ରୋମିୟ 14:18 - New Testament in Pengo Parja Language

¹⁸ ଯଦି ଏପେଙ୍ଗ୍ ଇଲେକେ ବ୍ୟବହାର୍ କିଜି ଖ୍ରୀଷ୍ଟଙ୍ଗ୍ ହେବା କିନାଦେର୍, ଏପେଙ୍ଗ୍ ଈଶ୍ୱରତିଙ୍ଗ୍ ୱାରି କିନାଦେର୍। ଆରେ ଜେକନିକାର୍ ପା ମିଙ୍ଗେଙ୍ଗ୍ ସନ୍‌ମାନ୍ ହିଦ୍‌ନାର୍।

ସତ୍‌ ବଚନ୍‌ ପୁନି ନିୟମ୍‌

¹⁸ ଲାଗିଂ ଇନେର୍‌ ଇ ବିସ୍ରେ କ୍ରିସ୍ଟତି ହେବା କିନାନ୍‌, ହେୱାନ୍‌ ଇସ୍ୱର୍‌ ଲାଗାଂ ଇଟ୍ୟାନାକାନ୍‌ ଆରି ମାନାୟାର୍‌ ଲାଗାଂ ପରିକ୍ୟାସିଦ୍‌ ଆନାନ୍‌ ।

ରୋମିୟ 14:18 ပူးပေါင်းရင်းမြစ်များ

ମାର୍କ 13:34

ଯୀଶୁ ତା ଚେଲାହିରିଙ୍ଗ୍ କୁକ୍‌ଚି ୱେଚ୍‌ଚାନ୍, ‘ୱାଡ ର କାତା ୱେଚ୍‌ଚାନାଙ୍ଗ୍, ର ମାନାୟ୍ ତା ଇଲ୍ ପିସ୍ତି ବେସି ଦେହା ହାଚାନ୍। ହେୱାନ୍ ହାନିହିଙ୍ଗ୍ ତା ହଲିଆରିଙ୍ଗ୍ ଇମ୍‌ଣି କାମାୟ୍ ହିତାନ୍‌ନା ହେୱାନ୍ କିନାକା ମାନାତ୍, ଆରେ ତା ଜାଗୁୱାଡ଼ିଙ୍ଗ୍ ୱେଚ୍‌ନାନ୍ ଆରେ ହାନାନ୍, ନା ୱାନାକା ଏପେଙ୍ଗ୍ ଜାଗ୍ରତ୍ ଆଜି କାସିମାନାଟ୍।’

ଜହନ୍‌ 12:26

ଇନେର୍ ନାଙ୍ଗେଙ୍ଗ୍ ହେବା କିଦ୍‌ନାର୍ ଲାଗିଙ୍ଗ୍ ହେୱାନ୍ ନା ପାଚେ ୱାଏନ୍‌। ଆରେ ଆନେଙ୍ଗ୍ ଇମେତାକେ ମାନ୍‌ଗାନାଙ୍ଗ୍, ହେବେ ନାଙ୍ଗେଙ୍ଗ୍ ହେବା କିଦ୍‌ନାକାର୍ ପା ନା ହୁଦାଙ୍ଗ୍ ମାନ୍‌ଗାନାର୍। ଇମ୍‌ଣାକାର୍ ନାଙ୍ଗେଙ୍ଗ୍ ହେବା କିଦ୍‌ନାର୍, ଲାଗିଙ୍ଗ୍ ନା ଆବା ଈଶ୍ୱର ହେୱାରିଙ୍ଗ୍ ସନ୍‌ମାନ୍ ହିନାନ୍।

ପକ୍ୟାତାକା 10:35

ଇଦାଙ୍ଗ୍ ନଙ୍ଗୟ୍ ଆନେଙ୍ଗ୍ ହାର୍‌ଦାଙ୍ଗ୍ ପୁଚାଙ୍ଗ୍‌ନା, ଈଶ୍ୱରତିଙ୍ଗ୍ ଇମ୍‌ଣି ଜାତିନି ମାନାୟାର୍ ପା ପାଣ୍ଡ୍ରାଆଜି ଦରମ୍ କାମାୟ୍ କିନାର୍, ହେୱାନିଙ୍ଗ୍ ଈଶ୍ୱର ଆହ୍‌ନାନ୍।

ରୋମିୟ 12:11

ଏପେଙ୍ଗ୍ ଜାର୍ କାମାୟ୍ କିଦେଙ୍ଗ୍ ଆଡ଼୍‌ସାୟ୍ ଆମାଟ୍, ମାତର୍ ଏପେଙ୍ଗ୍ ଆଦିକ୍ ୱାରିୟା ଆଜି ମାପୃଙ୍ଗ୍ ହେବା କିୟାଟ୍।

ରୋମିୟ 14:4

ଏପେଙ୍ଗ୍ ଈଶ୍ୱର ଦାସ୍‌ରିଙ୍ଗ୍ ନିନ୍ଦାକିନାକା ଟିକ୍ ଆକାୟ୍, ହେୱାର୍ ଈଶ୍ୱର ଆଗେ ଦାଇ ଆନାର୍। ଲାଗିଙ୍ଗ୍ ହେୱାର୍ ଟିକ୍ କରାପ୍ କିନାରା ଇଞ୍ଜି ହେୱାନ୍ ହେୱାରିଙ୍ଗ୍ ୱେଚ୍‌ନାନ୍। ହେୱାର୍ ଇନାକା କିନି ଦର୍‌କାର୍ ମାପୃ ସାକ୍ତି ହେୱାରିଙ୍ଗ୍ ସାଇଜ କିନାତ୍।

ରୋମିୟ 16:18

ହେ ଲେଗ୍‌ଦି ମାନାୟାର୍ ମା ମାପୃ ଯୀଶୁ ଖ୍ରୀଷ୍ଟଙ୍ଗ୍‌ ହେବା କିଉରା, ହେୱାର୍ ଜାର୍‌ତିଙ୍ଗ୍‌ ହେବାକିନାରା। ହେୱାର୍ ଦରମ୍ ମାନାୟାରିଙ୍ଗ୍ ଟକାୟ୍ କିଦେଙ୍ଗ୍ ଚିକ୍‌ଣାୟ୍ କିଜି କାତା ଇନାର୍।

ରୋମିୟ 6:22

ମାତର୍ ନଙ୍ଗୟ୍ ଏପେଙ୍ଗ୍ ପାପ୍‌ନି ଶାକ୍ତିତାଙ୍ଗ୍ ମୁକ୍ତି ପାୟା ଆତାଦେର୍‌ନା ଆରେ ଈଶ୍ୱରତାକେ ଚାକର୍ ଆତାଦେର୍‌ନା। ନଙ୍ଗୟ୍ ଏପେଙ୍ଗ୍ ପବିତ୍ର ଆଦେଙ୍ଗ୍ ଆରେ ୱିଜ୍‌ୱି ଜିବୁନ୍ ପାୟା ଆଦେଙ୍ଗ୍ ଦରମ୍ କାମାୟ୍ କିନାଦେରା।

୧ କରନ୍ତିୟ 7:22

ଯଦି ମାପୃ ଯୀଶୁ ଖ୍ରୀଷ୍ଟ ମିଙ୍ଗେଙ୍ଗ୍ ଚାକର୍ ଆଜି ମାଚିହିଙ୍ଗ୍ ବାଚି କିତ୍‌ତାନ୍‌ନା, ଲାଗିଙ୍ଗ୍ ହେୱାନ୍ ପାପ୍‌ନି ଶାକ୍ତିତାଙ୍ଗ୍ ମିଙ୍ଗେଙ୍ଗ୍ ମୁକ୍ତି କିତ୍‌ତାନ୍‌ନା। ଆରେ ଯଦି ମାପୃ ଯୀଶୁ ଖ୍ରୀଷ୍ଟ ମିଙ୍ଗେଙ୍ଗ୍ ଚାକର୍ ଆୱିହିଙ୍ଗ୍ ବାଚି କିତ୍‌ତାନ୍‌ନା, ଲାଗିଙ୍ଗ୍ ହେୱାନ୍ ମିଙ୍ଗେଙ୍ଗ୍ ତା ଚାକର୍ କିତ୍‌ତାନ୍‌ନା।

୨ କରନ୍ତିୟ 4:2

ଆପେଙ୍ଗ୍ ୱିଜୁ ଲାଜାଆନି କାମାୟ୍ ଆରେ ମାନାୟାର୍‌ତାଙ୍ଗ୍ ଡ଼ୁକ୍‌ଚି କିନି କାମାୟ୍ କିଉସା। ଆପେଙ୍ଗ୍ ମିଙ୍ଗେଙ୍ଗ୍ ଟକାୟ୍ କିଦ୍‌ଦେଙ୍ଗ୍ ଉପାୟ୍ କିଉପା, ଆରେ ଆପେଙ୍ଗ୍ ଈଶ୍ୱର କାତାତିଙ୍ଗ୍ ଚାଲାକି କିଜି ୱେଚ୍‌ଚୁପା। ଆପେଙ୍ଗ୍ ଈଶ୍ୱର ମୁମ୍‌ଦ ସତ୍ ୱେଚ୍‌ନାପା ଆରେ ୱିଜୁ ଦରମ୍ ମାନାୟାର୍ ପୁଚାର୍‌ନା ଯେ ଆପେଙ୍ଗ୍ ସତ୍ ୱେଚ୍‌ନାପା।

୨ କରନ୍ତିୟ 5:11

ହେଦାଙ୍ଗ୍ କାଜିଙ୍ଗ୍ ଆପେଙ୍ଗ୍ ମିଙ୍ଗେଙ୍ଗ୍ ଗୁୱାରି କିଦ୍‌ନାପା ଯେ, ଏପେଙ୍ଗ୍ ଆପେଙ୍ଗ୍ ୱେଚ୍‌ଚିତି ସତ୍‌ତିଙ୍ଗ୍ ପାର୍ତିକିୟାଟ୍। ଈଶ୍ୱର ମା ବିଷୟରେ ହାର୍ କିଜି ପୁଚାନ୍‌ନା ଆରେ ଆନେଙ୍ଗ୍ ଆହା କିନାଙ୍ଗା ଯେ, ଏପେଙ୍ଗ୍ ପା ଇ ବିଷୟରେ ପୁନ୍‌ଞ୍ଜି ମାନାଦେର୍।

୨ କରନ୍ତିୟ 5:9

ଲାଗିଙ୍ଗ୍ ମାଦାଙ୍ଗ୍ ର ଇଚା ମାନି ଦର୍‌କାର୍ ଯେ, ଆସେଙ୍ଗ୍ ଇ ଗାଗାଡ଼୍‌ତାକେ ମାଚିସ୍ କି ଇ ଗାଗାଡ଼୍‌ତାଙ୍ଗ୍ ଦେହା ମାଚିସ୍, ହେୱାନ୍ ୱାରିୟା ଆନିଲେକେ କାମାୟ୍ ୱିଜୁଦିନ୍ କିଜି ମାନାସ୍।

୨ କରନ୍ତିୟ 6:4

ମାତର୍ ୱିଜୁ ପର୍‌କାର୍ ଦୁଃକ୍ କଷ୍ଟ ୱାତିସ୍ ପା ଆପେଙ୍ଗ୍ ସାସ୍ ଆଜି ସମ୍ବାଲି କିନାପା, ଲାଗିଙ୍ଗ୍ ଆସେଙ୍ଗ୍ ଇନାକା କିତିସ୍ ପା ଆସେଙ୍ଗ୍ ହାତ୍‌ପା ଈଶ୍ୱରତିଙ୍ଗ୍ ହେବା କିନାପା ଇଞ୍ଜି ଚଚ୍‌ଚେଙ୍ଗ୍ ଉପାୟ୍ କିନାପା।

୨ କରନ୍ତିୟ 8:21

ଆପେଙ୍ଗ୍ ମାପୃତାଙ୍ଗ୍ ସନ୍‌ମାନ୍ ପାୟାଆନି କାଜିଙ୍ଗ୍ ବେସି ଜାଗ୍ରତ୍ ଆନାପା, ମାତର୍ ଜେକନିକାର୍ ପା ପୁନାର୍ ଆସେଙ୍ଗ୍ ଟିକ୍ କିନାସା ଆରେ ସନ୍‌ମାନ୍ ହିଦ୍‌ନାର୍।

ପିଲିପିୟ 4:18

ଏପେଙ୍ଗ୍ ପକ୍‌ଚି ମାନ୍‌ଞ୍ଚି ୱିଜୁ ଆନେଙ୍ଗ୍ ପାୟାଆନାଙ୍ଗା, ଆରେ ନାଙ୍ଗେଙ୍ଗ୍ ଦର୍‌କାର୍‌ତାଙ୍ଗ୍ ପା ଆଦିକ୍ ପାୟାଆତାଙ୍ଗ୍‌ନା। ଏଫାପ୍ରାଦିତ କେଇଦ ପକ୍ତାତାକା ୱିଜୁ ଦାନ୍ ପାୟାଆତାଙ୍ଗ୍‌ନା ଆରେ ନା ଲାଗାୟ୍ ବେସି ମାନାତ୍। ଏପେଙ୍ଗ୍ ନାଙ୍ଗେଙ୍ଗ୍ ପକ୍ତିତି ଦାନ୍ ଈଶ୍ୱର ଲାଗାୟ୍ ବଲିପୁଜା ଆରେ ହାର୍ ବାସ୍‌ନାହିନି ପୁଜା ସାମାନ୍ ଲେକେ। ଇଦାଙ୍ଗ୍ ଈଶ୍ୱର ଆହ୍‌ନାନ୍ ଆରେ ୱାରିୟା ଆନାନ୍।

ପିଲିପିୟ 4:8

ହାରିହାରା, ଏ ପାର୍ତିକିନି ଟଣ୍ଡାର୍‌କାଦେର୍, ସତ୍ ବିଷୟରେ, ସନ୍‌ମାନ୍ ପାୟାଆନି ବିଷୟରେ, ଟିକ୍ ବିଷୟରେ, ଇମ୍‌ଣି ୱିଜୁ ବିଷୟରେ ପାପ୍ ହିଲ୍‌ଗୁତ୍, ହଲ୍‌ନି ବିଷୟରେ, ଇମ୍‌ଣି ବିଷୟରେ ହାର୍ଦି ତର୍‌ ମାନାତ୍। ହାର୍ଦି ବିଷୟରେ ଆରେ ଇମ୍‌ଣି ବିଷୟରେ ମାନାୟାର୍ ଜୟ୍-ଜୟ୍ କିନାର୍ ଇ ୱିଜୁ ବିଷୟରେ ଏପେଙ୍ଗ୍ ଚିନ୍ତା କିୟାଟ୍।

କଲସିୟ 3:24

ଏପେଙ୍ଗ୍ ମାନେ କିୟାଟ୍ ଯେ, ଏପେଙ୍ଗ୍ ଇମ୍‌ଣି ମାଲିକ୍‌ତିଙ୍ଗ୍ ହେବା କିନାଦେର୍ ହେୱାନ୍ ଖ୍ରୀଷ୍ଟ, ଲାଗିଙ୍ଗ୍ ମାପୃ ମିଙ୍ଗେଙ୍ଗ୍ ପୁରଷ୍କାର୍ ଲେକେ ଆଦିକାର୍ ହିଦ୍‌ନାନ୍।

୧ ତିମତି 2:3

ଇଦାଙ୍ଗ୍ ମା ଉଦାର୍ କିଦ୍‌ନି ଈଶ୍ୱର କାଣ୍‍କୁକାଙ୍ଗ୍ ହାର୍ ଆରେ ୱାରିନି ବିଷୟ।

୧ ତିମତି 5:4

ମାତର୍ ଯଦି ର ରାଣ୍ଡି କଗ୍‌ଲେଙ୍ଗ୍ ହିମ୍‌ଣାୱାକ୍‌ଡ଼ା କି ନାତିନାତ୍‌ଣି ମାନ୍‌ଗିନିକ୍। ଲାଗିଙ୍ଗ୍ ହେୱାର୍ ଜାର୍ ପରିବାର୍‌ତିଙ୍ଗ୍ ଆଗେ ଜାତୁନ୍ ଆଜି ଈଶ୍ୱରତିଙ୍ଗ୍ ହେବା କିନାଙ୍ଗା ଇଞ୍ଜି ୱେଚା, ଆରେ ହେୱାର୍ ଆୟାଆବା କି ବୁଡାଦାଦାରିଙ୍ଗ୍ ଜାତୁନ୍ କିଦେଙ୍ଗ୍ ହିକ୍ଷା ହିୟା। ଇନେସ୍‌କି ଇଦାଙ୍ଗ୍ ଈଶ୍ୱର କାଣ୍‍କୁକାଙ୍ଗ୍ ହାର୍ଦି ବିଷୟ।

୧ ପିତର 2:12

ଈଶ୍ୱରତିଙ୍ଗ୍ ପୁନ୍‌ୱିତି ମାନାୟାର୍ ମି ଚାରିବେଣ୍‌ତାଙ୍ଗ୍ ମାନାର୍, ଆରେ ହେୱାର୍ ମିଙ୍ଗେଙ୍ଗ୍ ବୁଲ୍ କାମାୟ୍ କିନାରା ଇଞ୍ଜି ବିରଦ୍ କିଦେଙ୍ଗ୍ ଆଡ୍‌ନାର୍। ହେଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ହାର୍ ଜିବୁନ୍ କାଟିକିନି ଦର୍‌କାର୍, ଲାଗିଙ୍ଗ୍ ହେୱାର୍ ମି ହାର୍ କାମାୟ୍ ହୁଡ଼୍‌ଜି ଈଶ୍ୱରତିଙ୍ଗ୍ ଗୌରବ ହିନାର୍, ଏଚେପାଦ୍ନା ଯୀଶୁ ଖ୍ରୀଷ୍ଟ ପୁର୍ତିତାକେ ଆରେରଗ ବିଚାର୍ କିଦେଙ୍ଗ୍ ୱାନାନ୍।

୧ ପିତର 2:20

ମାତର୍ ଯଦି ମି ବୁଲ୍ କାମାୟ୍ କାଜିଙ୍ଗ୍ ମାଡ୍ ତିନାଦେର୍‌, ଆରେ ଦଣ୍ଡ୍ ପାୟାଆନାକା ସମ୍ବାଲି କିନାଦେରା, ଲାଗିଙ୍ଗ୍ ଏପେଙ୍ଗ୍ ଜୟ୍-ଜୟ୍ ପାୟାଆନି କାଜିଙ୍ଗ୍ ଦର୍‌କାର୍ ଆକାୟ୍। ମାତର୍ ଏପେଙ୍ଗ୍ ହାର୍ କାମାୟ୍ କିତି କାଜିଙ୍ଗ୍ ଦୁଃକ୍ କଷ୍ଟ ପାୟାଆନାଦେରା ଆରେ ସମ୍ବାଲି କିନାଦେରା ଲାଗିଙ୍ଗ୍ ଈଶ୍ୱର ମି କାଜିଙ୍ଗ୍ ୱାରିୟା ଆନାନ୍।

୧ ପିତର 3:16

ଏପେଙ୍ଗ୍ ଦରମ୍‌ଆଜି ସନ୍‌ମାନ୍ ହୁଦାଙ୍ଗ୍ ହେ ବିଷୟତିଙ୍ଗ୍ ବୁଜାୟ୍ କିନି ଦର୍‌କାର୍, ଏପେଙ୍ଗ୍ ଜାର୍ ମାନ୍‌ତିଙ୍ଗ୍ କିଲେର୍ କିଜି ଇଟାଟ୍। ଲାଗିଙ୍ଗ୍ ମାନାୟାର୍ ଯଦି ମି ବିରୁଦ୍‌ତାକେ ଇଞ୍ଜ୍‌ନାର୍, ଆରେ ଏପେଙ୍ଗ୍ ହାର୍ ଜିବୁନ୍ କାଟି କିନାକା ହେୱାର୍ ହୁଡ଼୍‍ଦାନାର୍ ଆରେ ହେୱାର୍ ଲାଜ୍ ପାୟାଆନାର୍‌, ଇନେସ୍‌କି ଏପେଙ୍ଗ୍ ଖ୍ରୀଷ୍ଟ ଲକ୍ ଆତାଦେର୍‌ନା।