ରୋମିୟ 15:15 - New Testament in Pengo Parja Language

¹⁵ ମାତର୍ ଏପେଙ୍ଗ୍ କେତ୍‌ଗଟା ଜିନିଷ୍‌ତିଙ୍ଗ୍ ମାନ୍ତ ଇଡ଼୍‌ଦେଙ୍ଗ୍ ଆନେଙ୍ଗ୍ ଇଚା କିନାଙ୍ଗ୍, ଆରେ ହେ ବିଷୟରେ ଲେକିକିତାଙ୍ଗ୍‌ନା। ଆନେଙ୍ଗ୍ ଇଲେକେ କିତାଙ୍ଗ୍‌ନା, ଇନେସ୍‌କି ଈଶ୍ୱର ନାଙ୍ଗେଙ୍ଗ୍ ଦୟା କିତ୍‌ତାନ୍‌ନା।

ସତ୍‌ ବଚନ୍‌ ପୁନି ନିୟମ୍‌

¹⁵ ଆତିସ୍‌ପା ନାଙ୍ଗ୍‌ ଇସ୍ୱର୍‌ତି ଦାଇତ୍‌ ହିୟାଜ଼ି ମାନି ଦୟା କାଜିଂ ଆନ୍‌ ମିଙ୍ଗେଙ୍ଗ୍‌ ଆରେରଗ ଏତୁକିୟ୍‌ କିଦ୍‌ନି କାଜିଂ କେତେକ୍‌ ଇସାବ୍‌ ଆଦିକ୍‌ ସାସ୍‌ ଲାହାଂ ମି ଲାଗାଂ ଲେକିକିନାଙ୍ଗା ।

ରୋମିୟ 15:15 ပူးပေါင်းရင်းမြစ်များ

ରୋମିୟ 1:5

ଆନେଙ୍ଗ୍ ଖ୍ରୀଷ୍ଟ ଯୀଶୁଙ୍ଗ୍ ପାୟାଆତିଲେ ଈଶ୍ୱର ନାଙ୍ଗେଙ୍ଗ୍ ଦୟାକିତ୍‌ତାନ୍, ଆରେ ଈଶ୍ୱର ଇମ୍‌ଣାକା ୱିଜୁ ବିନ୍‌ଜାତିନି ମାନାୟାର୍ କାଜିଙ୍ଗ୍ କିତାନ୍‌ନା। ହେଦାଙ୍ଗ୍ ୱେଚ୍‌ନି କାଜିଙ୍ଗ୍ ଈଶ୍ୱର ନାଙ୍ଗେଙ୍ଗ୍ ଦୟାକିଜି ବାଚିକିତି ଚେଲାନି ଅଦିକାର୍ ହିତ୍‌ତାନ୍, ଲାଗିଙ୍ଗ୍ ହେୱାର୍ ପାର୍ତିକିନାର୍ ଆରେ ତା କାତା ୱିଜୁ ମାନିକିନାର୍, ଆରେ ପା ହେୱାନିଙ୍ଗ୍ ଗୌରବ କିନାର୍।

ରୋମିୟ 12:3

ଈଶ୍ୱର ନାଙ୍ଗେଙ୍ଗ୍ ଦୟାକିଜି ରକାଙ୍ଗ୍ ତା ଡାଣ୍ଡାସି କିଜି ବାଚି କିତାନ୍‌ନା, ଲାଗିଙ୍ଗ୍ ଆନେଙ୍ଗ୍ ୱିଜାକାରିଙ୍ଗ୍ ଜାଗ୍ରତ୍ କିକିନାଙ୍ଗା ଯେ, ଏପେଙ୍ଗ୍ ଗାଜାକାପ୍ ଇଞ୍ଜି ଚଞ୍ଜିଆ ଆମାଟ୍। ମାତର୍ ଈଶ୍ୱର ମିଙ୍ଗେଙ୍ଗ୍ ଏଚେକ୍ ପାର୍ତି କିଦେଙ୍ଗ୍ ହିତ୍‌ତାନ୍‌ନା ଏପେଙ୍ଗ୍ ହେଏଚେକ୍ ତାଙ୍ଗେଙ୍ଗ୍ ପାର୍ତିକିୟାଟ୍। ଇ ବିଷୟତିଙ୍ଗ୍ ମାନ୍ତ ଇଡ଼୍‌ଜି ମାନାଟ୍।

ରୋମିୟ 12:6

ଈଶ୍ୱର ମା କାମାୟ୍ ହୁଡ଼୍‌ଜି, ମାଙ୍ଗେଙ୍ଗ୍ ବିନ୍-ବିନ୍ ଦାନ୍ କିନି କାଜିଙ୍ଗ୍ ହିତ୍‌ତାନ୍‌ନା, ଲାଗିଙ୍ଗ୍ ଯଦି ଈଶ୍ୱର କାତା ୱେଚ୍‌ନି ଦାନ୍ ହିତ୍‌ତାନ୍‌ନା, ଲାଗିଙ୍ଗ୍ ଈଶ୍ୱର ୱେଚ୍‌ଚାତାନ୍‌ନା ଇଞ୍ଜି ପାର୍ତି କିଜି ୱେଚ୍‌ନି ଦର୍‌କାର୍।

୧ କରନ୍ତିୟ 15:10

ମାତର୍ ତା ଦୟା କାଜିଙ୍ଗ୍ ଆନେଙ୍ଗ୍ ନଙ୍ଗୟ୍ ବାଚିକିତି ଚେଲା ଆତାଙ୍ଗ୍‌ନା, ହେୱାନ୍ ନାଙ୍ଗେଙ୍ଗ୍ ଦୟା କିତ୍‌ତି କାଜିଙ୍ଗ୍ ୱିଜାର୍ ଚେଲାର୍ ଈଶ୍ୱରତି କାମାୟ୍ କିତିତାଙ୍ଗ୍ ଆନେଙ୍ଗ୍ ବେସି ଈଶ୍ୱର କାମାୟ୍ କିନାଙ୍ଗା। ଆଁ ହେଦାଙ୍ଗ୍ ଆନେଙ୍ଗ୍ ଆକାୟ୍, ମାତର୍ ନାଙ୍ଗେଙ୍ଗ୍ ଦୟା କିତ୍‌ତି କାଜିଙ୍ଗ୍ ହେୱାନ୍ ନାଙ୍ଗେଙ୍ଗ୍ ତା କାମାୟ୍ କିନି କାଜିଙ୍ଗ୍ ବ୍ୟବହାର୍ କିଦ୍‌ନାନା।

୧ କରନ୍ତିୟ 3:10

ଈଶ୍ୱର ନାଙ୍ଗେଙ୍ଗ୍ ହିଜି ମାନ୍‌ଞ୍ଚି କାମାୟ୍ ବୁଦି ହୁଦାଙ୍ଗ୍ କିତାଙ୍ଗ୍‌ନା। ଆନେଙ୍ଗ୍ ମି ସହର୍‌ତାକେ ହାର୍ଦିକାବୁର୍ ଶୁଣାୟ୍ କିତାଙ୍ଗ୍, ଆରେ ଆନେଙ୍ଗ୍ ମିଙ୍ଗେଙ୍ଗ୍ ପାର୍ତୁମ୍ ଯୀଶୁ ଖ୍ରୀଷ୍ଟଙ୍ଗ୍ ପାର୍ତି କିଦେଙ୍ଗ୍ ସାଇଜ କିଜି ମାନ୍‌ଞ୍ଚାଙ୍ଗ୍। ତାପାଚେ ଖ୍ରୀଷ୍ଟତି କାମାୟ୍ କିନି ମାନାୟାର୍ ମିତାକେ ୱାଜି ଆପେଙ୍ଗ୍ ଆରମ୍ କିତି କାମାୟ୍‌ତିଙ୍ଗ୍ କିନାରା। ମାତର୍ ଇମ୍‌ଣି ମାନାୟାର୍ ଈଶ୍ୱରତି ସତ୍ ହିକ୍ଷା ହିନାରା ହେୱାର୍ ଜାଗ୍ରତ୍ ଆଜି ହିକାୟ୍ କିନି ଦର୍‌କାର୍।

ଗାଲାତିୟ 2:9

ଈଶ୍ୱର ନାଙ୍ଗେଙ୍ଗ୍ ହିଜି ମାନ୍‌ଞ୍ଚି ବର୍‌ଦାନ୍ ବିଷୟରେ ଏଚେପାଦ୍ନା ହେୱାର୍ ବୁଜାଆତାର୍। ଲାଗିଙ୍ଗ୍ ମଣ୍ଡ୍‌ଲିତାକେ ର କମ୍‌ମୁଣ୍ଡା ଲେକେ ମାନି ଯାକୁବ, ପିତର ଇନେରିଙ୍ଗ୍ କେପା ଇଞ୍ଜି ଇନାର୍ ଆରେ ଯୋହନ, ନାଙ୍ଗେଙ୍ଗ୍ ଆରେ ବର୍ଣ୍ଣବାଙ୍ଗ୍ କେଇ ମାହାଇ କିଜି ରାଜି ଆତାର୍। ଆରେ ହେୱାର୍ ମାଙ୍ଗେଙ୍ଗ୍ ବିନ୍‌ଜାତିନି ମାନାୟାର୍‌ତାକେ ଶୁଣାୟ୍ କିଦେଙ୍ଗ୍ ସାହାସ୍ କିତ୍‌ତାର୍, ଆରେ ହେୱାର୍ ଯିହୁଦି ଜାତିନି ମାନାୟାର୍ ଲାଗାୟ୍ ଶୁଣାୟ୍ କିଦେଙ୍ଗ୍ ଲାଗାତାର୍।

୧ ତିମତି 4:6

ଏନେଙ୍ଗ୍ ଯଦି ପାର୍ତିକିନି ଟଣ୍ଡାର୍‌ରିଙ୍ଗ୍ ୱିଜୁ ବିଷୟରେ ହିକ୍ଷା ହିନାୟ୍‌, ଲାଗିଙ୍ଗ୍ ଏନେଙ୍ଗ୍ ଯୀଶୁ ଖ୍ରୀଷ୍ଟନି ର ହାର୍‌ଦାଙ୍ଗ୍ ହେବାକିନାକାୟ୍ ଆନାୟ୍। ଆରେ ଏନେଙ୍ଗ୍ ଇମ୍‌ଣି ପାର୍ତି ଆରେ ହାର୍ଦି ହିକ୍ଷାତିଙ୍ଗ୍ ମାନିକିୟା, ହେ କାତାକାଜିଙ୍ଗ୍ ଏନେଙ୍ଗ୍ ବେସି ଦରମ୍ ଜିବୁନ୍ କାଟି କିଦେଙ୍ଗ୍ ଆଡ୍‌ନାୟ୍।

୨ ତିମଥି 1:6

ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ମିଙ୍ଗେଙ୍ଗ୍ ମାନ୍ତ ଏତୁକିୟି କିଦେଙ୍ଗ୍ ଇଚା କିନାଙ୍ଗା ଯେ ଆନେଙ୍ଗ୍ ମି କାପ୍‌ଡ଼ା ଜପି କେଇ ଡ଼ାପ୍‌ତିହିଙ୍ଗ୍ ଇମ୍‌ଣି ଈଶ୍ୱର ଦାନ୍ ପାୟା ଆତାଦେର୍‌ନା, ହେଦାଙ୍ଗ୍‌ତିଙ୍ଗ୍ ଆରେରଗ ଦିରେ-ଦିରେ କିଜି କାଚାୟ୍ କିୟାଟ୍।

୨ ତିମଥି 2:14

ଆନେଙ୍ଗ୍ ୱେଚ୍‌ଚି ମାନ୍‌ଞ୍ଚି ଇୱିଜୁ କାତା ପାର୍ତି କିନାକାରିଙ୍ଗ୍ ବାଣା ଆମାଟ୍ ଇଞ୍ଜି ୱେଚା। ର କାତାତିଙ୍ଗ୍ ଅଜି ଯୁକ୍ତି କିୱେଦେଙ୍ଗ୍, ମାପୃତିଙ୍ଗ୍ ସାକି ଇଡ଼୍‌ଜି ହେୱାରିଙ୍ଗ୍ ଜାଗ୍ରତ୍ କିୟିକିୟା। ଇନେସ୍‌କି ଇଲେକେ ଯୁକ୍ତି କିବା ଆନାକା ଇନା ମୁଲ୍ଯ ଆକାୟ୍, ମାତର୍ ଇଦାଙ୍ଗ୍ ୱେଚି ମାନାୟାରିଙ୍ଗ୍ ଗାଜା କଷ୍ଟ ହିନାତ୍।

ତୀତସ 3:1

ସାସନ୍ କିନାକାର୍ ଆରେ ତା ଆଦିକାର୍ ପାୟାଆତି ମାନାୟାର୍ ତାରେନ୍ କିନାକା ଆରେ କାତା ମାନି କିଦେଙ୍ଗ୍, ଆରେ ୱିଜୁ ପର୍‌କାର୍ ହାର୍ଦି କାମାୟ୍ କିନି କାଜିଙ୍ଗ୍ ରେଡି ଆଜି ମାନାଟ୍।

ଏବ୍ରି 13:22

ଏ ପାର୍ତିକିନି ଟଣ୍ଡାର୍‌କାଦେର୍, ଇ ହିରୁ ଚିଟିତାକେ ଆନେଙ୍ଗ୍ ମିଙ୍ଗେଙ୍ଗ୍ ଇନାକା ଲେକିକିତାଙ୍ଗ୍‌ନା, ଦୟାକିଜି ସାହାସ୍ ହୁଦାଙ୍ଗ୍ ୱେନାଟ୍।

୧ ପିତର 5:12

ନା ହୁଦାଙ୍ଗ୍ ମାନି ପାର୍ତିକିନି ଟଣ୍ଡେନ୍ ଶିଲା ସାଇଜତାଙ୍ଗ୍ ଇ ହିରୁ ଚିଟି ମି କାଜିଙ୍ଗ୍ ଲେକିକିନାଙ୍ଗା, ଆନେଙ୍ଗ୍ ତା ବିଷୟରେ ମିଙ୍ଗେଙ୍ଗ୍ ୱେଚ୍‌ଚି ମାନ୍‌ଞ୍ଚାଙ୍ଗ୍ ଯେ, ହେୱାନ୍ ରକାନ୍ ହାର୍‌ଦାଙ୍ଗ୍ ପାର୍ତିକିନାକାନ୍। ଆନେଙ୍ଗ୍ ମିଙ୍ଗେଙ୍ଗ୍ ସାସ୍ କିଦ୍‌ନି କାଜିଙ୍ଗ୍ ଆରେ ଈଶ୍ୱର ମିଙ୍ଗେଙ୍ଗ୍ ଦୟା କିତ୍‌ତି କାଜିଙ୍ଗ୍ ଇ ୱିଜୁ ଗଟାଆନାତା, ହେଦାଙ୍ଗ୍ ପୁନି କିଦ୍‌ନି କାଜିଙ୍ଗ୍ ଇ ଚିଟି ଲେକିକିନାଙ୍ଗା।

୨ ପିତର 3:15

ମା ମାପୃ ସାସ୍ ଆସ୍ତି ମାନାକା ଏପେଙ୍ଗ୍ ପୁଚାଦେର୍‌ନା, ଇନେସ୍‌କି ହେୱାନ୍ ଇନେସ୍ ମାନାୟାରିଙ୍ଗ୍ ରକ୍ଷା କିନାନ୍ ଇଦାଙ୍ଗ୍ କାଜିଙ୍ଗ୍ ହେୱାନ୍ ହେୱାରିଙ୍ଗ୍ ପାପ୍ କାମାୟ୍ ପିସ୍ତି ମାପୃତାକେ ୱାନି କାଜିଙ୍ଗ୍ ସମୟ୍ ହିନାରା। ଈଶ୍ୱରତାଙ୍ଗ୍ ପାୟାଆତି ଜ୍ଞାନ୍ ଅନୁସାରେ, ମା ଲାଡ୍‌ନି ପାର୍ତିକିନି ଟଣ୍ଡେନ୍ ପାଉଲ ପା ମି ଲାଗାୟ୍ ଇଲେକେ ଚିଟି ଲେକିକିତାନ୍‌ନା।

୧ ଯୋହନ 5:13

ଇମ୍‌ଣି ମାନାୟାର୍‌ ଈଶ୍ୱର ମେହିଙ୍ଗ୍ ପାର୍ତି କିନାରା, ହେୱାର୍ କାଜିଙ୍ଗ୍ ଇ ଚିଟି ଲେକିକିନାଙ୍ଗା, ଇନେସ୍‌କି ଏପେଙ୍ଗ୍ ପୁଞ୍ଜେଙ୍ଗ୍ ଆଡ୍‌ନାଦେର୍, ଈଶ୍ୱର ମିଙ୍ଗେଙ୍ଗ୍ ୱିଜ୍‌ୱି ଜିବୁନ୍ ହିତ୍‌ତାନ୍‌ନା।