ହତ୍‌ତି 12:7 - New Testament in Pengo Parja Language

⁷ ତାପାଚେ ସରଗ୍‌ତାକେ ମୀଖାୟେଲ ଆରେ ତା ଦୁତ୍‌କୁ ହେ ଗାଜା ରାଚ୍ ଆରେ ତା ଦୁତ୍‌କୁ ହୁଦାଙ୍ଗ୍ ଯୁଜ୍ କିତାର୍।

ସତ୍‌ ବଚନ୍‌ ପୁନି ନିୟମ୍‌

⁷ ତାପାଚେ ସାର୍ଗେତ ଜୁଜ୍‌ ଆରାମ୍‌ ଆତାତ୍‌, ମିକାୟେଲ୍‌ ଆରି ତା ଦୁତକ୍‌ ହେ ଗାଜା ରାଚ୍‌ ଆରି ତା ହେବାକାରିୟାର୍‌ ଲାହାଙ୍ଗ୍‌ ଜୁଜ୍‌ କିତାର୍‌ ।

ହତ୍‌ତି 12:7 ပူးပေါင်းရင်းမြစ်များ

ମାତିଉ 13:41

ଆନେଙ୍ଗ୍ ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା ନା ଦୁତ୍‌କୁକାଙ୍ଗ୍ ପକ୍ତାନାଙ୍ଗ୍। ଆରେ ହେୱାର୍ ଈଶ୍ୱର ସାସନ୍ କିନି ରାଜିତିଙ୍ଗ୍ ୱିଜୁ ଅଦରମ୍‌ କିନାକାରିଙ୍ଗ୍ ଆରେ ପାପ୍ ମାନାୟାରିଙ୍ଗ୍ ରବେ ରୁଣ୍ଡା କିନାର୍,

ମାତିଉ 16:27

ଆରେ ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା ଜାର୍ ଆବା ଗୌରବ ହୁଦାଙ୍ଗ୍ ଜାର୍ ଦୁତ୍‌କୁ ହୁଦାଙ୍ଗ୍ ୱାନାନ୍। ଆରେ ହେପାଦ୍ନା ଯୀଶୁ ୱିଜୁ ମାନାୟାରିଙ୍ଗ୍ ତା କିତି କାମାୟ୍‌ତାଙ୍ଗ୍ ପାଡ଼୍‌ ହିଦ୍‌ନାନ୍।

ମାତିଉ 24:31

ଆରେ ହେୱାନ୍ ଗାଜାମରିବାଜା ହୁଦାଙ୍ଗ୍ ଜାର୍ ଦୁତ୍‌କୁକାଙ୍ଗ୍ ପୁର୍ତିତାକେ ପକ୍‌ନାନ୍। ଆରେ ହେୱାର୍ ବାଦାଡ଼୍ ୱିସ୍ତିତାଙ୍ଗ୍ ହାନାର୍। ଆରେ ବାଚିକିତି ମାନାୟାରିଙ୍ଗ୍ ୱିଜୁ ନିପ୍‌ଣି କନାତାଙ୍ଗ୍ ରବେ ରୁଣ୍ଡାଇ କିନାର୍।

ମାତିଉ 25:41

ତାପାଚେ ରାଜା ତା ଡେବା ବାଗାୟ୍ ମାନି ମାନାୟାରିଙ୍ଗ୍ ୱେଚ୍‌ନାନ୍, ‘ନାବେତାଙ୍ଗ୍ ହାଲାଟ୍। ଈଶ୍ୱର ମି କାଜିଙ୍ଗ୍ ଦଣ୍ଡ୍ ବାଚି କିତାନ୍‌ନା। ଏପେଙ୍ଗ୍ ୱିଜୁଦିନ୍ କାଚାଆନି ନାଣିତାକେ ହାନାଦେର୍। ଇନେସ୍‌କି ଶୟତାନ ଆରେ ତା ଦୁତ୍‌କୁକାଜିଙ୍ଗ୍ ରହିଆତାତ୍‌ନା।’

ମାତିଉ 26:53

ଏପେଙ୍ଗ୍ ଇନାକା ବାବିକିନାଦେରା ଆନେଙ୍ଗ୍ ସରଗ୍‌ନି ଆବାଙ୍ଗ୍ ପାର୍ତାନା କିତିସ୍ ସାଙ୍ଗେସାଙ୍ଗେ, ନାଙ୍ଗେଙ୍ଗ୍ ସାଇଜ କିଦ୍‌ଦେଙ୍ଗ୍ ବାରଗଟାଦଳ୍‌ତାଙ୍ଗ୍ ଆଦିକ୍ ହେନି ଦୁତ୍‌କୁ ପକ୍‌ଚି ରକ୍ଷା କିଦେଙ୍ଗ୍ ଆଡ଼୍‌ଦୁନ୍ କି?

୨ କରନ୍ତିୟ 12:7

ମାତର୍ ଈଶ୍ୱର ନାଙ୍ଗେଙ୍ଗ୍ ଚଚ୍‌ଚି ମାନ୍‌ଞ୍ଚି ଚାନିଆଆନି ବିଷୟରେ ଚଞ୍ଜିଆ ଆନି ଦର୍‌କାର୍ ଆକାୟ୍। ଇନେସ୍‌କି ଶୟତାନନି ଡାଣ୍ଡାସି ନା ଗାଗାଡ଼୍‌ତାକେ ର ୱାଡ଼ି କଷ୍ଟ ପାୟା ଆଦେଙ୍ଗ୍ ହିତ୍‌ତାନ୍‌ନା ଆରେ ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ବାଟ୍‌ପାଣ୍ ଆଦେଙ୍ଗ୍ ଆଡୁଙ୍ଗା।

ଏପିସିୟ 6:12

ଇନେସ୍‌କି ମା ଯୁଜ୍ ନେତେର୍ ଜେଇ ଇ ପୁର୍ତିନି ମାନାୟାର୍ କାଜିଙ୍ଗ୍ ଆକାୟ୍, ମାତର୍ ମାଜ୍‌ଗା ଜଗତ୍‌ନି ଶାକ୍ତି, ଆଦିକାର୍ ଆରେ ସାସନ୍ କିନାକାର୍ ବିରଦ୍‌ତାକେ ଆରେ ବାଦାଡ଼୍‌ନି କରାପ୍ ଆତ୍ମା ବିରଦ୍ କାଜିଙ୍ଗ୍।

୨ ଥେସଲନୀକିୟ 1:7

ହେପାଦ୍ନା ମିଙ୍ଗେଙ୍ଗ୍ ଦୁଃକ୍ କଷ୍ଟ ହିଦ୍‌ନି ମାନାୟାରିଙ୍ଗ୍ ଈଶ୍ୱର ହେଲେକେ ନେ ହେୱାରିଙ୍ଗ୍ ଦୁଃକ୍ କଷ୍ଟ ହିନାନ୍। ଆରେ ଏପେଙ୍ଗ୍ ଦୁଃକ୍ କଷ୍ଟ ପାୟାଆଜି ମାଚି କାଜିଙ୍ଗ୍ ହେୱାନ୍ ମା ହୁଦାଙ୍ଗ୍ ମିଙ୍ଗେଙ୍ଗ୍ ଶାନ୍ତି ହିଦ୍‌ନାନା, ଇଦାଙ୍ଗ୍ ନେ ଈଶ୍ୱରତି ନ୍ୟାୟ୍ ବିଚାର୍।

ଏବ୍ରି 2:10

ଇନେସ୍‌କି ଈଶ୍ୱର ୱିଜୁ ବିଷୟ ରସ୍ତାନ୍‌ନା ଆରେ ୱିଜୁ ବିଷୟ ହେୱାନ୍‌ତି। ହେୱାନ୍ ଇନେସ୍ ବେସିହେନି ମାନାୟାରିଙ୍ଗ୍ ତା ଗୌରବତାକେ ବାଗ୍‌କିଦେଙ୍ଗ୍ ଆଡ୍‌ନାନ୍। ଇଦାଙ୍ଗ୍ କାଜିଙ୍ଗ୍ ଈଶ୍ୱର ଲାଗାୟ୍ ଇଦାଙ୍ଗ୍ ନେ ଟିକ୍ ବିଚାର୍ ମାଚାତ୍ ଯେ, ମାପୃ ଯୀଶୁଙ୍ଗ୍ ଦୁକ୍‌କଷ୍ଟ କିୟିକିଜି ହେୱାନିଙ୍ଗ୍ ପୁରାପୁରି ଟିକ୍ ନେତା କିଦେଙ୍ଗ୍। ଇନେସ୍‌କି ଯୀଶୁ ନେ ହେୱାରିଙ୍ଗ୍ ଉଦାର୍ ପାୟାଆନି ହାଜ୍‌ଦିଙ୍ଗ୍ ଅସାହାନାନ୍।

୨ ପିତର 2:4

ଇନେସ୍‌କି ଆସେଙ୍ଗ୍ ପୁନାସ୍ ଯେ ଇମ୍‌ଣି ଦୁତ୍‌କୁ ଈଶ୍ୱର ଆଗେ ପାପ୍ କାମାୟ୍ କିଜି ମାଚିକ୍, ଈଶ୍ୱର ହେୱେକିୟାକାଙ୍ଗ୍ ଦଣ୍ଡ୍ ହିତାନ୍। ହେୱାନ୍ ହେୱେକିୟାକାଙ୍ଗ୍ ନରକ୍‌ତାକେ ତୁସିହିତାନ୍‌ନା, ଆରେ ହେୱେକିୟାକାଙ୍ଗ୍ ବିଚାର୍ କିଜି ଦଣ୍ଡ୍ ହିନି ଦିନ୍ ପାତେକ୍, ହେୱାନ୍ ହେୱେକାଙ୍ଗ୍ ମାଜ୍‌ଗା ଜଇଲ୍ ଇଞ୍ଜ ଇଡ଼୍‌ତାନ୍‌ନା।

ଜିହୁଦା 1:9

ଈଶ୍ୱରତି ମୁଡ଼୍ ଦୁତ୍ ମୀଖାୟେଲ ଇ ବୁଲ୍ ହିକ୍ଷାହିନି ମାଷ୍ଟେରାର୍‌ତାଙ୍ଗ୍ ଗାଜାକାନ୍‌ ଆତିସ୍‌ପା, ଇୱାର୍ ଲେକେ ବ୍ଯବହାର୍ କିୱାଦାଙ୍ଗ୍ ମାଚାନ୍। ଏଚେପାଦ୍ନା ମୋଶା ଭବିଷ୍ୟତବକ୍ତା ହାଃତି ଗାଗାଡ଼୍ ବିଷୟରେ ଶୟତାନ ମୀଖାୟେଲ ହୁଦାଙ୍ଗ୍ ଜୁକ୍ତି କିବାଆଜି ମାଚାର୍। ମୀଖାୟେଲ ଶୟତାନତିଙ୍ଗ୍ ନିନ୍ଦା କାତା ୱେଚ୍‌ଚି ଦସି କିୱାଦାଙ୍ଗ୍ ମାଚାନ୍, ହେୱାନ୍ ଶୟତାନତିଙ୍ଗ୍ ଏଚେକ୍ ୱେଚ୍‌ଚାନ୍ ଯେ, “ମାପୃ ନିଙ୍ଗେଙ୍ଗ୍ ଦମକ୍ ହିଦେନ୍।”

ହତ୍‌ତି 12:8

ହେ ଯୁଜ୍‌ତାକେ ହେ ରାଚ୍ ଆରେ ତା ଦୁତ୍‌କୁ ଆରା ଆତିକ୍, ହେୱାର୍ ଆରେ ସରଗ୍‌ତାକେ ମାଞ୍ଜେଙ୍ଗ୍ ଆଡ୍‍ୱିତିକ୍।

ହତ୍‌ତି 12:9

ଲାଗିଙ୍ଗ୍ ହେ ରାଚ୍ ଆରେ ତା ଦୁତ୍‌କୁକାଙ୍ଗ୍ ପୁର୍ତିତାକେ ତୁସିହିତାର୍, ହେ ରାଚ୍‌ତିଙ୍ଗ୍ ଆଗେ ପୁର୍‌ବେନି ଶୟତାନ୍ ଇନେର୍ ପୁର୍ତିନି ୱିଜୁ ମାନାୟାରିଙ୍ଗ୍ ଟକାୟ୍ କିନାତା। ହେୱାନ୍ ନେ ଗାଜା ରାଚ୍ ଲେକେ ଚଞ୍ଜ୍‌ନାତା।

ହତ୍‌ତି 13:7

ହେ ପଶୁତିଙ୍ଗ୍ ଈଶ୍ୱର ପବିତ୍ର ମାନାୟାର୍ ବିରୁଦ୍‌ତାକେ ଯୁଜ୍ କିଜି ଆରାୟ୍ କିଦେଙ୍ଗ୍ ଅଦିକାର୍ ହିଜି ମାଚାର୍। ଆରେ ପା ହେ ପଶୁତିଙ୍ଗ୍ ୱିଜୁ ଦେସ୍ତି ମାନାୟାରିଙ୍ଗ୍, ୱିଜୁ ଜାତିନି ମାନାୟାରିଙ୍ଗ୍, ୱିଜୁ ବାଷାନି ମାନାୟାରିଙ୍ଗ୍ ସାସନ୍ କିନି ଅଦିକାର୍ ହିଜି ମାଚାର୍।

ହତ୍‌ତି 20:2

ହେ ଦୁତ୍ ହେ ଗାଜା ରାଚ୍ ଇନେର୍‌କି ଗାଜା ଶୟତାନ, ତାଙ୍ଗେଙ୍ଗ୍ ଲୱା ହିକ୍‌ଡ଼ିଙ୍ଗ୍ ହୁଦାଙ୍ଗ୍ ଗାଚ୍‌ଚି ହାଜାର୍ ବାର୍ହୁ କାଜିଙ୍ଗ୍ ପାତାଳ୍‌ କୁଣ୍ଡ୍‌ତାକେ ତୁସିହିତାନ୍‌।