ମାର୍କ 9:37 - New Testament in Pengo Parja Language

³⁷ “ଇନେର୍ ପା ନା ତର୍‍ଦାଙ୍ଗ୍ ଇଲେକେ ହିରୁ ହିମ୍‌ଣାତିଙ୍ଗ୍ ମାନି କିନାନ୍, ହେୱାନ୍ ନାଙ୍ଗେଙ୍ଗ୍ ମାନିକିଦ୍‌ନାନ୍। ଆରେ, ଇନେର୍ ପା ନାଙ୍ଗେଙ୍ଗ୍ ମାନିକିଦ୍‌ନାନ୍, ହେୱାନ୍ ନାଙ୍ଗେଙ୍ଗ୍ ନେ ମାନିକିଦୁନା ମାତର୍ ନାଙ୍ଗେଙ୍ଗ୍ ପକ୍ତିତି ଈଶ୍ୱରତିଙ୍ଗ୍ ପା ମାନି କିନାନ୍।”

ସତ୍‌ ବଚନ୍‌ ପୁନି ନିୟମ୍‌

³⁷ “ଇନେର୍‌ ନା ତର୍‌ଦ ଏଲେଙ୍ଗ୍‌ ହାରୁ ହିମ୍‌ଣା ବିତ୍ରେ ରକାନିଂ ଇଟ୍‌ନାର୍‌, ହେୱାନ୍‌ ନାଙ୍ଗେଙ୍ଗ୍‌ ଇଟ୍‌ନାନ୍‌, ଇନେର୍‌ ନାଙ୍ଗେଙ୍ଗ୍‌ ଇଟ୍‌ନାନ୍‌, ମାତର୍‌ ନା ପକ୍ତିତି ଆବାଙ୍ଗ୍‌ ମାନି କିନାନ୍‌ ।”

ମାର୍କ 9:37 ပူးပေါင်းရင်းမြစ်များ

ମାତିଉ 18:10

ସାବ୍‌ଦାନ୍ ଆଜି ମାନାଟ୍, ଇ ହିରୁକାନ୍ ବିତ୍ରେତାଙ୍ଗ୍ ରକାନିଙ୍ଗ୍ ପା ଗିଣ୍ କିମାଟ୍। ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା, ଇୱାରିଙ୍ଗ୍ ଜାତୁନ୍ କିଦେଙ୍ଗ୍ ସରଗ୍‌ନି ଦୁତ୍‌କୁ ମାନିକ୍। ଆରେ ହେ ଦୁତ୍‌କୁ ୱିଜୁଦିନ୍ ନା ସରଗ୍‌ନି ଆବା ଈଶ୍ୱରତାକେ ମାନିକ୍‌।

ମାତିଉ 25:40

ଏଚେପାଦ୍ନା ଆନେଙ୍ଗ୍ ରାଜା ୱେଚ୍‌ଚାନାଙ୍ଗ୍, ‘ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା। ଏପେଙ୍ଗ୍ ନାବେ ପାର୍ତିକିନି ଟଣ୍ଡାର୍ ବିତ୍ରେତାଙ୍ଗ୍ ରକାନିଙ୍ଗ୍ ଇନାକା କିତାଦେର୍‌ନା। ହେଦାଙ୍ଗ୍ ଏପେଙ୍ଗ୍ ନା କାଜିଙ୍ଗ୍ କିତାଦେର୍‌ନା।’

ମାର୍କ 9:36

ତାପାଚେ ଯୀଶୁ ର ହିରୁ ହିମ୍‌ଣାତିଙ୍ଗ୍ କୁଚ୍‌ଚି ତା ଲାଗାୟ୍ ନିଲି କିତାନ୍, ଆରେ ହେୱାନିଙ୍ଗ୍ ପମ୍‌ଜି ତା ଚେଲାରିଙ୍ଗ୍ ୱେଚ୍‌ଚାନ୍,

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 10:16

“ଏଚେପାଦ୍ନା ଇମ୍‌ଣାକାନ୍ ମି କାତାତିଙ୍ଗ୍ ୱେନାନ୍, ହେୱାନ୍ ହାତ୍‌ପା ନା କାତାତିଙ୍ଗ୍ ପା ୱେନାନ୍। ହେପାଦ୍ନା ରକାନ୍ ମିଙ୍ଗେଙ୍ଗ୍ ଆସ୍ତେଙ୍ଗ୍ ମୁନା କିଦ୍‌ନାନ୍, ହେୱାନ୍ ନାଙ୍ଗେଙ୍ଗ୍ ପା ଆସ୍ତେଦେଙ୍ଗ୍ ମୁନା କିନାନ୍। ଆରେ ଏଚେପାଦ୍ନା ନାଙ୍ଗେଙ୍ଗ୍ ମୁନା କିଦ୍‌ନାନ୍, ହେୱାନ୍ ହାତ୍‌ପା ନାଙ୍ଗେଙ୍ଗ୍ ପକ୍ତିତି ଈଶ୍ୱରତିଙ୍ଗ୍ ଆସ୍ତେଙ୍ଗ୍ ମୁନା କିନାନ୍।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 9:48

ଯୀଶୁ ତା ଚେଲାହିରିଙ୍ଗ୍ ୱେଚ୍‌ଚାନ୍, “ଇନେର୍ ପା ନା ତର୍‍ଦାଙ୍ଗ୍ ଇ ହିରୁ ହିମ୍‌ଣାକାଙ୍ଗ୍ ଆହ୍‌ନାନ୍, ହେୱାନ୍ ନାଙ୍ଗେଙ୍ଗ୍ ଆସ୍ତାନାନ୍। ଆରେ ଇନେର୍ ନାଙ୍ଗେଙ୍ଗ୍ ଆସ୍ତାନାନ୍, ହେୱାନ୍ ନାଙ୍ଗେଙ୍ଗ୍ ପକ୍ତିତି ଆବାଙ୍ଗ୍ ଆହ୍‌ନାନ୍। ଲାଗିଙ୍ଗ୍ ମି ବିତ୍ରେତାଙ୍ଗ୍ ଇନେର୍ ଦରମ୍‌ଆଜି ହିରୁକାନ୍ ଆନାନ୍ ହେୱାନ୍‌ନେ ଗାଜାକାନ୍ ଆନାନ୍।”

ଜହନ୍‌ 10:30

ଆନେଙ୍ଗ୍ ଆରେ ନା ଆବା ଈଶ୍ୱର ରିୟାପ୍ ନେ ରକାପ୍‌।”

ଜହନ୍‌ 13:20

ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା, ଆନେଙ୍ଗ୍ ପକ୍ତାତାକାନିଙ୍ଗ୍ ଇନେର୍ ଆହ୍‌ନାନ୍, ହେୱାନ୍ ନାଙ୍ଗେଙ୍ଗ୍ ଆସ୍ତାନାନ୍। ନାଙ୍ଗେଙ୍ଗ୍ ଇମ୍‌ଣାକାନ୍ ଆସ୍ତାନାନ୍, ହେୱାନ୍ ନାଙ୍ଗେଙ୍ଗ୍ ପକ୍ତିତି ଆବାଙ୍ଗ୍ ପା ଆହ୍‌ନାନ୍।”

ଜହନ୍‌ 5:23

ଇମ୍‌ଣାକାନ୍ ମେହିଙ୍ଗ୍ ସନ୍‌ମାନ୍ କିଉନ୍, ତାଙ୍ଗେଙ୍ଗ୍ ପକ୍ତି ଆବାଙ୍ଗ୍ ପା ସନ୍‌ମାନ୍ କିଉଦେର୍।”

୧ ଥେସଲନୀକିୟ 4:8

ଲାଗିଙ୍ଗ୍ ଇମ୍‌ଣି ମାନାୟ୍, ଇ ହିକ୍ଷାତିଙ୍ଗ୍ ଆହୁନ୍, ହେୱାନ୍ ମାନାୟାର୍ ହିକ୍ଷାତିଙ୍ଗ୍ ଆହ୍‌ନାନା, ଲାଗିଙ୍ଗ୍ ହେୱାନ୍ ପବିତ୍ର ଆତ୍ମା ହିଦ୍‌ନି ଈଶ୍ୱରତିଙ୍ଗ୍ ଆହୁନ୍।