ମାର୍କ 9:29 - New Testament in Pengo Parja Language

²⁹ ଯୀଶୁ ତା ଚେଲାହିରିଙ୍ଗ୍ ୱେଚ୍‌ଚାନ୍, “ଇଲେଗ୍‌ଦି ବୁତ୍ଆତ୍ମାତିଙ୍ଗ୍ ପିହିକିଦେଙ୍ଗ୍ ଇଚି ପାର୍ତାନା ଉପାସ୍ କିଦେଙ୍ଗ୍ ଲାଗ୍‌ଦାନାତ୍, ଆରେ ଜେକନି ଉପାୟ୍ ଆକାଇ।”

ସତ୍‌ ବଚନ୍‌ ପୁନି ନିୟମ୍‌

²⁹ ଜିସୁ ହେୱାରିଂ ଇଚାନ୍‌, “ପାର୍ତାନା ଆୱିତିସ୍‌ ଆରି ଇମ୍‌ଣି ବାନ୍ୟା ପୁଦା ପିହିକିୟା ଆଉତ୍‌ ।”

ମାର୍କ 9:29 ပူးပေါင်းရင်းမြစ်များ

ମାତିଉ 12:45

ହେପାଦ୍ନା ହେ ବୁତ୍ଆତ୍ମା ହାଲ୍‌ଜି ତାବେତାଙ୍ଗ୍ ଆରେ ଆଦିକ୍ ବାନ୍ୟା ସାତ୍‌ଜାଣ୍ ବୁତ୍‌କୁକାଙ୍ଗ୍ କୁକ୍‌ଚି ତାନାତ୍। ହେ ବୁତ୍‌କୁ ୱିଜୁ ହେ ମାନାୟ୍‌ବିତ୍ରେ ହଣ୍‌ଜି ରବେ ମାନ୍‌ଗିନିକ୍। ହେଲେକେ ହେ ମାନାୟ୍ ଅବସ୍ତା ଆଗେଲେକେ ଆଦିକ୍ କରାପ୍ ଆନାତ୍। ଇ ଯୁଗ୍‌ନି କରାପ୍ ମାନାୟାର୍ ବିତ୍ରେ ପା ହେଲେକେ ଗଟାଆନାତ୍।”

ମାତିଉ 17:20

ଯୀଶୁ ହେୱାରିଙ୍ଗ୍ ୱେଚ୍‌ଚାନ୍, “ଏପେଙ୍ଗ୍ ଅଲପ୍ ପାର୍ତି କିନାଦେରା। ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା, ଯଦି ମିବେ ର ହାର୍‌ହୁ ମାଞ୍ଜି ଲେକେ ପାର୍ତି ମାନ୍‌ଗାନାତ୍, ଲାଗିଙ୍ଗ୍ ମାଡ଼ିତିଙ୍ଗ୍ ଇବେତାଙ୍ଗ୍ ହେବେ ଗୁଚାଆ ଇଞ୍ଜି ୱେଚିସ୍ ହେ ମାଡ଼ି ଗୁଚା ଆନାତ୍। ଆରେ ଇନାକାପା ନି ବେଣ୍‌ତିଙ୍ଗ୍ ମାନିକିୱାକା ହିଲ୍‌ଗୁତ୍।

ମାତିଉ 17:21

ମାତର୍ ପାର୍ତାନା ଆରେ ଉପାସ୍ କିୱିତିସ୍ ଜେକନି ଇନା ଉପାୟ୍ ତାକେ ପା ଇଲେଗ୍‌ଦି ବୁତ୍ ହସିହାଲୁତ୍।”

ମାର୍କ 9:28

ଯୀଶୁ ଆରେ ତା ଚେଲାହିର୍ ଇଞ୍ଜ ହାଚି ପାଚେ ଇନେର୍ ହିଲିହିଙ୍ଗ୍ ହେୱାନିଙ୍ଗ୍ ୱେନ୍ବାତାର, “ଆପେଙ୍ଗ୍ ଇନା କିଦେଙ୍ଗ୍ ହେ ବୁତ୍ଆତ୍ମାତିଙ୍ଗ୍ ପିହିକିଦେଙ୍ଗ୍ ଆଡ୍‌ୱାତାପ୍?”

ମାର୍କ 9:30

ତାପାଚେ ଯୀଶୁ ଆରେ ତା ଚେଲାହିର୍ ହେ ବାହା ପିସ୍ତି ଗାଲିଲୀ ଜିଲ୍ଲା ହିଜି ହାଚାର୍। ଯୀଶୁ ଇମେତାକେ ମାନାନ୍ ଇଞ୍ଜି, ଇନେର୍ ପା ପୁନ୍‌ମେର୍ ଇଞ୍ଜି ମାନ୍ କିଜି ମାଚାନ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 11:26

ହେପାଦ୍ନା ହେ ବୁତ୍ଆତ୍ମା ହାଲ୍‌ଜି ତାବେତାଙ୍ଗ୍ ଆରେ ଆଦିକ୍ ବାନ୍ୟା ସାତ୍‌ଜାଣ୍ ବୁତ୍‌କୁକାଙ୍ଗ୍ କୁକ୍‌ଚି ତାନାତ୍। ହେ ବୁତ୍‌କୁ ୱିଜୁ ହେ ମାନାୟ୍‌ବିତ୍ରେ ହଣ୍‌ଜି ରବେ ମାନ୍‌ଗିନିକ୍। ହେଲେକେ ହେ ମାନାୟ୍ ଅବସ୍ତା ଆଗେଲେକେ ଆଦିକ୍ କରାପ୍ ଆନାତ୍।”

ପକ୍ୟାତାକା 14:23

ପାଉଲ ଆରେ ବର୍ଣ୍ଣବା ୱିଜୁ ମଣ୍ଡ୍‌ଲିତାକେ ପ୍ରାଚିନାରିଙ୍ଗ୍ ବାଚିକିତାର୍ ଆରେ ଉପାସ୍ କିଜି ପାର୍ତାନା କିତାର୍। ହେୱାର୍ ପାର୍ତିକିନି ମାପୃ ଲାଗାୟ୍ ପ୍ରାଚିନ୍‌ ଆରେ ପାର୍ତିକିନି ମାନାୟାରିଙ୍ଗ୍ ହାର୍‌ପି କିଜି ହିତାର୍।

୧ କରନ୍ତିୟ 9:27

ଆନେଙ୍ଗ୍ କରାପ୍ ଇଚାତାଙ୍ଗ୍ ମାନି କିୱେଦେଙ୍ଗ୍ ଜାର୍ ଗାଗାଡ଼୍‌ତିଙ୍ଗ୍ କଣ୍ଟ୍ରୁଲ୍ କିନାଙ୍ଗା, ଆୱିତିସ୍ ମାନାୟାରିଙ୍ଗ୍ ହାର୍ଦିକାବୁର୍ ଶୁଣାୟ୍ କିନାକା ବେକାର୍ ଆନାତ୍ ଆରେ ନାଙ୍ଗେଙ୍ଗ୍ ପୁରଷ୍କାର୍ ଗାଟାଆଦୁତ୍।

୨ କରନ୍ତିୟ 11:27

ଆନେଙ୍ଗ୍ କେତ୍‌ହଟ୍ ନାଣାଲିଙ୍ଗ୍ ହୁଞ୍ଜ୍‌ୱାଦାଙ୍ଗ୍ ବେସି ସମୟ୍ ପାତେକ୍ କଷ୍ଟ କାମାୟ୍ କିଜି ମାଚାଙ୍ଗ୍। ଆନେଙ୍ଗ୍ ନାସ୍‌କି ଆରେ ଏସ୍‌କି ପାୟାଆଜି ମାଚାଙ୍ଗ୍ ଆରେ ଆନେଙ୍ଗ୍ କେତ୍‌ହଟ୍ କାଦି ତିନ୍‌ୱାଦାଙ୍ଗ୍ ହାଲ୍‌ଜି ମାଚାଙ୍ଗ୍। ଆନେଙ୍ଗ୍ ପିନିତିଙ୍ଗ୍ ବେସି ତ୍ରିଗ୍‍ଜି ମାଚାଙ୍ଗ୍, ଇନେସ୍‌କି ନାବେ ହେନ୍ଦ୍ରାଙ୍ଗ୍ ହିଲିତିକ୍।

୨ କରନ୍ତିୟ 12:8

ମାପୃଙ୍ଗ୍ ତିନ୍‌ହଟ୍ ନା ଗାଗାଡ଼୍‌ନି ୱାଡ଼ିତିଙ୍ଗ୍ ଉନ୍‌ନ୍ଦେଙ୍ଗ୍ ପାର୍ତାନା କିଜି ମାଚାଙ୍ଗ୍।

୨ କରନ୍ତିୟ 6:5

ମାଙ୍ଗେଙ୍ଗ୍ ମାନାୟାର୍ ଟ୍ରାକ୍‌ତାତାର୍, ଜଇଲ୍ ଇଞ୍ଜ ଇଡ଼୍‍ଦାତାର୍, ମାଙ୍ଗେଙ୍ଗ୍ ରିସା ଆତ୍‌ତାର୍, ଆପେଙ୍ଗ୍ ୱାହ୍‌ନି ପାତେକ୍ କାମାୟ୍ କିଜି ମାଚାପ୍, ଆପେଙ୍ଗ୍ କେତ୍‌ଦିନ୍ ହୁଞ୍ଜ୍‌ୱାଦାଙ୍ଗ୍ ମାଚାପ୍, ଆରେ ଆପେଙ୍ଗ୍ କେତ୍‌ହଟ୍ ନାସ୍‌କି ମାଚାପ୍।

ଏପିସିୟ 6:18

ୱିଜୁଦିନ୍ ପବିତ୍ର ଆତ୍ମା ସାଇଜତାଙ୍ଗ୍ ଈଶ୍ୱରତାକେ ପାର୍ତାନା ଆରେ ଗୁୱାରି କିୟାଟ୍। ଆରେ ୱିଜୁ ସାଦୁ ମାନାୟାର୍ କାଜିଙ୍ଗ୍ କାସି ମାନ୍‌ଞ୍ଜି ପାର୍ତାନା କିୟାଟ୍।

ଜାକ୍‌ବ 5:15

ପାର୍ତିତାଙ୍ଗ୍ ପାର୍ତାନା କିତିସ୍ ହେ ବେମାର୍ ମାନାୟ୍ ହାର୍ ଆନାନ୍। ଇନେସ୍‌କି ମାପୃ ହେୱାନିଙ୍ଗ୍ ହାର୍‌କିନାନ୍‌, ଆରେ ଯଦି ହେୱାନ୍ ପାପ୍ କିଜିମାଚିସ୍, ଈଶ୍ୱର ହେୱାନିଙ୍ଗ୍ କେମା କିନାନ୍।