ପିଲିପିୟ 3:11 - New Testament in Pengo Parja Language

¹¹ ଇନେସ୍‌କି ଆନେଙ୍ଗ୍ ହାଃତିତାଙ୍ଗ୍ ଆରେରଗ ଜିବୁନ୍ ଆଦେଙ୍ଗ୍ ଆଡ୍‌ନାଙ୍ଗ୍।

ସତ୍‌ ବଚନ୍‌ ପୁନି ନିୟମ୍‌

¹¹ ହାତାକାର୍‌ ବିତ୍ରେ ଆରେ ନିଙ୍ଗ୍‍ନାକା ପାୟା ଆଦେଂ ବାର୍ସି ଲାବ୍‌ କିନାଙ୍ଗ୍‌ ।

ପିଲିପିୟ 3:11 ပူးပေါင်းရင်းမြစ်များ

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 14:14

ଇ ମାନାୟାରିଙ୍ଗ୍ ଇନାକା ହିଲ୍‌ୱିତିଲେ ହେୱାର୍ ନିଙ୍ଗେଙ୍ଗ୍ ଦାନ୍‌ହିନି ବାଦୁଲ୍ ଇନାକା ହିତ୍‌ଦେଙ୍ଗ୍ ଆଡ଼୍‌ଦୁର୍। ଲାଗିଙ୍ଗ୍ ଇଦାଙ୍ଗ୍ ମି କାଜିଙ୍ଗ୍ ଆଶ୍ରିବାଦ୍ ପାୟାଆନାଦେର୍। ମାତର୍ ଏଚେପାଦ୍ନା ଦରମ୍ ମାନାୟାର୍ ହାଃତାକାର୍‌ତାଙ୍ଗ୍ ଆରେରଗ ଜିବୁନ୍ ଆନାର୍, ହେପାଦ୍ନା ଏପେଙ୍ଗ୍ ମି ପୁରଷ୍କାର୍ ପାୟାଆନାଦେର୍।”

ଜହନ୍‌ 11:24

ମାର୍ଥା ହେୱାନିଙ୍ଗ୍ ୱେଚ୍‌ଚାତ୍, “ଆନେଙ୍ଗ୍ ପୁନାଙ୍ଗ୍, ଆରେରଗ ଜିବୁନ୍‌ଆଜି ନିଙ୍ଗ୍‌ନି ଦିନ୍‌ତ ହେପାଦ୍ନା ୱିଜାକାର୍ ହାଃତିତାଙ୍ଗ୍ ଜିବୁନ୍‌ଆଜି ନିଙ୍ଗ୍‌ନାର୍, ହେପାଦ୍ନା ହେୱାନ୍ ପା ହାଃତିତାଙ୍ଗ୍ ନିଙ୍ଗ୍‌ନାନ୍।”

ପକ୍ୟାତାକା 23:6

ପାଚେ ପାଉଲ ହେବେ କୁଚ୍‌ଚି ମାଚି କେତେକ୍ ସାଦୁକିଦଳ୍‌ନିକାର୍ ଆରେ କେତେକ୍ ପାରୁସିଦଳ୍‍ନିକାର୍ ଇଞ୍ଜି ପୁଚାନ୍, ଆରେ ଗାଜାକାଟ୍ କିଜି ୱେଚ୍‌ଚାନ୍, “ଏ ଟଣ୍ଡାର୍, ଆନେଙ୍ଗ୍ ପାରୁସି ଦଳ୍‌ନିକାଙ୍ଗ୍ ଆରେ ମାଞ୍ଜ୍‌ବା ପା ରକାନ୍ ପାରୁସି ମାଚାନ୍। ହାଃତାକାର୍ ଆରେରଗ ଜିବୁନ୍‌ଆନି ବିଷୟରେ ଆହା ଇଡ଼୍‌ଜି ମାଚିଲେ, ଆନେଙ୍ଗ୍ ନଙ୍ଗୟ୍ ବିଚାର୍ କିୟି ଆନାଙ୍ଗା।”

ପକ୍ୟାତାକା 26:7

ମା ବାର କୁଟୁମ୍ ମାନାୟାର୍ ପା ହେ ପାର୍ମାଣ୍ ପୁରା ଆୟେତ୍ ଇଞ୍ଜି ଆହା ଇଡ଼୍‌ଜି ଈଶ୍ୱରତିଙ୍ଗ୍ ର ମାନ୍‌ଆଜି ୱେଡ଼ା ନାଣା ପୁଜା କିନାରା। ଏ ରାଜା ଇ ଆହା କାଜିଙ୍ଗ୍ ନାଙ୍ଗେଙ୍ଗ୍ ଯିହୁଦିର୍ ଦସି କିତ୍‌ତାର୍‌ନା।

ପକ୍ୟାତାକା 27:12

ହେ ସୁନ୍ଦର ଜାଜ୍ ଇଟ୍‌ନି ବାହା ପିନି ମାସ୍‌ତ ହେବେ ମାଞ୍ଜେଙ୍ଗ୍ ସୁବିଦା ହିଲାତାତ୍। ଲାଗିଙ୍ଗ୍ ବେସିହେନି ମାନାୟାର୍ ଜାଜ୍ ଚାଲାଇ କିଦେଙ୍ଗ୍ ୱେଚ୍‌ଚାର୍, ଇନେସ୍‌ଆଜି ପା ପୈନିକ୍‌ସ୍ ସହର୍‌ତାକେ ହାଲ୍‌ଜି ହେ ପିନିମାସ୍ କାଟି କିନାସ୍, ହେ ପୈନିକ୍‌ସ୍ ସହର୍ କ୍ରୀତି ଦ୍ୱିପ୍‌ନି ରଞ୍ଜାଙ୍ଗ୍ ଜାଜ୍ ଇଟ୍‌ନି ବାହା ମାଚାତ୍। ହେଦାଙ୍ଗ୍ ଉତ୍ତରପଶ୍ଚିମ ଆରେ ଦକ୍ଷିଣପଶ୍ଚିମ ନିପଣ୍ ମାଚାତ୍।

ରୋମିୟ 11:14

ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ଉପାୟ୍ କିନାଙ୍ଗା ଯେ, ବିନ୍‌ଜାତିନି ମାନାୟାର୍ ଇନେସ୍‌ଲେକେ ଉଦାର୍ ପାୟାଆତାର୍, ହେୱାର୍ ପା ମା ଯିହୁଦି ଜାତିନି କେତେକ୍ ମାନାୟ୍ ଈଶ୍ୱରତାକେ ମାନ୍‌ବାଦ୍‌ଲାୟ୍ କିଜି ଉଦାର୍ ପାୟା ଆଏର୍।

୧ କରନ୍ତିୟ 15:23

ମାତର୍ ୱିଜୁ ମାନାୟାର୍ ଟିକ୍ ସମୟରେ ଆରେରଗ ଜିବୁନ୍ ଆନାର୍। ଈଶ୍ୱର ମାଙ୍ଗେଙ୍ଗ୍ ପୁନି କିଦ୍‌ନି କାଜିଙ୍ଗ୍ ଖ୍ରୀଷ୍ଟଙ୍ଗ୍ ଆରେରଗ ପାର୍ତୁମ୍ ଜିବୁନ୍ କିତାନ୍। ଲାଗିଙ୍ଗ୍ ଏଚେପାଦ୍ନା ଖ୍ରୀଷ୍ଟ ଆରେରଗ ୱାନାନ୍ ତା ମାନାୟାରିଙ୍ଗ୍ ଆରେରଗ ଜିବୁନ୍ କିନାନ୍।

୧ କରନ୍ତିୟ 9:22

ଆନେଙ୍ଗ୍ ଏଚେପାଦ୍ନା ଅଲପ୍ ପାର୍ତି କିନାକାର୍ ହୁଦାଙ୍ଗ୍ ମାଚାଙ୍ଗ୍, ହେୱାର୍ ଇନେସ୍ ଖ୍ରୀଷ୍ଟଙ୍ଗ୍ ଆଦିକ୍ ପାର୍ତି କିଜି ଉଦାର୍ ପାୟା ଆଦେଙ୍ଗ୍ ଆଡ୍‌ନାର୍ ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ହେୱାର୍ ଲେକେ ବ୍ୟବହାର୍ କିଜି ମାଚାଙ୍ଗ୍। ଆନେଙ୍ଗ୍ ଇନେସ୍ ୱିଜାକାରିଙ୍ଗ୍ ଖ୍ରୀଷ୍ଟତାକେ ତାସି ୱାଦେଙ୍ଗ୍ ଆଡ୍‌ନାଙ୍ଗ୍ ଇଦାଙ୍ଗ୍ କାଜିଙ୍ଗ୍ ହେୱାର୍ ଲେକେ ଜିବୁନ୍ କାଟିକିଜି ମାଚାଙ୍ଗ୍।

୧ କରନ୍ତିୟ 9:27

ଆନେଙ୍ଗ୍ କରାପ୍ ଇଚାତାଙ୍ଗ୍ ମାନି କିୱେଦେଙ୍ଗ୍ ଜାର୍ ଗାଗାଡ଼୍‌ତିଙ୍ଗ୍ କଣ୍ଟ୍ରୁଲ୍ କିନାଙ୍ଗା, ଆୱିତିସ୍ ମାନାୟାରିଙ୍ଗ୍ ହାର୍ଦିକାବୁର୍ ଶୁଣାୟ୍ କିନାକା ବେକାର୍ ଆନାତ୍ ଆରେ ନାଙ୍ଗେଙ୍ଗ୍ ପୁରଷ୍କାର୍ ଗାଟାଆଦୁତ୍।

୨ କରନ୍ତିୟ 11:3

ମାତର୍ ପାର୍ତୁମ୍ କଗ୍‌ଲେଙ୍ଗ୍ ହବାଙ୍ଗ୍ ଶୟ୍‌ତାନ୍ ରାଚ୍ ହେଲେକେ ଆଜି ଟକାୟ୍ କିତାତ୍। ହେଲେକେ ଶୟ୍‌ତାନ୍ ମିଚ୍ ହିକ୍ଷାହିନି ମାନାୟାର୍‌ଲେକେ ଆଜି ମିଙ୍ଗେଙ୍ଗ୍ ପା ଚାଲାକି କିଜି ଟକାୟ୍ କିଦ୍‌ନାତ୍ ଆରେ ଏପେଙ୍ଗ୍ ଖ୍ରୀଷ୍ଟଙ୍ଗ୍ ହେବା କିନାକା ବନ୍ଦ୍ କିନାଦେର୍ ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ପାଣ୍ଡ୍ରାଆନାଙ୍ଗା।

୧ ଥେସଲନୀକିୟ 3:5

ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍, ଏପେଙ୍ଗ୍ ଖ୍ରୀଷ୍ଟତାକେ ବେସି ପାର୍ତି କିନାଦେରା କି ଆକାୟ୍ ଇଞ୍ଜି ପୁଞ୍ଜେଙ୍ଗ୍ ତିମତିତିଙ୍ଗ୍ ମିତାକେ ପକ୍ତାତାଙ୍ଗ୍। ଇନେସ୍‌କି ଆନେଙ୍ଗ୍ ପାଣ୍ଡ୍ରାଆଜି ମାଚାଙ୍ଗ୍ ଯେ, ଶୟତାନ୍ ମାନାୟାରିଙ୍ଗ୍ ପରିକ୍ଷା କିନାତା, ହେଦାଙ୍ଗ୍ କାଜିଙ୍ଗ୍ ମିଙ୍ଗେଙ୍ଗ୍ ପରିକ୍ଷା କିଜି ମାଞ୍ଜ୍‌ନାତ୍, ଆରେ ମା କିତି କଷ୍ଟ କାମାୟ୍ ବେକାର୍ ଆନାତ୍।

୨ ଥେସଲନୀକିୟ 2:3

ଇନେସ୍‌କି ଇନେର୍‌ପା ମିଙ୍ଗେଙ୍ଗ୍ ଟକାୟ୍ କିଦୁର୍ ହେଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ଜାଗ୍ରତ୍ ଆଜି ମାନାଟ୍ ଯେ, ମାପୃ ଯୀଶୁ ୱାୱି ଆଗେ ବେସିହେନି ମାନାୟାର୍ ଈଶ୍ୱରତିଙ୍ଗ୍ ବିରଦ୍ କିନାର୍। ଆରେ ହେ ବିନାସ୍ କିନି ମେହି ଅଦରମ୍‌ନି ମାନାୟ୍ ଚଞ୍ଜିଆ ଆନାନ୍, ହେଲେକେ ଆୱି ପାତେକ୍ ମାପୃ ଯୀଶୁ ପୁର୍ତିତାକେ ୱାଉନ୍।

୨ ତିମଥି 4:8

ମାପୃ ନ୍ୟାୟ୍‌ତାକେ ବିଚାର୍‌କିନି ମାନାୟ୍ ଆରେ ବିଚାର୍ କିନିହିଙ୍ଗ୍ ନା କାଜିଙ୍ଗ୍ ଇଡ଼୍‌ତି ଦରମ୍‌ନି ମୁକୁଟ୍ ନାଙ୍ଗେଙ୍ଗ୍ ହିଦ୍‌ନାନ୍। ଆପ୍‌କା ନାଙ୍ଗେଙ୍ଗ୍ ନେ ପୁରଷ୍କାର୍ ହିଦୁନ୍, ମାତର୍ ଏଚେଜାଣ୍ ହେୱାନ୍ ୱାନି ହାଜ୍‌ଦିଙ୍ଗ୍ ବେସି ହୁଡ଼୍‌ଜି ମାନାରା, ହେୱାରିଙ୍ଗ୍ ପା ହିନାନ୍।

ଏବ୍ରି 11:35

କେତେକ୍ କଗ୍‍ଲେକ୍ ହେୱାର୍ ହାଃତି ମାନାୟାରିଙ୍ଗ୍ ଆରେରଗ ଜିବୁନ୍ ଗାଟାଆନିକ୍‌। ଈଶ୍ୱରତାଙ୍ଗ୍ ଦେହା ଆଜି ଜଇଲ୍ ଇଞ୍ଜାଙ୍ଗ୍ ମୁକ୍ତି ପାୟାଆନି ବାଦୁଲ୍ କେତେକ୍ ହେନି ମାନାୟ୍ ଈଶ୍ୱରତାକେ ପାର୍ତି କିଜି ଦୁକ୍‌କଷ୍ଟ ପାୟାଆଜି ହାଃଦେଙ୍ଗ୍ ଇଚାକିତାର୍। ଇନେସ୍‌କି ହାଃତିତାଙ୍ଗ୍ ଆରେରଗ ଜିବୁନ୍‌ଆଜି ନିଙ୍ଗ୍‌ନି ଜିବୁନ୍ ହାର୍ଦି ଜିବୁନ୍ ଇଞ୍ଜି ହେୱାର୍ ଆହା କିତାର୍।

ହତ୍‌ତି 20:5

ହେୱାର୍ ଆରେରଗ ଜିବୁନ୍ ଆନାକା ନେ ପାର୍ତୁମ୍ ମାରାଣ୍‌ତାଙ୍ଗ୍ ନିଙ୍ଗ୍‌ନାକା, ଆରେ ହେୱାର୍ ହାଜାର୍ ବାର୍ହୁ ସାସନ୍ କିନାକା ୱିଜ୍‌ୱି ପାତେକ୍ ଆରେ ଜେକନିକାର୍ ହାଃତାକାର୍ ଆରେରଗ ଜିବୁନ୍ ଆଉର୍।