ରୋମିୟ 15:14 - New Testament in Pengo Parja Language14 ଏ ଟଣ୍ଡାର୍କାଦେର୍ ଆନେଙ୍ଗ୍ ହାର୍ କିଜି ପୁଚାଙ୍ଗ୍ନା ଯେ, ଏପେଙ୍ଗ୍ ବେସି ହାର୍। ଏପେଙ୍ଗ୍ ଜାର୍-ଜାର୍ବିତ୍ରେ ହିକ୍ଷାହିଦେଙ୍ଗ୍ ଇ ୱିଜୁ ବିଷୟ ହାର୍ କିଜି ପୁଚାଦେର୍ନା। အခန်းကိုကြည့်ပါ။ସତ୍ ବଚନ୍ ପୁନି ନିୟମ୍14 ଆରେ ଏ ନା ଟଣ୍ଡାର୍ ଆରି ତଣ୍ଦେକ୍, ନା ପାର୍ତି, ଏପେଙ୍ଗ୍ ୱିଜ଼ାକାଦେର୍ ସତ୍ଗୁଣ୍, ଆରେ ଗିଆନ୍ତ ବାର୍ତି ଆରି ହାରିତିଂ ହିକ୍ୟା ହିଦେଂ ଆଡ୍ନାଦେର୍ । အခန်းကိုကြည့်ပါ။ |
ଆରେ ଯଦି ଆନେଙ୍ଗ୍, ଈଶ୍ୱର କାତାତିଙ୍ଗ୍ ବୁଜାୟ୍ କିନି ଶାକ୍ତି ମାନାତ୍, ଆରେ ଈଶ୍ୱର ଡ଼ୁକ୍ତି ଉପାୟ୍ ବିଷୟତିଙ୍ଗ୍ ପୁନ୍ଞ୍ଜି ମାଚିସ୍ ପା, ମାତର୍ ଜେକନିକାରିଙ୍ଗ୍ ଲାଡ୍ କିୱିତିସ୍ ଇନା ଲାବ୍ ଆକାୟ୍। ଆରେ ନା ପାର୍ତି ଇଲେକେ ମାଚିସ୍ ପା, ଯଦି ଆନେଙ୍ଗ୍ ମାଡ଼ିତିଙ୍ଗ୍ ଇବେତାଙ୍ଗ୍ ହାବେ ଗୁଚାୟ୍ କିଦେଙ୍ଗ୍ ଆଡ଼୍ତିସ୍, ଆରେ ଆନେଙ୍ଗ୍ ଜେକନିକାରିଙ୍ଗ୍ ଲାଡ୍ କିୱିତିସ୍ ନାଦି ଇନା ମୁଲ୍ଯ ଆକାୟ୍।
ଆନେଙ୍ଗ୍ ନଙ୍ଗୟ୍ ମିଙ୍ଗେଙ୍ଗ୍ ମୁର୍ତିତିଙ୍ଗ୍ ହିଜି ପୁଜାକିନି କାଦି ବିଷୟରେ ୱେଚ୍ଚାନାଙ୍ଗା, ଏପେଙ୍ଗ୍ କେତ୍ଜାଣ୍ ଇଞ୍ଜ୍ନାଦେରା ଯେ ମାଙ୍ଗେଙ୍ଗ୍ ୱିଜୁ ଜିନିଷ୍ନି ଜ୍ଞାନ୍ ମାନାତ୍, ଆରେ ଆପେଙ୍ଗ୍ ହେଦାଙ୍ଗ୍ ପୁଚାପ୍ନା। ଜ୍ଞାନ୍ ପୁନ୍ଞ୍ଜି ମାଚିସ୍ ମାଙ୍ଗେଙ୍ଗ୍ ବାଟ୍ପାଣ୍ କିଦ୍ନାତ୍, ମାତର୍ ଜାର୍-ଜାର୍ବିତ୍ରେ ଲାଡ୍ କିତିସ୍ ନେ ମଣ୍ଡ୍ଲିନି ୱିଜାର୍ ମାନାୟାରିଙ୍ଗ୍ ବିନ୍-ବିନ୍ ସାଇଜ କିୟାଆନାତ୍।
ଏପେଙ୍ଗ୍ ପୁଚାଦେର୍ନା ଯେ, ଇ ମୁର୍ତିଙ୍ଗ୍ ସତ୍ ଈଶ୍ୱର ଆକାୟ୍, ଲାଗିଙ୍ଗ୍ ଏପେଙ୍ଗ୍ ମୁର୍ତିତିଙ୍ଗ୍ ପୁଜାକିତି କାଦି ପା ଚିଞ୍ଜେଙ୍ଗ୍ ଆଡ୍ନାଦେର୍। ମାତର୍ ଇମ୍ଣି ଟଣ୍ଡେନିଙ୍ଗ୍ ଅଲପ୍ ପାର୍ତି ମାନାତ୍, ଆରେ ହେୱାନ୍ ଏପେଙ୍ଗ୍ ହେ କାଦିତିଙ୍ଗ୍ ତିନାକା ହୁଡ଼୍ଦାନାନ୍। ଲାଗିଙ୍ଗ୍ ହେୱାନ୍ ମୁର୍ତିକାଙ୍ଗ୍ ହିତି କାଦି ତିନାକା ବୁଲ୍ ଇଞ୍ଜି ବାବିକିତିସ୍ ପା ଚିଞ୍ଜେଙ୍ଗ୍ ସାସ୍ କିନାନ୍।
ମାତର୍ କେତେକ୍ ପାର୍ତିକିନି ଟଣ୍ଡାର୍ ଇ ବିଷୟତିଙ୍ଗ୍ ପୁନ୍ୱାତାର୍ନା ଯେ, ମୁର୍ତିକାଙ୍ଗ୍ ଶାକ୍ତି ହିଲ୍ଗୁତ୍ ଇନେସ୍କି ହେୱାର୍ ଆଗେତାଙ୍ଗ୍ ମୁର୍ତିକାଙ୍ଗ୍ ପୁଜାକିନି ଅବ୍ୟାସ୍ ମାନାତ୍। ଲାଗିଙ୍ଗ୍ ଏଚେପାଦ୍ନା ହେୱାର୍ ମୁର୍ତିତିଙ୍ଗ୍ ହିତି କାଦିତିଙ୍ଗ୍ ତିନାର୍, ହେୱାର୍ ନିଜେ ବୁଲ୍ରେ ବାବିକିନାର୍ ଯେ ଆପେଙ୍ଗ୍ ନଙ୍ଗୟ୍ ପାତେକ୍ ମୁର୍ତି ପୁଜା କିନାପା ଆରେ ପାପ୍ କିତାପ୍ ଇଞ୍ଜି ତା ମାନ୍ତ ଆଦିକ୍ ଚିନ୍ତା କିନାର୍।
ଲାଗିଙ୍ଗ୍ ଆନେଙ୍ଗ୍ ପୁଚାଙ୍ଗ୍ନା ଏପେଙ୍ଗ୍ ପାର୍ତି କିଜି ମାନି କାଜିଙ୍ଗ୍ ଏପେଙ୍ଗ୍ ୱିଜୁ ନିପଣ୍ ହାର୍ କାମାୟ୍ କିନାଦେରା। ଈଶ୍ୱର ଆତ୍ମା ମିଙ୍ଗେଙ୍ଗ୍ ତା କାତା ୱେଚ୍ଚେଙ୍ଗ୍ ଶାକ୍ତି ହିତ୍ତାନ୍ନା ହେୱାନ୍ ମିଙ୍ଗେଙ୍ଗ୍ ବୁଦି ହିତ୍ତାନ୍ନା। ଏପେଙ୍ଗ୍ ମାନାୟାରିଙ୍ଗ୍ ସାଇଜ କିଦେଙ୍ଗ୍ ବେସି ଇଚା କିନାଦେରା ଆରେ ମାଙ୍ଗେଙ୍ଗ୍ ପା ଏପେଙ୍ଗ୍ ଲାଡ୍ କିଦ୍ନାଦେରା, ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ଇଚା କିନାଙ୍ଗା ଯେ, ଏପେଙ୍ଗ୍ ଜାର୍ ଇଚାତାଙ୍ଗ୍ ବେସି ଦାନ୍ ହିଦେଙ୍ଗ୍ ଉପାୟ୍ କିୟାଟ୍।
ଆନେଙ୍ଗ୍ ମିଙ୍ଗେଙ୍ଗ୍ ଇ ଲେକେ ବାବି କିନାକା ଟିକ୍ ମାନ୍ଗାନାତ୍, ଆନେଙ୍ଗ୍ ଜଇଲ୍ ଇଞ୍ଜ ବନ୍ଦି ଆଜି ମାଚିସ୍ କି ହାର୍ଦିକାବୁର୍ ବିଷୟରେ ଜୁକ୍ତି ଆଜି ସତ୍ ଇଞ୍ଜି ପାର୍ମାଣ୍ କିନିହିଙ୍ଗ୍। ଏପେଙ୍ଗ୍ ଆରେ ଆନେଙ୍ଗ୍ ମାହାଆଜି ଯୀଶୁ ଖ୍ରୀଷ୍ଟ ବିଷୟରେ ଶୁଣାୟ୍ କିଦେଙ୍ଗ୍ ମାଙ୍ଗେଙ୍ଗ୍ ଈଶ୍ୱର ଦୟା କିତ୍ତାନ୍ନା। ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ମି ୱିଜାକାରିଙ୍ଗ୍ ବେସି ଲାଡ୍ କିଦ୍ନାଙ୍ଗା।
ଏପେଙ୍ଗ୍ ବେସି ଦିନ୍ନି ଖ୍ରୀଷ୍ଟାନ୍ ମାନାୟ୍ କାଦେର୍, ଆରେ ଏପେଙ୍ଗ୍ ଜେକନିକାରିଙ୍ଗ୍ ହିକ୍ଷାହିନି ଦର୍କାର୍ ମାଚାତ୍। ମାତର୍ ମିଙ୍ଗେଙ୍ଗ୍ ଈଶ୍ୱର କାତାନି ମୁଡ଼୍ ବିଷୟ ଆରେରଗ ହିକାଇ କିଦ୍ଦେଙ୍ଗ୍ ଆରେ ରକାନ୍ ମାଷ୍ଟେର୍ ଦର୍କାର୍ ଆଦ୍ନାତା। ହିରୁ ହିମ୍ଣା ଇନେସ୍ କାଦି ଚିଞ୍ଜେଙ୍ଗ୍ ଆଡ୍ୱାଦାଙ୍ଗ୍ ମାଁୟ୍ ଉଣ୍ଜି ମାନାନ୍, ହେଲେକେ ଏପେଙ୍ଗ୍ ହିରୁ ହିମ୍ଣା ଆତାଦେର୍ନା।