ପିଲିପିୟ 1:21 - New Testament in Pengo Parja Language

²¹ ଇନେସ୍‌କି ଯଦି ଆନେଙ୍ଗ୍ ଜିନାଙ୍ଗ୍ ଖ୍ରୀଷ୍ଟ କାଜିଙ୍ଗ୍ ଜିନାଙ୍ଗ୍, ଯଦି ଆନେଙ୍ଗ୍ ହାଃନାଙ୍ଗ୍ ହେଦାଙ୍ଗ୍ ନା କାଜିଙ୍ଗ୍ ଲାବ୍ ଆନାତ୍। ଇନେସ୍‌କି ଆନେଙ୍ଗ୍ ଖ୍ରୀଷ୍ଟ ହୁଦାଙ୍ଗ୍ ମାହାଆଜି ମାନ୍‌ଗାନାଙ୍ଗ୍।

ସତ୍‌ ବଚନ୍‌ ପୁନି ନିୟମ୍‌

²¹ ହାତ୍‌ପାନେ ନା ଜିବୁନ୍‌ତ କ୍ରିସ୍ଟନେ ୱିଜ଼େନିକାନ୍‌ । ଲାଗିଂ ନା ପାକ୍ୟାତ ହାକି ଆଦିକ୍‌ ଲାବ୍ ଆନାତ୍‌ ।

ପିଲିପିୟ 1:21 ပူးပေါင်းရင်းမြစ်များ

୧ କରନ୍ତିୟ 1:30

ମାତର୍ ଈଶ୍ୱର ମିଙ୍ଗେଙ୍ଗ୍ ଖ୍ରୀଷ୍ଟ ଯୀଶୁ ହୁଦାଙ୍ଗ୍ ଏକ୍ କିତ୍‌ତାନ୍‌ନା, ଆରେ ଖ୍ରୀଷ୍ଟ କାଜିଙ୍ଗ୍ ହେୱାନ୍ ମିଙ୍ଗେଙ୍ଗ୍ ବୁଦି ହିଦ୍‌ନାନ୍। ଈଶ୍ୱର ମା ୱିଜୁ ପାପ୍‌ତାଙ୍ଗ୍ ମୁକ୍ତି କିତ୍‌ତାନ୍ ଆରେ ହେୱାନ୍ ମାଙ୍ଗେଙ୍ଗ୍ ଯୀଶୁ ଖ୍ରୀଷ୍ଟ କାଜିଙ୍ଗ୍ ପବିତ୍ର ଆରେ ତା ମୁମ୍‌ଦ ଦରମ୍ ମାନାୟ୍ କିଦ୍‌ନାନ୍।

୧ କରନ୍ତିୟ 3:22

ହେଦାଙ୍ଗ୍ କାଜିଙ୍ଗ୍ ପାଉଲ ଆୟେନ୍ କି, ଆପୋଲ ଆୟେନ୍ କି, କେପା ଆୟେନ୍ କି, ୱିଜୁ ପୁର୍ତି ଆୟେତ୍ କି, ଜିବୁନ୍ ଆୟେତ୍ କି ମାରାଣ୍। ନଙ୍ଗୟ୍ ଆୟେତ୍ କି ପାଚେ ଆୟେତ୍, ଇ ୱିଜୁ ମିଦାଙ୍ଗ୍,

୨ କରନ୍ତିୟ 5:1

ଇନେସ୍‌କି ଆସେଙ୍ଗ୍ ପୁଚାସ୍‌ନା ଯେ, ମା ଗାଗାଡ଼୍ ଇ ପୁର୍ତିତାକେ ପିରିତାଙ୍ଗ୍‌ ରସ୍ତି କୁଡ଼ିଆତାକେ ମାନିଲେକେ ମାନାସା। ଯଦି ଆସେଙ୍ଗ୍ ହାଃନାସ୍, ଲାଗିଙ୍ଗ୍ ଈଶ୍ୱର ନିଜେ ରସ୍ତି ୱିଜୁଦିନ୍ ମାନି ପୁନି ଗାଗାଡ଼୍‌ତିଙ୍ଗ୍ ର ଇଲ୍ ଲେକେ ସରଗ୍‌ତାକେ ହିଦ୍‌ନାନା, ହେଦାଙ୍ଗ୍ ମାନାୟାର୍ ରସ୍ତି ଲେକେ ଆକାୟ୍।

୨ କରନ୍ତିୟ 5:6

ଲାଗିଙ୍ଗ୍ ଆସେଙ୍ଗ୍ ହାର୍ କିଜି ପୁଚାପ୍‌ନା ଯେ, ଆସେଙ୍ଗ୍ ପୁନ୍‌ଞ୍ଜି ମାଚିସ୍ ପା ଆସେଙ୍ଗ୍ ଇ ଗାଗାଡ଼୍‌ତାକେ ମାନି କାଜିଙ୍ଗ୍ ଆସେଙ୍ଗ୍ ମାପୃ ମାନି ବାହା ସରଗ୍‌ତାକେ ନଙ୍ଗୟ୍ ପାତେକ୍ ହାଲୁସେ।

୨ କରନ୍ତିୟ 5:8

ଆଁ, ଆସେଙ୍ଗ୍ ହାର୍ କିଜି ପୁଚାପ୍‌ନା, ଏଚେପାଦ୍ନା ଆସେଙ୍ଗ୍ ଇ ପୁର୍ତିନି ଗାଗାଡ଼୍‌ତିଙ୍ଗ୍ ପିହ୍‌ନାସ୍, ତା ଅର୍ତ ଆସେଙ୍ଗ୍ ହାଃନାସ୍, ହେପାଦ୍ନା ଆସେଙ୍ଗ୍ ଈଶ୍ୱର ହିଦ୍‌ନି ପୁନି ଗାଗାଡ଼୍‌ତାଙ୍ଗ୍ ମାପୃ ହୁଦାଙ୍ଗ୍ ମାନାସ୍।

ଗାଲାତିୟ 2:20

ନା ପାନି ଚାଲିଚଲନ୍ ଖ୍ରୀଷ୍ଟ ହୁଦାଙ୍ଗ୍ କୃଶକାଟ୍‌ତାକେ ହାଃତାତ୍‌ନା। ଲାଗିଙ୍ଗ୍ ଆନେଙ୍ଗ୍ ଆରେ ଜିବୁନ୍ ଆକାୟ୍, ମାତର୍ ଖ୍ରୀଷ୍ଟ ନାବେ ଜିବୁନ୍ ମାନାନ୍। ଯୀଶୁ ଈଶ୍ୱର ମେହି, ହେୱାନ୍ ନାଙ୍ଗେଙ୍ଗ୍ ଲାଡ୍ କିତ୍‌ତାନ୍ ଆରେ ନା କାଜିଙ୍ଗ୍ ଜାର୍ ଜିବୁନ୍‌ତିଙ୍ଗ୍ ହିତାନ୍, ଲାଗିଙ୍ଗ୍ ଆନେଙ୍ଗ୍ ଇ ଗାଗାଡ଼୍‌ତ ହେୱାନ୍‌ତାକେ ପାର୍ତି କିଜି ଜିନାଙ୍ଗ୍।

ଗାଲାତିୟ 6:14

ମା ମାପୃ ଯୀଶୁ ଖ୍ରୀଷ୍ଟନି କୃଶକାଟ୍‌ତିଙ୍ଗ୍ ପିସ୍ତି, ଆନେଙ୍ଗ୍ ଆରେ ଇନାକାତାକେ ପା ଗର୍ବ କିଉଙ୍ଗ୍। ଇନେସ୍‌କି ଖ୍ରୀଷ୍ଟ କାଜିଙ୍ଗ୍, ଇ ଜଗତ୍‌ତାକେ ମାନି ନା ଇଚା କୃଶକାଟ୍‌ତାକେ ହାଃତାତ୍‌ନା, ଆରେ ନାବେ ମାନି ପୁର୍ତିନି ଇଚା ପା ହାଃତାତ୍‌ନା।

ପିଲିପିୟ 1:20

ଆନେଙ୍ଗ୍ ଇମ୍‌ଣି ବିଷୟରେ ପା ଲାଜା ଆଉଙ୍ଗ୍ ଇଞ୍ଜି ଆନେଙ୍ଗ୍ ବେସି ଇଚା ଆରେ ଆହା କିନାଙ୍ଗା। ମାତର୍ ଆନେଙ୍ଗ୍ ନଙ୍ଗୟ୍ ପାତେକ୍ ଇନେସ୍ ଶୁଣାୟ୍ କିନାଙ୍ଗା, ହେଲେକେ ନେ ସାହାସ୍ ହୁଦାଙ୍ଗ୍ ଖ୍ରୀଷ୍ଟ ବିଷୟରେ ୱେଚ୍‌ନାଙ୍ଗ୍। ଆନେଙ୍ଗ୍ ଜିତିସ୍ କି ହାଃତିସ୍ ପା ନା ଗାଗାଡ଼୍‌ତାଙ୍ଗ୍ ଖ୍ରୀଷ୍ଟଙ୍ଗ୍ ସନ୍‌ମାନ୍ କିୟିକିନାଙ୍ଗ୍।

ପିଲିପିୟ 1:22

ଯଦି ଆନେଙ୍ଗ୍ ଜିଜି ମାନାଙ୍ଗ୍ ଖ୍ରୀଷ୍ଟ କାଜିଙ୍ଗ୍ ହାର୍ଦି କାମାୟ୍ କିଦେଙ୍ଗ୍ ଆଡ୍‌ନାଙ୍ଗ୍। ଲାଗିଙ୍ଗ୍ ଆନେଙ୍ଗ୍ ଇନାକାଦିଙ୍ଗ୍ ବାଚିକିନାଙ୍ଗ୍ ହେଦାଙ୍ଗ୍ ପୁଞ୍ଜେଙ୍ଗ୍ ଆଡୁଙ୍ଗା।

ପିଲିପିୟ 1:23

ଆନେଙ୍ଗ୍ ରିଣ୍ଡାଙ୍ଗ୍ ବିତ୍ରେ ଇନାକା ରଞ୍ଜାଙ୍ଗ୍‌ତିଙ୍ଗ୍ ବାଚିକିନାଙ୍ଗ୍ ହେଦାଙ୍ଗ୍ ପୁଞ୍ଜେଙ୍ଗ୍ ଆଡୁଙ୍ଗା, ଆନେଙ୍ଗ୍ ହାଃଜି ଖ୍ରୀଷ୍ଟ ହୁଦାଙ୍ଗ୍ ମାଞ୍ଜେଙ୍ଗ୍ ଇଚା କିନାଙ୍ଗା। ଇନେସ୍‌କି ଇଦାଙ୍ଗ୍ ୱିଜୁତାଙ୍ଗ୍ ବେସି ହାର୍।

ପିଲିପିୟ 2:21

ଇନେସ୍‌କି ୱିଜାକାର୍ ଯୀଶୁ ଖ୍ରୀଷ୍ଟ ଇଚା କିନାକା ପିସ୍ତି ଜାର୍ କାଜିଙ୍ଗ୍ ବେସି ଚିନ୍ତା କିନାରା।

କଲସିୟ 3:4

ମିଙ୍ଗେଙ୍ଗ୍ ପୁନି ଜିବୁନ୍ ହିଦ୍‌ନି ଖ୍ରୀଷ୍ଟ ଏଚେପାଦ୍ନା ପୁର୍ତିତାକେ ୱାନାନ୍, ହେପାଦ୍ନା ଏପେଙ୍ଗ୍ ପା ତା ଗୌରବତାଙ୍ଗ୍ ଚଞ୍ଜି ଆନାଦେର୍।

ହତ୍‌ତି 14:13

ତାପାଚେ ସରଗ୍‌ତାକେ ଆରେ ରକାନ୍ ୱେଚ୍‌ଚାକା ଆନେଙ୍ଗ୍ ୱେଚାଙ୍ଗ୍, “ଇ ୱିଜୁ ବିଷୟତିଙ୍ଗ୍ ଲେକିକିୟାଟ୍। ‌ନଙ୍ଗୟ୍‌ତାଙ୍ଗ୍ ଇମ୍‌ଣି ମାନାୟାର୍ ମାପୃଙ୍ଗ୍ ପାର୍ତି କିଜି ହାଃନାର୍ ହେ ମାନାୟ୍ ଦନ୍ୟ, ଲାଗିଙ୍ଗ୍ ଆଁ, ଟିକ୍ କାତା ଇଞ୍ଜି ପବିତ୍ର ଆତ୍ମା ୱେଚ୍‌ଚାତ୍। ହେୱାର୍ ଦନ୍ୟ ଆନାର୍, ଇନେସ୍‌କି ହେୱାର୍ ତା କଷ୍ଟତାଙ୍ଗ୍ ଶାନ୍ତି ପାୟାଆନାର୍‌। ଆରେ ହେୱାର୍ ହାର୍ କାମାୟ୍ କାଜିଙ୍ଗ୍ ଈଶ୍ୱର ହେୱାରିଙ୍ଗ୍ ପୁରଷ୍କାର୍ ହିନାନ୍।”