ହତ୍‌ତି 12:10 - New Testament in Pengo Parja Language

¹⁰ ତାପାଚେ ସରଗ୍‌ତାକେ ଗାଜା କାଟ୍‌ତାଙ୍ଗ୍ ୱେଚ୍‌ନାକା ଆନେଙ୍ଗ୍ ୱେଚାଙ୍ଗ୍। ହେଦାଙ୍ଗ୍ ଇଲେକେ ମାଚାତ୍, “ନଙ୍ଗୟ୍ ମା ମାପୃ ଈଶ୍ୱର ତା ମାନାୟାରିଙ୍ଗ୍ ଉଦାର୍ କିନାନ୍‌, ନଙ୍ଗୟ୍ ମା ଈଶ୍ୱର ଜିତା ଆତାନ୍‌ନା। ନଙ୍ଗୟ୍ ହେୱାନ୍ ତା ଶାକ୍ତି ହୁଦାଙ୍ଗ୍ ରାଜା ଲେକେ ସାସନ୍ କିନାନ୍। ଆରେ ନଙ୍ଗୟ୍ ତା ଖ୍ରୀଷ୍ଟ ପୁର୍ତିନି ମାନାୟାର୍ ଜପି ତା ଅଦିକାର୍ ଚଚ୍‌ନାନ୍‌। ଇନେସ୍‌କି ଈଶ୍ୱର ଆଗେ ନିଲ୍‌ଚି ଇମ୍‌ଣି ଶୟତାନ୍ ମା ଟଣ୍ଡାର୍ ବିରୁଦ୍‌ତାକେ ଇଞ୍ଜି ମାଚାତ୍, ହେ ଶୟତାନ୍ ନଙ୍ଗୟ୍ ଈଶ୍ୱର ଆଗେ ହିଲେତ୍ ମାତର୍ ସରଗ୍‌ତାଙ୍ଗ୍ ପେସ୍ତାର୍।

ସତ୍‌ ବଚନ୍‌ ପୁନି ନିୟମ୍‌

¹⁰ ତା ପାଚେ ଆନେଙ୍ଗ୍‌ ସାର୍ଗେତ ଗାଜା କାଟ୍‌ ର ସବଦ୍‌ ୱେଚାଙ୍ଗ୍‌, “ନଙ୍ଗୟ୍‌ ଇସ୍ୱର୍ତି ମୁକ୍‌ଡ଼ା ଆନାକା ଏକାୱାତାତ୍‌ । ତା ରାଜା ସାକ୍ତି କାଟାକାନ୍‌ ଆରି ତା କ୍ରିସ୍ଟତି କେମ୍‌ତା ଚାଲାତାତ୍‌ନା-ଇମ୍‌ଣି ବୁଲ୍‌କାୟ୍‌କିନାକା, ୱେଡ଼ାନାଣା ଇସ୍ୱର୍‌ତି ମୁମ୍‌ଦ ନିଲ୍‌ଚି, ମା ଟଣ୍ଡାର୍‌ ଆରି ତଣ୍‌ଦେକାଦେର୍‌ ବିରୁଦ୍‌ତ ମିଚ୍‌ ଦାବା କିଜ଼ି ମାଚାତ୍‌, ହେୱାନିଂ ସାର୍ଗେତାଂ ହପ୍‌ଚି ତୁହିତାନ୍‌ ।

ହତ୍‌ତି 12:10 ပူးပေါင်းရင်းမြစ်များ

ମାତିଉ 26:64

ଯୀଶୁ ହେୱାନିଙ୍ଗ୍ ୱେଚ୍‌ଚାନ୍, “ଆଁ, ଆନେଙ୍ଗ୍ ଈଶ୍ୱର ମେହି ଖ୍ରୀଷ୍ଟ। ମାତର୍ ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚାନାଙ୍ଗା ଯେ ଏପେଙ୍ଗ୍ ହାତ୍‌ପା ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା ୱିଜୁତାଙ୍ଗ୍ ଶାକ୍ତିକାଟି ଈଶ୍ୱର ତିନିବାଗାଙ୍ଗ୍ କୁଚ୍‍ଚାକା ଆରେ ସରଗ୍‌ନି ବାଦାଡ଼୍‌ତାଙ୍ଗ୍ ୱାନାକା ହୁଡ଼୍‌ନାଦେର୍।”

ମାତିଉ 28:18

ଲାଗିଙ୍ଗ୍ ଯୀଶୁ ହେୱାର୍ ଲାଗାୟ୍ ୱାଜି ହେୱାରିଙ୍ଗ୍ ୱେଚ୍‌ଚାନ୍, “ସରଗ୍ ଆରେ ପୁର୍ତିନି ୱିଜୁ ଆଦିକାର୍ ଈଶ୍ୱର ନାଙ୍ଗେଙ୍ଗ୍ ହିତ୍‌ତାନ୍‌ନା।

ମାତିଉ 6:10

ଈଶ୍ୱର ସାସନ୍ କିନି ରାଜି ୱାୟେତ୍। ଇନେସ୍ ଲେକେ ସରଗ୍‌ତାକେ, ହେଲେକେ ପୁର୍ତିତାକେ ମି ଇଚା ପୁରା ଆଏତ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 11:2

ଯୀଶୁ ହେୱାରିଙ୍ଗ୍ ୱେଚ୍‌ଚାନ୍, “ଏପେଙ୍ଗ୍ ପାର୍ତାନା କିନିହିଙ୍ଗ୍ ଇଲେକେ ୱେଚାଟ୍, ‘ଏ ମା ସରଗ୍‌ନି ଆବା, ନି ତର୍‌ ଈଶ୍ୱରଆତ୍ମା ଇଞ୍ଜି ମାନିକିନାପ୍। ଈଶ୍ୱର ସାସନ୍ କିନି ରାଜି ୱାୟେତ୍। ହେଲେକେ ସରଗ୍‌ତାକେ, ହେଲେକେ ପୁର୍ତିତାକେ ମି ଇଚା ପୁରା ଆଏତ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 22:31

ଶିମୋନ, ଶିମୋନ, ‘ହୁଡ଼ା ନିଙ୍ଗେଙ୍ଗ୍ ଶୟତାନ୍ ୱିଜାକାରିଙ୍ଗ୍ ପରିକ୍ଷା କିଦ୍‌ଦେଙ୍ଗ୍ ମାପୃ ତାକେଣ୍ଡାଙ୍ଗ୍ ଆଦେସ୍ ଏନ୍ତାତ୍‌ନା, ହାର୍ଦି ମାନାୟ୍‌ତାଙ୍ଗ୍ ବାନ୍ୟା ମାନାୟ୍‌ତିଙ୍ଗ୍ ଜେକ କିଦେଙ୍ଗ୍, ଇନେସ୍‌କି ଚାଷି ଗହମ୍‌ତାଙ୍ଗ୍ ପଲଙ୍ଗ୍ ଅଲ୍‌ଗା କିତିଲେକେ।’

୧ କରନ୍ତିୟ 5:4

ନଙ୍ଗୟ୍ ଏପେଙ୍ଗ୍ ଇଲେକେ କିନି ଦର୍‌କାର୍। ଏଚେପାଦ୍ନା ଏପେଙ୍ଗ୍ ପାର୍ତି କିନାକାଦେର୍ ରବେ ରୁଣ୍ଡା ଆନାଦେର୍, ମା ମାପୃ ଯୀଶୁ ଖ୍ରୀଷ୍ଟ ହାତ୍‌ପା ମିଙ୍ଗେଙ୍ଗ୍ ଅଦିକାର୍ ହିତ୍‌ତାନ୍‌ନା ଇଞ୍ଜି ପୁନି ଦର୍‌କାର୍। ଆରେ ହେଦାଙ୍ଗ୍ ନା ମାନ୍ତ ହେ ବାହାତାକେ ମାଚିଲେକେ ଆନାତ୍‌। ଆରେ ମା ମାପୃ ଯୀଶୁ ଖ୍ରୀଷ୍ଟନି ଶାକ୍ତିତାଙ୍ଗ୍,

୨ କରନ୍ତିୟ 12:9

ଆରେ, ହେୱାନ୍ ନାଙ୍ଗେଙ୍ଗ୍ ୱେଚ୍‌ଚି ମାନ୍‌ଞ୍ଚାନ୍ ନା ଦୟାନି କାଜିଙ୍ଗ୍ ଜତେଷ୍ଟ, ଇନେସ୍‌କି ଏନେଙ୍ଗ୍ ଦୁର୍‌ବଲ୍ ମାଚିସ୍ ନେ ନା ଶାକ୍ତି ନିତାକେ ପୁରାଆନାତ୍। ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ନା ଦୁର୍‌ବଲ୍ କାଜିଙ୍ଗ୍ ବାଟ୍‌ପାଣ୍ ଆନାଙ୍ଗା, ଲାଗିଙ୍ଗ୍ ଖ୍ରୀଷ୍ଟ ଶାକ୍ତି ନା ଜପି ମାନ୍‌ଗାନାତ୍।

ତୀତସ 2:3

ହେଲେକେ ହାତାନିକାଙ୍ଗ୍ ପା ହିକ୍ଷା ହିୟାଟ୍ ଇନେସ୍ ଈଶ୍ୱରତିଙ୍ଗ୍ ସନ୍‌ମାନ୍ କିତିଲେକେ ହେୱେକ୍ ବ୍ଯବହାର୍ କିନିକ୍, ଜେକନିକାରିଙ୍ଗ୍ ନିନ୍ଦା କିଉକ୍। କାଲିଙ୍ଗ୍ ଉଣୁକ୍, ଆରେ ହେୱେକ୍ ଇନେସ୍ ସତ୍ ଆରେ ହାର୍ଦି ବିଷୟରେ ଜେକନିକାରିଙ୍ଗ୍ ହିକାଇ କିନିକ୍।

୧ ପିତର 5:8

ଏପେଙ୍ଗ୍ ମି ମାନ୍‌ତିଙ୍ଗ୍ କିଲେର୍ କିୟାଟ୍ ଆରେ ଜାଗ୍ରତ୍ ଆଜି ମାନାଟ୍, ଇନେସ୍‌କି ମି ଶାତୃ ଶୟତାନ ନି ସିଂହ ବୁର୍‌କା ଲେକେ ମାନାୟାରିଙ୍ଗ୍ ବିନାସ୍ କିଦେଙ୍ଗ୍ ଚାରିବେଣ୍‌ତାଙ୍ଗ୍ ଡେକ୍‌ଚି ବୁଲା ଆନାତା।

ହତ୍‌ତି 11:15

ତାପାଚେ ଏଚେପାଦ୍ନା ସାତ୍ ନମ୍ବର୍ ଦୁତ୍ ମରି ତୁପ୍‌ତାତ୍, ଆରେ ସରଗ୍‌ତାକେ ଗାଜାକାଟ୍ କିଜି ୱେଚ୍‌ନାକା ଆନେଙ୍ଗ୍ ୱେଚାଙ୍ଗ୍। “ୱିଜୁ ପୁର୍ତିତିଙ୍ଗ୍ ମା ମାପୃ ଈଶ୍ୱର ସାସନ୍ କିଦେଙ୍ଗ୍ ରାଜି ଆତାନ୍ ଆରେ ତା ଖ୍ରୀଷ୍ଟଙ୍ଗ୍ ଅଦିକାର୍ ହିତାନ୍, ଆରେ ହେୱାନ୍ ଯୁଗ୍-ଯୁଗ୍ ପାତେକ୍ ସାସନ୍ କିନାନ୍।”

ହତ୍‌ତି 2:26

ଇମ୍‌ଣି ମାନାୟାର୍ କରାପ୍ କାମାୟ୍ କିଉର୍ ଆରେ ନା କାଜିଙ୍ଗ୍ ସେସ୍ ପାତେକ୍ ଦରମ୍‌ଆଜି ମାନାର୍, ଆନେଙ୍ଗ୍ ହେୱାରିଙ୍ଗ୍ ୱିଜୁ ଜାତିନି ମାନାୟାରିଙ୍ଗ୍ ସାସନ୍ କିଦେଙ୍ଗ୍ ଅଦିକାର୍ ହିନାଙ୍ଗ୍।

ହତ୍‌ତି 7:10

ଆରେ ହେୱାର୍ ଗାଜାକାଟ୍ କିଜି ୱେଚ୍‌ଚି ମାଚାର୍, “ୱାଡ ଆସେଙ୍ଗ୍ ସିଙ୍ଗାସନ୍‌ତାକେ କୁଚ୍‌ଚି ଈଶ୍ୱରତିଙ୍ଗ୍ ଆରେ ମେଣ୍ଢା ଇନେର୍‌କି ଯୀଶୁଙ୍ଗ୍‌ ପା ଜୟ୍-ଜୟ୍ କିନାସ୍, ଇନେସ୍‌କି ହେୱାର୍ ନେ ଆସେଙ୍ଗ୍ କିତି ପାପ୍ କାମାୟ୍‌ନି ଦଣ୍ଡ୍‌ତାଙ୍ଗ୍ ଉଦାର୍ କିତ୍‌ତାର୍‌ନା।”