ହତ୍‌ତି 20:11 - New Testament in Pengo Parja Language

¹¹ ତାପାଚେ ଆନେଙ୍ଗ୍ ର ଗାଜା ଡ଼ିଞ୍ଜ୍‌ନି ସିଙ୍ଗାସନ ହୁଡ଼୍‌ତାଙ୍ଗ୍, ହେବେ ଈଶ୍ୱର କୁଚ୍‌ଚି ମାଚାନ୍। ଇମ୍‌ଣି ବାହାତାକେ ଈଶ୍ୱର କୁଚ୍‌ଚି ମାଚାନ୍, ହେବେ ପୁର୍ତି ଆରେ ବାଦାଡ଼୍ ଡ଼ୁକ୍‌ତାତ୍‌ ଆରେ ଇନେର୍ ପା ହେୱାନିଙ୍ଗ୍ ହୁଡ଼୍‌ଦେଙ୍ଗ୍ ଆଡ୍‌ୱାତାର୍।

ସତ୍‌ ବଚନ୍‌ ପୁନି ନିୟମ୍‌

¹¹ ତାପାଚେ ଆନେଙ୍ଗ୍‌ ର ଗାଜା ଡ଼ିଞ୍ଜ୍‌ନାକା ଗାଦି ଆରି ହେବେ କୁଚ୍‌ଚି ରୱାନ୍‌ ମାନାୟ୍‌ତିଂ ହୁଡ଼୍‌ତାଂ; ତା ଲାଗାତାଂ ପୁର୍ତି ଆରି ଆକାସିଂ ହନ୍‌ତାତ୍‌, ଆରି ହେଦାଂ ହୁଡ଼୍‌ୱିତିକ୍‌ ।

ହତ୍‌ତି 20:11 ပူးပေါင်းရင်းမြစ်များ

ମାତିଉ 11:22

ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚାନାଙ୍ଗା, “ବିଚାର୍ ଦିନ୍‌ତ ମିଙ୍ଗେଙ୍ଗ୍ ସୋର୍ ସହର୍ ଆରେ ସିଦନ୍‌ ସହର୍‌ତାଙ୍ଗ୍ ମିଙ୍ଗେଙ୍ଗ୍ ଈଶ୍ୱର ବେସି ଦଣ୍ଡ୍ ହିଦ୍‌ନାନ୍।

ମାତିଉ 24:35

ବାଦାଡ଼୍ ଆରେ ପୁର୍ତି ବୁଡାଆନାତ୍ ହିନା, ମାତର୍ ନା କାତା ଅଲପ୍‌ପା ବୁଡା ଆଉତ୍।”

ମାତିଉ 25:31

ଏଚେପାଦ୍ନା ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା ଆରେରଗ ହେୱାନ୍ ଗୌରବ ହୁଦାଙ୍ଗ୍ ୱାନାନ୍। ହେୱାନ୍ ହୁଦାଙ୍ଗ୍ ସରଗ୍‌ନି ଦୁତ୍‌କୁ ୱାନିକ୍। ହେୱାନ୍ ରାଜା ଆନାନ୍ ଆରେ ତା ଗାଜା ସିଂହାସନ୍ ଜପି ୱିଜାକାରିଙ୍ଗ୍ ବିଚାର୍ କିଦେଙ୍ଗ୍ କୁଚ୍‌ନାନ୍।

ରୋମିୟ 2:5

ଇନେସ୍‌କି ଏପେଙ୍ଗ୍ ମି ଗରବ୍ ମାନ୍ ବିତ୍ରେ ମାନି ପାପ୍ କାମାୟ୍ ପିସ୍ତି ମାନ୍‌ବାଦ୍‌ଲାୟ୍ କିଉଦେରା। ହେଦାଙ୍ଗ୍ କାଜିଙ୍ଗ୍ ଈଶ୍ୱର ମିଙ୍ଗେଙ୍ଗ୍ ବେସି ରିସା ଆଦ୍‌ନାନା, ଆରେ ହେୱାନ୍ ନ୍ୟାୟ୍ ବିଚାର୍‌କିନି ନାଞ୍ଜିଙ୍ଗ୍, ମିଙ୍ଗେଙ୍ଗ୍ ଦଣ୍ଡ୍ ହିଦ୍‌ନାନ୍।

୨ ପିତର 3:7

ମାତର୍ ଇ ସରଗ୍ ଆରେ ପୁର୍ତିତିଙ୍ଗ୍ ନାଣିତାଙ୍ଗ୍ ନଷ୍ଟ କିଦେଙ୍ଗ୍, ହେ କାତା ଈଶ୍ୱର ଇଡ଼୍‌ତାନ୍‌ନା। ହେୱାନ୍ ବିଚାର୍‌କିନି ଦିନ୍ କାଜିଙ୍ଗ୍ ଆରେ ଇମ୍‌ଣାକାର୍ ହେୱାନିଙ୍ଗ୍ ମାନିକିଉର୍ ହେ ମାନାୟାରିଙ୍ଗ୍ ନଷ୍ଟ କିଦେଙ୍ଗ୍, ହେୱାନ୍ ହେୱାରିଙ୍ଗ୍ ଇଡ଼୍‌ତାନ୍‌ନା।

ହତ୍‌ତି 12:8

ହେ ଯୁଜ୍‌ତାକେ ହେ ରାଚ୍ ଆରେ ତା ଦୁତ୍‌କୁ ଆରା ଆତିକ୍, ହେୱାର୍ ଆରେ ସରଗ୍‌ତାକେ ମାଞ୍ଜେଙ୍ଗ୍ ଆଡ୍‍ୱିତିକ୍।

ହତ୍‌ତି 16:20

ଆରେ ୱିଜୁ ହାମ୍‌ଦୁର୍‌ନି ଦ୍ୱିପ୍ ବୁଡା ଆତାତ୍ ଆରେ ୱିଜୁ ମାଡ଼ି ବାଟା ଆତାତ୍।

ହତ୍‌ତି 19:11

ତାପାଚେ ସରଗ୍‌ତାକେ ମାନି କାପାଟ୍ ଜେୟା ଆତାକା ଆନେଙ୍ଗ୍ ହୁଡ଼୍‌ତାଙ୍ଗ୍, ହେବେ ରଞ୍ଜାଙ୍ଗ୍ ଡ଼ିଞ୍ଜ୍‌ନି ଗଡ଼ା ନିଲ୍‌ଚି ମାଚାତ୍। ଆରେ ହେ ଗଡ଼ା ଜପି କୁଚ୍‌ଚି ମାଚି ମାନାୟ୍ ତର୍‌ ଦରମ୍ ଆରେ ସତ୍ ମାଚାତ୍। ଇନେସ୍‌କି ହେୱାନ୍ ତା ଶାତ୍ରୁରିଙ୍ଗ୍ ଟିକ୍ ବିଚାର୍ କିନାନ୍ ଆରେ ପାଚେ ହେୱାର୍ ହୁଦାଙ୍ଗ୍ ଯୁଜ୍ କିଦେଙ୍ଗ୍ ହାନାନ୍।

ହତ୍‌ତି 20:2

ହେ ଦୁତ୍ ହେ ଗାଜା ରାଚ୍ ଇନେର୍‌କି ଗାଜା ଶୟତାନ, ତାଙ୍ଗେଙ୍ଗ୍ ଲୱା ହିକ୍‌ଡ଼ିଙ୍ଗ୍ ହୁଦାଙ୍ଗ୍ ଗାଚ୍‌ଚି ହାଜାର୍ ବାର୍ହୁ କାଜିଙ୍ଗ୍ ପାତାଳ୍‌ କୁଣ୍ଡ୍‌ତାକେ ତୁସିହିତାନ୍‌।

ହତ୍‌ତି 21:1

ତାପାଚେ ଆନେଙ୍ଗ୍ ପୁନି ବାଦାଡ଼୍ ଆରେ ପୁନି ପୁର୍ତି ହୁଡ଼୍‌ତାଙ୍ଗ୍, ଇନେସ୍‌କି ପାନି ସରଗ୍ ଆରେ ପାନି ପୁର୍ତି ଡ଼ୁକ୍‌ତାତ୍‌ ଆରେ ହାମ୍‌ଦୁର୍ ପା ଚଞ୍ଜ୍‌ଞ୍ଜାୱାତାତ୍‌ଦେ।

ହତ୍‌ତି 21:5

ଆରେ ହେ ସିଙ୍ଗାସନ ଜପି କୁଚ୍‌ଚାକାନ୍ ୱେଚ୍‌ଚାନ୍, “ହୁଡ଼ାଟ୍, ଆନେଙ୍ଗ୍ ୱିଜୁ ଜିନିଷ୍‌ତିଙ୍ଗ୍ ପୁନାକା କିନାଙ୍ଗା।” ତାପାଚେ ହେୱାନ୍ ନାଙ୍ଗେଙ୍ଗ୍ ୱେଚ୍‌ଚାତାନ୍, “ଇ ୱିଜୁ ବିଷୟତିଙ୍ଗ୍ ଲେକିକିୟା, ଇନେସ୍‌କି ଆନେଙ୍ଗ୍ ୱେଚ୍‌ନି ୱିଜୁ କାତାତିଙ୍ଗ୍ ପାର୍ତି କିୟାଆନାତ୍ ଆରେ ହେଦାଙ୍ଗ୍ ସତ୍।”

ହତ୍‌ତି 4:2

ରଇବାର୍ ନାଞ୍ଜିଙ୍ଗ୍ ଏଚେପାଦ୍ନା ଆନେଙ୍ଗ୍ ଈଶ୍ୱରତିଙ୍ଗ୍ ଆରାଦନା କିଜି ମାଚାଙ୍ଗ୍ ପବିତ୍ର ଆତ୍ମା ନା ଜପି ୱାଜି ନାଙ୍ଗେଙ୍ଗ୍ କଣ୍ଟ୍ରୁଲ୍ ହିତ୍‌ତାତ୍‌। ଏଚେପାଦ୍ନା ପବିତ୍ର ଆତ୍ମା ନା ଜପି ୱାତାତ୍, ହେପାଦ୍ନା ଆନେଙ୍ଗ୍ ସରଗ୍‌ନି ସିଙ୍ଗାସନ୍‌ତାକେ ର ମାନାୟ୍ କୁଚ୍‌କା ହୁଡ଼୍‌ତାଙ୍ଗ୍।

ହତ୍‌ତି 6:14

ଆରେ ସାସ୍ତର୍‌ତିଙ୍ଗ୍ ହୁର୍‌ପିତି ଲେକେ ବାଦାଡ଼୍ ଡ଼ୁକ୍‌ତାତ୍‌। ଆରେ ୱିଜୁ ମାଡ଼ି ଆରେ ହାମ୍‌ଦୁର୍‌ନି ୱିଜୁ ଦ୍ବିପ୍‌କୁ ଜାର୍ ବାହାଙ୍ଗ୍‌ତାଙ୍ଗ୍ ଗୁଚା ଆତିକ୍।