ହତ୍‌ତି 19:15 - New Testament in Pengo Parja Language

¹⁵ ତା ୱେଇଦାଙ୍ଗ୍ ବେସି ଦାରା ମାନି କାଣ୍ଡା ହସିମାଚାତ୍, ଆରେ ହେ କାଣ୍ଡା ସାଇଜତାଙ୍ଗ୍ ପୁର୍ତିନି ୱିଜୁ ଜାତିନି ମାନାୟାର୍ ହୁଦାଙ୍ଗ୍ ଯୁଜ୍ କିଜି ଆରାୟ୍ କିତାନ୍। ହେୱାନ୍ ହେୱାରିଙ୍ଗ୍ ଲୱା ବେଡ୍‌ଗା ହୁଦାଙ୍ଗ୍ ସାସନ୍ କିନାନ୍। ହେ ୱିଜୁ ଶାକ୍ତିମାନି ଈଶ୍ୱର ତା ଶାତ୍ରୁରିଙ୍ଗ୍ ଅଙ୍ଗୁର୍ କୁଣ୍ଡ୍‌ତାକେ ଅଙ୍ଗୁର୍ ରାସ୍‌ତିଙ୍ଗ୍ ଉସ୍ତିଲେକେ ହେୱାରିଙ୍ଗ୍ ପା ଦଣ୍ଡ୍ ହିନାନ୍।

ସତ୍‌ ବଚନ୍‌ ପୁନି ନିୟମ୍‌

¹⁵ ତା ୱାଇଦାଂ ଦାରାକାଣ୍ଡା ହତ୍‌ନାତ୍‌, ତା ହୁଦାଂ ହେୱାନ୍‌ ଜାତିରିଂ ଗାଅ କିନାନ୍‌; ହେୱାନ୍‌ ହେୱାରିଂ ଲୱା ବାଡ୍‌ଗାତାଂ ସାସନ୍‍ କିନାନ୍‌ ଆରେ ହେୱାନ୍‌ ନିଜେ ୱିଜ଼ୁ ସାକ୍ତିକାଟାକାନ୍‌ ଇସ୍ୱର୍ତି ଜବର୍‌ କାକ୍ରି ଲାକେ ଅଙ୍ଗୁର୍‌କୁଣ୍ଡି ଜାତା କଣ୍ଡି ୱିହ୍‌ନାନ୍‌ ।

ହତ୍‌ତି 19:15 ပူးပေါင်းရင်းမြစ်များ

୨ ଥେସଲନୀକିୟ 2:8

ହେପାଦ୍ନା ହେ ଅଦରମ୍‌ ମାନାୟ୍ ଚଞ୍ଜିଆ ଆନାନ୍, ଆରେ ଏଚେପାଦ୍ନା ମାପୃ ଯୀଶୁ ୱାନାନ୍, ହେ ଅଦରମ୍‌ ମାନାୟ୍‌ତିଙ୍ଗ୍ ତା ଆଦେସ୍‌ତାଙ୍ଗ୍ ମାର୍ନେ ଅହ୍‌ନାନ୍।

ହତ୍‌ତି 1:16

ହେୱାନ୍ ତା ତିନି କେଇଦ ସାତ୍‌ଗଟା ହୁକାଙ୍ଗ୍ ଆସ୍ତି ମାଚାନ୍, ଆରେ ତା ୱେଇଦାଙ୍ଗ୍ ରିକଣ୍ଡାଙ୍ଗ୍ ଦାରା ମାନି ଯୁଜ୍ କିନି କାଣ୍ଡା ହସିମାଚାନ୍‌, ଆରେ ୱେଡ଼ା ବାର୍‌ଟାନି କାରାଲେକେ ତା ମୁମ୍ ଅଜଡ଼୍‌ଆଜି ମାଚାତ୍।

ହତ୍‌ତି 12:5

ଟିକ୍ ସମୟ୍ ୱେଡ଼ାଙ୍ଗ୍ ହେ କଗ୍‌ଲେ କାଡ଼୍‌ଦେଙ୍ଗ୍ ଜନମ୍ କିତାତ୍, ହେଦାପ୍ରେ ହେ କାଡ଼୍‌ଦେଙ୍ଗ୍ ଈଶ୍ୱର ଆରେ ତା ସିଙ୍ଗାସନ କଚଣ୍‌ତାକେ ଜେଲ୍‌ଜି ଅତାର୍, ଆରେ ହେ ରାଚ୍ ହେ ଜନମ୍ ଆତି କାଡ଼୍‌ଦେଙ୍ଗ୍ ଚିଞ୍ଜେଙ୍ଗ୍ ଆଡ୍‌ୱାତାତ୍। ହେ କାଡ଼୍‍ଦେ ୱିଜୁ ଆଦିକାର୍ ହୁଦାଙ୍ଗ୍ ପୁର୍ତିନି ୱିଜୁ ଜାତିନି ମାନାୟାରିଙ୍ଗ୍ ଲୱା ବେଡ୍‌ଗା ହୁଦାଙ୍ଗ୍ ସାସନ୍ କିନାନ୍।

ହତ୍‌ତି 14:10

ଈଶ୍ୱର ହେୱାରିଙ୍ଗ୍ ବେସି ରିସା ଆନାନ୍ ଆରେ ହେୱାରିଙ୍ଗ୍ ଦଣ୍ଡ୍ ହିନାନ୍, ଆରେ ପା ଇଲେକେ କାମାୟ୍ କିନାକାରିଙ୍ଗ୍ ଈଶ୍ୱର ମେଣ୍ଢା ଇନେର୍‌କି ଯୀଶୁ ଆରେ ସରଗ୍‌ତାକେ ମାନି ପବିତ୍ର ଦୁତ୍‌କୁ ମୁମ୍‌ଦ ନାଣି ଆରେ ଗନ୍ଦକତାକେ ନରକ୍‌ତାକେ କାଡିକିନାତ୍‌।

ହତ୍‌ତି 19:21

ଆରେ ହେ ପଶୁ ୱିଜୁ ସେନାରିଙ୍ଗ୍ ଡ଼ିଞ୍ଜ୍‌ନି ଗଡ଼ା ଜପି କୁଚ୍‌ଚି ମାଚି ମାନାୟ୍ ତା ୱେଇଦାଙ୍ଗ୍ ହସିମାଚି ଦାରା କାଣ୍ଡା ହୁଦାଙ୍ଗ୍ ମାର୍ନେ ଅସ୍ତାନ୍‌। ଆରେ ବାଦାଡ଼୍‌ତାକେ ଉମ୍‌ନି ୱିଜୁ ପଟିଙ୍ଗ୍ ୱାଜି ହେୱାର୍ ହାଃତି ଗାଗାଡ଼୍‌ତିଙ୍ଗ୍ ପଟ ବାର୍ତି ଆନି ପାତେକ୍ ଚିଚିକ୍।

ହତ୍‌ତି 2:12

ହେୱାନ୍ ପା ନାଙ୍ଗେଙ୍ଗ୍ ୱେଚ୍‌ଚାତାନ୍, “ପର୍ଗମ ସହର୍‌ତ ମାନି ମଣ୍ଡ୍‌ଲିନି ଦୁତ୍‌ତିଙ୍ଗ୍ ଇ କାବୁର୍ ଲେକିକିୟାଟ୍: ହେ କାବୁର୍ ଇଲେକେ, ଆନେଙ୍ଗ୍ ନେ ହେ ମାନାୟ୍‌ତଙ୍ଗ୍‌ ଇନେର୍ ତାକେ ରିକଣ୍ଡାଙ୍ଗ୍ ଦାରା ମାନି କାଣ୍ଡା ମାନାତ୍।”

ହତ୍‌ତି 2:16

ହେଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ପାପ୍ କାମାୟ୍ ପିସ୍ତି ମାନ୍‌ବାଦ୍‌ଲାୟ୍ କିଜି ଈଶ୍ୱରତାକେ ୱାଡ, ଯଦି ଏପେଙ୍ଗ୍ ହେଲେଗ୍‌ଦି କରାପ୍ କାମାୟ୍ କିନାକା ବନ୍ଦ୍ କିଉଦେର୍। ଲାଗିଙ୍ଗ୍ ଆନେଙ୍ଗ୍ ବେଗି ୱାନାଙ୍ଗ୍ ଆରେ ହେଲେକେ ମିଚ୍ ହିକ୍ଷାହିନି ମାନାୟାର୍ ବିରଦ୍‌ତାକେ ନା କାତାହୁଦାଙ୍ଗ୍ ଯୁଜ୍ କିନାଙ୍ଗ୍। ହେ ନା କାତା ରିକଣ୍ଡା ଦାରା ମାନି କାଣ୍ଡା ଲେକେ।

ହତ୍‌ତି 2:27

ଆନେଙ୍ଗ୍ ହେୱାରିଙ୍ଗ୍ ନା ଲେକେ ସାସନ୍ କିନି ଅଦିକାର୍ ହିନାଙ୍ଗ୍, ଇମ୍‌ଣାକା ଆନେଙ୍ଗ୍ ନା ଆବାତାଙ୍ଗ୍ ପାୟାଆତାଙ୍ଗ୍‌ନା। ଡ୍ରିଙ୍ଗ୍‌ୱି ଲୱାଲେକେ ହେୱାର୍ ସାସନ୍ କିନାର୍ ଆରେ ହେୱାର୍ ଚିକ୍‍ଲା ଟାଣ୍ଡିତିଙ୍ଗ୍ ଡ୍ରିକ୍‌ତିଲେକେ ତା ଶତୃରିଙ୍ଗ୍ ବିନାସ୍ କିନାର୍। ହେୱାର୍ ସାସନ୍ କିନିହିଙ୍ଗ୍ ଦୟା କିଉର୍, ଆରେ ହେୱାର୍ ଚିକ୍‍ଲା ଟାଣ୍ଡିତିଙ୍ଗ୍ ଗୁଣ୍ଡ୍‌ଗୁଣ୍ଡା କିତିଲେକେ ହେୱାରିଙ୍ଗ୍ ଗୁଣ୍ଡ୍‌ଗୁଣ୍ଡା କିନାର୍।