ରୋମିୟ 15:31 - New Testament in Pengo Parja Language

³¹ ଏପେଙ୍ଗ୍ ନା କାଜିଙ୍ଗ୍ ପାର୍ତାନା କିୟାଟ୍ ଯେ, ଈଶ୍ୱର କାତାତିଙ୍ଗ୍ ମାନିକିୱି ଯିହୁଦା ଦେସ୍‌ନି ମାନାୟାର୍‌ତାଙ୍ଗ୍ ନାଙ୍ଗେଙ୍ଗ୍ ରକ୍ଷା କିଦେନ୍। ଆରେ ପା ପାର୍ତାନା କିୟାଟ୍ ଯେ, ଯିରୁଶାଲାମ ସହର୍‌ତାକେ ମାନି ଖ୍ରୀଷ୍ଟାନ୍ ଟଣ୍ଡାର୍ ଆନେଙ୍ଗ୍ ଅନି ଚାନ୍ଦା ଡାବୁକାଙ୍ଗ୍ ଆସ୍ତେଙ୍ଗ୍ ଇଚା କିନାର୍।

ସତ୍‌ ବଚନ୍‌ ପୁନି ନିୟମ୍‌

³¹ ଇନେସ୍‌ ଆନ୍‌ ଜିହୁଦା ରାଜିତ ବଲ୍‌ ମାନିକିୱି ମାନାୟାର୍‌ତାଂ ରାକ୍ୟା ପାୟାନାଙ୍ଗ୍‍, ଆରେ ଜିରୁସାଲମ୍‌ କାଜିଂ ନା ଇମ୍‌ଣି ହେବା, ହେଦାଂ ଇନେସ୍‌ ପୁଇପୁୟା ସାଦୁର୍‌ ଲାଗାଂ ହାର୍‌ ଇଟ୍ୟାନାତ୍‌,

ରୋମିୟ 15:31 ပူးပေါင်းရင်းမြစ်များ

ପକ୍ୟାତାକା 22:24

ହେପାଦ୍ନା ହାଜାର୍ ସେନାର୍ ମୁକ୍ଯା ପାଉଲତିଙ୍ଗ୍ ସେନାର୍ ମାନି ବାହାତାକେ ଅସାହାଞ୍ଜେଙ୍ଗ୍ ୱେଚ୍‌ଚାନ୍। ଆରେ ମାନାୟାର୍ ପାଉଲତିଙ୍ଗ୍ ବିରଦ୍ କିଜି ଇନା କିଦେଙ୍ଗ୍ ଏଚେକ୍ ରାଟୁ ଆନାରା ଇଞ୍ଜି ପୁଞ୍ଜେଙ୍ଗ୍, ହେୱାନିଙ୍ଗ୍ କର୍‌ଡା ହୁଦାଙ୍ଗ୍ ଟ୍ରାକ୍‌ଚି ସତ୍ କାତା ୱେଚିକିନି କାଜିଙ୍ଗ୍ ଆଦେସ୍ ହିତାନ୍।

ପକ୍ୟାତାକା 25:2

ଈଶ୍ୱର ହେବାକିନି ମୁଡ଼୍‌ଦି ପୁଜାରିର୍ ଆରେ ଯିହୁଦି ନେତାର୍ ହେ ରାଜା ଲାଗାୟ୍ ୱାତାର୍, ଆରେ ହେୱାର୍ ପାଉଲ ବିରଦ୍‌ତାକେ ୱେଚ୍‌ଚାର୍।

ପକ୍ୟାତାକା 25:24

ଲାଗିଙ୍ଗ୍ ପେଷ୍ଟସ୍‌ ରାଜା ୱେଚ୍‌ଚାନ୍, “ଏ ଆଗ୍ରିପା ରାଜା ଆରେ ଇବେ କୁଚ୍‌ଚି ୱିଜୁ ମୁକ୍ୟାର୍, ଇୱାନ୍‌ ଇମ୍‌ଣାକାନ୍ ମା ହୁଦାଙ୍ଗ୍ ମାନାନ୍, ଇୱାନ୍ ବିଷୟରେ ଯିହୁଦି ଜାତିର୍ ଯିରୁଶାଲାମ ସହର୍ ଆରେ ଇ ବାହାତାକେ ପା ରାଟୁଆଜି ୱେଚ୍‌ଚାର୍ ଇୱାନ୍ ଜିଜି ମାଞ୍ଜେଙ୍ଗ୍ ଆଦିକାର୍ ଆକାୟ୍।

ପକ୍ୟାତାକା 9:13

ମାତର୍ ହନନିୟ ୱେଚ୍‌ଚାନ୍, “ମାପୃ, ନିବେ ପାର୍ତି କିଜି ଯିରୁଶାଲାମ ସହର୍‌ତାକେ ମାନି ମାନାୟାରିଙ୍ଗ୍ ବେସି ଦୁକ୍‌କଷ୍ଟ ହିତାନ୍‌ନା।

ପକ୍ୟାତାକା 9:15

ମାତର୍ ମାପୃ ୱେଚ୍‌ଚାନ୍, “ଏନେଙ୍ଗ୍ ହାଲା। ଇନେସ୍‌କି ଆନେଙ୍ଗ୍ ହେୱାନିଙ୍ଗ୍ ନା ହେବା କିଦେଙ୍ଗ୍ ବାଚି କିତ୍‌ତାଙ୍ଗ୍‌ନା। ହେୱାନ୍ ବିନ୍‌ଜାତିନି ମାନାୟାର୍ ମୁମ୍‌ଦ, ରାଜାର୍ ମୁମ୍‌ଦ, ଆରେ ଇସ୍ରାଏଲ ଜାତିର୍ ମୁମ୍‌ଦ, ନା ବିଷୟରେ ଶୁଣାୟ୍ କିନାନ୍।

ରୋମିୟ 15:25

ମାତର୍ ଆନେଙ୍ଗ୍ ମି ଲାଗେ ୱାନି ଆଗେ ଯିରୁଶାଲାମତାକେ ହାଲ୍‌ଜି ଈଶ୍ୱର ଲକ୍‌ତିଙ୍ଗ୍ ଦାନ୍ ହିନାଙ୍ଗ୍।

୧ କରନ୍ତିୟ 16:15

ଏ ଟଣ୍ଡାର୍‌କାଦେର୍, ଏପେଙ୍ଗ୍ ପୁଚାଦେର୍‌ନା ଯେ, ଆକାୟା ସହର୍‌ନି ସ୍ତିପାନ ଆରେ ତା କୁଟୁମ୍‌ନି ପାର୍ତୁମ୍ ପାର୍ତି କିତାର୍ ଆରେ ହେୱାର୍ ଈଶ୍ୱର ମାନାୟାରିଙ୍ଗ୍ ହେବା କିଦେଙ୍ଗ୍ ଜିବୁନ୍ କାଟିକିନାରା।

୨ କରନ୍ତିୟ 1:10

ହେୱାନ୍ ମାଙ୍ଗେଙ୍ଗ୍ ମାରାଣ୍‌ନି ବିପତ୍‌ତାଙ୍ଗ୍ ଉଦାର୍ କିତ୍‌ତାନ୍ ଆରେ ହେୱାନ୍ ମାଙ୍ଗେଙ୍ଗ୍ ଜେକନି ବିପତ୍‌ତାଙ୍ଗ୍ ପା ଉଦାର୍ କିଦ୍‌ନାତ୍ ଇଞ୍ଜି ଆହା ହିତ୍‌ତାତ୍‌।

୨ କରନ୍ତିୟ 8:4

ଯିରୁଶାଲାମ୍ ସହର୍‌ନି ପାର୍ତିକିନି ମାନାୟାରିଙ୍ଗ୍ ଡାବୁଙ୍ଗ୍ ହିଜି ସାଇଜ କିନି ମାନାୟାର୍ ହୁଦାଙ୍ଗ୍ ମାହାଆଜି ଡାବୁଙ୍ଗ୍ ହିଜି ସାଇଜ କିନି କାଜିଙ୍ଗ୍ ହେୱାର୍ ମାଙ୍ଗେଙ୍ଗ୍ ବାରମ୍-ବାରମ୍ ଗୁୱାରି କିଜି ମାନ୍‌ଞ୍ଚାର୍।

୨ କରନ୍ତିୟ 9:1

ଯିରୁଶାଲାମନି ଖ୍ରୀଷ୍ଟାନ୍ ଟଣ୍ଡାରିଙ୍ଗ୍ ଡାବୁଙ୍ଗ୍ ହିନି ବିଷୟରେ, ଆନେଙ୍ଗ୍ ମିଙ୍ଗେଙ୍ଗ୍ ଲେକିକିନି ଦର୍‌କାର୍ ଆକାୟ୍।

୨ କରନ୍ତିୟ 9:13

ଆରେ ଏପେଙ୍ଗ୍ ପା ମାନାୟାରିଙ୍ଗ୍ ସାଇଜ କିନି କାଜିଙ୍ଗ୍ ଡାବୁଙ୍ଗ୍ ହିଜି ଈଶ୍ୱରତିଙ୍ଗ୍ ଗୌରବ କିନାଦେର୍, ଇନେସ୍‌କି ଏପେଙ୍ଗ୍ ଖ୍ରୀଷ୍ଟତି ହାର୍ଦିକାବୁର୍‌ତିଙ୍ଗ୍ ସତ୍ ଇଞ୍ଜି ଇନାଦେରା ଆରେ ଏପେଙ୍ଗ୍ ନିଜେ ୱେଚ୍‌ଚି କାତାତିଙ୍ଗ୍ ମାନି କିନାଦେରା।

୧ ଥେସଲନୀକିୟ 2:15

ହେ ଯିହୁଦି ଜାତିନି ମାନାୟାର୍ ମାପୃ ଯୀଶୁଙ୍ଗ୍, ଆରେ ଭବିଷ୍ଯତବକ୍ତାରିଙ୍ଗ୍ ପା ମାର୍ନେ ଅସ୍ତି ମାଚାର୍, ନଙ୍ଗୟ୍ ହେୱାର୍ ମାଙ୍ଗେଙ୍ଗ୍ ପା ଦୁଃକ୍ କଷ୍ଟ ହିଜି ପେସ୍‌ଦାତାର୍‌। ହେୱାର୍ ଈଶ୍ୱରତିଙ୍ଗ୍ ରିସା କିତିଲେକେ କାମାୟ୍ କିତାର୍, ଆରେ ୱିଜାର୍ ମାନାୟାରିଙ୍ଗ୍ ବିରଦ୍ କିତାର୍।

୨ ଥେସଲନୀକିୟ 3:2

ବେସି କରାପ୍ ଆରେ ଦୁଷ୍ଟ ମାନାୟାର୍‌ତାଙ୍ଗ୍ ଉଦାର୍ ପାୟାଆନି କାଜିଙ୍ଗ୍ ଏପେଙ୍ଗ୍ ମା କାଜିଙ୍ଗ୍ ଈଶ୍ୱରତାକେ ପାର୍ତାନା କିୟାଟ୍। ଇନେସ୍‌କି କେତେକ୍ ମାନାୟାର୍ ମାପୃ ଯୀଶୁ ବିଷୟରେ ୱେନାର୍ ଆରେ ପାର୍ତି କିଉର୍।

୨ ତିମଥି 3:11

ମାନାୟାର୍ ନାଙ୍ଗେଙ୍ଗ୍ ଦୁକ୍‌କଷ୍ଟ ଆରେ ବେସିଦୁକ୍ ହିତାର୍‌ନା। ଆନ୍ତିୟକିଆ, ଇକନିୟ ଆରେ ଲୁସ୍ତ୍ରା ସହର୍‌କୁକାଙ୍ଗ୍ ନା ହୁଦାଙ୍ଗ୍ ଇନାକା ୱିଜୁ ଗଟାଆତାତ୍‌ନା ହେ ବିଷୟରେ ଏପେଙ୍ଗ୍ ପୁଚାଦେର୍‌ନା। ଆନେଙ୍ଗ୍ ହେ ୱିଜୁ ମାନିକିଜି ମାଚାଙ୍ଗ୍, ଆରେ ମାପୃ ନାଙ୍ଗେଙ୍ଗ୍ ହେ ୱିଜୁତାଙ୍ଗ୍ ଉଦାର୍ କିଜି ମାନ୍‌ଞ୍ଚାନ୍।

୨ ତିମଥି 4:17

ମାତର୍ ମାପୃ ନା ନିପଣ୍ ଆଜି ନାଙ୍ଗେଙ୍ଗ୍ ଶାକ୍ତି କିତ୍‌ତାନ୍, ଆରେ ଆନେଙ୍ଗ୍ ଇନେସ୍ ହାର୍ଦିକାବୁର୍ ପୁରାପୁରି କିଲେର୍ କିଜି ଶୁଣାୟ୍ କିଦେଙ୍ଗ୍ ଆଡ୍‌ନାଙ୍ଗ୍। ଆରେ ବିନ୍‌ଜାତିର୍ ୱିଜୁ ମାନାୟାର୍ ହେଦାଙ୍ଗ୍ ୱେଞ୍ଜେଙ୍ଗ୍ ଆଡ୍‌ନାର୍, ଇଦାଙ୍ଗ୍ କାଜିଙ୍ଗ୍ ହେୱାନ୍ ନାଙ୍ଗେଙ୍ଗ୍ ହାଃନିତାଙ୍ଗ୍ ରକ୍ଷା କିତ୍‌ତାନ୍।