ହତ୍‌ତି 7:15 - New Testament in Pengo Parja Language

¹⁵ “ହେଦାଙ୍ଗ୍ କାଜିଙ୍ଗ୍ ହେୱାର୍ ଈଶ୍ୱର କୁଚ୍‌ଚି ସିଙ୍ଗାସନନି ଆଗେ ନିଲ୍‌ତାର୍‌ନା ଆରେ ୱେଡ଼ା ନାଣା ତା ମନ୍ଦିର୍‌ତାକେ ମାନ୍‌ଞ୍ଜି ତା ହେବା କିନାର୍। ଆରେ ହେ ସିଙ୍ଗାସନ ଜପି କୁଚ୍‌ଚି ଈଶ୍ୱର ହେୱାର୍ ହୁଦାଙ୍ଗ୍ ମାନ୍‌ଗାନାନ୍ ଆରେ ହେୱାରିଙ୍ଗ୍ ଉଦାର୍ କିନାନ୍।

ସତ୍‌ ବଚନ୍‌ ପୁନି ନିୟମ୍‌

¹⁵ ହେଦାଂ କାଜିଂ ହେୱାର୍‌ ଇସ୍ୱର୍ତି ମନ୍ଦିର୍‌ତ ତା ଗାଦି ମୁମ୍‌ଦ ମାନ୍‌ଜି ୱେଡ଼ାନାଣା ହେୱାନ୍ତି ପାର୍ତାନା କିତାର୍‌, ଆରେ ଗାଦିତ କୁଚ୍‌ଚାକାର୍‌ ମୁଣିକା ହେୱାନିଂ ବାହା ହିନାନ୍‌ ।

ହତ୍‌ତି 7:15 ပူးပေါင်းရင်းမြစ်များ

ଜହନ୍‌ 1:14

ହେ ବେଣ୍ ମାନାୟ୍ ରୁପ୍ ଆତାତ୍, ଆରେ ମା ହୁଦାଙ୍ଗ୍ ବାହାକିତାତ୍‌। ହେୱାନ୍ ଦୟା ଆରେ ସତ୍ ବିଷୟ ବାର୍ତି ମାଚାତ୍। ଆବା ଈଶ୍ୱର ର ମେହିତାକେ ଇନେସ୍ ଲେକେ ଗୌରବ ମାନାତ୍, ହେଲେକେ ଗୌରବ ଆପେଙ୍ଗ୍ ହୁଡ଼୍‌ତାପ୍।

୧ କରନ୍ତିୟ 3:16

ଏପେଙ୍ଗ୍ ପୁଚାଦେର୍‌ନା ଯେ, ଏପେଙ୍ଗ୍ ଈଶ୍ୱର ମାନି ମନ୍ଦିର୍‌, ଆରେ ପବିତ୍ର ଆତ୍ମା ମି ବିତ୍ରେ ମାନାତା।

୨ କରନ୍ତିୟ 6:16

ହେଲେକେ ଈଶ୍ୱର ମନ୍ଦିର୍‌ତାକେ ମୁର୍ତିତିଙ୍ଗ୍ ଇଟ୍‌ୟା ଆଉତ୍, ଇନେସ୍‌କି ହେଦାଙ୍ଗ୍ ଟିକ୍ ଆକାୟ୍। ଈଶ୍ୱର ୱେଚ୍‌ଚାନ୍ ଆସେଙ୍ଗ୍ ଜିବୁନ୍ ମାନି ଈଶ୍ୱର ମନ୍ଦିର୍‌, “ଆନେଙ୍ଗ୍ ଇ ମାନାୟାର୍ ହୁଦାଙ୍ଗ୍ ମାହାଆଜି ମାନାଙ୍ଗ୍। ଆନେଙ୍ଗ୍ ହେୱାର୍ ଈଶ୍ୱର ଆନାଙ୍ଗ୍ ଆରେ ହେୱାର୍ ନାଲକ୍ ଆଦ୍‌ନାର୍।

ଏବ୍ରି 12:2

ଯୀଶୁତାକେ ମା ଟାର୍ଗେଟ୍‌ ଇଡ଼୍‌ଜି ଇଦାଙ୍ଗ୍ କିନି ଦର୍‌କାର୍, ଇନେସ୍‌କି ହେୱାନ୍ ମା ପାର୍ତିନି ପୁରାପୁରି ଟିକ୍ ନେତା। କୃଶକାଟ୍ ଜପି ଲାଜା ପାୟାଆଜି ହାଃଦେଙ୍ଗ୍ ଯୀଶୁ ଇଚା କିତାନ୍, ଇନେସ୍‌କି ହେୱାନ୍ ପୁନ୍‌ଞ୍ଜି ମାଚାନ୍ ଯେ ଇଦାଙ୍ଗ୍ ପାଚେ ୱାରି ମାନାତ୍। ଲାଗିଙ୍ଗ୍ ନଙ୍ଗୟ୍ ହେୱାନ୍ ଈଶ୍ୱର ତିନାକେଇନି ବେସି ଗୌରବ ପାୟାଆନି ବାହାତାକେ କୁଚ୍‌ଚାନ୍‌ନା।

ଏବ୍ରି 8:1

ଆସେଙ୍ଗ୍ ଇନାକା ୱେଚ୍‌ନାସା, ହେବେନି ମୁଡ଼୍ ବିଷୟ ଇଦାଙ୍ଗ୍, ମା କାଜିଙ୍ଗ୍ ଇଲେକେ ରକାନ୍ ପ୍ରଦାନ୍ ମୁଡ଼୍‌ଦି ପୁଜାରି ମାନାନ୍, ଇନେର୍ ସରଗ୍‌ତାକେ ଈଶ୍ୱର ତିନାବାଗାୟ୍‌ନି ବେସି ସନ୍‌ମାନ୍‌ନି ସିଂହାସନ୍‌ତାକେ କୁଚ୍‌ଚାନ୍‌ନା।

ହତ୍‌ତି 11:19

ହେପାଦ୍ନା ସରଗ୍‌ତାକେ ମାନି ଈଶ୍ୱର ମନ୍ଦିର୍‌ନି କାପାଟ୍ ଜେୟା ଆତାତ୍, ଆରେ ହେ ମନ୍ଦିର୍‌ତାକେ ତା ନିୟମ୍ ପେଡ଼ି ମାନାକା ଚନ୍‌ଞ୍ଚାତ୍। ଆରେ ବିଜ୍‌ଲି ଚମ୍‌କା ଆନାକା, ବାରବିନି ସବଦ୍ ଆନାକା, ବାଦାଡ଼୍ ଗାର୍ଜାନ୍ ଆନାକା, ବୁମିକମ୍ପ୍ ଆନାକା ଆରେ ଗାଜା ଆଞ୍ଜ୍‌ଗା ବାର୍ହା ଆନାକା ଆନେଙ୍ଗ୍ ହୁଡ଼୍‌ତାଙ୍ଗ୍।

ହତ୍‌ତି 13:6

ହେ ପଶୁ ଈଶ୍ୱରତିଙ୍ଗ୍, ତା ତର୍‌ଦିଙ୍ଗ୍, ହେୱାନ୍ ମାନି ବାହାତିଙ୍ଗ୍ ଆରେ ସରଗ୍‌ତାକେ ମାନି ୱିଜାକାରିଙ୍ଗ୍ ଅବିଶାପ୍ ହିଜି ନିନ୍ଦା ହିଦେଙ୍ଗ୍ ଆରମ୍ କିତାତ୍।

ହତ୍‌ତି 20:10

ଲାଗିଙ୍ଗ୍ ଶୟତାନ ଇନେର୍‌କି ମାନାୟାରିଙ୍ଗ୍ ଟକାୟ୍ କିଜି ମାଚାତ୍, ତାଙ୍ଗେଙ୍ଗ୍ ଗନ୍ଦକ ନାଣି ଆହ୍‌ନି କୁଣ୍ଡ୍‌ତାକେ ତୁସିହିନାର୍। ଇମେତାକେ ପାର୍ତୁମ୍ ପଶୁତିଙ୍ଗ୍, ଆରେ ଦୁଇ ନମ୍ବର୍ ପଶୁତିଙ୍ଗ୍ ଇନେର୍‌କି ମିଚ୍ ୱେଚ୍‌ନି ଭବିଷ୍ଯତବକ୍ତାଙ୍ଗ୍ ତୁସିହିନାର୍। ହେବେ ହେୱାର୍ ୱେଡ଼ା ନାଣା ୱିଜୁଦିନ୍ ଦୁଃକ୍ କଷ୍ଟ ପାୟା ଆନିକ୍।

ହତ୍‌ତି 21:22

ହେ ସହର୍‌ତାକେ ରଞ୍ଜାଙ୍ଗ୍ ପା ମନ୍ଦିର୍‌ ହୁଡ଼୍‌ୱାତାଙ୍ଗ୍, ଇନେସ୍‌କି ମାପୃ ୱିଜୁ ଶାକ୍ତିମାନି ଈଶ୍ୱର ଆରେ ତା ମେଣ୍ଢା ଇନେର୍‌କି ଯୀଶୁ ନେ ହେୱାର୍ ମନ୍ଦିର୍‌ ମାଚାର୍।

ହତ୍‌ତି 22:3

ହେ ସହର୍‌ନି ୱିଜୁ ଜିନିଷ୍ ଜପି ଆରେ ୱିଜାର୍ ମାନାୟାର୍ ଜପି ଈଶ୍ୱରତି ଅବିଶାପ୍ ମାନ୍‌ଗୁତ୍। ଇନେସ୍‌କି ହେ ସହର୍‌ତାକେ ଈଶ୍ୱରତି ଆରେ ମେଣ୍ଢା ଇନେର୍‌କି ଯୀଶୁ ସିଙ୍ଗାସନ ମାନ୍‌ଗାନାତ୍ ଆରେ ଈଶ୍ୱର ଦାସ୍‌କୁ ତା ପୁଜାକିଜି ମାନାର୍।

ହତ୍‌ତି 22:5

ହେ ସହର୍‌ତାକେ ଇନାୱେଡ଼ାଙ୍ଗ୍ ପା ମାଜ୍‌ଗା ହିଲାତାତ୍ ଆରେ ହେବେନି ମାନାୟାରିଙ୍ଗ୍ ବଇଟା କି ୱେଡ଼ା ଅଜଡ଼୍ କିଦେଙ୍ଗ୍ ଦର୍‌କାର୍ ଆୱାଦାଙ୍ଗ୍ ମାଚାତ୍, ଇନେସ୍‌କି ମାପୃ ଈଶ୍ୱରତି ନେ ହେୱାରିଙ୍ଗ୍ ଅଜଡ଼୍ କିଜି ମାଚାତ୍। ଆରେ ହେୱାର୍ ରାଜା ଲେକେ ସାସନ୍ କିଜି ମାଚାର୍।

ହତ୍‌ତି 4:4

ହେ ସିଙ୍ଗାସନ ଚାରିବେଣ୍‌ତାଙ୍ଗ୍ ଚବିଶ୍ ଗଟା ସିଙ୍ଗାସନ ମାଚିକ୍, ଆରେ ହେ ଚବିଶ୍ ଗଟା ସିଙ୍ଗାସନ୍‌ତାକେ ଚବିଶ୍ ଜାଣ୍ ପ୍ରାଚିନାର୍ ଡ଼ିଞ୍ଜ୍‌ନି ହେନ୍ଦ୍ରାଙ୍ଗ୍ ଉସ୍‍ପି କୁଚ୍‌ଚି ମାଚାର୍। ହେୱାର୍ କାପ୍‌ଡ଼ାତ ହନାତାଙ୍ଗ୍ ରସ୍ତି ମୁକୁଟ୍ ମାଚାତ୍।

ହତ୍‌ତି 4:8

ହେ ଚାରିଗଟା ଜିବୁନ୍ ମାନି ପଶୁକାଙ୍ଗ୍ ଚଅଗଟା ଲାକା ମାରାଙ୍ଗ୍ ମାଚିକ୍, ଆରେ ହେୱାର୍ ଗାଗାଡ଼୍ ବାର୍ତି କାଣ୍‌କୁ ମାଚିକ୍ ଆରେ ହେୱାର୍ ମାରାକାଙ୍ଗ୍ ପା କାଣ୍‌କୁ ମାଚିକ୍। ହେୱାର୍ ୱିଜୁଦିନ୍ ୱେଡ଼ା ନାଣା ଇଲେକେ ୱେଚ୍‌ଚି ମାଚାର୍, “ୱିଜୁ ଶାକ୍ତିମାନି ଈଶ୍ୱର ନେ ପବିତ୍ର, ପବିତ୍ର, ମାପୃ ନେ ପବିତ୍ର ଇନେର୍ ୱିଜୁଦିନ୍ ମାଚାନ୍ ଇନେର୍ ନଙ୍ଗୟ୍ ମାନାନ୍ ଆରେ ଇନେର୍ ପାଚେ ମାନାନ୍।”

ହତ୍‌ତି 4:9

ଏଚେପାଦ୍ନା ହେ ଜିବୁନ୍ ମାନି ପଶୁଙ୍ଗ୍ ହେ ସିଙ୍ଗାସନ୍‌ତାକେ କୁଚ୍‌ଚାକାରିଙ୍ଗ୍ ଗୌରବ, ସନ୍‌ମାନ୍ ଆରେ ଦନ୍ଯବାଦ୍ ହିଜି ମାଚାର୍, ଇନେର୍ ୱିଜୁଦିନ୍ କାଜିଙ୍ଗ୍ ଜିବୁନ୍ ମାନ୍‌ଙ୍ଗାନାନ୍।

ହତ୍‌ତି 7:9

ତାପାଚେ ଗାଣାକିୟା ଆଉତ୍ ଏଲେଙ୍ଗ୍ ର ଗାଜା ଦଳ୍‌ନି ମାନାୟାର୍ ଈଶ୍ୱର ସିଙ୍ଗାସନ ଆଗେ ଆରେ ମେଣ୍ଢା ଇନେର୍‌କି ଯୀଶୁ ଆଗେ ନିଲ୍‌ତାକା ଆନେଙ୍ଗ୍ ହୁଡ଼୍‌ତାଙ୍ଗ୍। ହେୱାର୍ ୱିଜୁ ଜାତିନି, କୁଟୁମ୍, ଦେସ୍ ଆରେ ୱିଜୁ ବାଷାନି ମାନାୟାର୍ ୱାଜିମାଚାର୍, ହେୱାର୍ ଡ଼ିଞ୍ଜ୍‌ନି ହେନ୍ଦ୍ରା ଉସ୍‍ପି ମାଚାର୍ ଆରେ ହେୱାର୍ କେଇଦ କାଜ୍‌ରି କେନ୍ଦାଙ୍ଗ୍ ଆସ୍ତି ମାଚାର୍।