ରୋମିୟ 11:22 - New Testament in Pengo Parja Language

²² ଲାଗିଙ୍ଗ୍ ଏପେଙ୍ଗ୍ ଈଶ୍ୱର ଦୟା ଆରେ ତା କାତା ମାନିକିୱି ମାନାୟାରିଙ୍ଗ୍ ଦଣ୍ଡ୍ ହିନି ବିଷୟତିଙ୍ଗ୍ ବୁଜାଆଡ, ଇନେସ୍‌କି ହେୱାନ୍ ତା କାତା ମାନି କିୱାକାରିଙ୍ଗ୍ ଦଣ୍ଡ୍ ହିନାନ୍। ମାତର୍ ହେୱାନ୍ ମିଙ୍ଗେଙ୍ଗ୍ ଦୟା କିଦ୍‌ନାନା, ଇନେସ୍‌କି ଏପେଙ୍ଗ୍ ତାଙ୍ଗେଙ୍ଗ୍ ପାର୍ତି କିନାଦେରା। ମାତର୍ ଏପେଙ୍ଗ୍ ଯଦି ତାଙ୍ଗେଙ୍ଗ୍ ପାର୍ତି କିନାକା ବନ୍ଦ୍ କିନାଦେର୍, ଲାଗିଙ୍ଗ୍ ହେୱାନ୍ ମିଙ୍ଗେଙ୍ଗ୍ ପା କାଦ୍‌ଦି ତୁସିହିଦ୍‌ନାନ୍‌।

ସତ୍‌ ବଚନ୍‌ ପୁନି ନିୟମ୍‌

²² ଲାଗିଂ, ଇସ୍ୱର୍ତି ଦୟା ଆରି ଡାଟ୍‌ ବୁଜା ଆଡ; ଇମ୍‌ଣାକାର୍‌ ମୁଞ୍ଜ୍‌ତାର୍‌, ହେୱାର୍‌ କାଜିଂ ଆଟ୍‌ୱା, ମାତର୍‌ ଏପେଙ୍ଗ୍‌ ଜଦି ଇସ୍ୱର୍ତି ଦୟାତି ସାରାଣ୍‌ ଆଜ଼ି ମାନାଟ୍‌, ତା ଆତିସ୍‌ ମି କାଜିଂ ହେୱାନ୍ତି ଦୟା; ନଲେ ଏପେଙ୍ଗ୍‌ ପା କାତ୍ୟାନାର୍‌ ।

ରୋମିୟ 11:22 ပူးပေါင်းရင်းမြစ်များ

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 8:15

ଇନେର୍ ଈଶ୍ୱର କାତାତିଙ୍ଗ୍ ୱେନ୍‌ଞ୍ଜି ହାର୍‌ଦାଙ୍ଗ୍ ମାନ୍ତ ଆହ୍ନାର୍, ହେୱାର୍ ହାଦ୍‌ଦାରୁମ୍ ଆଜି ଜିବୁନ୍ କାଟିକିନାର୍, ଆରେ ହେୱାର୍ ଈଶ୍ୱର କାତାତିଙ୍ଗ୍ ମାନିକିଜି ମାନାର୍। ହେୱାର୍ ହାର୍ଦି ମେଦ୍‌ନିତ ଆର୍ତି ବିୟାନ୍ ଲେକେ।”

ଜହନ୍‌ 15:2

ନାବେ ମାନି ଇମ୍‌ଣି କେନ୍ଦାତାକେ ପାଡ଼୍‌ ଆହ୍‌ୱିତିସ୍, ହେୱାନ୍ ହେଦାଙ୍ଗ୍‌ତିଙ୍ଗ୍ କାତ୍‌ନାନ୍। ଇମ୍‌ଣି କେନ୍ଦାତାକେ ପାଡ଼୍‌ ଆସ୍ତି ମାନାତ୍, ଆଦିକ୍ ପାଡ଼୍‌ ଆହ୍‌ନି କାଜିଙ୍ଗ୍ ହେ କେନ୍ଦାତିଙ୍ଗ୍ ଜାତୁନ୍ କିନାନ୍‌।

ଜହନ୍‌ 8:31

ଯୀଶୁ ପାର୍ତିକିନି ଯିହୁଦିରିଙ୍ଗ୍ ୱେଚ୍‌ଚାନ୍, “ଏପେଙ୍ଗ୍ ଯଦି ନା ହିକ୍ଷାତିଙ୍ଗ୍ ମାନିକିନାଦେର୍, ଲାଗିଙ୍ଗ୍ ଏପେଙ୍ଗ୍ ନା ଚେଲାଆନାଦେର୍।

ପକ୍ୟାତାକା 11:23

ହେୱାନ୍ ହେବେ ଏକିସ୍ ଈଶ୍ୱର ଦୟା ହୁଡ଼୍‌ଜି ୱାରି ଆତାନ୍। ଆରେ ଯୀଶୁ ମାପୃତାକେ ନେ ପାର୍ତି କିଜି ମାଞ୍ଜେଙ୍ଗ୍ ହେୱାନ୍ ହେୱାରିଙ୍ଗ୍ କେତେକ୍ କାତା ୱେଚ୍‌ଚି ସାହାସ୍ କିୟିକିତ୍‌ତାନା।

ପକ୍ୟାତାକା 14:22

ଆରେ ହେୱାର୍ ୱିଜୁ ସହର୍‌ତାକେ ମାନି ପାର୍ତିକିନି ଚେଲାହିର୍ ମେହାଆଜି ହେୱାରିଙ୍ଗ୍ ଶାନ୍ତି କିଜି ମାଚାର୍। ଆରେ ହେୱାର୍ ହେୱାରିଙ୍ଗ୍ ପାର୍ତି କିଜି ମାଞ୍ଜେଙ୍ଗ୍ ସାହାସ୍‌ନି କାତା ୱେଚ୍‌ଚାର୍। ଆରେ ହେୱାର୍ ୱେଚ୍‌ଚାର୍, “ଈଶ୍ୱର ସାସନ୍ କିନି ରାଜିତାକେ ହାଞ୍ଜେଙ୍ଗ୍ ମାଙ୍ଗେଙ୍ଗ୍ ବେସି ଦୁକ୍‌କଷ୍ଟ ପାୟାଆନାକା ଆନାତ୍।”

ରୋମିୟ 11:21

ଲାଗିଙ୍ଗ୍ ଯଦି ଈଶ୍ୱର ତା ହାର୍ କେନ୍ଦାଲେକେ ଯିହୁଦି ଜାତିନି ମାନାୟାରିଙ୍ଗ୍ ଦୟା କିୱାଦାଙ୍ଗ୍ କାତ୍‌ତାନ୍, ଆରେ ଏପେଙ୍ଗ୍ ର ରାନ୍‍ତି ଅଲିବ୍ ମାର୍‌ତି କେନ୍ଦାଲେକେ, ମିଙ୍ଗେଙ୍ଗ୍ ତ ମୁଡ଼୍‌କେ ଦୟା କିଦ୍‌ୱାଦାଙ୍ଗ୍ କାଦ୍‌ଦି ତୁସିହିନାନ୍‌।

ରୋମିୟ 2:7

ମାତର୍ ଇମ୍‌ଣାକାର୍ ସାସ୍ ଆଜି ହାର୍ କାମାୟ୍ କିନାର୍, ଗୌରବ, ସନ୍‌ମାନ୍ ଆରେ ୱିଜ୍‌ୱି ଜିବୁନ୍ ପାୟାଆନି କାଜିଙ୍ଗ୍ ୱିଜୁଦିନ୍ ଦାହ୍‌ନାର୍, ଈଶ୍ୱର ହେୱାରିଙ୍ଗ୍ ୱିଜ୍‌ୱି ଜିବୁନ୍ ହିନାତ୍।

୧ କରନ୍ତିୟ 15:2

ଇମ୍‌ଣି ହାର୍ଦିକାବୁର୍ ଆନେଙ୍ଗ୍ ମିଙ୍ଗେଙ୍ଗ୍ ଶୁଣାୟ୍ କିଜି ମାନ୍‌ଞ୍ଚାଙ୍ଗ୍, ହେ ହାର୍ଦିକାବୁର୍ କାଜିଙ୍ଗ୍ ଈଶ୍ୱର ମିଙ୍ଗେଙ୍ଗ୍ ରକ୍ଷା କିଦ୍‌ନାନ୍। ଯଦି ଏପେଙ୍ଗ୍ ହାର୍ଦିକାବୁର୍‌ତିଙ୍ଗ୍ ପାର୍ତି କିନାକା ବନ୍ଦ୍ କିନାଦେର୍ ଲାଗିଙ୍ଗ୍ ମି ପାର୍ତି ବେକାର୍ ଆନାତ୍‌।

ଗାଲାତିୟ 6:9

ଲାଗିଙ୍ଗ୍ ଆସେଙ୍ଗ୍ ହାର୍ଦି କାମାୟ୍ କିଦେଙ୍ଗ୍ ବିଜାର୍ ଆଉସ୍। ଆସେଙ୍ଗ୍ ଯଦି ବିଜାର୍ ଆୱାଦାଙ୍ଗ୍ ହାର୍ଦି କାମାୟ୍ କିଜି ମାନ୍‌ଙ୍ଗାନାସ୍, ଲାଗିଙ୍ଗ୍ ଟିକ୍ ସମୟ୍‌ତ ଆଶ୍ରିବାଦ୍ ପାୟାଆନାସ୍।

୧ ଥେସଲନୀକିୟ 3:5

ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍, ଏପେଙ୍ଗ୍ ଖ୍ରୀଷ୍ଟତାକେ ବେସି ପାର୍ତି କିନାଦେରା କି ଆକାୟ୍ ଇଞ୍ଜି ପୁଞ୍ଜେଙ୍ଗ୍ ତିମତିତିଙ୍ଗ୍ ମିତାକେ ପକ୍ତାତାଙ୍ଗ୍। ଇନେସ୍‌କି ଆନେଙ୍ଗ୍ ପାଣ୍ଡ୍ରାଆଜି ମାଚାଙ୍ଗ୍ ଯେ, ଶୟତାନ୍ ମାନାୟାରିଙ୍ଗ୍ ପରିକ୍ଷା କିନାତା, ହେଦାଙ୍ଗ୍ କାଜିଙ୍ଗ୍ ମିଙ୍ଗେଙ୍ଗ୍ ପରିକ୍ଷା କିଜି ମାଞ୍ଜ୍‌ନାତ୍, ଆରେ ମା କିତି କଷ୍ଟ କାମାୟ୍ ବେକାର୍ ଆନାତ୍।

୧ ଥେସଲନୀକିୟ 3:8

ଇଦାଙ୍ଗ୍ ପୁନି ଜିବୁନ୍ ପାୟା ଆତିଲେକେ ମାଙ୍ଗେଙ୍ଗ୍ ସାସ୍ ହିଦ୍‌ନାତା, ଲାଗିଙ୍ଗ୍ ଏପେଙ୍ଗ୍ ମାପୃତାକେ ୱିଜୁଦିନ୍ ପାର୍ତି କିଜି ମାନାଟ୍।

ଏବ୍ରି 10:23

ଆସେଙ୍ଗ୍ ଇମ୍‌ଣି ଆହା ବିଷୟରେ ୱେଚ୍‌ନାସା, ହେଦାଙ୍ଗ୍ ବେସି ଷ୍ଟ୍ରଙ୍ଗ୍ ବାବ୍‌ରେ ଆସ୍ତି ମାନାଟ୍, ଇନେସ୍‌କି ଈଶ୍ୱର ଇନାକା ପାର୍ମାଣ୍ କିନାନ୍ ହେଦାଙ୍ଗ୍ କିନାନ୍ ଇଞ୍ଜି ଆସେଙ୍ଗ୍ ପାର୍ତି କିନାସା।

ଏବ୍ରି 3:14

ଇନେସ୍‌କି ଆଗେତାଙ୍ଗ୍ ମା ପାର୍ତି ଇନେସ୍ ଈଶ୍ୱର ଜପି ମାଚାତ୍, ହେଲେକେ ପାର୍ତି ଯଦି ଆସେଙ୍ଗ୍ ଜିଜି ମାନି ପାତେକ୍ ଷ୍ଟ୍ରଙ୍ଗ୍‌କିଜି ଆସ୍ତି ମାନାସ୍, ଲାଗିଙ୍ଗ୍ ଖ୍ରୀଷ୍ଟନି ୱିଜୁ ବିଷୟନି ବାଗ୍ ପାୟାଆନାସ୍।

ଏବ୍ରି 3:6

ମାତର୍ ଖ୍ରୀଷ୍ଟ ହିମ୍‌ଣା ଲେକେ ଆନି କାଜିଙ୍ଗ୍ ଈଶ୍ୱର ପରିବାର୍‌ନି ମାନାୟାର୍ ଜପି ବିସ୍‌ବସ୍ତ ମାନାନ୍। ଆରେ ଯଦି ଆସେଙ୍ଗ୍ ମା ସାହାସ୍‌ତିଙ୍ଗ୍ ଆରେ ଖ୍ରୀଷ୍ଟତାକେ ଇଡ଼୍‌ତି ଆହାତିଙ୍ଗ୍ କଣ୍ଟ୍ରୁଲ୍‌କିଜି ସେସ୍ ପାତେକ୍ ଆସ୍ତି ମାନାସ୍, ଲାଗିଙ୍ଗ୍ ଆସେଙ୍ଗ୍ ନିଜେ ହେ ପରିବାର୍‌ନି ମାନାୟ୍ ଆନାସ୍।

୧ ଯୋହନ 2:19

ହେୱାର୍ ମା ମଣ୍ଡ୍‌ଲିତାଙ୍ଗ୍ ହୋସି ହାଚାର୍, ଇନେସ୍‌କି ହେୱାର୍ ମା ମଣ୍ଡ୍‌ଲିନିକାର୍ ଆୱାଦାଙ୍ଗ୍ ମାଚାର୍, ଯଦି ହେୱାର୍ ମା ମଣ୍ଡ୍‌ଲିନିକାର୍ ଆତାର୍‌ମା, ଲାଗିଙ୍ଗ୍ ହେୱାର୍ ମା ହୁଦାଙ୍ଗ୍ ମାଚାର୍‌ମା। ମାତର୍ ଏଚେପାଦ୍ନା ମା ମଣ୍ଡ୍‌ଲିତିଙ୍ଗ୍ ପିସ୍ତି ହାଚାର୍, ହେପାଦ୍ନା ଆପେଙ୍ଗ୍ ପୁଚାପ୍ ଯେ, ହେୱାର୍ ମା ମଣ୍ଡ୍‌ଲିନିକାର୍ ଆକାୟ୍।

ହତ୍‌ତି 2:5

ଏପେଙ୍ଗ୍ ଏତୁକିୟାଟ୍ ଆଗେ ନାଙ୍ଗେଙ୍ଗ୍ ଇନେସ୍ ଲାଡ୍‌କିଜି ମାନ୍‌ଞ୍ଚାଦେର୍, ମାତର୍ ନଙ୍ଗୟ୍ ଏପେଙ୍ଗ୍ ହେଲେକେ ଲାଡ୍ ନାଙ୍ଗେଙ୍ଗ୍ କିଦୁଦେରା। ଲାଗିଙ୍ଗ୍ ଏପେଙ୍ଗ୍ ମି ମାନ୍‌ତିଙ୍ଗ୍ ବାଦ୍‌ଲାୟ୍ କିୟାଟ୍ ଆରେ ଆଗେ ଇନେସ୍ ନାଙ୍ଗେଙ୍ଗ୍ ଲାଡ୍‌କିଜି ମାନ୍‌ଞ୍ଚାଦେର୍ ହେଲେକେ ନାଙ୍ଗେଙ୍ଗ୍ ଲାଡ୍ କିଦ୍‌ନାକା ଆରମ୍ କିୟାଟ୍। ଯଦି ଏପେଙ୍ଗ୍ ପାପ୍ କାମାୟ୍ କିନାକା ବନ୍ଦ୍ କିଉଦେର୍ ଲାଗିଙ୍ଗ୍ ଆନେଙ୍ଗ୍ ୱାତିସ୍ ମି ମଣ୍ଡ୍‌ଲିତାଙ୍ଗ୍ ବଇଟା ଇଟ୍‌ନାକା ଗୁଚାୟ୍ କିନାଙ୍ଗ୍।