ମାର୍କ 8:2 - New Testament in Pengo Parja Language

² “ଇ ମାନାୟାର୍ ତିନ୍‌ଦିନ୍ ଆତାତେ ନା ଲାହାଙ୍ଗ୍ ମାନାରା। ମାତର୍ ନଙ୍ଗୟ୍ ଇୱାର୍ ତାକେ ଇନାକାପା ଚିଞ୍ଜେଙ୍ଗ୍ ହିଲୁତ୍। ହେଦାଙ୍ଗ୍ କାଜିଙ୍ଗ୍ ନାଙ୍ଗେଙ୍ଗ୍ ଦୁଃକ୍ ହତ୍‍ନାତା।

ସତ୍‌ ବଚନ୍‌ ପୁନି ନିୟମ୍‌

² “ହେନି ମାନାୟାର୍‌ କାଜିଂ ନାଙ୍ଗ୍‌ କାର୍ମା ହତ୍‌ନାତା, ଇନାକିଦେଂକି ଇୱାର୍‌ ତିନି ଦିନ୍‌ ଆତାରେ ନା ହୁଦାଂ ମାନ୍‌ଞ୍ଜି ୱାନାରା ଆରେ ହେୱାର୍‌ ତାକେ ଇନାକାପା ତିନାକା ହିଲୁତ୍‌,”

ମାର୍କ 8:2 ပူးပေါင်းရင်းမြစ်များ

ମାତିଉ 14:14

ଡଙ୍ଗାତାଙ୍ଗ୍ ଜୁଜି ଯୀଶୁ ହୁଡ଼୍‌ତାନ୍, ହେବେ ବେସିହେନି ମାନାୟାର୍ ରୁଣ୍ଡା ଆତାର୍‌ନା। ମାନାୟାରିଙ୍ଗ୍ ହୁଡ଼୍‌ଜି କାର୍‌ମାଆଜି କେତେକ୍ ରଗିୟାରିଙ୍ଗ୍ ହାର୍‍କିତାନ୍।

ମାତିଉ 20:34

ଆରେ ଯୀଶୁ କାର୍‌ମାଆଜି ହେୱାର୍ କାଣ୍‍କୁକାଙ୍ଗ୍ ଆସ୍‌ପିତି ଦାପ୍ରେ ହେୱାର୍ କାଣ୍‌କୁ ହୁଡ଼୍‌ତାର୍ ଆରେ ତା ଲାହାଙ୍ଗ୍ ପାଚେ-ପାଚେ ହାଚାର୍।

ମାତିଉ 9:36

ଯୀଶୁ ମାନାୟାରିଙ୍ଗ୍ ହୁଡ଼୍‌ଜି ଜିବୁନ୍ କାଡିକିତାନ୍। ଇନେସ୍‌କି ହେୱାର୍ ଗଡ଼ିୟା ହିଲ୍‌ୱି ମେଣ୍ଢାଙ୍ଗ୍ ଲେକେ ମାଚାର୍। ଆରେ ହେୱାର୍ ଚିନ୍‌ବିନ୍ ଆଜି ଦୁକ୍‌କଷ୍ଟ ପାୟାଆଜି ମାଚାର୍।

ମାର୍କ 1:41

ହେବେତାଙ୍ଗ୍ ଯୀଶୁ କାର୍‌ମାଆଜି କେଇ ଲାମାୟ୍ କିଜି ତାଙ୍ଗେଙ୍ଗ୍ ଆସ୍‌ପାତାନ୍ ଆରେ ୱେଚ୍‌ଚାନ୍, “ଆନେଙ୍ଗ୍ ମାନ୍ କିଦ୍‌ନାଙ୍ଗା। ହାର୍ ଆ!”

ମାର୍କ 5:19

ମାତର୍ ଯୀଶୁ ତା ଲାହାଙ୍ଗ୍ ହାଞ୍ଜେଙ୍ଗ୍ ମୁନା କିଜି ହେୱାନିଙ୍ଗ୍ ୱେଚ୍‌ଚାନ୍, “ମି ଇଞ୍ଜ ହାଲା, ଆରେ ମି ଲକ୍‌ବାକ୍ ଇଲ୍‌କୁକାଙ୍ଗ୍ ହାଲା, ନି କାଜିଙ୍ଗ୍ ମାପୃ ଇନା କିତାନ୍‌ନା ଆରେ ନି କାଜିଙ୍ଗ୍ ଇମ୍‌ଣି ଦୟା ଚଚ୍‌ଚାତାନ୍‌ନା, ଇବେଣ୍ ହେୱାରିଙ୍ଗ୍ ୱେଚା।”

ମାର୍କ 6:32

ଲାଗିଙ୍ଗ୍ ଯୀଶୁ ଆରେ ତା ଚେଲାହିର୍ ଡଙ୍ଗାତାକେ କୁଚ୍‌ଚି ର ଟାଙ୍ଗ୍ରାବାହାତାକେ ହାଚାର୍।

ମାର୍କ 6:34

ଯୀଶୁ ଡଙ୍ଗାତାଙ୍ଗ୍ ଜୁଜି ବେସିହେନି ମାନାୟାରିଙ୍ଗ୍ ହୁଡ଼୍‌ତାନ୍, ଆରେ କାର୍‌ମାଆଜି ହେୱାରିଙ୍ଗ୍ ଜାତୁନ୍ କିତାନ୍। ଇନେସ୍‌କି ହେୱାର୍ ଗଡ଼ିୟା ହିଲ୍‌ୱି ମେଣ୍ଢାଙ୍ଗ୍ ଲେକେ ମାଚାର୍, ହେବେ ଯୀଶୁ ହେୱାରିଙ୍ଗ୍ ମାପୃବେଣ୍ କେତେକ୍ ହିକ୍ଷା ହିତାନ୍।

ମାର୍କ 8:3

କେତ୍‌ଜାଣ୍ ତ ବେସି ଦେହାତାଙ୍ଗ୍ ୱାତାର୍‌ନା, ଆନେଙ୍ଗ୍ ଯଦି ହେୱାରିଙ୍ଗ୍ ଚିଚ୍‌ୱାଦାଙ୍ଗ୍ ପକ୍ତିସ୍, ହେୱାର୍ ହାନିହିଙ୍ଗ୍ ୱାହ୍‌ନାର୍।”

ମାର୍କ 9:22

ହେ ବୁତ୍ ରଗ-ରଗ ନାଣିତ ଆରେ ଏଜୁକାଙ୍ଗ୍ ଇୱାନିଙ୍ଗ୍ ପାଗ୍‍ଦେଙ୍ଗ୍ ଉପାୟ୍ କିଜି ମାଚାତ୍, ଏନେଙ୍ଗ୍ ଯଦି ଆଡ଼୍‌ତିସ୍ ନାଙ୍ଗେଙ୍ଗ୍ ଅଲପ୍ ସାଇଜକିଦା।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 15:20

ଲାଗିଙ୍ଗ୍ ହେ ବାହା ପିସ୍ତି ଲାତ୍ରାହି ଲାଗାୟ୍ ହାଚାନ୍। ହିମ୍‌ଣା ବେସି ଦେହା ମାନିହିଙ୍ଗ୍ ଲାତ୍ରାହି ହେୱାନିଙ୍ଗ୍ ହୁଡ଼୍‌ତାନ୍। ହେୱାନ୍ ହିମ୍‌ଣା କାଜିଙ୍ଗ୍ ଦୁକ୍ କିତାନ୍। ଆରେ ତା ଲାଗାୟ୍ ହନ୍‌ଞ୍ଚି ହାଚାନ୍। ଲାତ୍ରାହି ହିମ୍‌ଣାତିଙ୍ଗ୍ ପମ୍‌ତାନ୍ ଆରେ ଚୁମା ହିତାନ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 7:13

ହେ ରାଣ୍ଡିଙ୍ଗ୍ ହୁଡ଼୍‌ଜି ଯୀଶୁ ବେସିଦୁକ୍ ଆତାନ୍। ହେୱାନ୍ ହେ ରାଣ୍ଡିଙ୍ଗ୍ ୱେଚ୍‌ଚାନ୍, “ଆଡ଼୍‌ବାମା।”

ଏବ୍ରି 2:17

ଲାଗିଙ୍ଗ୍ ଇନେସ୍ ହେୱାନ୍ ଈଶ୍ୱର ଲାଗାୟ୍ ମା କାଜିଙ୍ଗ୍ ଦୟା ଆରେ ବିସ୍‌ବସ୍ତ ପ୍ରଦାନ୍ ମୁଡ଼୍‌ଦି ପୁଜାରି ଆଦେଙ୍ଗ୍ ଆଡ୍‌ନାନ୍। ଆରେ ମା ପାପ୍‌ତିଙ୍ଗ୍ ଦେହା କିଦେଙ୍ଗ୍ ହେୱାନ୍ ନିଜେ ଇନେସ୍ ବଲିପୁଜା କିଦେଙ୍ଗ୍ ଆଡ୍‌ନାନ୍, ହେଦାଙ୍ଗ୍ କାଜିଙ୍ଗ୍ ତା ଟଣ୍ଡାହିର୍ ଲେକେ ଯୀଶୁ ପା ୱିଜୁ ବିଷୟରେ ହାମାନ୍ ଆଦେଙ୍ଗ୍ ଦର୍‌କାର୍ ମାଚାତ୍।

ଏବ୍ରି 4:15

ଯୀଶୁ ଖ୍ରୀଷ୍ଟ ମା ପ୍ରଦାନ୍ ମୁଡ଼୍‌ଦି ପୁଜାରି ମା ଦୁର୍‌ବଲ୍‌ତିଙ୍ଗ୍ ପୁନାନ୍, ଶୟତାନ ମା ଲେକେ ଯୀଶୁଙ୍ଗ୍ ୱିଜୁ ବିଷୟରେ ପରିକ୍ଷା କିତାତ୍, ମାତର୍ ଯୀଶୁ ପାପ୍ କିୱାତାନ୍।

ଏବ୍ରି 5:2

ହେ ପ୍ରଦାନ୍ ମୁଡ଼୍‌ଦି ପୁଜାରି ପା ରକାନ୍ ମାନାୟ୍ ଆତି କାଜିଙ୍ଗ୍, ହେୱାନିଙ୍ଗ୍ ପା ବୁଲ୍‌ବାଲ୍ ମାନ୍‌ଗାନାତ୍। ଇଦାଙ୍ଗ୍ କାଜିଙ୍ଗ୍ ବୁଦିହିଲ୍‌ୱି ଆରେ ବୁଲ୍ କିନି ମାନାୟାରିଙ୍ଗ୍ ହେୱାନ୍ ହାର୍‌ଦାଙ୍ଗ୍ ପୁନାନ୍।