ପିଲିପିୟ 1:22 - New Testament in Pengo Parja Language

²² ଯଦି ଆନେଙ୍ଗ୍ ଜିଜି ମାନାଙ୍ଗ୍ ଖ୍ରୀଷ୍ଟ କାଜିଙ୍ଗ୍ ହାର୍ଦି କାମାୟ୍ କିଦେଙ୍ଗ୍ ଆଡ୍‌ନାଙ୍ଗ୍। ଲାଗିଙ୍ଗ୍ ଆନେଙ୍ଗ୍ ଇନାକାଦିଙ୍ଗ୍ ବାଚିକିନାଙ୍ଗ୍ ହେଦାଙ୍ଗ୍ ପୁଞ୍ଜେଙ୍ଗ୍ ଆଡୁଙ୍ଗା।

ସତ୍‌ ବଚନ୍‌ ପୁନି ନିୟମ୍‌

²² ମାତର୍‌ ଗାଗାଡ଼୍‌ତ ଜଦି ଜିଜ଼ି ମାନ୍‌ଞ୍ଜି ଆନ୍‌ ଆଦିକ୍‌ ପାଡ଼୍‌ ଲାବ୍‌ନିକା କାମାୟ୍‌ କିଦେଙ୍ଗ୍‌ ଆଡ୍‌ନାଙ୍ଗ୍‌, ତେବେ ଜିବନ୍‌ କି ହାକି ଇନେରିଂ ମାନ୍‌ କିନାଙ୍ଗ୍‌, ଆନେଙ୍ଗ୍‌ ସମାନ୍‌ କିଦେଙ୍ଗ୍‌ ଆଡୁଙ୍ଗା ।

ପିଲିପିୟ 1:22 ပူးပေါင်းရင်းမြစ်များ

ପକ୍ୟାତାକା 3:17

ନଙ୍ଗୟ୍, ଏ ଟଣ୍ଡାର୍‌କାଦେର୍, ଆନେଙ୍ଗ୍ ପୁଚାଙ୍ଗ୍‌ନା ଯୀଶୁଙ୍ଗ୍ ରକ୍ଷାକିଦ୍ନାକାନ୍‌ ଇଞ୍ଜି ପୁନ୍‌ୱିତି କାଜିଙ୍ଗ୍, ଏପେଙ୍ଗ୍ ଆରେ ମି ନେତାର୍ ଯୀଶୁଙ୍ଗ୍ ମାର୍ନେ ଅସ୍ତାଦେର୍‌ନା।

ରୋମିୟ 1:13

ଏ ଟଣ୍ଡାର୍‌କାଦେର୍ ଆନେଙ୍ଗ୍ ମିଙ୍ଗେଙ୍ଗ୍ ପୁନି କିଦ୍‌ନାଙ୍ଗା ଯେ, ଆନେଙ୍ଗ୍ ମିତାକେ ୱାଦେଙ୍ଗ୍ ବେସି ଦିନ୍‌ତାଙ୍ଗ୍ ଉପାୟ୍ କିଜି ମାଚାଙ୍ଗ୍, ମାତର୍ ନଙ୍ଗୟ୍ ପାତେକ୍ ମିତାକେ ୱାଦେଙ୍ଗ୍ ଆଡ୍‌ୱାତାଙ୍ଗ୍‌ନା। ଇନେସ୍‌କି ବିନ୍‌ଜାତିନି ମାନାୟ୍‌ତିଙ୍ଗ୍ ଯୀଶୁଙ୍ଗ୍ ପାର୍ତି କିଦେଙ୍ଗ୍ ସାଇଜ କିତିଲେକେ ମିଙ୍ଗେଙ୍ଗ୍ ପା ଆଦିକ୍ ପାର୍ତି କିଦେଙ୍ଗ୍ ସାଇଜ କିଦ୍‌ଦେଙ୍ଗ୍ ଆଡ଼୍‌ତାଙ୍ଗ୍‌ମା।

ରୋମିୟ 11:2

ଈଶ୍ୱର ହେୱାରିଙ୍ଗ୍ ପାର୍ତୁମ୍‌ତାଙ୍ଗ୍ ବାଚି କିତାନ୍‌ନା, ଆରେ ହେୱାନ୍ ତା ମାନାୟ୍‌ତିଙ୍ଗ୍ ଇନାୱେଡ଼ାଙ୍ଗ୍ ପିହ୍‌ୱାତାନ୍‌ନା। ଏପେଙ୍ଗ୍ ତ ହେଦାଙ୍ଗ୍ ପୁଚାଦେର୍‌ନା, ଭବିଷ୍ଯତବକ୍ତା ଏଲିୟ ତା ସାସ୍ତର୍‌ତାକେ ଇନାକା ଇଞ୍ଜି ୱେଚ୍‌ଚାନ୍‌ନା, ହେୱାନ୍ ଇନେସ୍ କିଜି ଇସ୍ରାଏଲତିଙ୍ଗ୍‌ ବିରୁଦ୍ କିଜି ଈଶ୍ୱରତାକେ ପାର୍ତାନା କିତାନ୍‌ନା।

୨ କରନ୍ତିୟ 10:3

ଆସେଙ୍ଗ୍ ଇ ପୁର୍ତିତାକେ ମାନାସା, ମାତର୍ ଆସେଙ୍ଗ୍ ଇ ପୁର୍ତି ମାନାୟାର୍‌ଲେକେ ମା ସତୃର୍ ହୁଦାଙ୍ଗ୍ ଯୁଜ୍ କିଉସ୍।

ଗାଲାତିୟ 2:20

ନା ପାନି ଚାଲିଚଲନ୍ ଖ୍ରୀଷ୍ଟ ହୁଦାଙ୍ଗ୍ କୃଶକାଟ୍‌ତାକେ ହାଃତାତ୍‌ନା। ଲାଗିଙ୍ଗ୍ ଆନେଙ୍ଗ୍ ଆରେ ଜିବୁନ୍ ଆକାୟ୍, ମାତର୍ ଖ୍ରୀଷ୍ଟ ନାବେ ଜିବୁନ୍ ମାନାନ୍। ଯୀଶୁ ଈଶ୍ୱର ମେହି, ହେୱାନ୍ ନାଙ୍ଗେଙ୍ଗ୍ ଲାଡ୍ କିତ୍‌ତାନ୍ ଆରେ ନା କାଜିଙ୍ଗ୍ ଜାର୍ ଜିବୁନ୍‌ତିଙ୍ଗ୍ ହିତାନ୍, ଲାଗିଙ୍ଗ୍ ଆନେଙ୍ଗ୍ ଇ ଗାଗାଡ଼୍‌ତ ହେୱାନ୍‌ତାକେ ପାର୍ତି କିଜି ଜିନାଙ୍ଗ୍।

ପିଲିପିୟ 1:23

ଆନେଙ୍ଗ୍ ରିଣ୍ଡାଙ୍ଗ୍ ବିତ୍ରେ ଇନାକା ରଞ୍ଜାଙ୍ଗ୍‌ତିଙ୍ଗ୍ ବାଚିକିନାଙ୍ଗ୍ ହେଦାଙ୍ଗ୍ ପୁଞ୍ଜେଙ୍ଗ୍ ଆଡୁଙ୍ଗା, ଆନେଙ୍ଗ୍ ହାଃଜି ଖ୍ରୀଷ୍ଟ ହୁଦାଙ୍ଗ୍ ମାଞ୍ଜେଙ୍ଗ୍ ଇଚା କିନାଙ୍ଗା। ଇନେସ୍‌କି ଇଦାଙ୍ଗ୍ ୱିଜୁତାଙ୍ଗ୍ ବେସି ହାର୍।

ପିଲିପିୟ 1:24

ମାତର୍ ଆନେଙ୍ଗ୍ ଜିଜି ମାଚିସ୍ ନା ସାଇଜ ମିଙ୍ଗେଙ୍ଗ୍ ଦର୍‌କାର୍ ମାନାତ୍।

କଲସିୟ 2:1

ଏ କଲସୀୟ ମଣ୍ଡ୍‌ଲି ଆରେ ଲାଅଦିକୀଆ ମଣ୍ଡ୍‌ଲିନି ପାର୍ତିକିନି ମାନାୟ୍ କାଦେର୍, ଆରେ ଇମ୍‌ଣି ମାନାୟାରିଙ୍ଗ୍ ଆନେଙ୍ଗ୍ ହୁଡ଼ୁଙ୍ଗେ, ମି କାଜିଙ୍ଗ୍ ଆନେଙ୍ଗ୍ ଏଚେକ୍ କଷ୍ଟ କିତାଙ୍ଗ୍‌ନା ହେଦାଙ୍ଗ୍ ଏପେଙ୍ଗ୍ ପୁନାଟ୍ ଇଞ୍ଜି ଇଚା କିନାଙ୍ଗା।

୧ ପିତର 4:2

ହେଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ମି ୱିଜୁ ଜିବୁନ୍ ପୁର୍ତିତାକେ କରାପ୍ କାମାୟ୍ କିଜି ଜିବୁନ୍ କାଟି କିଉତ୍, ମାତର୍ ଈଶ୍ୱର ଇଚାକିତି କାମାୟ୍ ଏପେଙ୍ଗ୍ କିନାଦେର୍।