ରୋମିୟ 13:11 - New Testament in Pengo Parja Language

¹¹ ଲାଗିଙ୍ଗ୍ ଏପେଙ୍ଗ୍ ୱିଜାଦେର୍ ଜାର୍-ଜାର୍‌ବିତ୍ରେ ଲାଡ୍‌କିଜି ମାନାଟ୍, ଇନେସ୍‌କି ଏଚେକାଡ଼୍‌ଦ ଈଶ୍ୱର ମାଙ୍ଗେଙ୍ଗ୍ ଇ କରାପ୍ ପୁର୍ତିତାଙ୍ଗ୍ ଉଦାର୍ କିଦ୍‌ନାନ୍, ହେ ଦିନ୍ ୱାତାତେ। ଏଚେପାଦ୍ନା ଆପେଙ୍ଗ୍ ପାର୍ତୁମ୍ ଯୀଶୁ ଖ୍ରୀଷ୍ଟଙ୍ଗ୍ ପାର୍ତି କିଜି ମାଚାପ୍, ହେଦାଙ୍ଗ୍ ନଙ୍ଗୟ୍ ଲାଗେ ୱାତାତେ। ହେଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ଇ ବିଷୟତିଙ୍ଗ୍ ବୁଜାଆଡ, ଆରେ ଏପେଙ୍ଗ୍ ହୁନ୍‌ଞ୍ଚିତାଙ୍ଗ୍ ନିଙ୍ଗାଟ୍ ଆରେ ଜାଗ୍ରତ୍ ଆଜି କାସିମାନାଟ୍।

ସତ୍‌ ବଚନ୍‌ ପୁନି ନିୟମ୍‌

¹¹ ଆରେ, ନଙ୍ଗ୍‌ ମି ହୁଚ୍‌କାଣ୍‌କୁତାଂ ଜାଗ୍ରତ୍ ଆନି ସମୁ ଜେ ଇକାୱାତାତ୍, ଇଦାଂ ପୁନ୍‌ଞ୍ଜି ଇ ସବୁ କିୟାଟ୍‌; ଇନେକିଦେଂକି ମା ପାର୍ତି କିନି ଦିନ୍‌ତାଂ ନଂ ମୁକ୍‌ଡ଼ାନାକା ମାଦାଂ ଆଦିକ୍‌ ଲାଗେ ।

ରୋମିୟ 13:11 ပူးပေါင်းရင်းမြစ်များ

ମାତିଉ 16:3

ଆରେ ଆଗେ ୱେଚ୍‌ଚି ମାନାଦେର୍, ନେଞ୍ଜେଙ୍ଗ୍ ବାର୍ହା ଆନାତ୍, ଲାଗିଙ୍ଗ୍ ସରଗ୍ ହେନ୍‌ତାତ୍‌ନା ଆରେ ବାର୍ହା ବାଦାଡ଼୍ ଆତାତ୍‌ନା। ବାଦାଡ଼୍‌ନି ପାଗ୍ ହୁଡ଼୍‌ଜି ଏପେଙ୍ଗ୍ ପୁନାଦେରା, ମାତର୍ ନଙ୍ଗୟ୍‌ନି ଚିନାତିଙ୍ଗ୍ ୱିଜୁ ବୁଜା ଆଦେଙ୍ଗ୍ ଆଡୁଦେରା?

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 21:28

ହେପାଦ୍ନା ଇ ୱିଜୁଗଟ୍‌ନା ଗଟା ଆଦେଙ୍ଗ୍ ଆରମ୍ ଆନାତ୍, ଏପେଙ୍ଗ୍ ପାଣ୍ଡ୍ରା ଆୱାଦାଙ୍ଗ୍ ଶାସ୍ ଆସ୍ତି ନିଲାଟ୍ ଆରେ ଜପି ହୁଡ଼ାଟ୍। ଇନେସ୍‌କି ଈଶ୍ୱର ୱିଜୁ ପର୍‌କାର୍‌ତାଙ୍ଗ୍ ଦୁଃକ୍‌କଷ୍ଟତାଙ୍ଗ୍ ମୁକ୍ତି କିଦ୍‌ନି ସମୟ୍ ୱାତାତ୍‌ନା।”

୧ କରନ୍ତିୟ 10:11

ଇମ୍‌ଣି ମାନାୟାର୍ ଇ ପୁର୍ତି ସେସ୍ ଆନିହିଙ୍ଗ୍ ଜିବୁନ୍ ମାନାର୍। ଇ ୱିଜୁ ବିଷୟ ମାଙ୍ଗେଙ୍ଗ୍ ହିକାୟ୍ କିଦ୍‌ନି କାଜିଙ୍ଗ୍ ଗଟାଆତାତ୍‌ନା, ଆରେ ମାଙ୍ଗେଙ୍ଗ୍ ଜାଗ୍ରତ୍ ଆନି କାଜିଙ୍ଗ୍ ଲେକାଆତାତ୍‌ନା।

୧ କରନ୍ତିୟ 15:34

ଏପେଙ୍ଗ୍ ଟିକ୍ ବିଷୟତିଙ୍ଗ୍ ହାର୍‌ଦାଙ୍ଗ୍ ଚିନ୍ତା କିୟାଟ୍, ଆରେ ପାପ୍ କାମାୟ୍ କିନାକା ବନ୍ଦ୍ କିୟାଟ୍। ଇନେସ୍‌କି ମି ବିତ୍ରେତାଙ୍ଗ୍ କେତ୍‌ଜାଣ୍ ମାନାର୍ ହେୱାର୍ ଈଶ୍ୱରତିଙ୍ଗ୍ ମୁଡ଼୍‌କେ ପୁନ୍‌ୱାତାର୍‌ନା ଆରେ ହେୱାରିଙ୍ଗ୍ ଲାଜୁ କିଦେଙ୍ଗ୍ ଇ ୱିଜୁ ବିଷୟରେ ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚାନାଙ୍ଗା।

ଏପିସିୟ 5:14

ଲାଗିଙ୍ଗ୍ ମାନାୟାର୍ ଇ ଲେକେ କିନାର୍, “ଏ ହୁଞ୍ଜ୍‌ନି ମାନାୟ୍ କାଦେର୍ ନିଙ୍ଗାଟ୍, ହାଃନି ମାନାୟାର୍ ବିତ୍ରେତାଙ୍ଗ୍ ନିଙ୍ଗାଟ୍, ଆରେ, ଖ୍ରୀଷ୍ଟ ମିଙ୍ଗେଙ୍ଗ୍ ଅଜଡ଼୍ ହିଦ୍‌ନାନ୍।”

ଜାକ୍‌ବ 5:8

ହେଲେକେ ଏପେଙ୍ଗ୍ ପା ସାସ୍ ଆସ୍ତି ମାନାଟ୍ ଆରେ ଆହା କିଜି ମାନାଟ୍, ଇନେସ୍‌କି ମାପୃ ୱାନିଦିନ୍ ଲାଗେ ମାନାତ୍।

୧ ପିତର 4:7

ଇ ପୁର୍ତି ବେଗି ସେସ୍ ଆନାତ୍‌ଦେ। ହେଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ମି ମାନ୍‌ତିଙ୍ଗ୍ କିଲେର୍ କିୟାଟ୍ ଆରେ ପାର୍ତାନା କିଜି ଜାର୍‌ତିଙ୍ଗ୍ କଣ୍ଟ୍ରୁଲ୍ କିୟାଟ୍।

୨ ପିତର 3:11

ଇଦାଙ୍ଗ୍ ସତ୍ ଯେ ଈଶ୍ୱର ଇ ୱିଜୁ ବିଷୟ ଇଲେକେ ନଷ୍ଟ କିନାନ୍। ଲାଗିଙ୍ଗ୍ ଏପେଙ୍ଗ୍ ପବିତ୍ର ଆରେ ଈଶ୍ୱରତିଙ୍ଗ୍ ୱାରି କିତିଲେକେ ଜିବୁନ୍ କାଟିକିୟାଟ୍।

୨ ପିତର 3:9

ମାପୃ ତା ଆରେରଗ ୱାନି ବିଷୟରେ ପାର୍ମାଣ୍ ପୁରା କିଦେଙ୍ଗ୍ ବିଲମ୍ କିନାନା ଇଞ୍ଜି କେତ୍‌ଜାଣ୍ ବାବିକିନାରା। ମାତର୍ ମାପୃ ଜାର୍ ପାର୍ମାଣ୍ ବିଷୟରେ ହେଲେକେ ବିଲମ୍ କିଉନା, ମାତର୍ ହେୱାନ୍ ମି କାଜିଙ୍ଗ୍ ସାସ୍ ଆସ୍ତାନ୍‌ନା। ଇନେସ୍‌କି ରକାନ୍ ପା ନଷ୍ଟ ଆମେର୍ ଇଞ୍ଜି ହେୱାନ୍ ଇଚା କିନାନା। ଆରେ ୱିଜାକାର୍ ମାନାୟ୍ ଇନେସ୍ ପାପ୍ କାମାୟ୍ ପିସ୍ତି ତା ଲାଗାୟ୍ ୱାନାର୍, ଇଦାଙ୍ଗ୍ ହେୱାନ୍ ଇଚା କିନାନା।

୧ ଯୋହନ 2:18

ଏ କାଡ଼୍‌ଦେର୍, ପୁର୍ତିନି ସେସ୍ ଜୁଗ୍ ଲାଗେ ୱାତାତେ। ଆପେଙ୍ଗ୍ ମିଙ୍ଗେଙ୍ଗ୍ ଆଗେ ୱେଚ୍‌ଚି ମାଞ୍ଚାପ୍, ପୁର୍ତି ସେସ୍ ଆନିହିଙ୍ଗ୍ ଖ୍ରୀଷ୍ଟଙ୍ଗ୍ ବିରଦ୍ କିନି ମାନାୟାର୍ ୱାନାରା, ଆରେ ନଙ୍ଗୟ୍ ଖ୍ରୀଷ୍ଟଙ୍ଗ୍ ବିରଦ୍ କିଦେଙ୍ଗ୍ ବେସିହେନି ମାନାୟାର୍ ହତ୍‌ତାରେ। ହେଦାଙ୍ଗ୍ କାଜିଙ୍ଗ୍ ଆପେଙ୍ଗ୍ ପୁଚାପେ ଯେ, ପୁର୍ତି ସେସ୍‌ ଆନିଦିନ୍ ୱାତାତେ।

ହତ୍‌ତି 1:3

ଏଚେଜାଣ୍ ଇ ଈଶ୍ୱର କାତାତିଙ୍ଗ୍ ଜେକନିକାର୍ ଆଗେ ପଡ଼ିକିନାର୍‌। ହେୱାର୍‌ ଆଶ୍ରିବାଦ୍ ପାୟାଆନାର୍‌ ୱିଜୁ ୱେନାକାରିଙ୍ଗ୍ ଆରେ ମାନି କିନାକାରିଙ୍ଗ୍ ଈଶ୍ୱର ହେ ୱିଜାରିଙ୍ଗ୍ ଆଶ୍ରିବାଦ୍ କିନାନ୍, ଇନେସ୍‌କି ଇ ୱିଜୁ ବିଷୟ ବେଗି ଗଟାଆନାତ୍।

ହତ୍‌ତି 22:10

ତାପାଚେ ହେ ଦୁତ୍ ନାଙ୍ଗେଙ୍ଗ୍ ଆରେରଗ ୱେଚ୍‌ଚାତାତ୍, ଏପେଙ୍ଗ୍ ଲେକିକିତି ଇ ବହିନି ଈଶ୍ୱର କାତାତିଙ୍ଗ୍ ଡ଼ୁକ୍‌ଚି ଇଟ୍‌ମାଟ୍, ଇନେସ୍‌କି ଇ ୱିଜୁ ବିଷୟ ବେଗି ପୁରା ଆନାତ୍‌ଦେ।

ହତ୍‌ତି 22:12

“ତାପାଚେ ମାପୃ ଯୀଶୁ ୱେଚ୍‌ଚାନ୍‌, ହୁଡ଼ାଟ୍ ଆନେଙ୍ଗ୍ ବେଗି ୱାନାଙ୍ଗା, ୱିଜାର୍ ମାନାୟାର୍ କାମାୟ୍ ଅନୁସାରେ ଆନେଙ୍ଗ୍ ହେୱାରିଙ୍ଗ୍ ପୁରଷ୍କାର୍ ଆୱିତିସ୍ ଦଣ୍ଡ୍ ହିନାଙ୍ଗ୍।”

ହତ୍‌ତି 22:20

ଯୀଶୁ ନିଜେ ଇ ୱିଜୁ ବିଷୟ କାଜିଙ୍ଗ୍ ସାକି ହିଜି ୱେଚ୍‌ନାନା, “ଆଁ, ଆନେଙ୍ଗ୍ ବେଗି ୱାନାଙ୍ଗା। ଆନେଙ୍ଗ୍ ଯୋହନ ଉତର୍ ହିତାଙ୍ଗ୍, ଆମେନ୍! ମାପୃ ଯୀଶୁ ଏନେଙ୍ଗ୍ ବେଗି ୱା।”