ରୋମିୟ 10:12 - New Testament in Pengo Parja Language

¹² ଯିହୁଦି ଜାତିନି ମାନାୟାର୍ ଆୟେର୍ କି ବିନ୍‌ଜାତିନି ମାନାୟାର୍ ଆଏର୍ ହାମାନ୍ ସନ୍‌ମାନ୍ ପାୟାଆନାର୍‌। ହେୱାର୍ ୱିଜାର୍ ର ଈଶ୍ୱରତିଙ୍ଗ୍ ନେ ପାର୍ତିକିନାରା, ଏଚେପାଦ୍ନା ହେୱାର୍ ଈଶ୍ୱରତିଙ୍ଗ୍ ପାର୍ତାନା କିଜି ଇନାକା ଏନ୍‌ନାର୍। ଲାଗିଙ୍ଗ୍ ହେୱାନ୍ ହେୱାରିଙ୍ଗ୍ ଦୟା କିନାନ୍‌।

ସତ୍‌ ବଚନ୍‌ ପୁନି ନିୟମ୍‌

¹² ଇନେକିଦେଂକି ଜିହୁଦି ଆରି ଗ୍ରିକ୍‌ ବିତ୍ରେ ଇନାକାପା ବିନେ ଆକାୟ୍‌, ଲାଗିଂ ୱିଜ଼ାର୍‌ତି ତ ର ମାପ୍ରୁ, ଆରେ ଏଚେକ୍‌ ଲକ୍‌ ହେୱାନ୍‌ତି ଲାଗାଂ ପାର୍ତାନା କିତାର୍‌, ହେୱାନ୍‌ ୱିଜ଼ାର୍‌ କାଜିଂ ହେୱାନ୍‌ ଉପ୍‌କାର୍‌ନି ଦାନ୍‌ଲାକେ ।

ରୋମିୟ 10:12 ပူးပေါင်းရင်းမြစ်များ

ପକ୍ୟାତାକା 7:59

ହେୱାର୍ ସ୍ତିପାନତିଙ୍ଗ୍ କାଲ୍‌କୁ ହୁଦାଙ୍ଗ୍ ଟ୍ରାକ୍‌ଚି ମାଚିହିଙ୍ଗ୍, ହେପାଦ୍ନା ହେୱାନ୍ ପାର୍ତାନା କିଜି ୱେଚ୍‌ଚାନ୍, “ଏ ମାପୃ ଯୀଶୁ ନା ଆତ୍ମାତିଙ୍ଗ୍ ଆସ୍ତା।”

ପକ୍ୟାତାକା 9:14

ଆରେ ଇ ବାହାତାକେ ଏଚେଜାଣ୍ ମାନାୟାର୍ ନିବେ ପାର୍ତି କିନାକାରିଙ୍ଗ୍, ହେୱାନ୍ ଗାଚ୍‌ଚି ଯିରୁଶାଲାମ୍ ସହର୍‌ତାକେ ଅଦେଙ୍ଗ୍ ଈଶ୍ୱର ହେବାକିନି ପ୍ରଦାନ୍ ମୁଡ଼୍‌ଦି ପୁଜାରିର୍‌ତାଙ୍ଗ୍ ଆଦେସ୍ ପାୟାଆତାନ୍‌ନା, ଇଞ୍ଜି ଆନେଙ୍ଗ୍ କେତେକ୍ ହେନି ମାନାୟାର୍‌ତାକେ ଇୱାନ୍ ବିଷୟରେ ୱେଚାଙ୍ଗ୍‌ନା।”

ରୋମିୟ 14:9

ଇଦାଙ୍ଗ୍ କାଜିଙ୍ଗ୍ ନେ ଖ୍ରୀଷ୍ଟ ହାଃଜି ଆରେରଗ ଜିବୁନ୍ ଆତାନ୍, ଲାଗିଙ୍ଗ୍ ହେୱାନ୍ ଜିବୁନ୍ ମାନାକାରିଙ୍ଗ୍ ଆରେ ହାଃତାକାର୍ ମାଲିକ୍ ପା ଆନାନ୍।

ରୋମିୟ 15:12

ଆରେ ଯିଶାୟ ଭବିଷ୍ଯତବକ୍ତା ଇଲେକେ ୱେଚ୍‌ଚାନ୍‌ନା ଯେ, “ଯିଶି ମେହି ଦାଉଦ ରାଜା କୁଟୁମ୍‌ତାଙ୍ଗ୍ ର ମାନାୟ୍ ତା ରାଜ୍ ଗାଦିତିଙ୍ଗ୍ ଅଦିକାର୍ କିଦେଙ୍ଗ୍ ୱାନାନ୍, ଆରେ ହେୱାନ୍ ୱିଜୁ ବିନ୍‌ଜାତିନି ମାନାୟାରିଙ୍ଗ୍ ସାସନ୍ କିନାନ୍। ହେ ବିନ୍‌ଜାତିନି ମାନାୟାର୍ ତାଙ୍ଗେଙ୍ଗ୍ ଆହା କିନାର୍।”

ରୋମିୟ 2:4

ଈଶ୍ୱର ମିଙ୍ଗେଙ୍ଗ୍ ଦୟା କିଦ୍‌ନି କାଜିଙ୍ଗ୍, ମିଙ୍ଗେଙ୍ଗ୍ ପାପ୍ କାମାୟ୍ ପିସ୍ତି ମାନ୍‌ବାଦ୍‌ଲାୟ୍ କିଦେଙ୍ଗ୍ ସୁଯଗ୍ ହିଦ୍‌ନାନା। ଏପେଙ୍ଗ୍ ତା ଦୟା, ସାସ୍ ଆରେ ୱିଜୁଦିନ୍ ଲାଡ୍‌କିନି ବିଷୟତିଙ୍ଗ୍ ପୁଞ୍ଜେଙ୍ଗ୍ ଆଡୁଦେରା।

ରୋମିୟ 3:22

ତା ଅର୍ତ ଇଲେକେ ଯେ, ଏଚେପାଦ୍ନା ଆସେଙ୍ଗ୍ ଯୀଶୁ ଖ୍ରୀଷ୍ଟଙ୍ଗ୍ ମା ପାପ୍ ପିଣ୍‌ଜି ଅନାନ୍ ଇଞ୍ଜି ପାର୍ତି କିନାସ୍, ଈଶ୍ୱର ମାଙ୍ଗେଙ୍ଗ୍ ଦରମ୍ ମାନାୟ୍ କିଦ୍‌ନାନ୍। ଆସେଙ୍ଗ୍ ଯିହୁଦି ଆଏସ୍‌ କି ବିନ୍ ଜାତିନିକାସ୍ ଆଏସ୍ ୱିଜାରିଙ୍ଗ୍ ହାମାନ୍ ଅଦିକାର୍ ହିତ୍‌ତାନ୍‌ନା।

୧ କରନ୍ତିୟ 1:2

ଆନେଙ୍ଗ୍ କରନ୍ତିୟ ସହର୍‌ନି ଈଶ୍ୱର ମଣ୍ଡ୍‌ଲିତାକେ ଇ ଚିଟି ଲେକିକିନାଙ୍ଗା, ଈଶ୍ୱର ମିଙ୍ଗେଙ୍ଗ୍ ତା ପବିତ୍ର ମାନାୟ୍ ଆନି କାଜିଙ୍ଗ୍ ବାଚିକିତ୍‌ତାନ୍। ଏଚେଜାଣ୍ ମାନାୟ୍ ଇମ୍‌ଣି ବାହାତାକେ ମାଚିସ୍ ପା ଯୀଶୁ ଖ୍ରୀଷ୍ଟ ମା ମାପୃ ଇଞ୍ଜି ପାର୍ତାନା କିନାରା, ହେୱାରିଙ୍ଗ୍ ପବିତ୍ର କିତିଲେକେ ହେୱାନ୍ ମିଙ୍ଗେଙ୍ଗ୍ ପା ପବିତ୍ର କିତ୍‌ତାନ୍‌ନା। ଇନେସ୍‌କି ଯୀଶୁ ଖ୍ରୀଷ୍ଟ ନେ ମା ୱିଜାକାର୍ ମାପୃ।

୧ କରନ୍ତିୟ 15:47

ଈଶ୍ୱର ପାର୍ତୁମ୍ ମାନାୟ୍ ଆଦମତିଙ୍ଗ୍ ଇ ପୁର୍ତିନି ଚିକ୍‌ଲାତାଙ୍ଗ୍ ରସ୍ତାନ୍, ମାତର୍ ଦୁଇ ନମ୍ବର୍ ଆଦମ ଯୀଶୁ ଖ୍ରୀଷ୍ଟ ସରଗ୍‌ତାଙ୍ଗ୍ ୱାଜିମାଚାନ୍।

୨ କରନ୍ତିୟ 8:9

ଏପେଙ୍ଗ୍ ପୁଚାଦେର୍‌ନା ଯେ, ମା ମାପୃ ଯୀଶୁ ଖ୍ରୀଷ୍ଟ ନିଜେ ଇଚା କିଜି ମାଙ୍ଗେଙ୍ଗ୍ ଦୟା କିତ୍‌ତାନ୍‌ନା। ହେୱାନ୍ ଗରିବ୍ ଆତି କାଜିଙ୍ଗ୍ ଆସେଙ୍ଗ୍ ହାଉକାର୍ ଆୟା ଆନାତ୍, ଲାଗିଙ୍ଗ୍ ହେୱାର୍ ହାଉକାର୍ ମାଚିସ୍ ପା ହେୱାନ୍ ମା କାଜିଙ୍ଗ୍ ଗରିବ୍ ଆଜି ମାଚାନ୍।

ଗାଲାତିୟ 3:28

ଲାଗିଙ୍ଗ୍ ଯିହୁଦି ଜାତି କି ବିନ୍‌ଜାତି, ଦାସ୍ କି ଦାସ୍ ଆୱିତି ମାନାୟ୍, ଆଣ୍ଡ୍ରା କି କଗ୍‌ଲେ ବିତ୍ରେ ଇନାକା ପା ଜେକ ଆକାୟ୍। ଇନେସ୍‌କି ଏପେଙ୍ଗ୍ ଯୀଶୁ ଖ୍ରୀଷ୍ଟତାକେ ରବେ ଆତାଦେର୍‌ନା।

ଏପିସିୟ 1:7

ଈଶ୍ୱର ବେସି ଦୟାତାଙ୍ଗ୍ ଆସେଙ୍ଗ୍ ହେ ଯୀଶୁ ଖ୍ରୀଷ୍ଟନି ନେତେର୍ କାଜିଙ୍ଗ୍ ମୁକ୍ତି ପାୟାଆତାସ୍, ଇଦାଙ୍ଗ୍‌ନି ଅର୍‌ତ ଈଶ୍ୱର ମା ପାପ୍ ୱିଜୁତିଙ୍ଗ୍ କେମା କିତ୍‌ତାନ୍‌ନା।

ଏପିସିୟ 2:4

ମାତର୍ ଈଶ୍ୱର ମାଙ୍ଗେଙ୍ଗ୍ ବେସି ଲାଡ୍ କିଦ୍‌ନି କାଜିଙ୍ଗ୍ ଆରେ ହେୱାନ୍ ବେସି ଦୟା ଆତି କାଜିଙ୍ଗ୍,

ଏପିସିୟ 2:7

ତା ଦୟା ଯେ କେତେକ୍‌ ଗାଜା, ହେଦାଙ୍ଗ୍ ଜେକନିକାର୍‌ତାକେ ଆଗେ ୱାନି ଦିନ୍‌ତ ପୁନିକିଦେଙ୍ଗ୍ ଈଶ୍ୱର ଇଦାଙ୍ଗ୍ କିତାନ୍‌ନା। ଆରେ ଯୀଶୁ ଖ୍ରୀଷ୍ଟ ଇନାକା ମା କାଜିଙ୍ଗ୍ କିତାନ୍‌ନା, ହେଦାଙ୍ଗ୍ କାଜିଙ୍ଗ୍ ହେୱାନ୍ ମାଙ୍ଗେଙ୍ଗ୍ ଦୟା କିତ୍‌ତାନ୍‌ନା।

ଏପିସିୟ 3:16

ଆନେଙ୍ଗ୍ ଇଦାଙ୍ଗ୍ ପାର୍ତାନା କିନାଙ୍ଗା ଯେ ତା ଗୌରବନି ଦନ୍ ତା ଆତ୍ମାତାଙ୍ଗ୍ ମି ଆତ୍ମା ଶାକ୍ତି ଆୟେତ୍।

ଏପିସିୟ 3:6

ଈଶ୍ୱର ଡ଼ୁକ୍‌ତି ଜଜ୍‌ନା ଇଦାଙ୍ଗ୍ ଯେ, ହାର୍ଦିକାବୁର୍ କାଜିଙ୍ଗ୍ ଯୀଶୁ ଖ୍ରୀଷ୍ଟତାକେ ଆପେଙ୍ଗ୍ ରବେ ଆତି କାଜିଙ୍ଗ୍ ବିନ୍‌ଜାତିର୍ ପା ଯିହୁଦିର୍ ଲେକେ ହାମାନ୍ ଆଦିକାର୍ ପାୟାଆତାର୍‌ନା। ହେୱାର୍ ର ଗାଗାଡ଼୍, ଆରେ ଈଶ୍ୱର ପାର୍ମାଣ୍‌ତାକେ ମାହା ଆତାର୍‌ନା।

ଏପିସିୟ 3:8

ଈଶ୍ୱର ୱିଜୁ ମାନାୟାର୍ ବିତ୍ରେ ଆନେଙ୍ଗ୍ ରକାଙ୍ଗ୍ ହିରୁକାଙ୍ଗ୍। ମାତର୍ ବିନ୍‌ଜାତିନି ମାନାୟାରିଙ୍ଗ୍ ଖ୍ରୀଷ୍ଟତାକେ ମାନି ୱିଜ୍‌ୱି ହେବାକିନି ବାବ୍‌ନାତାଙ୍ଗ୍ ଆଦିକ୍ ଆଶ୍ରିବାଦ୍‌ନି ହାର୍ଦିକାବୁର୍ ଆନେଙ୍ଗ୍ ୱେଚ୍‌ଚେଙ୍ଗ୍ ଆଡ୍‌ନାଙ୍ଗ୍।

ପିଲିପିୟ 2:11

ଆରେ ୱିଜାକାର୍ ଯୀଶୁ ଖ୍ରୀଷ୍ଟ ମାପୃ ଇଞ୍ଜି ୱେଚ୍‌ନାର୍, ଆରେ ଆବା ଈଶ୍ୱରତିଙ୍ଗ୍ ଗୌରବ କିନାର୍।

ପିଲିପିୟ 4:19

ନା ଈଶ୍ୱର ଯୀଶୁ ଖ୍ରୀଷ୍ଟ ତା ଗୌରବ ଶାକ୍ତିତାଙ୍ଗ୍ ମିଙ୍ଗେଙ୍ଗ୍ ଦର୍‌କାର୍ ଆଦ୍‌ନି ଜିନିଷ୍‌ତିଙ୍ଗ୍ ହିଦ୍‌ନାନ୍।

କଲସିୟ 1:27

ଖ୍ରୀଷ୍ଟତି ଗୌରବନି ଦନ୍ ବିନ୍‌ଜାତିନି ମାନାୟାରିଙ୍ଗ୍ ପା ମାନାତ୍ ଇଞ୍ଜି ଈଶ୍ୱର ତା ମାନାୟାରିଙ୍ଗ୍ ପୁନିକିଦେଙ୍ଗ୍ ଇଚା କିତାନ୍। ଖ୍ରୀଷ୍ଟ ମି ବିତ୍ରେ ବାହା କିନାନ୍ ହେଦାଙ୍ଗ୍ ଆନାତା ଡ଼ୁଗ୍‌ତି ବିଷୟ। ତା ଗୌରବ ପାୟାଆନି କାଜିଙ୍ଗ୍ ଇଦାଙ୍ଗ୍ ମାଙ୍ଗେଙ୍ଗ୍ ଆହା ହିଦ୍‌ନାତ୍।

କଲସିୟ 3:11

ଇଦାଙ୍ଗ୍ କାଜିଙ୍ଗ୍ ବିନ୍‌ଜାତି କି ଯିହୁଦି ଜାତିର୍ ବିତ୍ରେ, ସୁନତ ବିଦି ମାନିକିନାକାର୍ କି ମାନିକିୱାକାର୍, ବାର୍ ଦେସ୍‌ତାକାର୍‌ କି ଆଦିବାସିନି ମାନାୟାର୍, ଦାସ୍ କି ଦାସ୍ ଆୱି ମାନାୟାର୍ ବିତ୍ରେ ଇନା ବେଦ୍‌ବାବ୍ ଆକାୟ୍। ମାତର୍ ଖ୍ରୀଷ୍ଟ ନେ ୱିଜୁତାଙ୍ଗ୍ ମୁକ୍ଯା ଆରେ ହେୱାନ୍ ତାଙ୍ଗେଙ୍ଗ୍ ପାର୍ତିକିନି ମାନାୟାର୍‌ତାକେ ବାହା କିନାନ୍।

୧ ତିମତି 2:5

ଇନେସ୍‌କି ଈଶ୍ୱର ରକାନ୍ ନେ ମାନାନ୍, ଈଶ୍ୱର ଆରେ ମାନାୟାର୍ ବିତ୍ରେ ରକାନ୍ ନେ ମାଦି ମାନ୍‌ଞ୍ଜି କାମାୟ୍ କିନାକାନ୍ ମାନାନ୍। ହେ ମାଦି ମାନି ମାନାୟ୍ ଆନାନା ଯୀଶୁ ଖ୍ରୀଷ୍ଟ।

ହତ୍‌ତି 17:14

ହେ ୱିଜାର୍ ରାଜାର୍ ମାହାଆଜି ମେଣ୍ଢା ଇନେର୍‌କି ଯୀଶୁ ହୁଦାଙ୍ଗ୍ ଯୁଜ୍ କିନାର୍। ମାତର୍ ହେ ମେଣ୍ଢା ଇନେର୍‌କି ଯୀଶୁ ଆରେ ହେୱାନ୍ ହିର୍‌ବାତାକାର୍, ତା ବାଚିକିତି ମାନାୟାର୍, ଆରେ ତା ଦରମ୍ ମାନାୟାର୍ ହୁଦାଙ୍ଗ୍ ମାହାଆଜି ହେୱାରିଙ୍ଗ୍ ଆରାୟ୍ କିତାର୍, ଇନେସ୍‌କି ହେୱାନ୍ ନେ ୱିଜୁ ମାପୃତାଙ୍ଗ୍ ମାପୃ ଆରେ ୱିଜୁ ରାଜାର୍‌ତାଙ୍ଗ୍ ରାଜା।

ହତ୍‌ତି 19:16

ତା ହେନ୍ଦ୍ରାତାକେ ଆରେ ତା କୁଟାତ ରାଜା ବିତ୍ରେ ରାଜା ଆରେ ମାପୃ ବିତ୍ରେ ମାପୃ ଇଞ୍ଜି ଲେକାଆଜି ମାଚାତ୍।