ରୋମିୟ 14:15 - New Testament in Pengo Parja Language

¹⁵ ଆରେ ଯଦି ଏପେଙ୍ଗ୍ ତିନି କାଜିଙ୍ଗ୍ ଜେକନି ଖ୍ରୀଷ୍ଟାନ୍ ଟଣ୍ଡେନ୍ ଈଶ୍ୱରତିଙ୍ଗ୍ ଲାଡ୍‌ତାଙ୍ଗ୍ ମାନିକିଉନା, ଲାଗିଙ୍ଗ୍ ଏପେଙ୍ଗ୍ ହେଦାଙ୍ଗ୍ ତିନ୍‌ମାଟ୍‌, ଇନେସ୍‌କି ଖ୍ରୀଷ୍ଟ ତା କାଜିଙ୍ଗ୍ ପା ହାଃତାନ୍‌ନା।

ସତ୍‌ ବଚନ୍‌ ପୁନି ନିୟମ୍‌

¹⁵ ଇନେକିଦେଂକି ମି ଟଣ୍ଡେନ୍‌ ଜଦି କାଦି କାଜିଂ ଦୁକ୍‌ ଆନାନ୍‌, ତା ଆତିସ୍‌ ଏପେଙ୍ଗ୍‌ ଆରେ ଜିଉନନିତ ବେବାର୍‌ କିଉଦେରା । ଇମ୍‌ଣାକା କାଜିଂ କ୍ରିସ୍ଟ ହାତାନ୍‌, ହେଦାଂ ଏପେଙ୍ଗ୍‌ ମି କାଦି ହୁକେ ନସ୍ଟ କିମାଟ୍‌ ।

ରୋମିୟ 14:15 ပူးပေါင်းရင်းမြစ်များ

ରୋମିୟ 13:10

ଇନେସ୍‌କି ଜାର୍-ଜାର୍‌ବିତ୍ରେ ଲାଡ୍ କିନାକା ଇନେରିଙ୍ଗ୍ ଲସ୍ କିଉତ୍, ଲାଗିଙ୍ଗ୍ ଈଶ୍ୱରତି ୱିଜୁ ନିୟମ୍ ପୁରା କିନି କାଜିଙ୍ଗ୍ ଲାଡ୍‌କିନି ଦର୍‌କାର୍।

ରୋମିୟ 14:20

ଏପେଙ୍ଗ୍ ତିନିକାଦି କାଜିଙ୍ଗ୍ ଈଶ୍ୱର କାମାୟ୍‌ତିଙ୍ଗ୍ ବେକାର୍ କିମାଟ୍। ଏପେଙ୍ଗ୍ ମାନ୍ତ ଇଟାଟ୍ ଯେ, ୱିଜୁ ପର୍‌କାର୍ କାଦି ତିନାକା ବୁଲ୍ ଆକାୟ୍। ମାତର୍ ଯଦି ର ମାନାୟ୍ ଏପେଙ୍ଗ୍ ତିନି ର କାଦି କାଜିଙ୍ଗ୍ ଈଶ୍ୱରତିଙ୍ଗ୍ ପାର୍ତି କିନାକା ବନ୍ଦ୍ କିନାନା, ଲାଗିଙ୍ଗ୍ ହେଦାଙ୍ଗ୍ ବୁଲ୍।

ରୋମିୟ 15:2

ଆସେଙ୍ଗ୍ ଜେକନିକାରିଙ୍ଗ୍ ୱାରିକିନି ଦର୍‌କାର୍, ଯଦି ଆପେଙ୍ଗ୍ ଜେକନିକାରିଙ୍ଗ୍ ୱାରିୟା ଆନିଲେକେ ଆରେ ହେୱାରିଙ୍ଗ୍ ସାଇଜ କିନାପା, ଲାଗିଙ୍ଗ୍ ଆପେଙ୍ଗ୍ ମାପୃଙ୍ଗ୍ ଆଦିକ୍ ପାର୍ତିକିନି କାଜିଙ୍ଗ୍ ସାଇଜ କିୟାଆନାତ୍।

୧ କରନ୍ତିୟ 13:1

ଆନେଙ୍ଗ୍ ଯଦି ଜେକନିକାରିଙ୍ଗ୍ ଲାଡ୍ କିଉଙ୍ଗ୍, ସରଗ୍‌ନି ଦୁତ୍ କି ପୁର୍ତିତାକେ ମାନି ମାନାୟାର୍ ବାଷା ୱେଚ୍‌ଚିସ୍ ଇନା ଲାବ୍ ଆକାୟ୍। ହେଦାଙ୍ଗ୍ ମର୍‌ଦଲ୍ ଆରେ ଗିନି ଇସ୍ତିସ୍‌ ଇନେସ୍ ସାଉଣ୍ଡ୍ ଆନାକା ଇନେସ୍ ବେକାର୍, ହେଲେକେ ମି ବେଣ୍ ପା ଇନା ମୁଲ୍ଯ ଆକାୟ୍।

୧ କରନ୍ତିୟ 8:1

ଆନେଙ୍ଗ୍ ନଙ୍ଗୟ୍ ମିଙ୍ଗେଙ୍ଗ୍ ମୁର୍ତିତିଙ୍ଗ୍ ହିଜି ପୁଜାକିନି କାଦି ବିଷୟରେ ୱେଚ୍‌ଚାନାଙ୍ଗା, ଏପେଙ୍ଗ୍ କେତ୍‌ଜାଣ୍ ଇଞ୍ଜ୍‌ନାଦେରା ଯେ ମାଙ୍ଗେଙ୍ଗ୍ ୱିଜୁ ଜିନିଷ୍‌ନି ଜ୍ଞାନ୍ ମାନାତ୍, ଆରେ ଆପେଙ୍ଗ୍ ହେଦାଙ୍ଗ୍ ପୁଚାପ୍‌ନା। ଜ୍ଞାନ୍ ପୁନ୍‌ଞ୍ଜି ମାଚିସ୍ ମାଙ୍ଗେଙ୍ଗ୍ ବାଟ୍‌ପାଣ୍ କିଦ୍‌ନାତ୍, ମାତର୍ ଜାର୍-ଜାର୍‌ବିତ୍ରେ ଲାଡ୍ କିତିସ୍ ନେ ମଣ୍ଡ୍‌ଲିନି ୱିଜାର୍ ମାନାୟାରିଙ୍ଗ୍ ବିନ୍-ବିନ୍ ସାଇଜ କିୟାଆନାତ୍।

ଗାଲାତିୟ 5:13

ଇନେସ୍‌କି ଏ ଟଣ୍ଡାର୍‌କାଦେର୍, ଈଶ୍ୱର ମିଙ୍ଗେଙ୍ଗ୍ ସ୍ୱାଦିନ୍ ଆଜି ମାନି କାଜିଙ୍ଗ୍ କୁକ୍ତାତାନ୍‌ନା। ଲାଗିଙ୍ଗ୍ ମି ଗାଗାଡ଼୍‌ନି ଇଚାତାଙ୍ଗ୍ ପୁରା କିଦେଙ୍ଗ୍ ମି ସ୍ୱାଦିନ୍‌ତିଙ୍ଗ୍ ବ୍ୟବହାର୍ କିମାଟ୍, ମାତର୍ ଲାଡ୍‌ତାଙ୍ଗ୍ ଜାର୍-ଜାର୍‌ତିଙ୍ଗ୍ ହେବା କିନି କାଜିଙ୍ଗ୍ ବ୍ଯବହାର୍ କିୟାଟ୍।

ଏପିସିୟ 5:2

ଖ୍ରୀଷ୍ଟ ଇନେସ୍ ମିଙ୍ଗେଙ୍ଗ୍ ଲାଡ୍ କିତ୍‌ତାନ୍, ହେଲେକେ ଏପେଙ୍ଗ୍ ଜେକନିକାରିଙ୍ଗ୍ ଲାଡ୍ କିୟାଟ୍। ହେୱାନ୍ ମିଙ୍ଗେଙ୍ଗ୍ ଲାଡ୍ କିତିଲେ, ମି ପାପ୍‌ତିଙ୍ଗ୍ ଦେହା କିଦେଙ୍ଗ୍ ହେୱାନ୍ ନିଜେ ଜାର୍ ଜିବୁନ୍‌ତିଙ୍ଗ୍ ପୁଜା କିତିଲେକେ ବଲିଦାନ୍ କିୟିଆତାନ୍। ଈଶ୍ୱର ତା ବଲିଦାନ୍‌ତାଙ୍ଗ୍ ୱାରି ଆତାନ୍, ଇନେସ୍‌କି ହେୱାନ୍ ବଲିଦାନ୍ ବାସ୍ନା ଚିକାଣ୍ ଲେକେ ମାଚାତ୍।

୨ ପିତର 2:1

ଇସ୍ରାଏଲ ଦେସ୍‌ତାକେ ଇନେସ୍ ଆଗେ ବୁଲ୍ ଭବିଷ୍ଯତବକ୍ତାର୍ ଚଞ୍ଜିଆଆଜି ମାଚାର୍, ହେଲେକେ ବୁଲ୍ ହିକ୍ଷାହିନି ମାଷ୍ଟେରାର୍ ମି ବିତ୍ରେ ଚଞ୍ଜିୟା ଆନାର୍। ହେୱାର୍ ମିଚ୍ ହିକ୍ଷା ହିନାର୍, ଲାଗିଙ୍ଗ୍ ମାନାୟାର୍ ଖ୍ରୀଷ୍ଟତାକେ ପାର୍ତି କିନାକା ବନ୍ଦ୍ କିନାର୍। ଇ ବୁଲ୍ ହିକ୍ଷାହିନି ମାଷ୍ଟେରାର୍ ଖ୍ରୀଷ୍ଟଙ୍ଗ୍ ହେୱାର୍ ମାଷ୍ଟେର୍ ଇଞ୍ଜି ମାନିକିଉର୍, ଆରେ ଖ୍ରୀଷ୍ଟ ହେୱାରିଙ୍ଗ୍ ପାପ୍‌ନି ଶାକ୍ତିତାଙ୍ଗ୍ ମୁକ୍ତି କିତ୍‌ତାନ୍‌ନା ଇଞ୍ଜି ପା ଆହୁର୍। ହେୱାର୍ ଇଲେକେ ନିଜେତିଙ୍ଗ୍ ନିଜେ ହେଦାପ୍ରେ ନଷ୍ଟ ଗଟାଇକିୟା ଆନାର୍।

୧ ଯୋହନ 2:2

ଖ୍ରୀଷ୍ଟ ମା ପାପ୍‌ନି ଦଣ୍ଡ୍‌ତିଙ୍ଗ୍ ପିଣ୍‌ଜି ଅନି କାଜିଙ୍ଗ୍ ହାଃତାନ୍। ହେୱାନ୍ ମା ପାପ୍ ନେ ଅୱାତାନ୍‌ନା, ମାତର୍ ପୁର୍ତିନି ୱିଜାର୍ ମାନାୟାର୍ ପାପ୍‌ତିଙ୍ଗ୍ ଅତାନ୍‌।