ରୋମିୟ 15:24 - New Testament in Pengo Parja Language

²⁴ ଆନେଙ୍ଗ୍ ସ୍ପେନ୍ ଦେସ୍‌ତାକେ ହାନି କାଜିଙ୍ଗ୍ ଉପାୟ୍ କିନାଙ୍ଗା, ଆରେ ଆନେଙ୍ଗ୍ ଏଚେପାଦ୍ନା ହାନାଙ୍ଗ୍, ରମ ସହର୍‌ତାକେ ୱାଜି ମିଙ୍ଗେଙ୍ଗ୍ ହୁଡ଼୍‌ଦେଦେଙ୍ଗ୍ ଆହା କିନାଙ୍ଗା। ଆରେ ମିହୁଦାଙ୍ଗ୍ ମାହାଆଜି ୱାରିକିତି ପାଚେ, ଆନେଙ୍ଗ୍ ସ୍ପେନ୍ ସହର୍‌ତାକେ ହାନାଙ୍ଗ୍।

ସତ୍‌ ବଚନ୍‌ ପୁନି ନିୟମ୍‌

²⁴ ଆନ୍‌ ସ୍ପେନ୍‌ତିଂ ହାନି ସମୁତ ୱାନାଙ୍ଗ୍‌; ଇନେକିଦେଂକି ହାସ୍‌ଦ ମିଙ୍ଗେଙ୍ଗ୍‌ ମେହାଜ଼ି ପର୍ତୁମ୍‌ ମି ମେହାଣ୍‌ତ କେତେକ୍‌ ହିସାବ୍‌ରେ ପାଞ୍ଜି ଲାବ୍‌ କିତି ପାଚେ ହେ ବାହାତ ହାନି କାଜିଂ ଏପେଙ୍ଗ୍‌ ନାଙ୍ଗ୍‌ ହାଜ଼ି ୱେଚ୍‌ଚାନାଦେର୍‌ ଇଞ୍ଜି ଆହା କିନାଙ୍ଗା ।

ରୋମିୟ 15:24 ပူးပေါင်းရင်းမြစ်များ

ପକ୍ୟାତାକା 15:3

ଲାଗିଙ୍ଗ୍ ମଣ୍ଡ୍‌ଲିନି ମାନାୟାର୍ ହେୱାରିଙ୍ଗ୍ କେତେକ୍ ଡାବୁଙ୍ଗ୍ କର୍ଚ ହିଜି ପକ୍ତାର୍। ହେୱାର୍ ପୈନିକିଆ ସହର୍ ଆରେ ଶମିରଣିୟ ଜିଲ୍ଲା ନିପଣ୍ ଆଜି ହାନିହିଙ୍ଗ୍ ମଣ୍ଡ୍‌ଲିକାଙ୍ଗ୍ ବିନ୍‌ଜାତିନି ମାନାୟାର୍ ଇନେସ୍ ପାର୍ତି କିତାର୍ ହେ ବିଷୟରେ ୱେଚ୍‌ଚାର୍। ଇ କାତା ୱେନ୍‌ଞ୍ଜି ହେ ମଣ୍ଡ୍‌ଲିନି ଟଣ୍ଡାର୍ ୱାରି କିତାର୍।

ପକ୍ୟାତାକା 19:21

ଇୱିଜୁ ବିଷୟ ଗଟାଆତି ପାଚେ ପାଉଲ ମାକଦନିଆ ଆରେ ଆକାୟା ଜିଲ୍ଲାତାକେ ମାନି ପାର୍ତି କିନାକାରିଙ୍ଗ୍ ମେହାଆଜି ଯିରୁଶାଲାମ ସହର୍‌ତାକେ ହାଞ୍ଜେଙ୍ଗ୍ ପବିତ୍ର ଆତ୍ମା ପାଉଲତିଙ୍ଗ୍ ୱେଚ୍‌ଚାନ୍। ହେୱାନ୍ ୱେଚ୍‌ଚାନ୍, ଆନେଙ୍ଗ୍ ହେବେ ହାଚି ପାଚେ ରୋମ ଦେସ୍‌ତାକେ ପା ହାନାଙ୍ଗ୍।

ପକ୍ୟାତାକା 21:5

ହେବେ ସାତ୍‌ଦିନ୍ ମାଚି ପାଚେ ହେବେତାଙ୍ଗ୍ ମା ହାଜ୍‌ଦିଙ୍ଗ୍ ଆପେଙ୍ଗ୍ ହାଚାପ୍। ହେୱାର୍ ୱିଜାକାର୍ କଗ୍‍ଲେକ୍ ଆରେ ହିମ୍‌ଣାୱାକ୍‌ଡ଼ା ହୁଦାଙ୍ଗ୍ ସହର୍‌ନି ହାମ୍‌ଦୁର୍ କାଣ୍ଡିତାକେ ଇଡ୍‌ଗି ୱାତାର୍। ହେବେ ଆପେଙ୍ଗ୍ ମେଣ୍ଡାକୁନ୍ଦିକିଜି ପାର୍ତାନା କିତାପ୍।

ରୋମିୟ 1:12

ଲାଗିଙ୍ଗ୍, ଆନେଙ୍ଗ୍ ମିଙ୍ଗେଙ୍ଗ୍ ସାସ୍ ହିଦ୍‌ନାଙ୍ଗ୍ ଆରେ ଏପେଙ୍ଗ୍ ନାଙ୍ଗେଙ୍ଗ୍ ସାସ୍ ହିଦ୍‌ନାଦେର୍। ଇନେସ୍‌କି ଏପେଙ୍ଗ୍ ନା ପାର୍ତିତିଙ୍ଗ୍ ପୁଚାଦେର୍‌ନା, ଆରେ ଆନେଙ୍ଗ୍ ମି ପାର୍ତିତିଙ୍ଗ୍ ପୁଚାଙ୍ଗ୍‌ନା। ଲାଗିଙ୍ଗ୍ ମା ପାର୍ତି ଆଦିକ୍ ବାଡା ଆନାତ୍ ହେଲେକେ ଆସେଙ୍ଗ୍ ଜାର୍-ଜାର୍‌ବିତ୍ରେ ସାସ୍ କିବା ଆୟା ଆନାତ୍।

ରୋମିୟ 15:28

ଲାଗିଙ୍ଗ୍ ଆନେଙ୍ଗ୍ ପାର୍ତୁମ୍ ଯିରୁଶାଲାମତାକେ ହାଲ୍‌ଜି ହେୱାରିଙ୍ଗ୍ ସାଇଜ କିନି ଇ ରୁଣ୍ଡାୟ୍ କିତି ଡାବୁକାଙ୍ଗ୍ ହିନାଙ୍ଗ୍। ତାପାଚେ ଆନେଙ୍ଗ୍ ରମ ସହରତାକେ ୱାଜି ମିଙ୍ଗେଙ୍ଗ୍ ମାହାଆଜି ସ୍ପେନ୍ ଦେସ୍‌ତାକେ ହାନାଙ୍ଗ୍।

୨ କରନ୍ତିୟ 1:16

ଆନେଙ୍ଗ୍ ଇଲେକେ ଇଚା କିଜି ମାଚାଙ୍ଗ୍ ଯେ, ମାକଦନିଆତାକେ ହାନିହିଙ୍ଗ୍ ମିଙ୍ଗେଙ୍ଗ୍ ବେଟା ଆଦ୍‌ନାଙ୍ଗ୍‌ ଆରେ ମାକଦନିଆ ହାଲ୍‌ଜି ଆରେରଗ ମି ଲାଗେ ଲେଉଟା ଆଜି ୱାନାଙ୍ଗ୍। ଲାଗିଙ୍ଗ୍ ଏପେଙ୍ଗ୍ ନାଙ୍ଗେଙ୍ଗ୍ ଯିହୁଦା ସହର୍‌ତାକେ ହାଞ୍ଜେଙ୍ଗ୍ ଦର୍‌କାର୍ ଆଦ୍‌ନି ଜିନିଷ୍ ସାଇଜ କିଦ୍‌ନାଦେର୍।

୩ ଯୋହନ 1:6

ଏନେଙ୍ଗ୍ ହେୱାରିଙ୍ଗ୍ ଲାଡ୍‌କିନି ବିଷୟ, ଆରେ ହାର୍ ବ୍ଯବହାର୍ କିତି ବିଷୟ ମଣ୍ଡ୍‌ଲିତାକେ ୱାଜି ୱେଚ୍‌ନାରା, ନଙ୍ଗୟ୍ ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚାନାଙ୍ଗା। ଏନେଙ୍ଗ୍ ଇନେସ୍ ହେୱାରିଙ୍ଗ୍ ସାଇଜ କିଜି ମାଚାୟ୍ ହେଲେକେ ସାଇଜ କିଜି ମାନା, ଲାଗିଙ୍ଗ୍ ଈଶ୍ୱର ୱାରିୟା ଆନାନ୍।