ମାର୍କ 9:31 - New Testament in Pengo Parja Language

³¹ ଯୀଶୁ ତା ଚେଲାର୍ ହୁଦାଙ୍ଗ୍ ମାନ୍‌ଞ୍ଜି ହିକ୍ଷାହିଦେଙ୍ଗ୍ ମାନ୍ କିଜି ମାଚାନ୍। ଆରେ ହେୱାନ୍ ୱେଚ୍‌ଚାନ୍, “ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣାଙ୍ଗ୍ ର ମାନାୟ୍ ଶାତ୍ରୁ କେଇଦ ଆହିକିନାନ୍, ଆରେ ହେୱାର୍ ହେୱାନିଙ୍ଗ୍ ମାର୍ନେ ଅହ୍‌ନାର୍, ଆରେ ହେୱାନ୍ ହାଃତି ପାଚେ ତିନ୍‌ଦିନ୍‌ତାଙ୍ଗ୍ ଆରେରଗ ଯିବୁନ୍ ଆନାନ୍।”

ସତ୍‌ ବଚନ୍‌ ପୁନି ନିୟମ୍‌

³¹ ଇନାକିଦେଂକି ହେୱାନ୍‌ ତା ଚେଲାରିଂ ଇ କାତା ଇଞ୍ଜି ହିକ୍ୟା ହିଜ଼ି ମାଚାନ୍‌, ହେୱାନ୍‌ ହେୱେରିଂ ଇଚାନ୍‌ । “ମାନାୟ୍‌ ମାଜ଼ି ମାନାୟ୍‌ କେଇଦ ହେଲାୟ୍‌ କିୟା ଆନାନ୍‌, ଆରେ ହେୱାର୍‌ ହେୱାନିଂ ଟ୍ରାକ୍‌ନାର୍‌ ଆରେ ହେୱାନ୍‌ ହାତି ପାଚେ ତିନ୍‌ଦିନ୍‌ ତାଙ୍ଗ୍‌ ପାଚେ ଆରେ ନିଙ୍ଗ୍‌ନାନ୍‌ ।”

ମାର୍କ 9:31 ပူးပေါင်းရင်းမြစ်များ

ମାତିଉ 16:21

‌ନଙ୍ଗୟ୍‌ତାଙ୍ଗ୍ ଯୀଶୁ ଖ୍ରୀଷ୍ଟ ତା ଚେଲାରିଙ୍ଗ୍ ବୁଜାଇକିଜି ୱେଚ୍‌ଚେଙ୍ଗ୍ ଲାଗାତାନ୍, ଆନେଙ୍ଗ୍ ଯିରୁଶାଲାମ ସହର୍‌ତାକେ ହାଞ୍ଜେଙ୍ଗ୍ ଆନାତ୍। ହେବେ ପ୍ରାଚିନ୍‌, ଈଶ୍ୱର ହେବାକିନି ମୁଡ଼୍‌ଦି ପୁଜାରିର୍ ଆରେ ଯିହୁଦି ଦରମ୍‌ନି ପଣ୍ଡିତାର୍ ନାଙ୍ଗେଙ୍ଗ୍ ହିନସ୍ତାକିଜି ମାର୍ନେ ଅସ୍ତାନାର୍। ମାତର୍ ଆନେଙ୍ଗ୍ ତିନ୍‌ଦିନ୍ ପାଚେ ଆରେରଗ ନିଙ୍ଗ୍‌ନାଙ୍ଗ୍।

ମାତିଉ 20:28

ହେଲେକେ ଆନେଙ୍ଗ୍ ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା ପା ହେବା ପାୟା ଆଦେଙ୍ଗ୍ ୱାୱାତାନ୍‌ନା। ମାତର୍ ୱିଜାକାର୍ କାଜିଙ୍ଗ୍ ହାଃଜି ମୁକ୍ତି ହିଦେଙ୍ଗ୍ ୱାତାନ୍‌ନା।”

ମାତିଉ 26:2

ରିଦିନ୍ ପାଚେ ନିସ୍ତାର୍ ପାର୍ବୁ ଆନାତ୍ ଇଦାଙ୍ଗ୍ ଏପେଙ୍ଗ୍ ପୁନାଟ୍। ଆରେ ଆନେଙ୍ଗ୍ ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା କୃଶକାଟ୍‌ତାକେ ହାଃନି କାଜିଙ୍ଗ୍ ଆହିୟା ଆନାଙ୍ଗ୍।

ମାତିଉ 27:63

ହେୱାର୍ ୱେଚ୍‌ଚାର୍, ମାପୃ ମା ମାନ୍ତ ମାନାତ୍ ଯେ ମିଚ୍ ୱେଚ୍‌ନାକାନ୍ ହେୱାନ୍ ଜିଜି ମାନିହିଙ୍ଗ୍ ୱେଚ୍‌ଚି ମାନ୍‌ଞ୍ଚାନ୍, ତିନ୍‌ଦିନ୍ ପାଚେ ଆନେଙ୍ଗ୍ ଆରେ ଜିବୁନ୍‌ଆଜି ନିଙ୍ଗ୍‌ନାଙ୍ଗ୍।

ମାର୍କ 10:34

ଆରେ, ବିନ୍‌ଜାତିର୍ ମାନାୟ୍ ଯୀଶୁଙ୍ଗ୍ ଇନସ୍ତା କିନାର୍, ତା ଜପି ଏଉଡ଼ିଙ୍ଗ୍ ଚୁପ୍‌ନାର୍, ହେୱାନିଙ୍ଗ୍ କୋରଡା ହୁଦାଙ୍ଗ୍ ଇଡ଼୍‌ଜି ପାଗ୍‌ନାର୍, ଆରେ ତିନ୍‌ଦିନ୍ ହାଚି ପାଚେ ହେୱାନ୍ ଆରେରଗ ଜିବୁନ୍ ପାୟା ଆନାନ୍।”

ମାର୍କ 8:31

ଯୀଶୁ ତା ଚେଲାହିରିଙ୍ଗ୍ ହିକ୍ଷାହିଦେଙ୍ଗ୍ ଲାଗାତାନ୍, ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣାତିଙ୍ଗ୍ ବେସି ଦୁଃକ୍ ପାୟ୍‌କିଦେଙ୍ଗ୍ ଆନାତ୍। ଆରେ ପ୍ରାଚିନ୍‌, ଈଶ୍ୱର ହେବାକିନି ମୁଡ଼୍‌ଦି ପୁଜାରିର୍ ଆରେ ଯିହୁଦି ଦରମ୍‌ନି ପଣ୍ଡିତାର୍ କାଜିଙ୍ଗ୍ ହିନସ୍ତା ପାୟାଆଜି ହାଃଦେଙ୍ଗ୍ ଆନାତ୍। ଆରେ ହେୱାନ୍ ହାଃଜି ତିନ୍‌ଦିନ୍ ପାଚେ ଆରେରଗ ନିଙ୍ଗ୍‌ନାନ୍।

ମାର୍କ 9:12

ଯୀଶୁ ତା ଚେଲାହିରିଙ୍ଗ୍ ୱେଚ୍‌ଚାନ୍, “ଈଶ୍ୱର ଏଲିୟଙ୍ଗ୍ ପାର୍ତୁମ୍ ପକ୍‌ନି କାତା, ଆରେ ରକ୍ଷାକିଦ୍ନାକାନ୍‌ ୱାୱି ଆଗେ ହେୱାନ୍ ୱାଜି ମାନାୟାର୍ ଗରବ୍‌ତିଙ୍ଗ୍ ରହନାକା ସତ୍। ମାତର୍ ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚାନାଙ୍ଗା, ‘ଏଲିୟ ୱାତାନେ।’ ଆରେ ଆଗେନି ଭବିଷ୍ୟତବକ୍ତାର୍‌ ୱେଚ୍‌ଚିଲେକେ ମା ନାୟକାର୍ ମାନ୍ଇଚା ବାଉରାଆଜି ହେୱାନିଙ୍ଗ୍ ଇନସ୍ତା କିତାର୍। ହେଲେକେନେ ଆନେଙ୍ଗ୍, ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା, ବିଷୟରେ ଦରମ୍ ସାସ୍ତର୍‌ତାକେ ବେସି ଲେକାଆତାତ୍‌ନା ଯେ ଆନେଙ୍ଗ୍ ବେସି ଦୁଃକ୍ ପାୟାଆନାଙ୍ଗ୍, ଆରେ ମାନାୟାର୍ ନାଙ୍ଗେଙ୍ଗ୍ ଆସ୍ତୁର୍।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 24:26

ଭବିଷ୍ଯତବକ୍ତାର୍ ୱେଚ୍‌ଚି ମାନ୍‌ଞ୍ଚାର୍ ଯେ ଖ୍ରୀଷ୍ଟ ତା ଅଜଡ଼୍‌ତାଙ୍ଗ୍ ୱାୱି ଆଗେଲେକେ ଦୁକ୍‌କଷ୍ଟ ପାୟାଆଜି ହାଃନାନ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 9:44

ଯୀଶୁ ଇନା ଇନାକା କାମାୟ୍ କିଜି ମାଚାନ୍ ମାନାୟାର୍ ହେଦାଙ୍ଗ୍ ହୁଡ଼୍‌ଜି କାବାଆଜି ମାଚାର୍। ହେପାଦ୍ନା ହେୱାନ୍ ଜାର୍ ଚେଲାହିରିଙ୍ଗ୍ ୱେଚ୍‌ଚାନ୍, “ନଙ୍ଗୟ୍ ଆନେଙ୍ଗ୍ ମିଙ୍ଗେଙ୍ଗ୍ ଇନାକା ୱେଚ୍‌ଚାନାଙ୍ଗ୍, ହେଦାଙ୍ଗ୍ ବାଣା ଆମାଟ୍। ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣାତିଙ୍ଗ୍ ର ମାନାୟ୍ ଶାତ୍ରୁ କେଇଦ ଆହିକିନାନ୍।”

ଜହନ୍‌ 10:18

ଇନେର୍ ପା ନାବେତାଙ୍ଗ୍ ନା ଜିବୁନ୍ ଅଦେଙ୍ଗ୍ ଆଡୁର୍। ଆନେଙ୍ଗ୍ ନା ଇଚାରେ ଜିବୁନ୍ ହିନାଙ୍ଗ୍। ଆନେଙ୍ଗ୍ ନା ଜିବୁନ୍ ହିନାକା ଆଦିକାର୍ ମାନାତ୍। ଆରେ ନା ଜିବୁନ୍ ଆରେରଗ ପାୟାଆନି ଆଦିକାର୍ ପା ମାନାତ୍। ଆବା ଈଶ୍ୱର ନାଙ୍ଗେଙ୍ଗ୍ ଇ ଆଦେସ୍ ହିଜି ୱେଚ୍‌ଚାତାନ୍‌ନା।”

ଜହନ୍‌ 2:19

ଯୀଶୁ ୱେଚ୍‌ଚାନ୍, “ଏପେଙ୍ଗ୍ ଇ ଈଶ୍ୱର ମାନି ମନ୍ଦିର୍‌ତିଙ୍ଗ୍ ବାଡ଼୍‌ହାଇ କିୟାଟ୍। ଆରେ ଆନେଙ୍ଗ୍ ଇଦାଙ୍ଗ୍‌ ତିନ୍‌ଦିନ୍‌ତାଙ୍ଗ୍ ଆରେରଗ ରସ୍ତି ହିଦ୍‌ନାଙ୍ଗ୍।”

ଜହନ୍‌ 3:14

ମୋଶା ଟାଙ୍ଗ୍ରାବାହାତାକେ ରାଚ୍‌ତିଙ୍ଗ୍ ଜପି ଗାଚ୍‌ଚି ମାଚାନ୍। ହେଲେକେନେ ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣାତିଙ୍ଗ୍ କୃଶକାଟ୍‌ତାକେ ଦୁପ୍‌ନାର୍‌।

୨ ତିମଥି 2:12

ଯଦି ଆସେଙ୍ଗ୍ ହେୱାନ୍ କାଜିଙ୍ଗ୍ ସାହାସ୍ ଆସ୍ତି କିନାସ୍, ଲାଗିଙ୍ଗ୍ ହେୱାନ୍ ହୁଦାଙ୍ଗ୍ ପା ରାଜା ଲେକେ ଆଜି ସାସନ୍ କିନାସ୍। ଯଦି ଆସେଙ୍ଗ୍ ହେୱାନିଙ୍ଗ୍ ପୁନୁଙ୍ଗ୍ ଇଞ୍ଜି ୱେଚ୍‌ନାସ୍, ଲାଗିଙ୍ଗ୍ ହେୱାନ୍ ପା ମାଙ୍ଗେଙ୍ଗ୍ ତା ମାନାୟ୍ ଇଞ୍ଜି ୱେଚୁନ୍।