ହତ୍‌ତି 5:14 - New Testament in Pengo Parja Language

¹⁴ ଆରେ ଚାରିଗଟା ଜିବୁନ୍ ମାନି ପଶୁ ୱେଚ୍‌ଚାର, “ଆମେନ୍,” ଆରେ, ଚବିଶ୍ ଜାଣ୍ ପ୍ରାଚିନ୍‌ନାର୍ ମେଣ୍ଡାକୁନ୍ଦିକିଜି ମୁଣ୍ଡିୟା ଇଡ଼୍‌ତାର୍ ଆରେ ଈଶ୍ୱରତିଙ୍ଗ୍ ଆରେ ମେଣ୍ଢା ଇନେର୍‌କି ଯୀଶୁଙ୍ଗ୍ ପୁଜା କିତାର୍।

ସତ୍‌ ବଚନ୍‌ ପୁନି ନିୟମ୍‌

¹⁴ ହେବେଣ୍ଡାଂ ଚାର୍‌ ପାରାଣି ଇଚିକ୍‌, ଆମେନ୍‌, ଆରେ ପ୍ରାଚିନାର୍‌ ମେଣ୍ଡାଙ୍ଗ୍‌କୁନ୍ଦିକିଜ଼ି ଜୱାର୍‌ କିତାର୍‌ ।

ହତ୍‌ତି 5:14 ပူးပေါင်းရင်းမြစ်များ

୧ କରନ୍ତିୟ 14:16

ଯଦି ଏପେଙ୍ଗ୍ ଈଶ୍ୱରତିଙ୍ଗ୍ ମି ଆତ୍ମା ହୁଦାଙ୍ଗ୍ ନେ ଜୟ୍-ଜୟ୍ କିନାଦେର୍, ଆରେ ଯଦି ଏପେଙ୍ଗ୍ ଈଶ୍ୱରତିଙ୍ଗ୍ ହିନି ଦନ୍ଯବାଦ୍ ପାର୍ତାନାତିଙ୍ଗ୍ ମାନାୟାର୍ ବୁଜା ଆଉର୍, ଲାଗିଙ୍ଗ୍ ହେୱାର୍ ମିହୁଦାଙ୍ଗ୍ ଈଶ୍ୱରତିଙ୍ଗ୍ ଜୟ୍-ଜୟ୍ ଆରେ ଦନ୍ଯବାଦ୍ କିଦେଙ୍ଗ୍ ଆଡୁର୍। ଇନେସ୍‌କି ହେୱାର୍ ଏପେଙ୍ଗ୍ ୱେଚ୍‌ଚି ବିଷୟତିଙ୍ଗ୍ ବୁଜା ଆଦେଙ୍ଗ୍ ଆଡୁରା।

ହତ୍‌ତି 19:4

ତାପାଚେ ଚବିଶ୍ ଜାଣ୍ ପ୍ରାଚିନ୍‌ ଆରେ ଚାରିଗଟା ଜିବୁନ୍ ମାନି ପଶୁ ସିଙ୍ଗାସନ୍‌ତାକେ କୁଚ୍‌ଚି ଈଶ୍ୱରତିଙ୍ଗ୍ ଜୱାର୍‌କିଜି ୱେଚ୍‌ଚାର୍ “ଆମେନ୍ ଈଶ୍ୱରତିଙ୍ଗ୍ ଜୟ୍-ଜୟ୍ କିୟାଟ୍।”

ହତ୍‌ତି 4:4

ହେ ସିଙ୍ଗାସନ ଚାରିବେଣ୍‌ତାଙ୍ଗ୍ ଚବିଶ୍ ଗଟା ସିଙ୍ଗାସନ ମାଚିକ୍, ଆରେ ହେ ଚବିଶ୍ ଗଟା ସିଙ୍ଗାସନ୍‌ତାକେ ଚବିଶ୍ ଜାଣ୍ ପ୍ରାଚିନାର୍ ଡ଼ିଞ୍ଜ୍‌ନି ହେନ୍ଦ୍ରାଙ୍ଗ୍ ଉସ୍‍ପି କୁଚ୍‌ଚି ମାଚାର୍। ହେୱାର୍ କାପ୍‌ଡ଼ାତ ହନାତାଙ୍ଗ୍ ରସ୍ତି ମୁକୁଟ୍ ମାଚାତ୍।

ହତ୍‌ତି 4:6

ଆରେ ପା ହେ ସିଙ୍ଗାସନ ଆଗେ ହାମ୍‌ଦୁର୍ ଲେକେ ଅହାର୍ ମେଦ୍‌ନି ମାଚାତ୍। ହେଦାଙ୍ଗ୍ କାଚ୍‌ଲେକେ କିଲେର୍ ମାଚାତ୍ ଆରେ ହେ ଗାଜା ସିଙ୍ଗାସନ ହେ ଚବିଶ୍ ଗଟା ସିଙ୍ଗାସନ ମାଦି ମାଚାତ୍। ହେ ସିଙ୍ଗାସନ ଚାରିଗଟା ଗିନାକାଙ୍ଗ୍ ଚାରିଗଟା ଜିବୁନ୍ ମାନି ପଶୁ ମାଚିକ୍ ଆରେ ହେୱାରିଙ୍ଗ୍ ଗାଗାଡ଼୍ ବାର୍ତି କାଣ୍‌କୁ ମାଚିକ୍।

ହତ୍‌ତି 5:11

ଲାଗିଙ୍ଗ୍ ଆନେଙ୍ଗ୍ ଆରେରଗ ହୁଡ଼୍‌ତାଙ୍ଗ୍, ତିପ୍‌କୁ କଟି-କଟି ଦୁତ୍‌କୁ ବେଣ୍ ୱେଚାଙ୍ଗ୍, ହେୱାରିଙ୍ଗ୍ ଗାଣାକିୟା ଆଉତ୍। ହେୱାର୍ ଚାରିଗଟା ଜିବୁନ୍ ମାନି ପଶୁ ଆରେ ଚବିଶ୍ ଜାଣ୍ ପ୍ରାଚିନାର୍ ଚାରିବେଣ୍‌ତାଙ୍ଗ୍ ମୁକ୍‌ତିଲେକେ ରାଜା ସିଙ୍ଗାସନନି ଚାରିବେଣ୍‌ତାଙ୍ଗ୍ ମୁକ୍‍ଚି ମାଚିକ୍।

ହତ୍‌ତି 5:6

ଲାଗିଙ୍ଗ୍ ଆନେଙ୍ଗ୍ ହୁଡ଼୍‌ତାଙ୍ଗ୍, ର ମେଣ୍ଢା ଇନେର୍‌କି ଯୀଶୁ ସିଙ୍ଗାସନ କଚଣ୍‌ତାକେ ଆରେ ଚାରିଗଟା ଜିବୁନ୍ ମାନି ପଶୁ, ଆରେ ଚବିଶ୍ ଜାଣ୍ ପ୍ରାଚିନାର୍ ମାଦି ନିଲ୍‌ଚି ମାଚାନ୍। ହେ ମେଣ୍ଢା ଗଡ଼ିୟା ଗାଗାଡ଼୍‌ତାକେ ଆଗେ ମାର୍ନେ ଅସ୍ତି ଚିନାଙ୍ଗ୍ ମାନିକ୍, ହେୱାନ୍ ନଙ୍ଗୟ୍ ଆରେରଗ ଜିବୁନ୍ ଆତାନ୍‌ନା। ତାବେ ସାତ୍‌ଗଟା କମଙ୍ଗ୍ ଆରେ ସାତ୍‌ଗଟା କାଣ୍‌କୁ ମାନିକ୍, ହେଦାଙ୍ଗ୍ ଈଶ୍ୱରତି ସାତ୍ ଗୁଣ୍‌ନି ଆତ୍ମା ପୁର୍ତିନି ୱିଜୁ ବାହାକାଙ୍ଗ୍ ପକ୍ତାନ୍‌ନା।

ହତ୍‌ତି 5:8

ଏଚେପାଦ୍ନା ହେୱାନ୍ ସାସ୍ତର୍‌ତିଙ୍ଗ୍ ଅତାନ୍‌, ହେପାଦ୍ନା ହେ ଚାରିଗଟା ଜିବୁନ୍ ମାନି ପଶୁ ଆରେ ଚବିଶ୍ ଜାଣ୍ ପ୍ରାଚିନାର୍ ମେଣ୍ଢା ଇନେର୍‌କି ଯୀଶୁ ଆଗେ ମେଣ୍ଢାକୁନ୍ଦିକିଜି ମୁଣ୍ଡିୟା ଇଡ଼୍‌ତାର୍। ୱିଜାର୍ ପ୍ରାଚିନାର୍‌ ମରି ଆରେ ହନାତାଙ୍ଗ୍ ରସ୍ତି ଦୁପ୍‌ନି ମାନି ଗିନାଙ୍ଗ୍ ଆସ୍ତି ମାଚାର୍ ହେ ଦୁପ୍‌ନି ଅର୍ତ ଈଶ୍ୱର ଲକ୍‌ନି ପାର୍ତାନା।

ହତ୍‌ତି 7:12

ହେୱାର୍ ୱେଚ୍‌ଚି ମାଚାର୍, “ଏ ମା ଈଶ୍ୱର ଏନେଙ୍ଗ୍ ୱିଜୁଦିନ୍ ପୁଜା, ଦନ୍ଯବାଦ୍, ସନ୍‌ମାନ୍ ପାୟାଆନି ଯଗ୍ୟ ମାନାତ୍। ଆପେଙ୍ଗ୍ ହାର୍ କିଜି ପୁଚାପ୍‌ନା। ନିଙ୍ଗେଙ୍ଗ୍ ନେ ଜ୍ଞାନ୍ ମାନାତ୍, ଏନେଙ୍ଗ୍‍ନେ ୱିଜୁତାଙ୍ଗ୍ ଶାକ୍ତିମାନି ଲକ୍ ଆରେ ଏନେଙ୍ଗ୍‍ନେ ୱିଜୁଦିନ୍ ୱିଜୁ ଜିନିଷ୍ କିଦେଙ୍ଗ୍ ଆଡ୍‌ନାୟ୍! ଆମେନ୍।”