ହତ୍‌ତି 4:10 - New Testament in Pengo Parja Language

¹⁰ ଆରେ ହେପାଦ୍ନା ହେ ଚବିଶ୍ ଜାଣ୍ ପ୍ରାଚିନାର୍ ଇନେର୍ ୱିଜୁଦିନ୍ ସିଙ୍ଗାସନ୍‌ତାକେ କୁଚ୍‌ଚାନ୍‌ନା, ହେୱାନିଙ୍ଗ୍ ହେୱାର୍ ମେଣ୍ଢାକୁନ୍ଦିକିଜି ପୁଜାକିଜି ମାଚାର୍। ଆରେ ହେୱାର୍ କାପ୍‌ଡ଼ାନି ମୁକୁଟ୍ କୁତ୍‌ତି ହେ ସିଙ୍ଗାସନ ଆଗେ ଇଡ଼୍‌ଜି ୱେଚ୍‌ଚି ମାଚାର୍,

ସତ୍‌ ବଚନ୍‌ ପୁନି ନିୟମ୍‌

¹⁰ ହେ ଏଚେକାଡ଼୍‌ଦ ୨୪ ବୁଡ଼ାଲୁର୍‌ ଗାଦିତ କୁଚ୍‌ଚି ମାନାୟ୍‌ ମୁମ୍‌ଦ ଡାଣ୍ଡାହାଡ଼୍‌ ମାଗ୍‌ଜି ୱିଜ଼୍‌ୱି ଜିବୁନ୍‌ମାନି ମାନାୟ୍‌ତିଂ ଜୱାର୍‌ କିତାର୍‌ ଆରି ଗାଦି ଲାଗାଂ ଜାର୍‌ ଜାର୍‌ ମୁକୁଟ୍‌ ଇଡ଼୍‌ଜି ଇଚାର୍‌,

ହତ୍‌ତି 4:10 ပူးပေါင်းရင်းမြစ်များ

ମାତିଉ 2:11

ଆରେ ହେୱାର୍ ଇଲ୍ ବିତ୍ରେ ହାଲ୍‌ଜି ମେହିଙ୍ଗ୍ ତେହି ମରିୟମ ଡ୍ରକ୍ତାକା ହୁଡ଼୍‌ତାର୍, ଆରେ ତାଙ୍ଗେଙ୍ଗ୍ ଡାଣ୍ଡାହାରାଣ୍ ମାଗ୍‌ଜି ପୁଜା କିତାର୍। ଆରେ ଜାର୍-ଜାର୍ ପେଡ଼ିଜେସି ହନା, ଇନେସ୍‌କି ଇଦାଙ୍ଗ୍ ର ବାନି ବେସି ଦାମ୍‌ନି ବାସ୍ନା ଆନି ଦୁପ୍‌ନି ଆରେ ଅହ ଚିକାଣ୍ ଗନ୍ଦରାସ୍ ତାଙ୍ଗେଙ୍ଗ୍ ହିତାର୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 24:52

ଚେଲାହିର୍ ହେବେ ହେୱାନିଙ୍ଗ୍ ମେଣ୍ଡାକୁନ୍ଦିକିଜି ଜୟ୍-ଜୟ୍ କିତାର୍। ତାପାଚେ ହେୱାର୍ ବେସି ୱାରିତାଙ୍ଗ୍ ଯିରୁଶାଲାମ ସହର୍‌ତାକେ ହାଚାର୍।

୧ କରନ୍ତିୟ 15:10

ମାତର୍ ତା ଦୟା କାଜିଙ୍ଗ୍ ଆନେଙ୍ଗ୍ ନଙ୍ଗୟ୍ ବାଚିକିତି ଚେଲା ଆତାଙ୍ଗ୍‌ନା, ହେୱାନ୍ ନାଙ୍ଗେଙ୍ଗ୍ ଦୟା କିତ୍‌ତି କାଜିଙ୍ଗ୍ ୱିଜାର୍ ଚେଲାର୍ ଈଶ୍ୱରତି କାମାୟ୍ କିତିତାଙ୍ଗ୍ ଆନେଙ୍ଗ୍ ବେସି ଈଶ୍ୱର କାମାୟ୍ କିନାଙ୍ଗା। ଆଁ ହେଦାଙ୍ଗ୍ ଆନେଙ୍ଗ୍ ଆକାୟ୍, ମାତର୍ ନାଙ୍ଗେଙ୍ଗ୍ ଦୟା କିତ୍‌ତି କାଜିଙ୍ଗ୍ ହେୱାନ୍ ନାଙ୍ଗେଙ୍ଗ୍ ତା କାମାୟ୍ କିନି କାଜିଙ୍ଗ୍ ବ୍ୟବହାର୍ କିଦ୍‌ନାନା।

ହତ୍‌ତି 10:6

ଆରେ ହେୱାନ୍ ୱିଜୁଦିନ୍ ଜିବୁନ୍ ମାନି ଈଶ୍ୱର, ଇନେର୍ ସରଗ୍ ଆରେ ହେବେ ମାନି ୱିଜୁ ଜିନିଷ୍ ଉବ୍‌ଜାଇ କିତାନ୍‌ନା। ଇନେର୍ ପୁର୍ତି ଆରେ ପୁର୍ତିନି ୱିଜୁ ଜିନିଷ୍ ଉବ୍‌ଜାଇ କିତାନ୍‌ନା ଆରେ ଇନେର୍ ହାମ୍‌ଦୁର୍ ଆରେ ହେବେ ମାନି ୱିଜୁ ଜିନିଷ୍ ଉବ୍‌ଜାଇ କିତାନ୍‌ନା ତା ତର୍‍ଦାଙ୍ଗ୍ ରାଣ୍ କିଜି ୱେଚ୍‌ଚାନ୍, “ଈଶ୍ୱର ଆରେ ଲେଟ୍ କିଉନ୍।

ହତ୍‌ତି 11:16

ତାପାଚେ ହେବେ ସିଙ୍ଗାସନ୍‌ତାକେ କୁଚ୍‌ଚି ମାଚି ଚବିଶ୍ ଜାଣ୍ ପ୍ରାଚିନାର୍ ମେଣ୍ଢାକୁନ୍ଦିକିଜି ଈଶ୍ୱରତିଙ୍ଗ୍ ମୁଣ୍ଡିଆ ଇଡ଼୍‌ଜି ପୁଜାକିଜି ୱେଚ୍‌ଚି ମାଚାର୍,

ହତ୍‌ତି 15:4

ହେ ମାପୃ, ୱିଜୁ ଜାତିନି ମାନାୟାର୍ ନିଙ୍ଗେଙ୍ଗ୍ ପାଣ୍ଡ୍ରା ଆଦ୍‌ନାର୍, ଆରେ ୱିଜାର୍ ମାନାୟାର୍ ନିଙ୍ଗେଙ୍ଗ୍ ସନ୍‌ମାନ୍ ହିଦ୍‌ନାରା, ଇନେସ୍‌କି ଏନେଙ୍ଗ୍‍ନେ ରକାୟ୍ ପବିତ୍ର ଈଶ୍ୱର। ୱିଜୁ ଦେସ୍ତି ମାନାୟାର୍ ନି ଲାଗେ ୱାନାରା ଆରେ ନିଙ୍ଗେଙ୍ଗ୍ ପୁଜା କିଦ୍‌ନାରା, ଇନେସ୍‌କି ହେୱାର୍ ପୁଚାର୍‌ନା ନି କାମାୟ୍ ୱିଜୁ ଦରମ୍।”

ହତ୍‌ତି 15:7

ଆରେ ତାପାଚେ ଚାରିଗଟା ଜିବୁନ୍ ମାନି ପଶୁ ବିତ୍ରେତାଙ୍ଗ୍ ର ପଶୁ ହେ ସାତ୍‌ଗଟା ଦୁତ୍‌କୁକାଙ୍ଗ୍ ହନାତାଙ୍ଗ୍ ରସ୍ତି ସାତ୍‌ଗଟା ଗିନା ହିତାତ୍‌, ଆରେ ହେ ଗିନାତାକେ ୱିଜୁଦିନ୍ ମାନି ଈଶ୍ୱର ଦଣ୍ଡ୍ ମାଚାତ୍।

ହତ୍‌ତି 19:4

ତାପାଚେ ଚବିଶ୍ ଜାଣ୍ ପ୍ରାଚିନ୍‌ ଆରେ ଚାରିଗଟା ଜିବୁନ୍ ମାନି ପଶୁ ସିଙ୍ଗାସନ୍‌ତାକେ କୁଚ୍‌ଚି ଈଶ୍ୱରତିଙ୍ଗ୍ ଜୱାର୍‌କିଜି ୱେଚ୍‌ଚାର୍ “ଆମେନ୍ ଈଶ୍ୱରତିଙ୍ଗ୍ ଜୟ୍-ଜୟ୍ କିୟାଟ୍।”

ହତ୍‌ତି 4:2

ରଇବାର୍ ନାଞ୍ଜିଙ୍ଗ୍ ଏଚେପାଦ୍ନା ଆନେଙ୍ଗ୍ ଈଶ୍ୱରତିଙ୍ଗ୍ ଆରାଦନା କିଜି ମାଚାଙ୍ଗ୍ ପବିତ୍ର ଆତ୍ମା ନା ଜପି ୱାଜି ନାଙ୍ଗେଙ୍ଗ୍ କଣ୍ଟ୍ରୁଲ୍ ହିତ୍‌ତାତ୍‌। ଏଚେପାଦ୍ନା ପବିତ୍ର ଆତ୍ମା ନା ଜପି ୱାତାତ୍, ହେପାଦ୍ନା ଆନେଙ୍ଗ୍ ସରଗ୍‌ନି ସିଙ୍ଗାସନ୍‌ତାକେ ର ମାନାୟ୍ କୁଚ୍‌କା ହୁଡ଼୍‌ତାଙ୍ଗ୍।

ହତ୍‌ତି 4:4

ହେ ସିଙ୍ଗାସନ ଚାରିବେଣ୍‌ତାଙ୍ଗ୍ ଚବିଶ୍ ଗଟା ସିଙ୍ଗାସନ ମାଚିକ୍, ଆରେ ହେ ଚବିଶ୍ ଗଟା ସିଙ୍ଗାସନ୍‌ତାକେ ଚବିଶ୍ ଜାଣ୍ ପ୍ରାଚିନାର୍ ଡ଼ିଞ୍ଜ୍‌ନି ହେନ୍ଦ୍ରାଙ୍ଗ୍ ଉସ୍‍ପି କୁଚ୍‌ଚି ମାଚାର୍। ହେୱାର୍ କାପ୍‌ଡ଼ାତ ହନାତାଙ୍ଗ୍ ରସ୍ତି ମୁକୁଟ୍ ମାଚାତ୍।

ହତ୍‌ତି 4:9

ଏଚେପାଦ୍ନା ହେ ଜିବୁନ୍ ମାନି ପଶୁଙ୍ଗ୍ ହେ ସିଙ୍ଗାସନ୍‌ତାକେ କୁଚ୍‌ଚାକାରିଙ୍ଗ୍ ଗୌରବ, ସନ୍‌ମାନ୍ ଆରେ ଦନ୍ଯବାଦ୍ ହିଜି ମାଚାର୍, ଇନେର୍ ୱିଜୁଦିନ୍ କାଜିଙ୍ଗ୍ ଜିବୁନ୍ ମାନ୍‌ଙ୍ଗାନାନ୍।

ହତ୍‌ତି 5:14

ଆରେ ଚାରିଗଟା ଜିବୁନ୍ ମାନି ପଶୁ ୱେଚ୍‌ଚାର, “ଆମେନ୍,” ଆରେ, ଚବିଶ୍ ଜାଣ୍ ପ୍ରାଚିନ୍‌ନାର୍ ମେଣ୍ଡାକୁନ୍ଦିକିଜି ମୁଣ୍ଡିୟା ଇଡ଼୍‌ତାର୍ ଆରେ ଈଶ୍ୱରତିଙ୍ଗ୍ ଆରେ ମେଣ୍ଢା ଇନେର୍‌କି ଯୀଶୁଙ୍ଗ୍ ପୁଜା କିତାର୍।

ହତ୍‌ତି 5:8

ଏଚେପାଦ୍ନା ହେୱାନ୍ ସାସ୍ତର୍‌ତିଙ୍ଗ୍ ଅତାନ୍‌, ହେପାଦ୍ନା ହେ ଚାରିଗଟା ଜିବୁନ୍ ମାନି ପଶୁ ଆରେ ଚବିଶ୍ ଜାଣ୍ ପ୍ରାଚିନାର୍ ମେଣ୍ଢା ଇନେର୍‌କି ଯୀଶୁ ଆଗେ ମେଣ୍ଢାକୁନ୍ଦିକିଜି ମୁଣ୍ଡିୟା ଇଡ଼୍‌ତାର୍। ୱିଜାର୍ ପ୍ରାଚିନାର୍‌ ମରି ଆରେ ହନାତାଙ୍ଗ୍ ରସ୍ତି ଦୁପ୍‌ନି ମାନି ଗିନାଙ୍ଗ୍ ଆସ୍ତି ମାଚାର୍ ହେ ଦୁପ୍‌ନି ଅର୍ତ ଈଶ୍ୱର ଲକ୍‌ନି ପାର୍ତାନା।

ହତ୍‌ତି 7:11

ତାପାଚେ ସିଙ୍ଗାସନ ଚାରିବେଣ୍‌ତାଙ୍ଗ୍ କୁଚ୍‌ଚି ମାଚି ଚବିଶ୍ ଜାଣ୍ ପ୍ରାଚିନାର୍ ଆରେ ଚାରିଗଟା ଜିବୁନ୍ ମାନି ପଶୁ ଆରେ ନିଲ୍‌ଚିମାଚି ୱିଜୁ ଦୁତ୍‌କୁ ସିଙ୍ଗାସନ ଆଗେ ଈଶ୍ୱରତିଙ୍ଗ୍ ସନ୍‌ମାନ୍ ହିନି କାଜିଙ୍ଗ୍ ମେଣ୍ଢାକୁନ୍ଦିକିଜି ମୁଣ୍ଡିଆ ଇଡ଼୍‌ଜି ପୁଜା କିତାର୍।