନ୍ କିତିଲେକେ ଚଚ୍‌ନାର୍, ମାତର୍ ହେୱାର୍ ଜିବୁନ୍‌ତିଙ୍ଗ୍ ବାଦ୍‌ଲାଇ କିଦେଙ୍ଗ୍ ହେୱାର୍ ଈଶ୍ୱର ଶାକ୍ତିତିଙ୍ଗ୍ ମାନିକିଉର୍। ଇ ଲେକେ ମାନାୟାର୍ ହୁଦାଙ୍ଗ୍ ମାହା ଆମା।

ତୀତସ 3:10

ଇମ୍‌ଣି ମାନାୟ୍ ବୁଲ୍ ହିକ୍ଷାହିଜି ମଣ୍ଡ୍‌ଲିତିଙ୍ଗ୍ ବାଗ୍‌କିଦେଙ୍ଗ୍ ଉପାୟ୍ କିନାନ୍, ଇଲେକେ ମାନାୟ୍‌ତିଙ୍ଗ୍ ରଗ, ଆୱିତିସ୍ ରିହା ଜାଗ୍ରତ୍ କିୟିକିଜି ଟିକ୍ କିୟାଟ୍। ଯଦି ହେୱାନ୍ ୱେନ୍‌ୱିତିସ୍, ଲାଗିଙ୍ଗ୍ ତାବେତାଙ୍ଗ୍ ଦେହାଆଡ।

୧ ଯୋହନ 2:19

ହେୱାର୍ ମା ମଣ୍ଡ୍‌ଲିତାଙ୍ଗ୍ ହୋସି ହାଚାର୍, ଇନେସ୍‌କି ହେୱାର୍ ମା ମଣ୍ଡ୍‌ଲିନିକାର୍ ଆୱାଦାଙ୍ଗ୍ ମାଚାର୍, ଯଦି ହେୱାର୍ ମା ମଣ୍ଡ୍‌ଲିନିକାର୍ ଆତାର୍‌ମା, ଲାଗିଙ୍ଗ୍ ହେୱାର୍ ମା ହୁଦାଙ୍ଗ୍ ମାଚାର୍‌ମା। ମାତର୍ ଏଚେପାଦ୍ନା ମା ମଣ୍ଡ୍‌ଲିତିଙ୍ଗ୍ ପିସ୍ତି ହାଚାର୍, ହେପାଦ୍ନା ଆପେଙ୍ଗ୍ ପୁଚାପ୍ ଯେ, ହେୱାର୍ ମା ମଣ୍ଡ୍‌ଲିନିକାର୍ ଆକାୟ୍।

ଜିହୁଦା 1:19

ଇ ମାନାୟାର୍ ମି ବିତ୍ରେ ବାଗ୍-ବାଗ୍ କିନାର୍। ହେୱାର୍ ତା ମାନ୍ ଇଚାରେ ଜିବୁନ୍ କାଟିକିନାର୍, ଇନେସ୍‌କି ହେୱାର୍ ବିତ୍ରେ ଈଶ୍ୱର ଆତ୍ମା ହିଲୁତ୍।