ପିଲିପିୟ 4:11 - New Testament in Pengo Parja Language

¹¹ ନାଙ୍ଗେଙ୍ଗ୍ ଇନାକା ଦର୍‌କାର୍‌ଆନି ଜିନିଷ୍ ଅବାବ୍ ମାନାତ୍ ଇଞ୍ଜି ଆନେଙ୍ଗ୍ ଏଲେଙ୍ଗ୍ ଇଞ୍ଜୁଙ୍ଗା। ଇନେସ୍‌କି ଆନେଙ୍ଗ୍ ଇନେସ୍ ପରିସ୍ତିତିତାକେ ମାଚିସ୍ ପା ୱାରିଆଜି ମାଞ୍ଜେଙ୍ଗ୍ ପୁଚାଙ୍ଗ୍‌ନା।

ସତ୍‌ ବଚନ୍‌ ପୁନି ନିୟମ୍‌

¹¹ ଆନ୍‌ ଜାର୍ତିଂ ଏଲା ବାବି କିଜ଼ି ଇ କାତା ଇନୁଙ୍ଗା, ଇନେକିଦେଂକି ନାଦାଂ ଇନାକା ମାନାତ୍‌, ହେ ଏଚେକ୍‌ନେ ସାରି କିଦେଙ୍ଗ୍‌ ଆନ୍‌ ହିକ୍ୟା କିତାଂନା ।

ପିଲିପିୟ 4:11 ပူးပေါင်းရင်းမြစ်များ

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 3:14

ରମିୟ ସରକାର୍ ସେନାହିର୍ ହେୱାନିଙ୍ଗ୍ ୱେନ୍‌ବାତାର୍, “ମାଙ୍ଗେଙ୍ଗ୍ ଇନାକା କିଦେଙ୍ଗ୍ ଆନାତ୍?” ଡୁବନ୍‌ହିନି ଯୋହନ ହେୱାରିଙ୍ଗ୍ ୱେଚ୍‌ଚାନ୍, “ଜବର୍ ଦସ୍ତ୍ ଇନେର୍‌ତାଙ୍ଗ୍ ଡାବୁଙ୍ଗ୍ ଅମାଟ୍। ଇନେର୍ ବିରୁଦ୍‌ତାକେ ମିଚ୍ ୱେଚ୍‌ମାଟ୍। ଏଚେକ୍ ଗାଟାଆତ୍‌ତିସ୍ ହେ ଏଚେକ୍ ଶାନ୍ତିଆଜି ମାନାଟ୍।”

୨ କରନ୍ତିୟ 11:27

ଆନେଙ୍ଗ୍ କେତ୍‌ହଟ୍ ନାଣାଲିଙ୍ଗ୍ ହୁଞ୍ଜ୍‌ୱାଦାଙ୍ଗ୍ ବେସି ସମୟ୍ ପାତେକ୍ କଷ୍ଟ କାମାୟ୍ କିଜି ମାଚାଙ୍ଗ୍। ଆନେଙ୍ଗ୍ ନାସ୍‌କି ଆରେ ଏସ୍‌କି ପାୟାଆଜି ମାଚାଙ୍ଗ୍ ଆରେ ଆନେଙ୍ଗ୍ କେତ୍‌ହଟ୍ କାଦି ତିନ୍‌ୱାଦାଙ୍ଗ୍ ହାଲ୍‌ଜି ମାଚାଙ୍ଗ୍। ଆନେଙ୍ଗ୍ ପିନିତିଙ୍ଗ୍ ବେସି ତ୍ରିଗ୍‍ଜି ମାଚାଙ୍ଗ୍, ଇନେସ୍‌କି ନାବେ ହେନ୍ଦ୍ରାଙ୍ଗ୍ ହିଲିତିକ୍।

୨ କରନ୍ତିୟ 6:10

ଆପେଙ୍ଗ୍ ବେସି ଦୁଃକ୍‌ତ ମାନାପ୍, ମାତର୍ ଆପେଙ୍ଗ୍ ୱିଜୁଦିନ୍ ୱାରି କିନାପା। ଆପେଙ୍ଗ୍ ଗରିବ୍, ମାତର୍ ଆପେଙ୍ଗ୍ ପବିତ୍ର ଆତ୍ମାନି ଦନ୍ ଜେକନିକାରିଙ୍ଗ୍ ହିନାପା। ଆପେଙ୍ଗ୍ ଆର୍ଜା ଆୱାତାପ୍‌ନା ମାତର୍ ମା ତାକେ ୱିଜୁ ଜିନିଷ୍ ମାନାତ୍।

୨ କରନ୍ତିୟ 8:9

ଏପେଙ୍ଗ୍ ପୁଚାଦେର୍‌ନା ଯେ, ମା ମାପୃ ଯୀଶୁ ଖ୍ରୀଷ୍ଟ ନିଜେ ଇଚା କିଜି ମାଙ୍ଗେଙ୍ଗ୍ ଦୟା କିତ୍‌ତାନ୍‌ନା। ହେୱାନ୍ ଗରିବ୍ ଆତି କାଜିଙ୍ଗ୍ ଆସେଙ୍ଗ୍ ହାଉକାର୍ ଆୟା ଆନାତ୍, ଲାଗିଙ୍ଗ୍ ହେୱାର୍ ହାଉକାର୍ ମାଚିସ୍ ପା ହେୱାନ୍ ମା କାଜିଙ୍ଗ୍ ଗରିବ୍ ଆଜି ମାଚାନ୍।

୨ କରନ୍ତିୟ 9:8

ଆରେ ଈଶ୍ୱର ମିଙ୍ଗେଙ୍ଗ୍ ଦର୍‌କାର୍ ଆଦ୍‌ନି ଜିନିଷ୍‌ତାଙ୍ଗ୍ ଆଦିକ୍ ଆଶ୍ରିବାଦ୍ କିଦେଙ୍ଗ୍ ଆଡ଼୍‌ଦାନାତ୍‌, ଆରେ ଜେକନିକାର୍ କାଜିଙ୍ଗ୍ ହାର୍ କାମାୟ୍ କିଦେଙ୍ଗ୍ ମିତାକେ ୱିଜୁଦିନ୍ ୱିଜୁ ଜିନିଷ୍ ଆଦିକ୍ ମାନ୍‌ଗାନାତ୍।

ପିଲିପିୟ 3:8

ଆରେ ଆନେଙ୍ଗ୍ ନା ମାପୃ ଯୀଶୁ ଖ୍ରୀଷ୍ଟ ବିଷୟରେ ପୁନାକା ନେ ବେସି ଗାଜା ବିଷୟ। ଆନେଙ୍ଗ୍ ଇନେସ୍ ହାର୍‌ଦାଙ୍ଗ୍ ଖ୍ରୀଷ୍ଟଙ୍ଗ୍ ପୁଞ୍ଜେଙ୍ଗ୍ ଆଡ୍‌ନାଙ୍ଗ୍ ଆରେ ଲାଗାୟ୍ ମାହାଆଜି ମାଞ୍ଜେଙ୍ଗ୍ ଆଡ୍‌ନାଙ୍ଗ୍, ହେଦାଙ୍ଗ୍ କାଜିଙ୍ଗ୍ ହେ ୱିଜୁ ବିଷୟତିଙ୍ଗ୍ ନଷ୍ଟନି ବିଷୟ ଇଞ୍ଜି ବାବିକିତାଙ୍ଗ୍। ଆରେ ହେ ୱିଜୁ ବିଷୟ ଆନେଙ୍ଗ୍ ପିସ୍ତାଙ୍ଗ୍, ଆରେ ଆନେଙ୍ଗ୍ ହେ ୱିଜୁ ବିଷୟତିଙ୍ଗ୍ କାଚ୍ରାକୱାର୍‌ଲେକେ ମାନିକିତାଙ୍ଗ୍।

ଏବ୍ରି 10:34

ଜଇଲ୍ ଇଞ୍ଜ ମାନି ମାନାୟାର୍ କଷ୍ଟ ହୁଦାଙ୍ଗ୍ ଏପେଙ୍ଗ୍ ମାହାଆଜି କଷ୍ଟ ପାୟାଆତାଦେର୍। ମି ଦନ୍‌ସମ୍ଫତି ମାନାୟାର୍ ଚର୍‌କିଜି ଅନିହିଙ୍ଗ୍, ଏପେଙ୍ଗ୍ ଇଦାଙ୍ଗ୍‌ତିଙ୍ଗ୍ ୱାରିତାଙ୍ଗ୍ ଆସ୍ତାଦେର୍। ଇନେସ୍‌କି ଈଶ୍ୱର ପାର୍ମାଣ୍‌କିତି ସମ୍ଫତି ବେସି ହାର୍ ଆରେ ୱିଜୁଦିନ୍ ମାନ୍‌ଗାନାତ୍ ଇଞ୍ଜି ଏପେଙ୍ଗ୍ ପୁଚାଦେର୍‌ନା।