ମାର୍କ 9:43 - New Testament in Pengo Parja Language

⁴³ ମାତର୍ ମି କେଇ ପାପ୍ କାମାୟ୍ କିନାତ୍, ଲାଗିଙ୍ଗ୍ ହେ କେଇ କାଦ୍‌ଦି ତୁୟାଟ୍। ରି କେଇ ଆସ୍ତି ନରକ୍‌ତାକେ, ହାନି ବାଦୁଲ୍ କଲା ଆଜି ସରଗ୍‌ତାକେ ହାନାକା ହାର୍।

ସତ୍‌ ବଚନ୍‌ ପୁନି ନିୟମ୍‌

⁴³ ଆରେ, ମି କେଇ ଜଦି ମିଦାଙ୍ଗ୍‌ ବାଦା ଆନାତ୍‌, ତାଙ୍ଗେଙ୍ଗ୍‌ କାଦ୍‌ଦି ତୁସି ହିୟାଟ୍‌, ଆରି ରି କେଇ ଅଜ଼ି ନରକ୍‌, ଇଚିସ୍‌ ହାୱିନାଣି ବିତ୍ରେ ହାନି ବାଟା ଟୁଟାଆଜ଼ି ଜିବୁନ୍‌ତ ହଣଗାନାକା ମି ପାକ୍ୟାତ ହାର୍‌ ।

ମାର୍କ 9:43 ပူးပေါင်းရင်းမြစ်များ

ମାତିଉ 17:27

ମାତର୍ ଆସେଙ୍ଗ୍ ସିସ୍ତୁଏନ୍‌ନାକାରିଙ୍ଗ୍ ବାଦା ହିଉସ୍, ଇଦାଙ୍ଗ୍ କାଜିଙ୍ଗ୍ ହାମ୍‌ଦୁର୍‌ତାକେ ହାଲ୍‌ଜି ବାଣ୍‌ହି ଇଜାଟ୍। ଆରେ ଆଗେ ଇମ୍‌ଣି ମିନ୍ କାପ୍‌ନାତ୍, ହେ ମିନ୍‌ତିଙ୍ଗ୍‌ ଆସ୍ତି ତା ୱେଇ ପାଡ଼ାକିତିସ୍ ର ରୁପାଡାବୁ ଗାଟା ଆନାଦେର୍, ହେଦାଙ୍ଗ୍ ଅଜି ନା କାଜିଙ୍ଗ୍ ଆରେ ମି କାଜିଙ୍ଗ୍ ହେୱାରିଙ୍ଗ୍ ହିୟାଟ୍।

ମାତିଉ 25:41

ତାପାଚେ ରାଜା ତା ଡେବା ବାଗାୟ୍ ମାନି ମାନାୟାରିଙ୍ଗ୍ ୱେଚ୍‌ନାନ୍, ‘ନାବେତାଙ୍ଗ୍ ହାଲାଟ୍। ଈଶ୍ୱର ମି କାଜିଙ୍ଗ୍ ଦଣ୍ଡ୍ ବାଚି କିତାନ୍‌ନା। ଏପେଙ୍ଗ୍ ୱିଜୁଦିନ୍ କାଚାଆନି ନାଣିତାକେ ହାନାଦେର୍। ଇନେସ୍‌କି ଶୟତାନ ଆରେ ତା ଦୁତ୍‌କୁକାଜିଙ୍ଗ୍ ରହିଆତାତ୍‌ନା।’

ମାତିଉ 3:12

ହେୱାନ୍ କେଇଦ ଗହମ୍‌‌ନି ପଲ ଏଡ଼ାଇ କିଦେଙ୍ଗ୍ ତା କେଇଦ ହେଚି ମାନାତ୍। ହେବେତାଙ୍ଗ୍ ହେୱାନ୍ ତାସ୍‌ତିଙ୍ଗ୍ ପଲତାଙ୍ଗ୍ ଏଡ଼ାଇ କିନାନ୍। ହେୱାନ୍ ତା ହେଚିତାଙ୍ଗ୍ ବାଚିକିତି ହାର୍ଦି କୁଲିଙ୍ଗ୍ ରୁଣ୍ଡାଇକିଜି ପାଲ୍‌ତାକେ ଅଜି ଇଟ୍‌ନାନ୍। ତାପାଚେ ପଲ ଆରେ ଦର୍‌କାର୍‌ଆୱି ବାରବିନି ଜିନିଷ୍‌ତିଙ୍ଗ୍ ୱିଜୁଦିନ୍ କାଚାଆନି ନାଣିତାକେ ଅଜି ତୁସିହିନାନ୍‌।”

ମାତିଉ 5:22

ମାତର୍ ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚାନାଙ୍ଗା, ଇନେର୍ ଜାର୍ ଟଣ୍ତେନିଙ୍ଗ୍ ରିସା ଆନାନ୍, ହେୱାନ୍ ବିଚାର୍‌କିନି ବାହାତାକେ ଦଣ୍ଡ୍ ପାୟା ଆନାନ୍। ଆରେ ଇନେର୍ ଯଦି ଜାର୍ ଟଣ୍ତେନିଙ୍ଗ୍ ମୁର୍କ ଇଞ୍ଜି ଇନାନ୍, ହେୱାନ୍ ଗାଜାସବାତାକେ ଦଣ୍ଡ୍ ପାୟା ଆନାନ୍। ଆରେ ଇନେର୍ ଯଦି ବାନ୍ୟା ମାନାୟ୍ ଇଞ୍ଜ୍‌ନାର୍, ହେୱାନ୍ ନାଣିନି ନରକ୍‌ତାକେ ଦଣ୍ଡ୍ ପାୟା ଆନାନ୍।

ମାର୍କ 9:44

ଇନେସ୍‌କି ନରକ୍‌ତାକେ ହେ ପିକୁଙ୍ଗ୍ ହେୱାନ୍ ଗାଗାଡ଼୍‌ତିଙ୍ଗ୍ ତିନ୍‌ଞ୍ଜି ମାନିକ୍, ଆରେ ନାଣିତାକେ ତା ଗାଗାଡ଼୍ କାଡ଼୍‍ଜି ମାନାତ୍ ହେ ନାଣି ଇନାୱେଡ଼ାଙ୍ଗ୍ ପା ହାଉତ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 14:13

ମାତର୍ ବଜି ହିନିହିଙ୍ଗ୍ ଗରିବ୍ ମାନାୟ୍, କୁବ୍‌ଡ଼ାରିଙ୍ଗ୍, ଚଟାରିଙ୍ଗ୍ ଆରେ କାଣାରିଙ୍ଗ୍ କୁକାଟ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 14:21

ଲାଗିଙ୍ଗ୍ ହଲିଆହି ଲେଉଟା ଆଜି ୱାତାନ୍। ଇନାକା ୱିଜୁ ଗଟାଆତାତ୍ ହେ ବିଷୟରେ ତା ମାଲିକ୍‌ତିଙ୍ଗ୍ ୱେଚ୍‌ଚାନ୍। ଇୱିଜୁ ମାଲିକ୍ ୱେନ୍‌ଞ୍ଜି ବେସି ରିସା ରିସାଆଜି, ଜାର୍ ହଲିଆହିରିଙ୍ଗ୍ ୱେଚ୍‌ଚାନ୍, ‘ବେଗି ହାଲ୍‌ଜି ସହର୍ ହାଜିତାଙ୍ଗ୍ ଗରିବ୍‌ରିଙ୍ଗ୍, କୁବ୍‌ଡ଼ାରିଙ୍ଗ୍, କାଣାରିଙ୍ଗ୍ ଆରେ ଚଟାରିଙ୍ଗ୍ ଇବେ କୁକ୍‌ଚି ତାସିୱାଡ।’

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 3:17

ହେୱାନ୍ କେଇଦ ଗହମ୍‌‌ନି ପଲ ଏଡ଼ାଇ କିଦେଙ୍ଗ୍ ତା କେଇଦ ହେଚି ମାନାତ୍। ହେୱାନ୍ ହାର୍ଦି ଗହମ୍‌ ରୁଣ୍ଡାଇକିଜି ଟୁଣ୍ଡିତାକେ ଅଜି ଇଟ୍‌ନାନ୍। ତାପାଚେ ପଲ ଆରେ ଦର୍‌କାର୍‌ଆୱି ବାରବିନି ଜିନିଷ୍‌ତିଙ୍ଗ୍ ୱିଜୁଦିନ୍ କାଚାଆନି ନାଣିତାକେ ଅଜି ତୁସିହିନାନ୍‌।”

ରୋମିୟ 8:13

ଯଦି ଆସେଙ୍ଗ୍ ପାପ୍‍କିନି ଇଚା ଅନୁସାରେ ଜିବୁନ୍ କାଟି କିନାସା, ଆସେଙ୍ଗ୍ ଈଶ୍ୱରତାଙ୍ଗ୍ ଦେହା ଆୟା ଆନାତ୍। ମାତର୍ ଯଦି ଆସେଙ୍ଗ୍ ପବିତ୍ର ଆତ୍ମା ସାଇଜତାଙ୍ଗ୍ ପାପ୍ କାମାୟ୍ କିନି ଇଚାତିଙ୍ଗ୍‌ ବନ୍ଦ୍ କିତିସ୍‌, ଲାଗିଙ୍ଗ୍ ଆସେଙ୍ଗ୍ ଜିଜି ମାନାସ୍।

୧ କରନ୍ତିୟ 9:27

ଆନେଙ୍ଗ୍ କରାପ୍ ଇଚାତାଙ୍ଗ୍ ମାନି କିୱେଦେଙ୍ଗ୍ ଜାର୍ ଗାଗାଡ଼୍‌ତିଙ୍ଗ୍ କଣ୍ଟ୍ରୁଲ୍ କିନାଙ୍ଗା, ଆୱିତିସ୍ ମାନାୟାରିଙ୍ଗ୍ ହାର୍ଦିକାବୁର୍ ଶୁଣାୟ୍ କିନାକା ବେକାର୍ ଆନାତ୍ ଆରେ ନାଙ୍ଗେଙ୍ଗ୍ ପୁରଷ୍କାର୍ ଗାଟାଆଦୁତ୍।

ଗାଲାତିୟ 5:24

ଇମ୍‌ଣାକାର୍ ଯୀଶୁ ଖ୍ରୀଷ୍ଟନି ମାନାୟ୍, ହେୱାର୍ ତା ଗାଗାଡ଼୍‌ନି ଇଚା ଆରେ କରାପ୍ ଚିନ୍ତାତିଙ୍ଗ୍ ତା କୃଶକାଟ୍‌ତାକେ ଅସ୍ତାର୍‌ନା।

କଲସିୟ 3:5

ଲାଗିଙ୍ଗ୍ ପୁର୍ତିନି ପାପ୍‌ନି ୱିଜୁ ଗୁଣ୍‌ତିଙ୍ଗ୍ ପିହାଟ୍, ଇଦାଙ୍ଗ୍‌ନି ଅର୍ତ ଇୱିଜୁ ଗୁଣ୍, ଦାରି କାମାୟ୍, କରାପ୍ କାମାୟ୍, ଅପ୍‌ମାନ୍‌ନି କାମାୟ୍, ମାନ୍ ବିତ୍ରେ ଦାରି ଚିନ୍ତା କିନାକା, କରାପ୍ ଚିନ୍ତା, ଲବ୍ରା ଆନାକା। ରଞ୍ଜାଙ୍ଗ୍ ମୁର୍ତିତିଙ୍ଗ୍ ପୁଜା କିତିଲେକେ।

ତୀତସ 2:12

ଆସେଙ୍ଗ୍ ଇନେସ୍ ଅଦରମ୍‌ ଆରେ ପୁର୍ତିନି ଇଚାତାଙ୍ଗ୍ ପିସ୍ତି ଇ ନଙ୍ଗୟ୍‌ନି ଯୁଗ୍‌ତ ଇ ପୁର୍ତିତାକେ ବୁଦି ହୁଦାଙ୍ଗ୍, ଦରମ୍ ମାନାୟ୍ ଆଜି ଜିବୁନ୍ କାଟିକିନି ଦର୍‌କାର୍।

ଏବ୍ରି 12:1

ଏ ପାର୍ତିକିନି ମାନାୟ୍ କାଦେର୍, ହେୱାର୍ ଜିବୁନ୍ କାତାତାଙ୍ଗ୍ ପାର୍ତିନି ଅର୍ତ ଇନାକା ୱେଚ୍‌ନାର୍। ଇ ମାନାୟାର୍ ମା ଚାରିବେଣ୍‌ତାଙ୍ଗ୍ ସାକି ଲେକେ ଆଜି ମାନାରା। ଲାଗିଙ୍ଗ୍ ମାଙ୍ଗେଙ୍ଗ୍ ବେସି ସହଜ୍‌ରେ ବାଦାକିନି ପାପ୍‌ତିଙ୍ଗ୍ ନଙ୍ଗୟ୍ ୱିଜୁ ବିଷୟତିଙ୍ଗ୍ ଦେହାକିନି ଦର୍‌କାର୍। ଆରେ ଈଶ୍ୱର ମା କାଜିଙ୍ଗ୍ ଇମ୍‌ଣି ହାଜି ଇଡ଼୍‌ତାନ୍‌ନା, ହେବେ ସାହାସ୍ ହୁଦାଙ୍ଗ୍ ହନ୍‌ନି ଦର୍‌କାର୍।

୧ ପିତର 2:1

ହେଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ୱିଜୁ ପର୍‌କାର୍ କରାପ୍ କାମାୟ୍ କିନି କାଜିଙ୍ଗ୍ ମୁନା କିୟାଟ୍। ଏପେଙ୍ଗ୍ ଜେକନି ମାନାୟାରିଙ୍ଗ୍ ଟକାୟ୍ କିମାଟ୍, ଏପେଙ୍ଗ୍ ହାର୍ ଇଞ୍ଜି ଜାର୍‌ତିଙ୍ଗ୍ ବାଟ୍‌ପାଣ୍ ଆମାଟ୍, ଏପେଙ୍ଗ୍ ଜେକନି ମାନାୟାରିଙ୍ଗ୍ ଆକାର୍ ଆମାଟ୍ ଆରେ ମାନାୟାର୍ ବିରଦ୍‌ତାକେ କରାପ୍ କାତା ୱେଚ୍‌ମାଟ୍।