ମାର୍କ 8:13 - New Testament in Pengo Parja Language

¹³ ଇଦାଙ୍ଗ୍ ୱେଚ୍‌ଚି, ଯୀଶୁ ହେ ପାରୁସିଦଳ୍‍ନି ମାନାୟ୍‌ତିଙ୍ଗ୍ ପିସ୍ତି ଆରେରଗ ଚେଲାହିର୍ ହୁଦାଙ୍ଗ୍ ଡଙ୍ଗାତାକେ ଦୁମ୍‌ଜି, ଗାଲିଲୀ ହାମ୍‌ଦୁର୍ ହେ ପାଡ଼୍‌କା ନିପଣ୍ ହାଚାର୍।

ସତ୍‌ ବଚନ୍‌ ପୁନି ନିୟମ୍‌

¹³ ଆରେ, ହେୱାନ୍‌ ହେୱାରିଂ ପିସ୍‌ସି ଆରି ରଗ ଡଙ୍ଗାତ ଦୁମ୍‌ଜି ଆନ୍‌ଟି ପାଡ଼ାକା ହାଚାନ୍‌ ।

ମାର୍କ 8:13 ပူးပေါင်းရင်းမြစ်များ

ମାତିଉ 15:14

ହେୱାରିଙ୍ଗ୍ ଚିନ୍ତା କିମାଟ୍, ହେୱାର୍ କାଣାଲଗାଙ୍ଗ୍ କାଣା ହାଜି ଚଚ୍‍ନାନ୍। ଆରେ ଇନାୱେଡ଼ାଙ୍ଗ୍ ର କାଣାମାନାୟ୍ ଆରେ ର କାଣା ମାନାୟ୍‌ତିଙ୍ଗ୍ ହାଜି ଚଚ୍‍ନାନ୍, ଲାଗିଙ୍ଗ୍ ରିକାର୍ ପା କଡ଼ିତାକେ ଆର୍‌ନାର୍।”

ମାତିଉ 7:6

ମାପୃକାତାତିଙ୍ଗ୍ ଇନେର୍ ୱେଞ୍ଜେଙ୍ଗ୍ ଇଚାକିଉର୍ ହେୱାନିଙ୍ଗ୍ ୱେଚ୍‌ମାଟ୍। ଯଦି ଏପେଙ୍ଗ୍ ୱେଚ୍‌ନାଦେର୍, ପବିତ୍ର ଜିନିଷ୍ ନିକୁଡ଼ିଙ୍ଗ୍ ଆଗେ ତୁସିହିତି ଲେକେ, ଆରେ ପାଞ୍ଜିଙ୍ଗ୍ ମୁମ୍‌ଦ ମୁକ୍ତା ତୁସିହିତି ଲେକେ ଆନାତ୍। ଇନେସ୍‌କି ହେଦାଙ୍ଗ୍‌ତିଙ୍ଗ୍ ହେୱେକ୍ ତଗାୱିହା କିନିକ୍ ଆରେ ମିଙ୍ଗେଙ୍ଗ୍ କାପ୍‌ତେଦେଙ୍ଗ୍ ୱାନିକ୍।

ମାର୍କ 8:12

ହେବେତାଙ୍ଗ୍ ଯୀଶୁ ହେୱାର୍ ପାର୍ତି କିୱାକା ହୁଡ଼୍‌ଜି ହାଇ ଇଡ଼୍‌ଜି ୱେଚ୍‌ଚାନ୍, “ନଙ୍ଗୟ୍‌ନି ମାନାୟ୍ ଇନେକିଦେଙ୍ଗ୍ ଚାନିଆଆନି ଚିନା ଡେକ୍ନାରା? ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା, ନଙ୍ଗୟ୍‌ନି ମାନାୟାରିଙ୍ଗ୍ ଇନା ଚିନା ହିୟାଆଉତ୍।”

ମାର୍କ 8:14

ହେପାଦ୍ନା ଯୀଶୁ ଚେଲାହିର୍ ରୁଟି ଅଦେଙ୍ଗ୍ ବାଣାଆତାର୍, ହେୱାର୍ ଡଙ୍ଗାତାକେ ଆପ୍‌କା ରଞ୍ଜାଙ୍ଗ୍ ମାତର୍ ରୁଟି ମାଚାତ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 8:37

ମାତର୍ ଯୀଶୁ ହେୱାର୍ ଜିନିଷ୍ ନଷ୍ଟ କିନାନ୍ ଇଞ୍ଜି ବାବିକିଜି ତାଙ୍ଗେଙ୍ଗ୍ ଗରାଶିୟ ମାନାୟାର୍ ଆରେ ଜେକନି ମାନାୟାର୍ ଯୀଶୁଙ୍ଗ୍ ତା ହାନ୍ଦି ପିସ୍ତି ହାଲା ଇଞ୍ଜି ଗୁୱାରି କିତାର୍। ତାପାଚେ ଯୀଶୁ ର ଡଙ୍ଗାତ ଦୁମ୍‌ଜି ଆରେ ର ପାଡ଼୍‌କା ହାଚାନ୍।

ଜହନ୍‌ 12:36

ଲାଗିଙ୍ଗ୍ ମି ଲାଗାୟ୍ ଅଜଡ଼୍ ମାନି ପାତେକ୍ ହେୱାନ୍‌ତାକେ ପାର୍ତିକିୟାଟ୍। ଲାଗିଙ୍ଗ୍ ଏପେଙ୍ଗ୍ ଅଜଡ଼୍‌ନି ମାଜିକାଦେର୍ ଆନାଦେର୍।” ଯୀଶୁ ଇ କାତା ୱେଚ୍‌ଚି ପାଚେ ହେୱାର୍‌ତାଙ୍ଗ୍ ହାଚାନ୍। ହେୱାନ୍ ଇଲେଗ୍‌ଦି ବାହାତାକେ ମାଚାନ୍, ହେୱାନିଙ୍ଗ୍ ମାନାୟାର୍ ଦାସ୍ତେଙ୍ଗ୍ ଆଡ୍‌ୱାତାର୍।

ଜହନ୍‌ 8:21

ଯୀଶୁ ଆରେରଗ ମାନାୟାରିଙ୍ଗ୍ ୱେଚ୍‌ଚାନ୍, “ଆନେଙ୍ଗ୍ ମିଙ୍ଗେଙ୍ଗ୍ ପିସ୍ତି ହାଞ୍ଜ୍‌ନାଙ୍ଗ୍। ଏପେଙ୍ଗ୍ ନାଙ୍ଗେଙ୍ଗ୍ ଦାସ୍ତାନାଦେର୍ ମାତର୍ ଏପେଙ୍ଗ୍ ମି ପାପ୍ କାମାୟ୍‌ତାଙ୍ଗ୍ ହାଃନାଦେର୍। ଆନେଙ୍ଗ୍ ଇମ୍‌ଣି ବାହାତାକେ ହାନାଙ୍ଗା ଏପେଙ୍ଗ୍ ହେ ବାହାତାକେ ହାଞ୍ଜେଙ୍ଗ୍ ଆଡୁଦେର୍।”

ପକ୍ୟାତାକା 18:6

ମାତର୍ ଯିହୁଦି ମାନାୟାର୍ ପାଉଲ କାତା ୱେନ୍‌ୱାତାର୍, ଆରେ ହେୱାନିଙ୍ଗ୍ ଅପ୍‌ମାନ୍ କିତାର୍। ଲାଗିଙ୍ଗ୍ ହେୱାନ୍ ତା ଉସ୍‌ପିତି ହେନ୍ଦ୍ରାତିଙ୍ଗ୍ ଡ଼ାତ୍‌ତି ହେୱାରିଙ୍ଗ୍ ୱେଚ୍‌ଚାନ୍, “ନାଦାଙ୍ଗ୍ ଇନାକା ବୁଲ୍ ଆକାୟ୍, ମାତର୍ ଈଶ୍ୱରତାଙ୍ଗ୍ ଦଣ୍ଡ୍ ପାୟା ଆଦେଙ୍ଗ୍ ଏପେଙ୍ଗ୍ ନିଜେ ନେ ଦାଇ। ‌ନଙ୍ଗୟ୍‌ତାଙ୍ଗ୍ ଆନେଙ୍ଗ୍ ବିନ୍‌ଜାତିନି ମାନାୟାର୍‌ତାକେ ହାଲ୍‌ଜି ଈଶ୍ୱର କାତା ଶୁଣାୟ୍ କିନାଙ୍ଗ୍।”

ପକ୍ୟାତାକା 27:2

ହେବେତାଙ୍ଗ୍ ଆଦ୍ରାମୁତ୍ତିୟ ସହର୍‌ତାଙ୍ଗ୍ ୱାଜିମାଚି ଜାଜ୍‌ତାକେ ଦୁମ୍‌ଜି ଆପେଙ୍ଗ୍ ହାଚାପ୍। ହେ ଜାଜ୍ ଏସିଆ ଜିଲ୍ଲାନି ହାମ୍‌ଦୁର୍ କାଣ୍ଡିତାକେ କେତେକ୍ ବାହାତାକେ ହାନାକା ମାଚାତ୍। ମା ହୁଦାଙ୍ଗ୍ ଆରିସ୍ତାର୍ଖ ତର୍‍ଦାକାନ୍ ରକାନ୍ ମାଚାନ୍, ହେୱାନ୍ ମାକଦନିଆ ଜିଲ୍ଲାନି ଥେସଲନିକିୟ ସହର୍‌ତାକେ ମାନି ମାନାୟ୍।