ମାର୍କ 7:15 - New Testament in Pengo Parja Language

¹⁵ ବାର୍ତି ଇମ୍‌ଣି ବିଷୟ ମାନାୟ୍‌ବିତ୍ରେ ହଣ୍‌ଜି ତାଙ୍ଗେଙ୍ଗ୍ କରାପ୍ କିଦେଙ୍ଗ୍ ଆଡୁତ୍, ମାତର୍ ଇମ୍‌ଣି ବିଷୟ ମାନାୟ୍ ତାକେଣ୍ଡାଙ୍ଗ୍ ବାର୍ତ ୱାନାତ୍, ହେଦାଙ୍ଗ୍‌ନେ ତାଙ୍ଗେଙ୍ଗ୍ କରାପ୍ କିଦ୍‌ନାତ୍।

ସତ୍‌ ବଚନ୍‌ ପୁନି ନିୟମ୍‌

¹⁵ ମାନାୟାର୍‌ତି ବାର୍ତ ଏପେଙ୍ଗ୍‌ ଇମ୍‌ଣି ବିସ୍ରେ ହିଲୁତ୍‌, ଇନାକା କି ତା ବିତ୍ରେ ହଣ୍‌ଜି ତାଙ୍ଗେଙ୍ଗ୍‌ ବିଟାଡ଼୍‌ କିଦେଙ୍ଗ୍‌ ଆଡ଼୍‌ଦାତାତ୍‌, ମାତର୍‌ ଇନା ଇନାକା ମାନାୟ୍‌ ତାଙ୍ଗ୍‌ ବାର୍ତ ହନାତ୍‌, ହେ ସବୁ ତାଙ୍ଗେଙ୍ଗ୍‌ ବିଟାଡ଼୍‌ କିିନାତ୍ ।”

ମାର୍କ 7:15 ပူးပေါင်းရင်းမြစ်များ

ମାତିଉ 12:34

ଏପେଙ୍ଗ୍ ବିସ୍‌ମାନି ରାଚ୍ ଲେକେ! ଆରେ ଏପେଙ୍ଗ୍ ଏଚେକ୍ ବାନ୍ୟା ଆଜି ହାର୍ଦି ବେଣ୍ ଇନେସ୍‌କିଜି ୱେଚ୍‌ଚେଙ୍ଗ୍ ଆଡ୍‌ନାଦେରା? ଇନେସ୍‌କି ଏପେଙ୍ଗ୍ ମି ମାନ୍ ବିତ୍ରେ ଇନାକା ବାବିକିନାଦେରା, ହେଦାଙ୍ଗ୍‌ନେ ୱେଚ୍‌ନାଦେରା।

ମାତିଉ 15:16

ଯୀଶୁ ଚେଲାହିରିଙ୍ଗ୍ ୱେଚ୍‌ଚାନ୍, “ଏପେଙ୍ଗ୍ ନଙ୍ଗୟ୍ ପାତେକ୍ ବୁଜାଆଉଦେରା?

ମାର୍କ 7:14

ଯୀଶୁ ଆରେରଗ ମାନାୟାରିଙ୍ଗ୍ କୁକ୍‌ଚି ୱେଚ୍‌ଚାନ୍, “‘ନା ବେଣ୍ ୱେନାଟ୍,’ ଆରେ ‘ବୁଜାଆଡ।’

ମାର୍କ 7:16

ଇମ୍‌ଣାକାଦେର୍ ୱେଚାଦେର୍ ହେଦାଙ୍ଗ୍ ବୁଜା ଆଦେଙ୍ଗ୍ ଚେସ୍‌ଟାକିୟାଟ୍।”

ପକ୍ୟାତାକା 10:28

ଆରେ ହେୱାନ୍ ହେୱାରିଙ୍ଗ୍ ୱେଚ୍‌ଚାନ୍, ଏପେଙ୍ଗ୍ ପୁଚାଦେର୍‌ନା ଯିହୁଦିର୍ ମାନାୟାର୍ ବିନ୍‌ଜାତିର୍ ହୁଦାଙ୍ଗ୍ ମେହାଆଦେଙ୍ଗ୍ କି ହେୱାର୍ ଲାଗାୟ୍ ହାଞ୍ଜେଙ୍ଗ୍ ବିଦି ହିଲେତ୍। ମାତର୍ ଇନେରିଙ୍ଗ୍ ପା ଅଚୁଆଁ ମାନାୟ୍ ଇଞ୍ଜି ୱେଚ୍‌ୱେଦେଙ୍ଗ୍ ଈଶ୍ୱର ନାଙ୍ଗେଙ୍ଗ୍ ହିକାଇ କିତ୍‌ତାନ୍‌ନା।

ରୋମିୟ 14:17

ଇନେସ୍‌କି ଈଶ୍ୱର ସାସନ୍ କିନି ରାଜି ତିନି ଉଣି ବିଷୟରେ ଆକାୟ୍, ମାତର୍ ଦରମ୍ ଲକ୍ ଆନି ବିଷୟ, ଶାନ୍ତିରେ ମାନି ବିଷୟ ଆରେ ପବିତ୍ର ଆତ୍ମା ହୁଦାଙ୍ଗ୍ ୱାରିୟାଆନି ବିଷୟ ନେ ମୁକ୍ୟ।

୧ କରନ୍ତିୟ 10:25

ମି ମାନ୍‌ତିଙ୍ଗ୍ କିଲେର୍ କିଜି ଇଟ୍‌ନି କାଜିଙ୍ଗ୍ ଇନା ପ୍ରଶ୍ନ ୱେନ୍‌ବାୱାଦାଙ୍ଗ୍ ଆଡ଼୍‌ତ ପନି ଜେଇତିଙ୍ଗ୍ ଜାର୍ ଇଚାତାଙ୍ଗ୍ ଚିଞ୍ଜେଙ୍ଗ୍ ଆଡ୍‌ନାଦେର୍।

ତୀତସ 1:15

ହାର୍ଦି ମାନାୟାର୍ କାଜିଙ୍ଗ୍ ୱିଜୁ ବିଷୟ ନେ ହାର୍। ମାତର୍ କରାପ୍ ଆରେ ପାର୍ତିକିୱି ମାନାୟାର୍ କାଜିଙ୍ଗ୍ ଇମ୍‌ଣି ବିଷୟ ପା ହାର୍ ଆକାୟ୍। ଇନେସ୍‌କି ହେୱାର୍ ମାନ୍ ଆରେ ବୁଜାଆନି ଶାକ୍ତି ଇ ରିଣ୍ଡାଙ୍ଗ୍ ନେ କରାପ୍।

ଏବ୍ରି 13:9

ଲାଗିଙ୍ଗ୍ ଏପେଙ୍ଗ୍ ପୁନ୍‌ୱିତି ପୁନି ହିକ୍ଷାତିଙ୍ଗ୍ ୱେଞ୍ଜେଙ୍ଗ୍ ଇଚା କିମାଟ୍। ଇନେସ୍‌କି ମି ଆତ୍ମିକ୍ ଜିବୁନ୍ ଈଶ୍ୱର ଦୟାତାଙ୍ଗ୍ ଶାକ୍ତି ଆନାତା, ତିନାକା ଉଣାକା ନିତି ନିୟମ୍ ମାନିକିତି କାଜିଙ୍ଗ୍ ଆକାୟ୍। ଇମ୍‌ଣାକାର୍ ହେ ନିୟମ୍ ମାନି କିନାରା, ହେଦାଙ୍ଗ୍ ଇନା ଲାବ୍ ଆଉତ୍।

ଏବ୍ରି 9:10

ଇନେସ୍‌କି ପାନି ନିୟମ୍ ଆପ୍‌କା, ରକାନ୍ ଇନାକା ତିନାନ୍ ଆରେ ଉଣାନ୍ ଆରେ ଜେକନି ଶୁଚି ରିତିନିତି ବିଷୟରେ ୱେଚ୍‌ଚି ମାନାତ୍। ଇ ନିତି ନିୟମ୍ ରକାନ୍ ଗରବ୍‌ତିଙ୍ଗ୍ ବାଦ୍‌ଲାୟ୍‌କିନି କାଜିଙ୍ଗ୍ ଇନା ସମ୍ପର୍କ ଆକାୟ୍। ପୁନି ନିୟମ୍ ହିଦ୍‌ୱି ପାତେକ୍ ହେଦାଙ୍ଗ୍ ମାନିକିନି କାଜିଙ୍ଗ୍ ହିୟାଆଜି ମାଚାତ୍।