Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




ମାର୍କ 6:2 - New Testament in Pengo Parja Language

2 ହେବେ ଯିହୁଦିର୍ ଜମ୍‌ନିଦିନ୍‌ ହେୱାର୍ ପାର୍ତାନା ଇଞ୍ଜ ଯୀଶୁ ହାଲ୍‌ଜି ଈଶ୍ୱର କାତା ହିକ୍ଷାହିଜି ମାଚାନ୍, ହେବେ ବେସିହେନି ମାନାୟ୍ ମାଚାର୍। ତା ବେଣ୍ ୱେନ୍‌ଞ୍ଜି ହେୱାର୍ ଚାନିଆ ଆଜି ଜାର୍ ଜାର୍‌ବିତ୍ରେ ୱେନ୍ବାଆତାର୍, “ଇୱାନ୍ ଇମେତାଙ୍ଗ୍ ଇବେଣ୍ ପୁଚାନ୍? ଆରେ ଏଚେକ୍ ବୁଦି ଇମେତାଙ୍ଗ୍ ପାୟାଆତାନ୍‌? ଇୱିଜୁ ସାକ୍ତିନି କାମାୟ୍ ଇୱାନ୍ ଇନେସ୍ କିଜି କିନାନା?”

အခန်းကိုကြည့်ပါ။ ကော်ပီ

ସତ୍‌ ବଚନ୍‌ ପୁନି ନିୟମ୍‌

2 ଜମ୍‌ନିବାର୍‌, ହେୱାନ୍‌ କୁଟୁମ୍‌ ଇଞ୍ଜ ହିକାଇ କିଦେଙ୍ଗ୍‌ ଲାଗାତାନ୍‌ । ଆରେ, ବେସି ଲକୁ ହେୱାନ୍‌ କାତା ୱେନ୍‌ଞ୍ଜି କାବା ଆଜ଼ି ଇଚାର୍‌, “ଇୱାନ୍‌ ଇ ସବୁ ଇମେତାଂ ପୁଚାନ୍‌ନା ?” ପାଚେ, ଇୱାନ୍‌ ଇମ୍‌ଣି ବୁଦିହିୟା ଆତାତ୍‌ନ୍ନା ? “ଆରେ ଇମ୍‌ଣି ସାକ୍ତିନି କାମାୟ୍‌ ଇୱାନ୍ତି ତା କେଇ କାଜିଂ କାମାୟ୍‌ ଆନାତା, ଇ ସବୁ ଇନାକା ?”

အခန်းကိုကြည့်ပါ။ ကော်ပီ




ମାର୍କ 6:2
11 ပူးပေါင်းရင်းမြစ်များ  

ପାଚେ ଯୀଶୁ ଗାଲିଲୀ ଜିଲ୍ଲାତ ବୁଲାଆନିହିଙ୍ଗ୍, ଯିହୁଦିର୍ ପାର୍ତାନା ଇଞ୍ଜ ହିକ୍ଷାହିଜି ଈଶ୍ୱର ସାସନ୍ କିନି ରାଜିନି ହାର୍ଦିକାବୁର୍ ଶୁଣାୟ୍ କିଜି ଆରେ ବାରବିନି ରଗ୍ ଆରେ ୱିଜୁ ଦୁକ୍ କଷ୍ଟନିକାରିଙ୍ଗ୍ ହାର୍‍କିତାନ୍।


ଯୀଶୁ ଇ ୱିଜୁବେଣ୍ ୱେଚ୍‌ଚି ୱିସ୍ତି ପାଚେ, ହେବେ ରୁଣ୍ଡାଆତି ମାନାୟାର୍ ତା ହିକ୍ଷା ୱେନ୍‌ଞ୍ଜି କାବା ଆତାର୍,


ଆରେ, ଯୀଶୁ ଗାଲିଲୀ ଜିଲ୍ଲାନି ବିନ୍‌ବିନ୍ ସହର୍‌ତାକେ ହାଲ୍‌ଜି, ଯିହୁଦିର୍ ପାର୍ତାନା ଇଞ୍ଜ ହାର୍ଦିକାବୁର୍ ଶୁଣାୟ୍ କିତାନ୍, ଆରେ ବୁତ୍ଆତ୍ମା ଡୁୟାଆତାକାରିଙ୍ଗ୍ ପିହିକିତାନ୍।


ଯୀଶୁ ଆରେ ତା ଚେଲାହିର୍ କପୁର୍‌ନାହୁମ୍‌ ସହର୍ ପିସ୍ତି ହେୱାନ୍ ଯିହୁଦା ଜିଲ୍ଲା ନିପଡାଙ୍ଗ୍ ଆଜି ଯର୍ଦ୍ଦନ ନାଗୁଡ଼୍ ଆରେ ର ପାଡ଼୍‌କା ହାଚାର୍। ହେବେ ମାନାୟାର୍ ଆରେରଗ ତା କଚଣ୍‌ତ ରୁଣ୍ଡାଆତାର୍, ଆରେ ଇନେସ୍ ଲେକେ ହିକ୍ଷାହିଜି ମାଚାନ୍ ହେଲେକେ ଆରେରଗ ହିକ୍ଷାହିଦେଙ୍ଗ୍ ଲାଗାତାନ୍।


ଏଚେଜାଣ୍ ତା ବୁଦିତାଙ୍ଗ୍ ଉତର୍ ହିନି କାତା ୱେନ୍‌ଞ୍ଜି ମାଚାର୍ ହେୱାର୍ ୱିଜାକାର୍ ଚାନିଆ ଆଜି ମାଚାର୍।


ଯୀଶୁ ହେୱାର୍ ପାର୍ତାନା ଇଲ୍‌କୁକାଙ୍ଗ୍ ହିକ୍ଷାହିଦେଙ୍ଗ୍ ଆରମ୍ କିତାନ୍। ହେବେ ୱିଜାକାର୍ ହେୱାନିଙ୍ଗ୍ ଜୟ୍-ଜୟ୍ କିତାର୍।


“ଇୱାନ୍‌ତ ଯୋଷେପ୍‌ ମେହି ଯୀଶୁ! ଲାତ୍ରାହି ଆରେ ତାଞ୍ଜିୟାଙ୍ଗ୍ ତ ଆପେଙ୍ଗ୍ ପୁଚାପ୍‌ନା। ଲାଗିଙ୍ଗ୍ ଇୱାନ୍ ଇନେସ୍ କିଜି ସରଗ୍‌ତାଙ୍ଗ୍ ୱାତାଙ୍ଗ୍‌ନା ଇଞ୍ଜି ୱେଚ୍‌ଚାନାନା?”


ଯିହୁଦିର୍ ଚାନିଆ ଆଜି ହେୱାର୍ ୱେଚ୍‌ଚାର୍, “ଇୱାନ୍ ଦରମ୍ ସାସ୍ତର୍ ପଡ଼ିକିୱାଦାଙ୍ଗ୍, ଏଚେକ୍ ବିଷୟ ୱିଜୁ ଇନେସ୍‌କିଜି ହିକ୍ଷା ହିନାନା?”


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ