ହତ୍‌ତି 21:12 - New Testament in Pengo Parja Language

¹² ହେ ସହର୍‌ନି ବାଉଣ୍ଡ୍ରି ଅହାର୍ ଆରେ ଉଚା ମାଚାତ୍, ହେ ସହର୍‌ତାକେ ବାରଗଟା ଗେଟ୍‌କୁ ମାଚିକ୍। ଆରେ ହେ ଗେଟ୍‌କୁକାଙ୍ଗ୍ ବାରଗଟା ଦୁତ୍‌କୁ କାସି ମାଚିକ୍। ହେ ବାରଗଟା ଗେଟ୍‌କୁକାଙ୍ଗ୍ ଇସ୍ରାଏଲ ଜାତିନି ବାରଗଟା କୁଟୁମ୍‌ନି ବାରଗଟା ତର୍‌ ଲେକାଆଜି ମାଚାତ୍।

ସତ୍‌ ବଚନ୍‌ ପୁନି ନିୟମ୍‌

¹² ତା ରଞ୍ଜାଙ୍ଗ୍‌ ଗାଜା ଆରି ପାନ୍ତି କୁୱାଡ଼୍‌ ମାନାତ୍‌, ହେବେ ବାରଗଟା ଦୁୱେର୍‌ରିଂ ହେ ଦୁୱେର୍‌ତ ବାରଜାଣ୍‌ ଦୁତ୍‌ ଆରି ଦୁୱେର୍‌କାଂ ଜପି ଇସ୍ରାଏଲ୍‌ ହିମ୍‌ଣାଂତି ବାରଜାଣ୍‌ ଲାତ୍ରାନି ତର୍‌ ଲେକାତାତ୍‌ନା ।

ହତ୍‌ତି 21:12 ပူးပေါင်းရင်းမြစ်များ

ମାତିଉ 18:10

ସାବ୍‌ଦାନ୍ ଆଜି ମାନାଟ୍, ଇ ହିରୁକାନ୍ ବିତ୍ରେତାଙ୍ଗ୍ ରକାନିଙ୍ଗ୍ ପା ଗିଣ୍ କିମାଟ୍। ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା, ଇୱାରିଙ୍ଗ୍ ଜାତୁନ୍ କିଦେଙ୍ଗ୍ ସରଗ୍‌ନି ଦୁତ୍‌କୁ ମାନିକ୍। ଆରେ ହେ ଦୁତ୍‌କୁ ୱିଜୁଦିନ୍ ନା ସରଗ୍‌ନି ଆବା ଈଶ୍ୱରତାକେ ମାନିକ୍‌।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 15:10

ହେଲେକେ ରକାନ୍ ପାପି ତା ପାପ୍ କାମାୟ୍ ପିସ୍ତି ଈଶ୍ୱରତାକେ ୱାତିସ୍, ସରଗ୍‌ନି ଦୁତ୍‌କୁ ବେସି ୱାରି ଆନିକ୍।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 16:22

ତାପାଚେ ଲାଜର୍‌ ହାଃତାନ୍। ସରଗ୍‌ଦୁତ୍‌କୁ ୱାତିକ୍ ଆରେ ମା ଆକଦାଦି ଅବ୍ରାହାମ୍‌ ଲାଗାୟ୍ ଅତିକ୍‌। ଆରେ କେତ୍‌ଦିନ୍ ପାଚେ ସାଉକାର୍ ମାନାୟ୍ ପା ହାଃତାନ୍ ଆରେ ହେୱାନିଙ୍ଗ୍ ମୁଚ୍‍ଚାର୍।

ପକ୍ୟାତାକା 26:7

ମା ବାର କୁଟୁମ୍ ମାନାୟାର୍ ପା ହେ ପାର୍ମାଣ୍ ପୁରା ଆୟେତ୍ ଇଞ୍ଜି ଆହା ଇଡ଼୍‌ଜି ଈଶ୍ୱରତିଙ୍ଗ୍ ର ମାନ୍‌ଆଜି ୱେଡ଼ା ନାଣା ପୁଜା କିନାରା। ଏ ରାଜା ଇ ଆହା କାଜିଙ୍ଗ୍ ନାଙ୍ଗେଙ୍ଗ୍ ଯିହୁଦିର୍ ଦସି କିତ୍‌ତାର୍‌ନା।

ଏବ୍ରି 1:14

ଲାଗିଙ୍ଗ୍ ଦୁତ୍‌କୁ ଇନେର୍? ହେୱେକ୍ ଆପ୍‌କା ଈଶ୍ୱରତିଙ୍ଗ୍ ହେବା କିନିକିକ୍। ଆରେ ଉଦାର୍ ପାୟା ଆଦେଙ୍ଗ୍ ମାନି ମାନାୟାରିଙ୍ଗ୍ ସାଇଜ କିନି କାଜିଙ୍ଗ୍ ଈଶ୍ୱର ହେୱେକିୟାକାଙ୍ଗ୍ ପକ୍‌ଚି ମାନାନ୍।

ହତ୍‌ତି 21:13

ହେ ସହର୍‌ତାକେ ଆଗ୍‌ବାଗାୟ୍, ପାଚ୍‌ବାଗାୟ୍, ତିନାନିପଣ୍ ଆରେ ଡେବ୍ରିନିପଣ୍ ତିନ୍‌ଗଟା ଲାକା ଗେଟ୍‌କୁ ମାଚିକ୍।

ହତ୍‌ତି 21:15

ତାପାଚେ ନା ହୁଦାଙ୍ଗ୍ ବେଣ୍ କିଦ୍‌ନି ଦୁତ୍ କେଇଦ ହନାତାଙ୍ଗ୍ ରସ୍ତି ଲାଚ୍‌ନି ବେଡ୍‌ଗା ମାଚାତ୍, ହେ ଦୁତ୍ ହେ ସହର୍‌ତିଙ୍ଗ୍, ବାଉଣ୍ଡ୍ରିତିଙ୍ଗ୍ ଆରେ ଗେଟ୍‌ତିଙ୍ଗ୍ ଲାଜ୍‌ଜେଙ୍ଗ୍ ହେ ବେଡ୍‌ଗା ଆସ୍ତି ମାଚାତ୍‌।

ହତ୍‌ତି 21:25

ହେ ସହର୍‌ନି ଗେଟ୍ ୱେଡ଼ାବୁଡି କଲା ମାନ୍‌ଗାନାତ୍। ଇନାୱେଡ଼ାଙ୍ଗ୍ ପା ବନ୍ଦ୍ ଆଉତ୍, ଇନେସ୍‌କି ହେବେ ଇନାୱେଡ଼ାଙ୍ଗ୍ ପା ନାଣା ଆଉତ୍।

ହତ୍‌ତି 22:14

ଆରେ ଇମ୍‌ଣି ମାନାୟାର୍ ତା ହେନ୍ଦ୍ରାଙ୍ଗ୍ ମେଣ୍ଢା ଇନେର୍‌କି ଯୀଶୁ ନେତେର୍‌ତାକେ ନେ ନୁଜ୍‌ଦି ଡ଼ିଚ୍‌ଚାର୍‌ନା। ତା ଅର୍ତ ଇମ୍‌ଣି ମାନାୟାର୍ ତା ପାପ୍ ୱିଜୁ ନୁସ୍ତାର୍‌ନା, ଈଶ୍ୱର ହେୱାରିଙ୍ଗ୍ ଆଶ୍ରିବାଦ୍ କିତାନ୍‌ନା। ହେୱାର୍ ସହର୍‌ନି ଗେଟ୍‌ତିଙ୍ଗ୍ ହାଞ୍ଜେଙ୍ଗ୍ ଆଡ୍‌ନାର୍ ଆରେ ଜିବୁନ୍‌ହିନି ମାର୍‌ତାଙ୍ଗ୍ ପାଡ଼୍‌ତିଙ୍ଗ୍‌ ଚିଞ୍ଜେଙ୍ଗ୍ ଆଡ୍‌ନାର୍।