ରୋମିୟ 14:9 - New Testament in Pengo Parja Language

⁹ ଇଦାଙ୍ଗ୍ କାଜିଙ୍ଗ୍ ନେ ଖ୍ରୀଷ୍ଟ ହାଃଜି ଆରେରଗ ଜିବୁନ୍ ଆତାନ୍, ଲାଗିଙ୍ଗ୍ ହେୱାନ୍ ଜିବୁନ୍ ମାନାକାରିଙ୍ଗ୍ ଆରେ ହାଃତାକାର୍ ମାଲିକ୍ ପା ଆନାନ୍।

ସତ୍‌ ବଚନ୍‌ ପୁନି ନିୟମ୍‌

⁹ ଇନେକିଦେଂକି କ୍ରିସ୍ଟ ଇନେସ୍‌ ହାକି ଆରି ଜିବୁନ୍‌ ରିୟାର୍‌ତି ମାପ୍ରୁ ଆନାନ୍‌, ହେଦାଂ କାଜିଂ ହେୱାନ୍‌ ହାତାନ୍‌, ଆରେ ଆରେ ଜିତାନ୍‌ ।

ରୋମିୟ 14:9 ပူးပေါင်းရင်းမြစ်များ

ମାତିଉ 28:18

ଲାଗିଙ୍ଗ୍ ଯୀଶୁ ହେୱାର୍ ଲାଗାୟ୍ ୱାଜି ହେୱାରିଙ୍ଗ୍ ୱେଚ୍‌ଚାନ୍, “ସରଗ୍ ଆରେ ପୁର୍ତିନି ୱିଜୁ ଆଦିକାର୍ ଈଶ୍ୱର ନାଙ୍ଗେଙ୍ଗ୍ ହିତ୍‌ତାନ୍‌ନା।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 24:26

ଭବିଷ୍ଯତବକ୍ତାର୍ ୱେଚ୍‌ଚି ମାନ୍‌ଞ୍ଚାର୍ ଯେ ଖ୍ରୀଷ୍ଟ ତା ଅଜଡ଼୍‌ତାଙ୍ଗ୍ ୱାୱି ଆଗେଲେକେ ଦୁକ୍‌କଷ୍ଟ ପାୟାଆଜି ହାଃନାନ୍।

ଜହନ୍‌ 12:24

ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା। ର ଗହମ୍‌ ମେଦ୍‌ନିତ ଆର୍ଜି ହାତ୍‌ପା ହାଃନି କାତା। ତାପାଚେ ହେ ମାଞ୍ଜି ଗାଜା ଆଜି ବେସି ପାଡ଼୍‌ ହିନାତ୍। ମାତର୍ ହେ ଗହମ୍‌ ଇନାୱେଡ଼ାଙ୍ଗ୍ ପା ହାଃୱିତିସ୍, ଲାଗିଙ୍ଗ୍ ଇ ଗହମ୍‌ ୱିଜୁଦିନ୍ ର ଗହମ୍‌ ଆଜି ନେ ମାନ୍‌ଗାନାତ୍।

ପକ୍ୟାତାକା 10:36

ଈଶ୍ୱର ମା ଇସ୍ରାଏଲ ଜାତିତାକେ ପକ୍ତିତି କାବୁର୍ ଏପେଙ୍ଗ୍ ପୁଚାଦେର୍‌ନା। ଈଶ୍ୱର ତା ଶାନ୍ତିନି ହାର୍ଦିକାବୁର୍ ୱେଚ୍‌ଚାତାନ୍‌ନା। ଇନେସ୍‌କି ମାନାୟାର୍ ଯୀଶୁ ଖ୍ରୀଷ୍ଟଙ୍ଗ୍ ପାର୍ତି କିଜି ହେୱାର୍ ଈଶ୍ୱର ହୁଦାଙ୍ଗ୍ ଶାନ୍ତିତାଙ୍ଗ୍ ମାଞ୍ଜେଙ୍ଗ୍ ଆଡ୍‌ନାର୍। ହେୱାନ୍‌ନେ ୱିଜାକାର୍ ମାପୃ।

ପକ୍ୟାତାକା 10:42

ଯୀଶୁଙ୍ଗ୍ ହାଃତାକାରିଙ୍ଗ୍ ଆରେ ଜିବୁନ୍ ମାନାକାରିଙ୍ଗ୍ ବିଚାର୍ କିଦେଙ୍ଗ୍ ଈଶ୍ୱର ବାଚି କିତାନ୍‌ନା। ଇ ବିଷୟରେ ୱିଜୁ ମାନାୟାରିଙ୍ଗ୍ ଶୁଣାୟ୍ କିଦେଙ୍ଗ୍, ଆରେ ସାକି ହିଦେଙ୍ଗ୍ ହେୱାନ୍ ମାଙ୍ଗେଙ୍ଗ୍ ଆଦେସ୍ ହିତ୍‌ତାନ୍‌ନା।

ରୋମିୟ 10:9

ଇନେସ୍‌କି ଏପେଙ୍ଗ୍ ଯଦି ୱେଇଦାଙ୍ଗ୍ ଯୀଶୁଙ୍ଗ୍ ମାପୃ ଇନାଦେରା, ଆରେ ତାଙ୍ଗେଙ୍ଗ୍ ଈଶ୍ୱର ହାଃତିତାଙ୍ଗ୍ ନିକ୍ତାନ୍ ଇଞ୍ଜି ଏପେଙ୍ଗ୍ ଗରବ୍‌ତାଙ୍ଗ୍ ପାର୍ତି କିନାଦେର୍, ଲାଗିଙ୍ଗ୍ ଏପେଙ୍ଗ୍ ରକ୍ଷା ପାୟାଆନାଦେର୍।

୨ କରନ୍ତିୟ 5:14

ଇନେସ୍‌କି ଖ୍ରୀଷ୍ଟ ଲାଡ୍ ମାଙ୍ଗେଙ୍ଗ୍ କଣ୍ଟ୍ରୁଲ୍ କିଦ୍‌ନାତା, ହେଦାଙ୍ଗ୍ କାଜିଙ୍ଗ୍ ଆସେଙ୍ଗ୍ ପାର୍ତି କିନାସା ଯେ, ଖ୍ରୀଷ୍ଟ ୱିଜାର୍ କାଜିଙ୍ଗ୍ ହାଃତାନ୍, ଆରେ ଆସେଙ୍ଗ୍ ଇଦାଙ୍ଗ୍ ପାର୍ତି କିନାସା ଯେ, ଆସେଙ୍ଗ୍ ପା ତା ହୁଦାଙ୍ଗ୍ ହାଃତାସ୍‌ନା।

୧ ଥେସଲନୀକିୟ 4:14

ଆସେଙ୍ଗ୍ ଯଦି, ମାପୃ ଯୀଶୁଙ୍ଗ୍ ଈଶ୍ୱର ହାଃତିତାଙ୍ଗ୍ ଆରେରଗ ଜିବୁନ୍ ହିତାନ୍‌ନା ଇଞ୍ଜି ପାର୍ତି କିନାସା। ଲାଗିଙ୍ଗ୍ ଏଚେପାଦ୍ନା ଯୀଶୁ ଆରେରଗ ପୁର୍ତିତାକେ ୱାନାନ୍, ହେପାଦ୍ନା ଯୀଶୁଙ୍ଗ୍ ପାର୍ତି କିଜି ହାଃତି ମାନାୟାରିଙ୍ଗ୍ ଈଶ୍ୱର ଆରେରଗ ଜିବୁନ୍ ହିନାନ୍।

୧ ଥେସଲନୀକିୟ 5:10

ହେୱାନ୍ ମା କାଜିଙ୍ଗ୍ ହାଃତାନ୍। ହେୱାନ୍ ଏଚେପାଦ୍ନା ଆରେରଗ ୱାତିସ୍, ଆସେଙ୍ଗ୍ ଜିବୁନ୍ ମାଚିସ୍ କି ହାଃଜି ମାଚିସ୍ ପା, ତା ଲାହାଙ୍ଗ୍ ୱିଜୁଦିନ୍ ଜିବୁନ୍‌ଆଜି ମାନାସ୍।

୨ ତିମଥି 4:1

ଯୀଶୁ ଖ୍ରୀଷ୍ଟ ରାଜା ଲେକେ ବିଚାର୍ କିଦେଙ୍ଗ୍ ୱାନାନ୍, ଜିଜି ମାଚି ମାନାୟାର୍ ଆରେ ହାଃଜି ମାଚି ମାନାୟାରିଙ୍ଗ୍ ହେୱାନ୍ ବିଚାର୍ କିନାନ୍। ଲାଗିଙ୍ଗ୍ ଆନେଙ୍ଗ୍ ଈଶ୍ୱର ରାଜିତିଙ୍ଗ୍ ଆରେ ଖ୍ରୀଷ୍ଟଙ୍ଗ୍ ସାକି ଇଡ଼୍‌ଜି, ଆନେଙ୍ଗ୍ ମିଙ୍ଗେଙ୍ଗ୍ ଆଦେସ୍ ହିଦ୍‌ନାଙ୍ଗା,

ଏବ୍ରି 12:2

ଯୀଶୁତାକେ ମା ଟାର୍ଗେଟ୍‌ ଇଡ଼୍‌ଜି ଇଦାଙ୍ଗ୍ କିନି ଦର୍‌କାର୍, ଇନେସ୍‌କି ହେୱାନ୍ ମା ପାର୍ତିନି ପୁରାପୁରି ଟିକ୍ ନେତା। କୃଶକାଟ୍ ଜପି ଲାଜା ପାୟାଆଜି ହାଃଦେଙ୍ଗ୍ ଯୀଶୁ ଇଚା କିତାନ୍, ଇନେସ୍‌କି ହେୱାନ୍ ପୁନ୍‌ଞ୍ଜି ମାଚାନ୍ ଯେ ଇଦାଙ୍ଗ୍ ପାଚେ ୱାରି ମାନାତ୍। ଲାଗିଙ୍ଗ୍ ନଙ୍ଗୟ୍ ହେୱାନ୍ ଈଶ୍ୱର ତିନାକେଇନି ବେସି ଗୌରବ ପାୟାଆନି ବାହାତାକେ କୁଚ୍‌ଚାନ୍‌ନା।

୧ ପିତର 1:21

ଖ୍ରୀଷ୍ଟ ମିଙ୍ଗେଙ୍ଗ୍ ଇନାକା କିତି କାଜିଙ୍ଗ୍ ଏପେଙ୍ଗ୍ ନଙ୍ଗୟ୍ ଈଶ୍ୱରତିଙ୍ଗ୍ ପାର୍ତିକିନାରା, ଆରେ ଈଶ୍ୱର ଖ୍ରୀଷ୍ଟଙ୍ଗ୍ ହାଃତିତାଙ୍ଗ୍ ଆରେରଗ ନିକ୍‌ତି କାଜିଙ୍ଗ୍ ଆପେଙ୍ଗ୍ ତାଙ୍ଗେଙ୍ଗ୍ ପାର୍ତି ଆରେ ଆହା କିଜି ତାଙ୍ଗେଙ୍ଗ୍ ଗୌରବ କିନାପା।

୧ ପିତର 4:5

ମାତର୍ ରଦିନ୍ ୱାନାତ୍ ହେୱାର୍ ୱିଜାକାର୍ ଈଶ୍ୱର ମୁମ୍‌ଦ ନିଲ୍‌ନାର୍ ଆରେ ଈଶ୍ୱର ହେୱାରିଙ୍ଗ୍ ବିଚାର୍ କିନାନ୍। ଈଶ୍ୱର ହେୱାରିଙ୍ଗ୍ ରୱା-ରୱାରିଙ୍ଗ୍ ୱେନ୍‌ବାନାନ୍ ଏପେଙ୍ଗ୍ ପୁର୍ତିତାକେ ମାଚିହିଙ୍ଗ୍ ଇନା-ଇନା କାମାୟ୍ କିଜି ମାଚାଦେର୍। ଈଶ୍ୱର ୱିଜୁ ହାଃତାକାରିଙ୍ଗ୍ ଆରେ ଜିବୁନ୍ ମାନି ମାନାୟାରିଙ୍ଗ୍ ବିଚାର୍ କିନାନ୍।

ହତ୍‌ତି 1:18

ଆନେଙ୍ଗ୍ ନେ ହାଃତାକାଙ୍ଗ୍ ନଙ୍ଗୟ୍ ଜିବୁନ୍ ମାନାଙ୍ଗ୍, ଆନେଙ୍ଗ୍ ରଗ ହାଃଜି ମାଚାଙ୍ଗ୍ ମାତର୍ ନଙ୍ଗୟ୍ ଆନେଙ୍ଗ୍ ଜିବୁନ୍ ମାନାଙ୍ଗ୍ ଆରେ ନଙ୍ଗୟ୍ ୱିଜୁଦିନ୍ କାଜିଙ୍ଗ୍ ଜିବୁନ୍ ମାନ୍‌ଗାନାଙ୍ଗ୍। ନାବେ ମାରାଣ୍‌ତିଙ୍ଗ୍ ଆରେ ପାତାଳ୍‌ତିଙ୍ଗ୍ ଆରେ ହାଃତାକାରିଙ୍ଗ୍ ଆରେରଗ ଜିବୁନ୍ କିନି ଅଦିକାର୍ ମାନାତ୍।

ହତ୍‌ତି 2:8

ହେୱାନ୍ ପା ନାଙ୍ଗେଙ୍ଗ୍ ୱେଚ୍‌ଚାତାନ୍, “ସ୍ମର୍ଣ୍ଣା ସହର୍‌ତ ମାନି ମଣ୍ଡ୍‌ଲିନି ଦୁତ୍‌ତିଙ୍ଗ୍ ଇ କାବୁର୍ ଲେକିକିୟାଟ୍: ହେ କାବୁର୍ ଇଲେକେ, ଆନେଙ୍ଗ୍ ନେ ହେ ମାନାୟ୍‌ତଙ୍ଗ୍‌ ଇନେର୍ ୱିଜୁ ଜିନିଷ୍‌ତିଙ୍ଗ୍ ଆରମ୍ କିତାଙ୍ଗ୍‌ନା। ଆନେଙ୍ଗ୍ ନେ ହେ ମାନାୟ୍‌ତଙ୍ଗ୍‌ ଇନେର୍ ୱିଜୁ ଜିନିଷ୍‌ତିଙ୍ଗ୍ ସେସ୍ କିଦେଙ୍ଗ୍ ଆଡ୍‌ନାଙ୍ଗ୍। ଆନେଙ୍ଗ୍ ରଗ ହାଃଜି ମାଚାଙ୍ଗ୍, ମାତର୍ ନଙ୍ଗୟ୍ ଆନେଙ୍ଗ୍ ଜିବୁନ୍ ମାନାଙ୍ଗ୍ ଆରେ ଆନେଙ୍ଗ୍ ୱିଜୁଦିନ୍ କାଜିଙ୍ଗ୍ ଜିବୁନ୍ ମାନ୍‌ଗାନାଙ୍ଗ୍।”