ହତ୍‌ତି 8:2 - New Testament in Pengo Parja Language

² ଆରେ ସାତ୍‌ଗଟା ସରଗ୍‌ନି ଦୁତ୍‌କୁ ଈଶ୍ୱର ଆଗେ ନିଲ୍‌ତାକା ଆନେଙ୍ଗ୍ ହୁଡ଼୍‌ତାଙ୍ଗ୍, ହେୱାରିଙ୍ଗ୍ ସାତ୍‌ଗଟା ମରିଙ୍ଗ୍ ହିଜିମାଚାନ୍।‌

ସତ୍‌ ବଚନ୍‌ ପୁନି ନିୟମ୍‌

² ତା ପାଚେ ଆନ୍‌ ଇସ୍ୱର୍‌ତି ମୁମ୍‌ଦ ନିଲ୍‌ତିକିକ୍‌ ସାତ୍‌ ଜାଣ୍‌ ଦୁତ୍‌ତକାଂ ହୁଡ଼୍‌ତାଂ; ହେୱାକାଂ ସାତ୍‌ଗଟା ମରିଂ ହିତାନ୍‌ ।

ହତ୍‌ତି 8:2 ပူးပေါင်းရင်းမြစ်များ

ମାତିଉ 18:10

ସାବ୍‌ଦାନ୍ ଆଜି ମାନାଟ୍, ଇ ହିରୁକାନ୍ ବିତ୍ରେତାଙ୍ଗ୍ ରକାନିଙ୍ଗ୍ ପା ଗିଣ୍ କିମାଟ୍। ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା, ଇୱାରିଙ୍ଗ୍ ଜାତୁନ୍ କିଦେଙ୍ଗ୍ ସରଗ୍‌ନି ଦୁତ୍‌କୁ ମାନିକ୍। ଆରେ ହେ ଦୁତ୍‌କୁ ୱିଜୁଦିନ୍ ନା ସରଗ୍‌ନି ଆବା ଈଶ୍ୱରତାକେ ମାନିକ୍‌।

ମାତିଉ 24:31

ଆରେ ହେୱାନ୍ ଗାଜାମରିବାଜା ହୁଦାଙ୍ଗ୍ ଜାର୍ ଦୁତ୍‌କୁକାଙ୍ଗ୍ ପୁର୍ତିତାକେ ପକ୍‌ନାନ୍। ଆରେ ହେୱାର୍ ବାଦାଡ଼୍ ୱିସ୍ତିତାଙ୍ଗ୍ ହାନାର୍। ଆରେ ବାଚିକିତି ମାନାୟାରିଙ୍ଗ୍ ୱିଜୁ ନିପ୍‌ଣି କନାତାଙ୍ଗ୍ ରବେ ରୁଣ୍ଡାଇ କିନାର୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 1:19

ସରଗ୍‌ଦୁତ୍ ଜିକରିୟଙ୍ଗ୍ ୱେଚ୍‌ଚାତ୍, “ଆନେଙ୍ଗ୍ ଗାବ୍ରିୟେଲ। ଆନେଙ୍ଗ୍ ଈଶ୍ୱର ମୁମ୍‌ଦ ନିଲ୍‌ଚି ମାନାଙ୍ଗ୍। ନି ହୁଦାଙ୍ଗ୍ କାତାବାର୍ତା କିଦେଙ୍ଗ୍ ଆରେ ଇ ହାର୍ଦିକାବୁର୍ ଶୁଣାୟ୍ କିଦେଙ୍ଗ୍ ଈଶ୍ୱର ନାଙ୍ଗେଙ୍ଗ୍ ପକ୍ତାତାନ୍‌ନା।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 21:36

ଏପେଙ୍ଗ୍ ପାର୍ତାନା କିଜି ୱିଜୁଦିନ୍ ଜାଗ୍ରତ୍ ମାନାଟ୍। ଲାଗିଙ୍ଗ୍ ଏପେଙ୍ଗ୍ ୱାନି ଦୁକ୍‌ନି ସମୟ୍‌ତିଙ୍ଗ୍ ରକ୍ଷା ପାୟାଆନାଦେର୍। ଆରେ ଆନେଙ୍ଗ୍ ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା ମୁମ୍‌ଦ ସାସ୍ ଆସ୍ତି ନିଲ୍‌ତେଙ୍ଗ୍ ଆଡ୍‌ନାଦେର୍।”

୧ କରନ୍ତିୟ 15:52

ହେଦାଙ୍ଗ୍ କାଣ୍‌କୁ ମିଟ୍‌କା ଇଡ଼୍‌ତିଲେକେ ହଟାତ୍ ୱାନାତ୍, ଏଚେପାଦ୍ନା ସେସ୍ ମରିନି ସବଦ୍ ଆନାତ୍ ହେପାଦ୍ନା ଏଚେଜାଣ୍ ଖ୍ରୀଷ୍ଟଙ୍ଗ୍ ପାର୍ତି କିଜି ହାଃତାର୍‌ନା ହେୱାନ୍ ହେୱାରିଙ୍ଗ୍ ୱିଜୁଦିନ୍ କାଜିଙ୍ଗ୍ ଆରେରଗ ଜିବୁନ୍ କିନାନ୍। ଆରେ ଆସେଙ୍ଗ୍ ଏଚେଜାଣ୍ ଜିବୁନ୍ ମାନାସ୍, ହେୱାନ୍ ମା ଗାଗାଡ଼୍‌ନି ରୁପ୍‌ତିଙ୍ଗ୍ ବାଦ୍‌ଲାୟ୍ କିନାନ୍।

୧ ଥେସଲନୀକିୟ 4:16

ମାତର୍ ମାପୃ ଯୀଶୁ ନିଜେ ଆଦେସ୍ ହିଜି ସରଗ୍‌ତାଙ୍ଗ୍ ପୁର୍ତିତାକେ ୱାନିହିଙ୍ଗ୍, ମାନାୟାର୍ ଈଶ୍ୱରତି ମରି ବାଜା ଆରେ ଦୁତ୍‌ତି ର କାଟ୍ ୱେନାର୍, ହେପାଦ୍ନା ଖ୍ରୀଷ୍ଟଙ୍ଗ୍ ପାର୍ତି କିଜି ହାଃତାକାର୍ ଆରେରଗ ପାର୍ତୁମ୍ ଜିବୁନ୍ ଆନାର୍।

ହତ୍‌ତି 1:4

ଆନେଙ୍ଗ୍ ଯୋହନ ଏସିଆ ଦେସ୍‌ତାକେ ମାନି ସାତ୍‌ଗଟା ମଣ୍ଡ୍‌ଲିନି ମାନାୟାର୍ କାଜିଙ୍ଗ୍ ଆନେଙ୍ଗ୍ ଇ ଚିଟି ଲେକିକିନାଙ୍ଗା। ଆନେଙ୍ଗ୍ ପାର୍ତାନା କିନାଙ୍ଗା ଯେ, ଈଶ୍ୱର ମିଙ୍ଗେଙ୍ଗ୍ ଦୟା ଆରେ ଶାନ୍ତି ହିଦେନ୍। ଇନେର୍ ଆଗେ ମାଚାନ୍, ଇନେର୍ ନଙ୍ଗୟ୍ ମାନାନ୍ ଆରେ ଇନେର୍ ପାଚେ ସାତ୍‌ଗଟା ଆତ୍ମାଙ୍ଗ୍ ହୁଦାଙ୍ଗ୍ ଈଶ୍ୱରନି ସିଙ୍ଗାସନ୍‌ତାକେ ୱାନାନ୍।

ହତ୍‌ତି 11:15

ତାପାଚେ ଏଚେପାଦ୍ନା ସାତ୍ ନମ୍ବର୍ ଦୁତ୍ ମରି ତୁପ୍‌ତାତ୍, ଆରେ ସରଗ୍‌ତାକେ ଗାଜାକାଟ୍ କିଜି ୱେଚ୍‌ନାକା ଆନେଙ୍ଗ୍ ୱେଚାଙ୍ଗ୍। “ୱିଜୁ ପୁର୍ତିତିଙ୍ଗ୍ ମା ମାପୃ ଈଶ୍ୱର ସାସନ୍ କିଦେଙ୍ଗ୍ ରାଜି ଆତାନ୍ ଆରେ ତା ଖ୍ରୀଷ୍ଟଙ୍ଗ୍ ଅଦିକାର୍ ହିତାନ୍, ଆରେ ହେୱାନ୍ ଯୁଗ୍-ଯୁଗ୍ ପାତେକ୍ ସାସନ୍ କିନାନ୍।”

ହତ୍‌ତି 15:1

ତାପାଚେ ସରଗ୍‌ତାକେ ଆରେ ରଞ୍ଜାଙ୍ଗ୍ ଗାଜା ଆରେ ଚାନିଆଆନି ଚିନ୍ ଗଟାଆନାକା ଆନେଙ୍ଗ୍ ହୁଡ଼୍‌ତାଙ୍ଗ୍। ହେଦାଙ୍ଗ୍ ଇଲେକେ ମାଚାତ୍ ସାତ୍‌ଗଟା ବିପତ୍‌ତିଙ୍ଗ୍ ସାତ୍‌ଗଟା ଦୁତ୍‌କୁ ଆସ୍ତି ମାଚିକ୍। ଆରେ ହେ ସାତ୍‌ଗଟା ବିପତ୍ ନେ ସେସ୍ ବିପତ୍, ଏଚେକାଡ଼୍‌ଦ ହେ ସାତ୍‌ଗଟା ବିପତ୍ ସେସ୍ ଆନାତ୍‌ ଈଶ୍ୱର ରିସା ଶାନ୍ତି ଆନାତ୍‌।

ହତ୍‌ତି 16:1

ତାପାଚେ ସରଗ୍‌ତାକେ ମାନି ମନ୍ଦିର୍‌ତାଙ୍ଗ୍ ହେ ସାତ୍‌ଗଟା ଦୁତ୍‌କୁକାଙ୍ଗ୍ ଗାଜାକାଟ୍ କିଜି ରକାନ୍ ୱେଚ୍‌ନାକା ଆନେଙ୍ଗ୍ ୱେଚାଙ୍ଗ୍, “ହାଲାଟ୍ ହେ ସାତ୍‌ଗଟା ଗିନାକାଙ୍ଗ୍ ମାନି ଈଶ୍ୱର ଦଣ୍ଡ୍‌ତିଙ୍ଗ୍ ପୁର୍ତିନି ମାନାୟାର୍ ଜପି ୱାକାଟ୍‌।”

ହତ୍‌ତି 8:13

ତାପାଚେ ଆନେଙ୍ଗ୍ ଆରେରଗ ହୁଡ଼୍‌ତିହିଙ୍ଗ୍, ବାଦାଡ଼୍‌ତାକେ ର ମୁକ୍‌ରି ଗାଜାକାଟ୍ କିଜି ଉମ୍‌ଜି-ଉମ୍‌ଜି ୱେଚ୍‌ଚି ମାଚାକା ଆନେଙ୍ଗ୍ ୱେଚାଙ୍ଗ୍। ହେଦାଙ୍ଗ୍ ଇଲେକେ ୱେଚ୍‌ଚି ମାଚାତ୍, “ହାୟ୍! କି ବୟାଙ୍କାର୍! ଜେକନି ତିନ୍‌ଗଟା ଦୁତ୍ ମରି ତୁବ୍‌ତିସ୍ ପୁର୍ତିନି ମାନାୟାର୍ ଅବସ୍ତା କେତେ ବୟାଙ୍କାର୍ ଆନାତ୍!”

ହତ୍‌ତି 8:6

ତାପାଚେ ସାତ୍‌ଗଟା ମରିଙ୍ଗ୍ ଆସ୍ତିମାଚି ସାତ୍‌ଗଟା ସରଗ୍‌ନି ଦୁତ୍‌କୁ ଗାଜା ସବଦ୍ କିଜି ମରି ତୁବ୍‌ଦେଙ୍ଗ୍ ରେଡି ଆଜି ମାଚିକ୍।

ହତ୍‌ତି 9:1

ତାପାଚେ ଏଚେପାଦ୍ନା ପାଞ୍ଚ୍ ନମ୍ବର୍ ଦୁତ୍ ମରି ତୁପ୍‌ତାତ୍, ହେପାଦ୍ନା ଆନେଙ୍ଗ୍ ହୁଡ଼୍‌ତାଙ୍ଗ୍ ଯେ, ବାଦାଡ଼୍‌ତାଙ୍ଗ୍ ପୁର୍ତିତାକେ ର ହୁକା ଆର୍‌ଦାତାତ୍‌। ତାଙ୍ଗେଙ୍ଗ୍ ପାତାଳ୍‌ନି କୁଚିକାଡିଙ୍ଗ୍ ହିଜିମାଚାନ୍।