ମାର୍କ 9:50 - New Testament in Pengo Parja Language

⁵⁰ ଇନେସ୍‌କି ହର୍‌ତାକେ ହୱାଦ୍ ହିଲ୍‌ଗୁତ୍, ଲାଗିଙ୍ଗ୍ ତା ହୱାଦ୍ ଇନେସ୍ କିଜି ତାସିୱାନାତ୍। ଇନାୱେଡ଼ାଙ୍ଗ୍ ମିବେ ହର୍‌ନି ଗୁଣ୍ ମାନେତ୍, ଏପେଙ୍ଗ୍ ଜାର୍-ଜାର୍ ହୁଦାଙ୍ଗ୍ ଶାନ୍ତିତାଙ୍ଗ୍ ମାନାଟ୍।”

ସତ୍‌ ବଚନ୍‌ ପୁନି ନିୟମ୍‌

⁵⁰ “ହର୍‌ ହାର୍‌ଦାକା, ଏଲେଙ୍ଗ୍‌ ହର୍‌ ଲାକେ ଆୱାତାତ୍‍ଚି, ତା ଆତିସ୍‌ ଇନାକାତ ହୱାଦ୍‌ କିନାକା ? ଏପେଙ୍ଗ୍‌ ଜାର୍‌ ଜାର୍‌ ତାକେ ହାର୍‌ ଗୁଣ୍‌ ଇଟାଟ୍‌ ଆରେ ୱିଜ଼ାକାଦେର୍‌ ସୁସ୍ତାତ ମାନାଟ୍‌ ।”

ମାର୍କ 9:50 ပူးပေါင်းရင်းမြစ်များ

ମାତିଉ 5:13

ହର୍ ଇନେସ୍ କାଦିତିଙ୍ଗ୍ ହାର୍, ହେଲେକେନେ ମାନାୟାର୍ ହାର୍ଦି କାମାୟ୍ କିନି ଦର୍‌କାର୍। ଇନେସ୍‌କି ହର୍ ତା ହୱାଦ୍ ଆରାଇ କିନାତ୍, ଲାଗିଙ୍ଗ୍ ତା ହୱାଦ୍ ଇନେସ୍ କିଜି ତାସିୱାନାତ୍। ହେଦାଙ୍ଗ୍ ଆରେ ଇମ୍‌ଣି କାମାୟ୍‌ତାକେ ଆଉତ୍, ବାର୍ତ ତୁଇହିଜି ମାନାୟାର୍ ହେ ହର୍‌ଦିଙ୍ଗ୍ ତଗାୱିହା କିନାର୍। ହେଲେକେନେ ମାନାୟାର୍ ହାର୍ଦି କାମାୟ୍ କିୱିତିସ୍ ହେୱାନିଙ୍ଗ୍ କୁଟୁମ୍‌ତାଙ୍ଗ୍ ପାଗ୍ରି ପିହ୍‌ନାର୍।

ମାର୍କ 9:34

ମାତର୍ ଚେଲାହିର୍ ଚିମ୍ରା ଆଜି ମାଚାର୍। ଇନେସ୍‌କି ମା ବିତ୍ରେତାଙ୍ଗ୍ ଇନେର୍ ଗାଜାକାନ୍ ଇଞ୍ଜି, ହାସ୍‍ଦ ଜାର୍ ଜାର୍‌ବିତ୍ରେ ୱେଚ୍‌ପାଆଜି ମାଚାର୍।

ମାର୍କ 9:49

ହର୍ ଇନେସ୍ ଲେକେ କାଦିତିଙ୍ଗ୍ ହାର୍, ହେଲେକେନେ ମାନାୟାରିଙ୍ଗ୍ ଦୁଃକ୍ ପାୟଆନାକା ହାର୍।

ରୋମିୟ 12:18

ଏପେଙ୍ଗ୍ ଆଡ୍‌ନି ପାତେକ୍ ମି କାମାୟ୍ ୱିଜୁ କିୟାଟ୍ ଆରେ ଏପେଙ୍ଗ୍ ୱିଜାର୍ ହୁଦାଙ୍ଗ୍ ଶାନ୍ତିତାଙ୍ଗ୍ ମାନାଟ୍।

୨ କରନ୍ତିୟ 13:11

ଏ ଲାଡ୍‌ନି ଟଣ୍ଡାର୍‌କାଦେର୍, ଆନେଙ୍ଗ୍ ମିଙ୍ଗେଙ୍ଗ୍ ସେସ୍ କାତା ୱେଚ୍‌ଚି ଇ ଚିଟି ଲେକିକିନାକା ବନ୍ଦ୍ କିନାଙ୍ଗା, ଏପେଙ୍ଗ୍ ୱିଜୁଦିନ୍ ୱାରି କିୟାଟ୍। ଏପେଙ୍ଗ୍ ଗାଜାକାର୍ ଲେକ ବୁଦି କାଟାକାଦେର୍ ଆଡ। ଏପେଙ୍ଗ୍ ଜାର୍-ଜାର୍‌ବିତ୍ରେ ସାସ୍ ହିବାଆଡ। ଏପେଙ୍ଗ୍ ର ମାନ୍‌ଆଜି ଶାନ୍ତିତାଙ୍ଗ୍ ମାନାଟ୍। ଲାଗିଙ୍ଗ୍ ଲାଡ୍ ଆରେ ଶାନ୍ତିନି ଈଶ୍ୱର ମିହୁଦାଙ୍ଗ୍ ମାନ୍‌ଗାନାନ୍।

ଗାଲାତିୟ 5:22

ମାତର୍ ପବିତ୍ର ଆତ୍ମା ମାଙ୍ଗେଙ୍ଗ୍ ସାଇଜ କିତ୍‌ତିସ୍, ଇଲେକେ ଗୁଣ୍: ଲାଡ୍ କିନାକା, ୱାରି କିନାକା, ଶାନ୍ତିତାଙ୍ଗ୍ ମାନାକା, ବେସି କଷ୍ଟତିଙ୍ଗ୍ ସମ୍ୱାଲି କିନାକା, ଦୟା କିନାକା।

ଏପିସିୟ 4:29

ମି ୱେଇଦାଙ୍ଗ୍ ଇମ୍‌ଣି ପର୍‌କାର୍ କରାପ୍ କାତା ୱେଚ୍‌ମାଟ୍। ମାତର୍ ମି ବେଣ୍ ୱେନି ମାନାୟାର୍ ଇନେସ୍ ସାହାସ୍ ପାୟାଆନାର୍‌, ଇଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ଇନାକା ପା ୱେଚାଟ୍ ହାର୍ ଆରେ ସାଇଜନି କାତା ୱେଚାଟ୍।

ପିଲିପିୟ 1:27

ଖ୍ରୀଷ୍ଟନି ହାର୍ଦିକାବୁର୍‌ତିଙ୍ଗ୍ ପାର୍ତି କିଜି ମାନି ମାନାୟ୍ ଲେକେ ଟିକ୍ ଜିବୁନ୍ କାଟିକିୟାଟ୍। ଏପେଙ୍ଗ୍ ର ମାନ୍‌ଆଜି ମାନାଟ୍, ଆରେ ହାର୍ଦିକାବୁର୍‌ତିଙ୍ଗ୍ ପାର୍ତିକିଜି ମାନି କାଜିଙ୍ଗ୍ ଏକ୍ ଆଜି ଲଡ଼ିକିୟାଟ୍। ଆନେଙ୍ଗ୍ ମି ଲାଗାୟ୍ ୱାଜି ହୁଡ଼୍‌ତିସ୍ କି ମାନ୍‌ୱାଦାଙ୍ଗ୍ ମି ବିଷୟ ୱେଚିସ୍ ପା ଏଲେଙ୍ଗ୍ ଆଜି ମାନାଟ୍ ଇଞ୍ଜି ଆନେଙ୍ଗ୍ ଇଚା କିନାଙ୍ଗା।

କଲସିୟ 3:12

ଈଶ୍ୱର ମିଙ୍ଗେଙ୍ଗ୍ ପବିତ୍ର ମାନାୟ୍ କିଜି ବାଚି କିତ୍‌ତାନ୍‌ନା ଆରେ ଲାଡ୍ କିତ୍‌ତାନ୍‌ନା। ଲାଗିଙ୍ଗ୍ ଏପେଙ୍ଗ୍ ଜେକନିକାରିଙ୍ଗ୍ ସାଇଜ କିୟାଟ୍, ଦୟା କିୟାଟ୍ ଜାର୍‌ତିଙ୍ଗ୍ ହିରୁ କିୟାଟ୍, ମି ଆଦିକାର୍ ଚଚ୍‌ମାଟ୍ ଆରେ ସାହାସ୍ ଆସ୍ତି ମାନାଟ୍।

କଲସିୟ 4:6

ହେୱାର୍ ହୁଦାଙ୍ଗ୍ ହାର୍‌ଦାଙ୍ଗ୍ କାତାବାର୍ତା କିୟାଟ୍, ଆରେ ହେୱାରିଙ୍ଗ୍ ମାନ୍ତ ହାଚି ଲେକେ କାତା ଆଡ। ଲାଗିଙ୍ଗ୍ ଏପେଙ୍ଗ୍ ଇନାକା ପାର୍ତି କିତାଦେର୍‌ନା ହେ ବିଷୟରେ ଏଚେପାଦ୍ନା ମିଙ୍ଗେଙ୍ଗ୍ ପ୍ରଶ୍ନ ୱେନ୍‌ବା ଆଦ୍‌ନାର୍, ଏପେଙ୍ଗ୍ ହାର୍‌ଦାଙ୍ଗ୍ ଉତର୍ ହିଦେଙ୍ଗ୍ ଆଡ୍‌ନାଦେର୍।

୧ ଥେସଲନୀକିୟ 5:13

ଆରେ ହେୱାର୍ କିତି କାମାୟ୍ କାଜିଙ୍ଗ୍ ଏପେଙ୍ଗ୍ ହେୱାରିଙ୍ଗ୍ ସନ୍‌ମାନ୍ କିୟାଟ୍, ଆରେ ବେସି ଲାଡ୍‌କିଜି ଜାର୍-ଜାର୍‌ବିତ୍ରେ ଶାନ୍ତିତାକେ ମାନାଟ୍।

୨ ତିମଥି 2:22

ମାତର୍ ଏନେଙ୍ଗ୍ ବେଣ୍ଡିଆ ୱେଡ଼ାତାଙ୍ଗ୍ କରାପ୍ କାମାୟ୍‌ତାଙ୍ଗ୍ ଦେହା ମାନା। ମାପୃତିଙ୍ଗ୍ ହାର୍ଦି ମାନ୍‌ତାଙ୍ଗ୍ ହେବାକିନି ମାନାୟାର୍ ହୁଦାଙ୍ଗ୍ ଏନେଙ୍ଗ୍ ଇ ୱିଜୁ ମାନି କିଦେଙ୍ଗ୍ ଉପାୟ୍ କିୟା ଏନେଙ୍ଗ୍ ଇନାକା ଟିକ୍ ହେଦାଙ୍ଗ୍ କିଦେଙ୍ଗ୍ ଉପାୟ୍ କିୟା। ଖ୍ରୀଷ୍ଟଙ୍ଗ୍ ପାର୍ତି କିୟା, ଜେକନିକାରିଙ୍ଗ୍ ଲାଡ୍ କିୟା, ଆରେ ରିସା ଆୱାଦାଙ୍ଗ୍ ଜେକନିକାର୍‌ତାକେ ହାର୍ ଆଜି ମାନା।

ଏବ୍ରି 12:14

ୱିଜାକାର୍ ହୁଦାଙ୍ଗ୍ ଶାନ୍ତିରେ ମାଞ୍ଜେଙ୍ଗ୍ ଆରେ ପବିତ୍ର ଜିବୁନ୍ କାଟି କିଦେଙ୍ଗ୍ ଉପାୟ୍ କିୟାଟ୍। ଇନେସ୍‌କି ଇମ୍‌ଣାକାର୍ ପବିତ୍ର ଆକାୟ୍ ହେୱାର୍ ମାପୃଙ୍ଗ୍ ହୁଡ଼୍‌ଦେଙ୍ଗ୍ ଆଡୁର୍।

ଜାକ୍‌ବ 1:20

ଇନେସ୍‌କି ଏଚେପାଦ୍ନା ଏପେଙ୍ଗ୍ ରିସା ଆନାଦେର୍, ଈଶ୍ୱର ଇଚାକିତି ଇସାବ୍‌ରେ ଦରମ୍ ଜିବୁନ୍ କାଟି କିଦେଙ୍ଗ୍ ଆଡୁଦେର୍।

୧ ପିତର 3:8

ସେସ୍ ୱେଡ଼ାଙ୍ଗ୍ ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚାନାଙ୍ଗା ଯେ, ୱିଜାକାଦେର୍ ର ମାନ୍ କିନି ଦର୍‌କାର୍। ଏପେଙ୍ଗ୍ ଜାର୍-ଜାର୍ କାଜିଙ୍ଗ୍ କାନିକରମ୍‌ ଆନି ଦର୍‌କାର୍ ଆରେ ର କୁଟୁମ୍‌ନି ମାନାୟାର୍‌ଲେକେ ଜାର୍-ଜାର୍‌ବିତ୍ରେ ଲାଡ୍ କିୟାଟ୍, ଏପେଙ୍ଗ୍ ଜାର୍-ଜାର୍‌ବିତ୍ରେ ଦୟା କିୟାଟ୍ ଆରେ ଦରମ୍ ଆଡ।