ପିଲିପିୟ 2:8 - New Testament in Pengo Parja Language

⁸ ଆରେ ହେୱାନ୍ ମାନାୟ୍ ରୁପ୍ ଆଜି ୱାତି ପାଚେ, ହେୱାନ୍ ଜାର୍‌ତିଙ୍ଗ୍ ହିରୁ କିତାନ୍ ଆରେ ଈଶ୍ୱର କାତାତିଙ୍ଗ୍ ମାନିକିଜି କୃଶକାଟ୍ ପାତେକ୍ ପା ହାଃନି କାଜିଙ୍ଗ୍ ଇଚା କିତାନ୍।

ସତ୍‌ ବଚନ୍‌ ପୁନି ନିୟମ୍‌

⁸ ହେୱାନ୍‌ ଗୱାରି ଆରି ହୁଦାର୍‌ ଆଜ଼ି ହାକି ପାତେକ୍‌, କ୍ରୁସ୍‌ ହାକି ପାତେକ୍‌ ବଲ୍‌ ମାନିକିନାକାନ୍‌ ଆତାନ୍‌ ।

ପିଲିପିୟ 2:8 ပူးပေါင်းရင်းမြစ်များ

ମାତିଉ 17:2

ଆରେ ଚେଲାହିର୍ ହୁଡ଼ୁ-ହୁଡ଼ୁ ଯୀଶୁ ରୁପ୍ ବାଦ୍‌ଲାଆତାତ୍। ଆରେ ତା ମୁମ୍ ୱେଡ଼ାଲେକେ ଅଜଡ଼୍ ଆତାତ୍, ଆରେ ତା ହେନ୍ଦ୍ରା ପା ବେସି ଣିଜ୍‍ଚାତ୍।

ମାତିଉ 26:39

ହେୱାର୍ ତାକେତାଙ୍ଗ୍ ଅଲପ୍ ଦେହା ତାଙ୍ଗ୍‌ଜି ହାଚି ପାଚେ ମେଣ୍ଡାକୁନ୍ଦିକିଜି ପାର୍ତାନା କିତାନ୍, “ଏ ଆବା ନାଙ୍ଗେଙ୍ଗ୍ ଇ ଦୁଃକ୍‌କଷ୍ଟତାଙ୍ଗ୍ ଦେହାକିଦା। ନା ଇଚା ଆକାୟ୍ ମାତର୍ ନି ଇଚାଆଏତ୍।”

ମାତିଉ 26:42

ଆରେରଗ ଯୀଶୁ ହାଚାନ୍, ଆରେ ପାର୍ତାନା କିତାନ୍, “ଏ ନା ଆବା, ଯଦି ଇ କଷ୍ଟନି ବାହା ନାବେତାଙ୍ଗ୍ ଦେହାଆୱିତିସ୍, ହେଲେକେ ଆୟେତ୍ ହେଦାଙ୍ଗ୍ ଆନେଙ୍ଗ୍ ଉଣାଙ୍ଗ୍। ଲାଗିଙ୍ଗ୍ ଆନେଙ୍ଗ୍ ପାର୍ତାନା କିନାଙ୍ଗା ଯେ, ଏନେଙ୍ଗ୍ ଇନାକା ଇଚା କିନାୟା ହେଦାଙ୍ଗ୍‌ନେ ଆଏତ୍।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 9:29

ଏଚେପାଦ୍ନା ହେୱାନ୍ ପାର୍ତାନା କିଜି ମାଚାନ୍, ତା ରୁପ୍ ବାଦ୍‌ଲାଆତାତ୍ ଆରେ ତା ହେନ୍ଦ୍ରା ପା ବେସି ଣିନ୍‌ଞ୍ଜି ଚାକ୍‌ଚାକା ଆତାତ୍।

ଜହନ୍‌ 10:18

ଇନେର୍ ପା ନାବେତାଙ୍ଗ୍ ନା ଜିବୁନ୍ ଅଦେଙ୍ଗ୍ ଆଡୁର୍। ଆନେଙ୍ଗ୍ ନା ଇଚାରେ ଜିବୁନ୍ ହିନାଙ୍ଗ୍। ଆନେଙ୍ଗ୍ ନା ଜିବୁନ୍ ହିନାକା ଆଦିକାର୍ ମାନାତ୍। ଆରେ ନା ଜିବୁନ୍ ଆରେରଗ ପାୟାଆନି ଆଦିକାର୍ ପା ମାନାତ୍। ଆବା ଈଶ୍ୱର ନାଙ୍ଗେଙ୍ଗ୍ ଇ ଆଦେସ୍ ହିଜି ୱେଚ୍‌ଚାତାନ୍‌ନା।”

ଜହନ୍‌ 14:31

ମାତର୍ ଇ ପୁର୍ତି ପୁନି ଦର୍‌କାର୍ ଯେ, ଆନେଙ୍ଗ୍ ଆବା ଈଶ୍ୱରତିଙ୍ଗ୍ ଲାଡ୍ କିନାଙ୍ଗ୍। ଲାଗିଙ୍ଗ୍ ଆବା ଈଶ୍ୱର ନାଙ୍ଗେଙ୍ଗ୍ ଇନେସ୍ ଲେକେ ୱେଚ୍‌ଚାତାନ୍‌ନା, ଆନେଙ୍ଗ୍ ଟିକ୍ ହେଲେକେ କିନାଙ୍ଗ୍। ଜାଡ ଆସେଙ୍ଗ୍ ଇ ବାହାତାଙ୍ଗ୍ ହାନାସ୍।”

ଜହନ୍‌ 15:10

ଆନେଙ୍ଗ୍ ନା ଆବା ଈଶ୍ୱର ଆଦେସ୍‌ତିଙ୍ଗ୍ ମାନିକିନାଙ୍ଗା ଆରେ ଆନେଙ୍ଗ୍ ତା ଲାଡ୍‌ତାକେ ତିର୍‌ଆଜି ମାନାଙ୍ଗା। ହେଲେକେ ଏପେଙ୍ଗ୍ ଯଦି ନା ଆଦେସ୍‌ତିଙ୍ଗ୍ ମାନିକିନାଦେର୍, ଲାଗିଙ୍ଗ୍ ଏପେଙ୍ଗ୍ ନା ଲାଡ୍‌ତାକେ ତିର୍‌ଆଜି ମାନାଦେର୍।

ଜହନ୍‌ 4:34

ଯୀଶୁ ହେୱାରିଙ୍ଗ୍ ୱେଚ୍‌ଚାନ୍, “ଆବା ଈଶ୍ୱର ନାଙ୍ଗେଙ୍ଗ୍ ପକ୍ତାତାନ୍‌ନା, ତା ଇଚା ମାନିକିଜି ଆରେ ତା କାମାୟ୍ ପୁରା କିନାକା ନେ ନା କାଦି।

ପକ୍ୟାତାକା 8:33

ହେୱାନ୍ ନିଜେ ହିରୁକାନ୍‌ଲେକେ ଆତାନ୍, ମାତର୍ ହେୱାନିଙ୍ଗ୍ ନ୍ୟାୟ୍ ଗାଟାଆୱାତାତ୍। ତା ଲାତ୍ରା ବିଷୟରେ ଇନେର୍ ପା ୱେଚ୍‌ଚେଙ୍ଗ୍ ଆଡୁର୍, ଇନେସ୍‌କି ପୁର୍ତିତାକେ ଲାତ୍ରା ଆୱାଦାଙ୍ଗ୍ ନେ ମାନାୟାର୍ ହେୱାନିଙ୍ଗ୍ ଅସ୍ତାର୍।”

ରୋମିୟ 5:19

ଇନେସ୍‌କି ର ମାନାୟ୍ ଈଶ୍ୱର ଆଦେସ୍‌ତିଙ୍ଗ୍ ମାନିକିୱାତାନ୍, ଆରେ ୱିଜୁ ମାନାୟାର୍ ପାପିର୍ ଆତାର୍। ମାତର୍ ର ମାନାୟ୍ ଈଶ୍ୱର ଆଦେସ୍‌ତିଙ୍ଗ୍ ମାନି କିତାନ୍, ଆରେ ୱିଜାକାର୍ ଈଶ୍ୱର ଆଗେ ଦରମ୍ ମାନାୟାର୍ ଆନାର୍।

୨ କରନ୍ତିୟ 8:9

ଏପେଙ୍ଗ୍ ପୁଚାଦେର୍‌ନା ଯେ, ମା ମାପୃ ଯୀଶୁ ଖ୍ରୀଷ୍ଟ ନିଜେ ଇଚା କିଜି ମାଙ୍ଗେଙ୍ଗ୍ ଦୟା କିତ୍‌ତାନ୍‌ନା। ହେୱାନ୍ ଗରିବ୍ ଆତି କାଜିଙ୍ଗ୍ ଆସେଙ୍ଗ୍ ହାଉକାର୍ ଆୟା ଆନାତ୍, ଲାଗିଙ୍ଗ୍ ହେୱାର୍ ହାଉକାର୍ ମାଚିସ୍ ପା ହେୱାନ୍ ମା କାଜିଙ୍ଗ୍ ଗରିବ୍ ଆଜି ମାଚାନ୍।

ଗାଲାତିୟ 3:13

ମାତର୍ ଖ୍ରୀଷ୍ଟ ମାଙ୍ଗେଙ୍ଗ୍ ନିୟମ୍ ସାସ୍ତର୍‌ନି ଅବିଶାପ୍‌ତାଙ୍ଗ୍ ମୁକ୍ତି କିତ୍‌ତାନ୍‌ନା। ହେ ଅବିଶାପ୍‌ତିଙ୍ଗ୍ ମା ପାପ୍ କାଜିଙ୍ଗ୍ ଖ୍ରୀଷ୍ଟ ନିଜେ ତା ଜପି ଅତାନ୍ ଆରେ କୃଶକାଟ୍‌ତାକେ ଜଲାଆଜି ହାଃତାନ୍‌ନା। ଇନେସ୍‌କି ସାସ୍ତର୍‌ତାକେ ଲେକା ମାନାତ୍, “ଇମ୍‌ଣାକାନ୍ ମାର୍‌ତି କୁଟ୍ରୁତାକେ ଜଲା ଆନାନ୍ ହେୱାନ୍ ରକାନ୍ ଅବିଶାପ୍‌ନି ମାନାୟ୍।”

ତୀତସ 2:14

ଆସେଙ୍ଗ୍ ଇନେସ୍ ତା ମାନାୟ୍ ଆଜି ୱିଜୁ ହାର୍ଦି କାମାୟ୍ କିନି କାଜିଙ୍ଗ୍ ଆରେ ଅଦରମ୍‌ ଜିବୁନ୍‌ତାଙ୍ଗ୍ ମୁକ୍ତି କିଦ୍‌ଦେଙ୍ଗ୍ ଆରେ ୱିଜୁ କରାପ୍ ବ୍ୟବହାର୍‌ତାଙ୍ଗ୍ ହପ୍ତେଦେଙ୍ଗ୍ ଯୀଶୁ ଖ୍ରୀଷ୍ଟ ଜାର୍ ଜିବୁନ୍‌ତିଙ୍ଗ୍ ହିତାନ୍‌ନା।

ଏବ୍ରି 12:2

ଯୀଶୁତାକେ ମା ଟାର୍ଗେଟ୍‌ ଇଡ଼୍‌ଜି ଇଦାଙ୍ଗ୍ କିନି ଦର୍‌କାର୍, ଇନେସ୍‌କି ହେୱାନ୍ ମା ପାର୍ତିନି ପୁରାପୁରି ଟିକ୍ ନେତା। କୃଶକାଟ୍ ଜପି ଲାଜା ପାୟାଆଜି ହାଃଦେଙ୍ଗ୍ ଯୀଶୁ ଇଚା କିତାନ୍, ଇନେସ୍‌କି ହେୱାନ୍ ପୁନ୍‌ଞ୍ଜି ମାଚାନ୍ ଯେ ଇଦାଙ୍ଗ୍ ପାଚେ ୱାରି ମାନାତ୍। ଲାଗିଙ୍ଗ୍ ନଙ୍ଗୟ୍ ହେୱାନ୍ ଈଶ୍ୱର ତିନାକେଇନି ବେସି ଗୌରବ ପାୟାଆନି ବାହାତାକେ କୁଚ୍‌ଚାନ୍‌ନା।

ଏବ୍ରି 12:4

ଏପେଙ୍ଗ୍ ପାପ୍ ବିରଦ୍‌ତାକେ ଯୁଜ୍ କିଜି, ଏପେଙ୍ଗ୍ ହାଃନି ପାତେକ୍ ଯୁଜ୍ କିୱାତାଦେର୍‍ନା।

୧ ପିତର 2:24

ହେୱାନ୍ ନିଜେ ମା ପାପ୍‌ତିଙ୍ଗ୍ ତା ଗାଗାଡ଼୍‌ତାକେ ଅତାନ୍ ଆରେ କୃଶକାଟ୍‌ତାକେ ହାଃତାନ୍, ଲାଗିଙ୍ଗ୍ ଆସେଙ୍ଗ୍ ପାପ୍ କାଜିଙ୍ଗ୍ ହାଃତି ଲେକେ ଆୟା ଆନାତ୍ ଆରେ ଟିକ୍ କାମାୟ୍ କିନି କାଜିଙ୍ଗ୍ ଜିନାପା। ଆରେ ହେୱାନ୍ ତା ଗାଗାଡ଼୍‌ତାକେ ଗାଉଦାଉ ଆଜି ଦୁଃକ୍ କଷ୍ଟ ସମ୍ବାଲି କିତି କାଜିଙ୍ଗ୍ ଆସେଙ୍ଗ୍ ହାର୍ ଆତାସ୍।

୧ ପିତର 3:18

ଆନେଙ୍ଗ୍ ଇଲେକେ ୱେଚ୍‌ଚାନାଙ୍ଗା, ଇନେସ୍‌କି ଖ୍ରୀଷ୍ଟ ପା ମା ୱିଜାକାର୍ ପାପ୍ କାଜିଙ୍ଗ୍ ଦୁଃକ୍ କଷ୍ଟ ପାୟାଆଜି ରଗ ହାଃଜି ମାଚାନ୍। ହେୱାନ୍ ରକାନ୍ ଦରମ୍ ମାନାୟ୍ ମାଚାନ୍, ମାଙ୍ଗେଙ୍ଗ୍ ଈଶ୍ୱର ଲକ୍ କିଦ୍‌ଦେଙ୍ଗ୍ ହେୱାନ୍ ମା ପାପ୍ କାଜିଙ୍ଗ୍ ହାଃଜି ମାଚାନ୍, ଲାଗିଙ୍ଗ୍ ଆସେଙ୍ଗ୍ ତା ହୁଦାଙ୍ଗ୍ ଜାର୍ ଲକ୍ ଆୟା ଆନାତ୍‌। ହେୱାର୍ ତାଙ୍ଗେଙ୍ଗ୍ ମାର୍ନେ ଅସ୍ତାର୍, ମାତର୍ ପବିତ୍ର ଆତ୍ମାନି ଶାକ୍ତିତାଙ୍ଗ୍ ଆରେରଗ ଜିବୁନ୍ ଆତାନ୍।