ମାର୍କ 7:26 - New Testament in Pengo Parja Language

²⁶ ହେଦେଲ୍ ଗ୍ରୀକ୍ ଜାତିନି କଗ୍‌ଲେ ମାଚାତ୍। ହେଦେଲ୍ ସିରିୟା ଜିଲ୍ଲାନି ଫଇନିସିୟା ବାହାତାକେ ଜନମ୍ ଆଜି ମାଚାତ୍। ତା ଗାଡ଼୍‍ହିଙ୍ଗ୍ ବୁତ୍ଆତ୍ମା ପିହିକିନି କାଜିଙ୍ଗ୍ ହେ କଗ୍‌ଲେ ଯୀଶୁଙ୍ଗ୍ ଗୁୱାରି କିତାତ୍।

ସତ୍‌ ବଚନ୍‌ ପୁନି ନିୟମ୍‌

²⁶ ହେଦେଲ୍‌ ସୁରପୈନିକିୟା ନିପ ରଞ୍ଜେଲ୍‌ ଗ୍ରିକ୍‌ ଗାଡ଼୍‌ଚେ ମାଚାତ୍‌ । ତା ଗାଡ଼୍‌ହି ତାକେଣ୍ଡାଂ ପୁଦାଂ ପିିହି କିନି କାଜିଂ ହେଦେଲ୍‌ ତାଙ୍ଗେଙ୍ଗ୍‌ ଗୱାରି କିଦେଙ୍ଗ୍‌ ଲାଗାତାତ୍‌ ।

ମାର୍କ 7:26 ပူးပေါင်းရင်းမြစ်များ

ମାତିଉ 15:22

କିଣାନିୟ ସହର୍‌ତାଙ୍ଗ୍ ର କଗ୍‌ଲେ ୱାଜି ଯୀଶୁଙ୍ଗ୍ ୱେଚ୍‌ତାତ୍, ଏ ମାପୃ, ଦାଉଦ ରାଜା ଲାତ୍ରାନି ଯୀଶୁ ନାଙ୍ଗେଙ୍ଗ୍ ଦୟାକିଦା, ମାଞ୍ଜ୍ କଇଙ୍ଗ୍ ବୁତ୍ଆତ୍ମା ଡୁତାତ୍‌ନା।

ମାତିଉ 4:24

ଆରେ ତା ବିଷୟ ସିରିୟା ଦେସ୍ ପାତେକ୍ ବିଚାଆତାତ୍। ଆରେ ହେବେ ବୁତ୍ଆତ୍ମା ଡୁୟାଆତାକାରିଙ୍ଗ୍, ଆପ୍ରାଙ୍ଗ୍ ରଗ୍, ଆରେ ହିର୍କଲ୍ ରଗ୍, ଆରେ ବାରବିନି ରଗ୍ ଆତାକାରିଙ୍ଗ୍ ଆରେ କଷ୍ଟନିକାରିଙ୍ଗ୍ ତା କଚଣ୍‌ତ ତାହିୱାତାର୍, ଆରେ ଯୀଶୁ ହେୱାରିଙ୍ଗ୍ ହାର୍‍କିତାନ୍।

ମାର୍କ 7:25

ହେଦାପ୍ରେ ର କଗ୍‌ଲେ ତା ଗାଡ଼୍‍ହିଙ୍ଗ୍ ବୁତ୍ଆତ୍ମା ଡୁଜି ମାଚାତ୍, ହେଦେଲ୍ ଯୀଶୁ ୱାତିବେଣ୍ ୱେନ୍‌ଞ୍ଜି, ତା କଚଣ୍‌ତ ୱାଜି ଯୀଶୁ କାଲ୍‌କୁ ତାରେନ୍ ଡାଣ୍ଡାହାରାଣ୍ ମାକ୍ତାତ୍।

ମାର୍କ 7:27

ମାତର୍ ଯୀଶୁ ହେଦିଲିଙ୍ଗ୍ ୱେଚ୍‌ଚାନ୍, “ଆଗେ ମା ଜାର୍ ଯିହୁଦି ଲଗାଙ୍ଗ୍ ହିୟାଆନାତ୍, ଇମ୍‌ଣାକା ହେୱାରିଙ୍ଗ୍ ଦର୍‌କାର୍, ନଇଲେ ହିମ୍‌ଣାଙ୍ଗ୍ କାଦି ନିକୁଡ଼ିକାଙ୍ଗ୍ ହିତିଲେକେ ଆନାତ୍।”

ଗାଲାତିୟ 3:28

ଲାଗିଙ୍ଗ୍ ଯିହୁଦି ଜାତି କି ବିନ୍‌ଜାତି, ଦାସ୍ କି ଦାସ୍ ଆୱିତି ମାନାୟ୍, ଆଣ୍ଡ୍ରା କି କଗ୍‌ଲେ ବିତ୍ରେ ଇନାକା ପା ଜେକ ଆକାୟ୍। ଇନେସ୍‌କି ଏପେଙ୍ଗ୍ ଯୀଶୁ ଖ୍ରୀଷ୍ଟତାକେ ରବେ ଆତାଦେର୍‌ନା।

କଲସିୟ 3:11

ଇଦାଙ୍ଗ୍ କାଜିଙ୍ଗ୍ ବିନ୍‌ଜାତି କି ଯିହୁଦି ଜାତିର୍ ବିତ୍ରେ, ସୁନତ ବିଦି ମାନିକିନାକାର୍ କି ମାନିକିୱାକାର୍, ବାର୍ ଦେସ୍‌ତାକାର୍‌ କି ଆଦିବାସିନି ମାନାୟାର୍, ଦାସ୍ କି ଦାସ୍ ଆୱି ମାନାୟାର୍ ବିତ୍ରେ ଇନା ବେଦ୍‌ବାବ୍ ଆକାୟ୍। ମାତର୍ ଖ୍ରୀଷ୍ଟ ନେ ୱିଜୁତାଙ୍ଗ୍ ମୁକ୍ଯା ଆରେ ହେୱାନ୍ ତାଙ୍ଗେଙ୍ଗ୍ ପାର୍ତିକିନି ମାନାୟାର୍‌ତାକେ ବାହା କିନାନ୍।