ରୋମିୟ 14:19 - New Testament in Pengo Parja Language

¹⁹ ହେଦାଙ୍ଗ୍ କାଜିଙ୍ଗ୍ ଆପେଙ୍ଗ୍ ମଣ୍ଡ୍‌ଲିତାକେ ଜାର୍-ଜାର୍‌ବିତ୍ରେ ହାମାନ୍ ଆଜି ମାଞ୍ଜେଙ୍ଗ୍ ଚିନ୍ତା କିନି ଦର୍‌କାର୍, ଆରେ ବେସି ପାର୍ତିକିନି କାଜିଙ୍ଗ୍ ଜାର୍-ଜାର୍‌ବିତ୍ରେ ସାଇଜ କିନି କାଜିଙ୍ଗ୍ ଉପାୟ୍ କିନି ଦର୍‌କାର୍।

ସତ୍‌ ବଚନ୍‌ ପୁନି ନିୟମ୍‌

¹⁹ ଇଚିସ୍‌ ୱାଡ, ଇମ୍‌ଣି ଇମ୍‌ଣି ବିସ୍ରେ ସୁସ୍ତାନିକା, ଆରେ ଇମ୍‌ଣି ଇମ୍‌ଣି ବିସ୍ରେ ହୁକେ ହାରି ହାର୍‌ ରଚ୍‌ନାସ୍‌, ହେ ସବୁନି ଆସେଙ୍ଗ୍‌ ପାଚେ ପାଚେ ହାନାସ୍‌ ।

ରୋମିୟ 14:19 ပူးပေါင်းရင်းမြစ်များ

ମାତିଉ 5:9

ଇମ୍‌ଣାକାନ୍ ଶାନ୍ତିନି କାମାୟ୍ କିନାନ୍ ହେୱାନ୍ ହାର୍, ଇନେସ୍‌କି ହେୱାର୍ ଈଶ୍ୱର ମେହି ଇଞ୍ଜି ପୁନିୟା ଆନାର୍।

ମାର୍କ 9:50

ଇନେସ୍‌କି ହର୍‌ତାକେ ହୱାଦ୍ ହିଲ୍‌ଗୁତ୍, ଲାଗିଙ୍ଗ୍ ତା ହୱାଦ୍ ଇନେସ୍ କିଜି ତାସିୱାନାତ୍। ଇନାୱେଡ଼ାଙ୍ଗ୍ ମିବେ ହର୍‌ନି ଗୁଣ୍ ମାନେତ୍, ଏପେଙ୍ଗ୍ ଜାର୍-ଜାର୍ ହୁଦାଙ୍ଗ୍ ଶାନ୍ତିତାଙ୍ଗ୍ ମାନାଟ୍।”

ରୋମିୟ 12:18

ଏପେଙ୍ଗ୍ ଆଡ୍‌ନି ପାତେକ୍ ମି କାମାୟ୍ ୱିଜୁ କିୟାଟ୍ ଆରେ ଏପେଙ୍ଗ୍ ୱିଜାର୍ ହୁଦାଙ୍ଗ୍ ଶାନ୍ତିତାଙ୍ଗ୍ ମାନାଟ୍।

ରୋମିୟ 15:2

ଆସେଙ୍ଗ୍ ଜେକନିକାରିଙ୍ଗ୍ ୱାରିକିନି ଦର୍‌କାର୍, ଯଦି ଆପେଙ୍ଗ୍ ଜେକନିକାରିଙ୍ଗ୍ ୱାରିୟା ଆନିଲେକେ ଆରେ ହେୱାରିଙ୍ଗ୍ ସାଇଜ କିନାପା, ଲାଗିଙ୍ଗ୍ ଆପେଙ୍ଗ୍ ମାପୃଙ୍ଗ୍ ଆଦିକ୍ ପାର୍ତିକିନି କାଜିଙ୍ଗ୍ ସାଇଜ କିୟାଆନାତ୍।

୧ କରନ୍ତିୟ 10:23

ମି ବିତ୍ରେତାଙ୍ଗ୍ କେତ୍‌ଜାଣ୍ ୱେଚ୍‌ନାର୍ ଆପେଙ୍ଗ୍ ୱିଜୁ ଜିନିଷ୍ କିଦେଙ୍ଗ୍ ଇନେର୍ ମୁନା କିଦୁର୍, ହେଦାଙ୍ଗ୍ ସତ୍ ମାତର୍ କେତେକ୍ ଜିନିଷ୍ ମାନାତ୍ ମାଙ୍ଗେଙ୍ଗ୍ ଈଶ୍ୱରତିଙ୍ଗ୍ ପାର୍ତି କିନାକା ଦୁର୍‌ବଲ୍ କିଦ୍‌ନାତ୍।

୧ କରନ୍ତିୟ 10:33

ହେଲେକେ ଆନେଙ୍ଗ୍ ପା ୱିଜାରିଙ୍ଗ୍ ୱିଜୁ ନିପଣ୍ ସାର୍‌ଦା କିନି କାଜିଙ୍ଗ୍ ଉପାୟ୍ କିନାଙ୍ଗା। ଆନେଙ୍ଗ୍ ନା ଜାର୍ ହାର୍ କାଜିଙ୍ଗ୍ ଉପାୟ୍ କିଉଙ୍ଗା, ମାତର୍ ମାନାୟାର୍ ରକ୍ଷା ପାୟାଆନି କାଜିଙ୍ଗ୍ ଇମ୍‌ଣାକା ହାର୍ ହେଦାଙ୍ଗ୍ କିନାଙ୍ଗା।

୧ କରନ୍ତିୟ 14:26

ଲାଗିଙ୍ଗ୍ ଏ ଟଣ୍ଡାର୍‌କାଦେର୍, ଏପେଙ୍ଗ୍ ମଣ୍ଡ୍‌ଲିତାକେ ରୁଣ୍ଡା ଆତିହିଙ୍ଗ୍ ଇଲେକେ କିୟାଟ୍। ରକାନ୍ କେର୍‌କଣ୍ କେରେନ୍, ରକାନ୍ ହିକ୍ଷା ହିୟେନ୍, ରକାନ୍ ଈଶ୍ୱର କାତାତିଙ୍ଗ୍ ୱେଚେନ୍, ରକାନ୍ ବୁଜାଆୱି ବାଷା ଇନାନ୍ ଆରେ ରକାନ୍ ହେ ବାଷାନି ଅର୍ତତିଙ୍ଗ୍ ବୁଜାୟ୍ କିଏନ୍‌। ମାତର୍ ଏପେଙ୍ଗ୍ ଇନାକା ୱିଜୁ କିନାଦେର୍ ହେଦାଙ୍ଗ୍ ମିଙ୍ଗେଙ୍ଗ୍ ଈଶ୍ୱରତିଙ୍ଗ୍ ଆଦିକ୍ ପାର୍ତିକିନି କାଜିଙ୍ଗ୍ ସାଇଜ କିଦ୍‌ନି ଦର୍‌କାର୍।

୧ କରନ୍ତିୟ 14:3

ମାତର୍ ଇନେର୍ ଈଶ୍ୱରତି କାତା ୱେଚ୍‌ନାନା, ମାନାୟାର୍ ହୁଦାଙ୍ଗ୍ ବେଣ୍ କିନାର୍। ଇନେସ୍‌କି ହେୱାରିଙ୍ଗ୍ ସାଇଜ, ସାର୍‌ଦା ଆରେ ଦୁଃକ୍ ନିକାରିଙ୍ଗ୍ ବୁଜାୟ୍ କିନାର୍।

୧ କରନ୍ତିୟ 14:4

ଇନେର୍ ବୁଜାଆୱି ବାଷାତାଙ୍ଗ୍ ବେଣ୍ କିନାନ୍, ହେୱାନ୍ ଜାର୍ ପାର୍ତିତିଙ୍ଗ୍ ଷ୍ଟ୍ରଙ୍ଗ୍ କିନାନ୍। ମାତର୍ ଇନେର୍ ଈଶ୍ୱର କାତା ୱେଚ୍‌ନାନ୍, ହେୱାନ୍ ୱିଜୁ ମଣ୍ଡ୍‌ଲିନି ପାର୍ତି କିନାକାରିଙ୍ଗ୍ ସାଇଜ କିନାନ୍।

୧ କରନ୍ତିୟ 14:5

ଏପେଙ୍ଗ୍ ୱିଜାଦେର୍ ବୁଜାଆୱି ବାଷାତାଙ୍ଗ୍ ବେଣ୍ କିତିସ୍ ଆନେଙ୍ଗ୍ ୱାରିୟା ଆନାଙ୍ଗ୍। ମାତର୍ ଏପେଙ୍ଗ୍ ଈଶ୍ୱର କାତା ୱେଚ୍‌ଚେଙ୍ଗ୍ ଶାକ୍ତି ପାୟାଆଡ ଇଞ୍ଜି ଆନେଙ୍ଗ୍ ଆଦିକ୍ ମାନ୍ କିନାଙ୍ଗା। ଇନେସ୍‌କି ବୁଜାଆୱି ବାଷାତାଙ୍ଗ୍ ଈଶ୍ୱର କାତା ୱେଚ୍‌ନାକା ମୁକ୍ଯ। ଯଦି ମଣ୍ଡ୍‌ଲିନିକାର୍ ଇନେର୍ ପା ହେୱାନ୍ ୱେଚ୍‌ଚି ବିଷୟନି ଅର୍ତ ବୁଜାୟ୍ କିତିସ୍ ଲାଗିଙ୍ଗ୍ ମଣ୍ଡ୍‌ଲିନି ୱିଜାକାର୍ ଆଦିକ୍ ପାର୍ତିକିନାର୍।

୧ କରନ୍ତିୟ 7:15

ମାତର୍ ଯଦି ଖ୍ରୀଷ୍ଟାନ୍ ଆୱିତି ଆଣ୍ଡ୍ରେନ୍ କି କଗ୍‌ଲେ ପିସ୍‌ପା ଆଦେଙ୍ଗ୍ ଇଚା କିନାରା ହେୱାର୍ ପିସ୍‌ପା ଆଦେଙ୍ଗ୍ ଆଡ୍‌ନାର୍। ହେପାଦ୍ନା ଖ୍ରୀଷ୍ଟାନ୍ କଗ୍‌ଲେ କି ଆଣ୍ଡ୍ରେନ୍ ହେୱାର୍ ହୁଦାଙ୍ଗ୍ ମାଞ୍ଜେଙ୍ଗ୍ ଦର୍‌କାର୍ ଆକାୟ୍, ଇନେସ୍‌କି ଈଶ୍ୱର ମାଙ୍ଗେଙ୍ଗ୍ ଶାନ୍ତିତାଙ୍ଗ୍ ମାନେର୍ ଇଞ୍ଜି ଇଚା କିନାନା।

୧ କରନ୍ତିୟ 8:1

ଆନେଙ୍ଗ୍ ନଙ୍ଗୟ୍ ମିଙ୍ଗେଙ୍ଗ୍ ମୁର୍ତିତିଙ୍ଗ୍ ହିଜି ପୁଜାକିନି କାଦି ବିଷୟରେ ୱେଚ୍‌ଚାନାଙ୍ଗା, ଏପେଙ୍ଗ୍ କେତ୍‌ଜାଣ୍ ଇଞ୍ଜ୍‌ନାଦେରା ଯେ ମାଙ୍ଗେଙ୍ଗ୍ ୱିଜୁ ଜିନିଷ୍‌ନି ଜ୍ଞାନ୍ ମାନାତ୍, ଆରେ ଆପେଙ୍ଗ୍ ହେଦାଙ୍ଗ୍ ପୁଚାପ୍‌ନା। ଜ୍ଞାନ୍ ପୁନ୍‌ଞ୍ଜି ମାଚିସ୍ ମାଙ୍ଗେଙ୍ଗ୍ ବାଟ୍‌ପାଣ୍ କିଦ୍‌ନାତ୍, ମାତର୍ ଜାର୍-ଜାର୍‌ବିତ୍ରେ ଲାଡ୍ କିତିସ୍ ନେ ମଣ୍ଡ୍‌ଲିନି ୱିଜାର୍ ମାନାୟାରିଙ୍ଗ୍ ବିନ୍-ବିନ୍ ସାଇଜ କିୟାଆନାତ୍।

୨ କରନ୍ତିୟ 12:19

ଏପେଙ୍ଗ୍ ବାବିକିଜି ମାନାଦେର୍ ଯେ, ମା ବିରୁଦ୍‌ତାକେ ୱେଚ୍‌ଚି ମାନି ୱିଜୁ ବିଷୟତିଙ୍ଗ୍ ବନ୍ଦ୍ କିଦେଙ୍ଗ୍ ଇ ୱିଜୁ ଲେକିକିନାଙ୍ଗା, ହେଲେକେ ଆକାୟ୍, ମାତର୍ ଆପେଙ୍ଗ୍ ଖ୍ରୀଷ୍ଟତାକେ ଚାକର୍ ଆଜିମାଚି କାଜିଙ୍ଗ୍ ଇ ୱିଜୁ ୱେଚ୍‌ଚାନାପା। ଇ ୱିଜୁ ଜିନିଷ୍ ମି ଲାବ୍ କାଜିଙ୍ଗ୍ କିନାପା, ଇନେସ୍‌କି ଆପେଙ୍ଗ୍ ପୁଚାପ୍‌ନା ଯେ ଈଶ୍ୱର ମାଙ୍ଗେଙ୍ଗ୍ ୱେଞ୍ଜ୍‌ନାନା।

୨ କରନ୍ତିୟ 13:11

ଏ ଲାଡ୍‌ନି ଟଣ୍ଡାର୍‌କାଦେର୍, ଆନେଙ୍ଗ୍ ମିଙ୍ଗେଙ୍ଗ୍ ସେସ୍ କାତା ୱେଚ୍‌ଚି ଇ ଚିଟି ଲେକିକିନାକା ବନ୍ଦ୍ କିନାଙ୍ଗା, ଏପେଙ୍ଗ୍ ୱିଜୁଦିନ୍ ୱାରି କିୟାଟ୍। ଏପେଙ୍ଗ୍ ଗାଜାକାର୍ ଲେକ ବୁଦି କାଟାକାଦେର୍ ଆଡ। ଏପେଙ୍ଗ୍ ଜାର୍-ଜାର୍‌ବିତ୍ରେ ସାସ୍ ହିବାଆଡ। ଏପେଙ୍ଗ୍ ର ମାନ୍‌ଆଜି ଶାନ୍ତିତାଙ୍ଗ୍ ମାନାଟ୍। ଲାଗିଙ୍ଗ୍ ଲାଡ୍ ଆରେ ଶାନ୍ତିନି ଈଶ୍ୱର ମିହୁଦାଙ୍ଗ୍ ମାନ୍‌ଗାନାନ୍।

ଏପିସିୟ 4:12

ହେୱାର୍ ଇନେସ୍ ଈଶ୍ୱର ମାନାୟାରିଙ୍ଗ୍ ତା ହେବା କିଦେଙ୍ଗ୍ ରେଡି କିନାର୍ ଆରେ ଖ୍ରୀଷ୍ଟନି ଗାଗାଡ଼୍ ଲେକେ ମଣ୍ଡ୍‌ଲିତିଙ୍ଗ୍ ଆତ୍ମିକ୍ ଜିବୁନ୍‌ତାକେ ବାଡା ଆଦେଙ୍ଗ୍ ସାଇଜ କିନାର୍।

ଏପିସିୟ 4:29

ମି ୱେଇଦାଙ୍ଗ୍ ଇମ୍‌ଣି ପର୍‌କାର୍ କରାପ୍ କାତା ୱେଚ୍‌ମାଟ୍। ମାତର୍ ମି ବେଣ୍ ୱେନି ମାନାୟାର୍ ଇନେସ୍ ସାହାସ୍ ପାୟାଆନାର୍‌, ଇଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ଇନାକା ପା ୱେଚାଟ୍ ହାର୍ ଆରେ ସାଇଜନି କାତା ୱେଚାଟ୍।

୧ ତିମତି 1:4

କାତା ଆରେ ଇନାୱେଡ଼ାଙ୍ଗ୍ ୱିଜ୍‌ୱି ଆକଦାଦିନି ଗଷ୍ଟିନି କାତାତାକେ ଦିୟାନ୍ ହିୱେଦେଙ୍ଗ୍ ହେୱାରିଙ୍ଗ୍ ଆଦେସ୍ ହିୟା। ଇନେସ୍‌କି ଇ ଲେକେ କାତାତିଙ୍ଗ୍ ମାନାୟାର୍ ଜୁକ୍ତି କିବା ଆନାର୍, ଆରେ ଈଶ୍ୱର ଇଚାକିତି କାମାୟ୍‌ତିଙ୍ଗ୍ ହେୱାର୍ କିଦେଙ୍ଗ୍ ଆଡୁର୍। ମାତର୍ ପାର୍ତିକିନି ମାନାୟାର୍ ଇ କାମାୟ୍ କିଦେଙ୍ଗ୍ ଆଡ୍‌ନାର୍।

୨ ତିମଥି 2:22

ମାତର୍ ଏନେଙ୍ଗ୍ ବେଣ୍ଡିଆ ୱେଡ଼ାତାଙ୍ଗ୍ କରାପ୍ କାମାୟ୍‌ତାଙ୍ଗ୍ ଦେହା ମାନା। ମାପୃତିଙ୍ଗ୍ ହାର୍ଦି ମାନ୍‌ତାଙ୍ଗ୍ ହେବାକିନି ମାନାୟାର୍ ହୁଦାଙ୍ଗ୍ ଏନେଙ୍ଗ୍ ଇ ୱିଜୁ ମାନି କିଦେଙ୍ଗ୍ ଉପାୟ୍ କିୟା ଏନେଙ୍ଗ୍ ଇନାକା ଟିକ୍ ହେଦାଙ୍ଗ୍ କିଦେଙ୍ଗ୍ ଉପାୟ୍ କିୟା। ଖ୍ରୀଷ୍ଟଙ୍ଗ୍ ପାର୍ତି କିୟା, ଜେକନିକାରିଙ୍ଗ୍ ଲାଡ୍ କିୟା, ଆରେ ରିସା ଆୱାଦାଙ୍ଗ୍ ଜେକନିକାର୍‌ତାକେ ହାର୍ ଆଜି ମାନା।

ଏବ୍ରି 12:14

ୱିଜାକାର୍ ହୁଦାଙ୍ଗ୍ ଶାନ୍ତିରେ ମାଞ୍ଜେଙ୍ଗ୍ ଆରେ ପବିତ୍ର ଜିବୁନ୍ କାଟି କିଦେଙ୍ଗ୍ ଉପାୟ୍ କିୟାଟ୍। ଇନେସ୍‌କି ଇମ୍‌ଣାକାର୍ ପବିତ୍ର ଆକାୟ୍ ହେୱାର୍ ମାପୃଙ୍ଗ୍ ହୁଡ଼୍‌ଦେଙ୍ଗ୍ ଆଡୁର୍।

୧ ପିତର 3:11

ଏପେଙ୍ଗ୍ କରାପ୍ କାମାୟ୍ କିନାକା ବନ୍ଦ୍ କିୟାଟ୍ ଆରେ ହାର୍ କାମାୟ୍ କିୟାଟ୍। ଏପେଙ୍ଗ୍ ଶାନ୍ତିତାଙ୍ଗ୍ ମାଞ୍ଜେଙ୍ଗ୍ ଆରେ ଶାନ୍ତି କିଦେଙ୍ଗ୍ ଉପାୟ୍ କିୟାଟ୍।”