ଫିଲୀମୋନ 1:16 - New Testament in Pengo Parja Language

¹⁶ ନଙ୍ଗୟ୍ ଏନେଙ୍ଗ୍ ହେୱାନିଙ୍ଗ୍ ଚାକର୍ ନେ ଇଞ୍ଜି ବାବିକିମା, ହେୱାନ୍ ର ଦାସ୍‌ତାଙ୍ଗ୍ ପା ଗାଜାକାନ୍‌। ମାତର୍ ହେୱାନ୍ ରକାନ୍ ମା ଲେକେ ପାର୍ତିକିନି ଟଣ୍ଡେନ୍, ହେଦାଙ୍ଗ୍ କାଜିଙ୍ଗ୍ ହେୱାନିଙ୍ଗ୍ ଏନେଙ୍ଗ୍ ଲାଡ୍ କିୟା। ଆନେଙ୍ଗ୍ ହେୱାନିଙ୍ଗ୍ ଲାଡ୍ କିନାଙ୍ଗ୍ ମାତର୍ ଏନେଙ୍ଗ୍ ହେୱାନିଙ୍ଗ୍ ନି ଦାସ୍ ଆରେ ଖ୍ରୀଷ୍ଟତାକେ ପାର୍ତିକିନି ଟଣ୍ଡେନ୍ ଆତି କାଜିଙ୍ଗ୍ ଏନେଙ୍ଗ୍ ନାବେତାଙ୍ଗ୍ ଆଦିକ୍ ଲାଡ୍ କିୟା।

ସତ୍‌ ବଚନ୍‌ ପୁନି ନିୟମ୍‌

¹⁶ ବେସିକିଜ଼ି ଆଡ଼ିୟା ନାୱାନ୍‌ ରୱାନ୍‌ ୱାରିନି ଟଣ୍ଡେନ୍‌, ଲାଗିଂ, ଗାଗାଡ଼୍‌ତ ଆରି ପା ମାପ୍ରୁତାକେ ମି କାଜିଂ ଆୱିତିସ୍‌ ଏଚେକ୍‌ ଆଦିକ୍‌ ଲାଡ୍‌ ଆଉତ୍‌ ।

ଫିଲୀମୋନ 1:16 ပူးပေါင်းရင်းမြစ်များ

ମାତିଉ 23:8

ମାତର୍ ଏପେଙ୍ଗ୍ ଗୁରୁ ଇଞ୍ଜି ହିର୍‌ବାନାକା ଉଚିତ୍ ଆକାଇ, ଇନେସ୍‌କି ଏପେଙ୍ଗ୍ ୱିଜାଦେର୍ ଟଣ୍ଡାର୍ ଆରେ ମି ଗୁରୁ ଆପ୍‌କା ରକାନ୍।

ପକ୍ୟାତାକା 9:17

ହେବେତାଙ୍ଗ୍ ହନନିୟ ଶାଉଲ ଇଞ୍ଜ ହାଚାନ୍। ହେୱାନ୍ ଶାଉଲ ଜପି କେଇ ଇଡ଼୍‌ଜି ୱେଚ୍‌ଚାନ୍, “ଏ ଶାଉଲ ଟଣ୍ଡେନ୍, ଏନେଙ୍ଗ୍ ଇନେସ୍ ଆରେରଗ ହୁଡ଼୍‌ଦେଙ୍ଗ୍ ଆଡ୍‌ନାଇ ଆରେ ପବିତ୍ର ଆତ୍ମାତାଙ୍ଗ୍ ପୁରା ଆନାୟ୍। ହେଦାଙ୍ଗ୍ କାଜିଙ୍ଗ୍ ଯୀଶୁ ମାପୃ ଇନେରିଙ୍ଗ୍ ଏନେଙ୍ଗ୍ ୱାନିହିଙ୍ଗ୍ ହାଜ୍‌ଦ ହୁଡ଼୍‌ତାୟ୍ ହେୱାନ୍ ନାଙ୍ଗେଙ୍ଗ୍ ନି ଲାଗାୟ୍ ପକ୍ତାତାନ୍‌ନା।”

୧ କରନ୍ତିୟ 7:22

ଯଦି ମାପୃ ଯୀଶୁ ଖ୍ରୀଷ୍ଟ ମିଙ୍ଗେଙ୍ଗ୍ ଚାକର୍ ଆଜି ମାଚିହିଙ୍ଗ୍ ବାଚି କିତ୍‌ତାନ୍‌ନା, ଲାଗିଙ୍ଗ୍ ହେୱାନ୍ ପାପ୍‌ନି ଶାକ୍ତିତାଙ୍ଗ୍ ମିଙ୍ଗେଙ୍ଗ୍ ମୁକ୍ତି କିତ୍‌ତାନ୍‌ନା। ଆରେ ଯଦି ମାପୃ ଯୀଶୁ ଖ୍ରୀଷ୍ଟ ମିଙ୍ଗେଙ୍ଗ୍ ଚାକର୍ ଆୱିହିଙ୍ଗ୍ ବାଚି କିତ୍‌ତାନ୍‌ନା, ଲାଗିଙ୍ଗ୍ ହେୱାନ୍ ମିଙ୍ଗେଙ୍ଗ୍ ତା ଚାକର୍ କିତ୍‌ତାନ୍‌ନା।

କଲସିୟ 3:22

ଏ ଦାସ୍ ମାନାୟ୍ କାଦେର୍ ହେୱାନ୍ ମାନିହିଙ୍ଗ୍ ନେ କାମାୟ୍ କିମାଟ୍, ମାତର୍ ହେୱାନ୍ ହିଲ୍‌ୱିହିଙ୍ଗ୍ ପା କାମାୟ୍ କିୟାଟ୍। ଏପେଙ୍ଗ୍ ମାପୃଙ୍ଗ୍ ପାଣ୍ଡ୍ରାଆନି କାଜିଙ୍ଗ୍ ୱିଜୁଦିନ୍ ହେୱାରିଙ୍ଗ୍ ୱାରି ଆତିଲେକେ କାମାୟ୍ କିଜି ହାର୍ଦି ମାନ୍‌ତାଙ୍ଗ୍ କିୟାଟ୍।

୧ ତିମତି 6:2

ଇମ୍‌ଣି ମାଲିକାର୍ ପାର୍ତି କିନାକାର୍ ଆନାର୍, ହେୱାର୍ ଦାସ୍‌ରିଙ୍ଗ୍ ଖ୍ରୀଷ୍ଟତାକେ ପାର୍ତିକିନି ଟଣ୍ଡାର୍ ଇଞ୍ଜି ପୁନ୍‌ଞ୍ଜି ହେୱାରିଙ୍ଗ୍ ଇନସ୍ତା କିମେର୍। ଆରେ ହେୱାର୍ ହେୱାରିଙ୍ଗ୍ ପା ହାର୍‌ଦାଙ୍ଗ୍ ଦିୟାନ୍ ହିଜି ହେବା କିୟେର୍। ଇନେସ୍‌କି ମାଲିକ୍‌ତିଙ୍ଗ୍ ହେବାକିନି ଦାସାର୍ ପା ପାର୍ତି କିନାକାର୍। ଲାଗିଙ୍ଗ୍ ଦାସାର୍ ପା ଜେକନିକାରିଙ୍ଗ୍ ଲାଡ୍ କିତିଲେକେ ହେୱାରିଙ୍ଗ୍ ଲାଡ୍ କିନାର୍। ଇ ୱିଜୁ ବିଷୟ ହିକ୍ଷା ହିୟା ଆରେ ମାନି କିଦେଙ୍ଗ୍ ସାହାସ୍ ହିୟା।

ଏବ୍ରି 3:1

ଇଦାଙ୍ଗ୍ କାଜିଙ୍ଗ୍ ଏ ଈଶ୍ୱର ମାନାୟାର୍ ଆରେ ତା ହୁଦାଙ୍ଗ୍ ସରଗ୍‌ତାକେ ମାହାଆଜି ମାଞ୍ଜେଙ୍ଗ୍ ବାଚିକିତି ମାନାୟାର୍, ଆସେଙ୍ଗ୍ ଯୀଶୁଙ୍ଗ୍ ଈଶ୍ୱର ଦୁତ୍ ଆରେ ପ୍ରଦାନ୍ ମୁଡ଼୍‌ଦି ପୁଜାରି ଇଞ୍ଜି ଶୁଣାୟ୍ କିନାସା ହେ ଯୀଶୁ ବିଷୟରେ ବାବିକିଜି ହୁଡ଼ାଟ୍।

୧ ଯୋହନ 5:1

ଇମ୍‌ଣି ମାନାୟ୍ ଯୀଶୁଙ୍ଗ୍ ଖ୍ରୀଷ୍ଟ ଇଞ୍ଜି ପାର୍ତିକିନାନ୍। ହେୱାନ୍ ଈଶ୍ୱର ମେହି। ଆରେ ଇମ୍‌ଣି ମାନାୟ୍ ତା ଆବାଙ୍ଗ୍ ଲାଡ୍ କିନାନ୍। ଲାଗିଙ୍ଗ୍ ତା ମେହିରିଙ୍ଗ୍ ପା ଆସେଙ୍ଗ୍ ଲାଡ୍ କିନାସ୍‌।