ମାର୍କ 5:13 - New Testament in Pengo Parja Language

¹³ ଯୀଶୁ ହେୱାରିଙ୍ଗ୍ ଆଦେସ୍ ହିତାନ୍ ଆରେ ବୁତ୍ଆତ୍ମାଙ୍ଗ୍ ହେ ମାନାୟ୍‌ତାଙ୍ଗ୍ ୱିଜୁ ହସି ପାଞ୍ଜିଙ୍ଗ୍ ବିତ୍ରେ ହଟିକ୍, ହେଦାଙ୍ଗ୍ କାଜିଙ୍ଗ୍ ପାଞ୍ଜିଙ୍ଗ୍ ତାରେନ୍ ବେଗି-ବେଗି ହନ୍‍ଚି ହାଲ୍‌ଜି ପାନ୍ତି କାଣ୍ଡିତାଙ୍ଗ୍ ହାମ୍‌ଦୁର୍ ବିତ୍ରେ ଗୁମ୍‌ଜି ହାତିକ୍। ପାଞ୍ଜିଙ୍ଗ୍ ଦୁଇହାଜାର୍ ଗଟା ମାଚିକ୍।

ସତ୍‌ ବଚନ୍‌ ପୁନି ନିୟମ୍‌

¹³ ହେୱାନ୍‌ ହେୱାରିଂ ହେଲ ହିତିଲେ, ବାନ୍ୟା ଜିବୁନିଙ୍ଗ୍‌ ହସି ପାଞ୍ଜିଙ୍ଗ୍‌ ବିତ୍ରେ ହଟିକ୍‌; ହେବେ ହେବେଣ୍ଡାଂ ହେ ମାନ୍ଦା ବେସି ତାନ୍ଦ୍ରାତାଙ୍ଗ୍ ହନ୍‍ଚିହାଲ୍‍ଜି ହାମ୍‌ଦୁର୍‌ ଗୁଟିତାଂ ଆର୍ଜି ମୁନ୍ଞ୍ଜି ହାତିଙ୍ଗ୍‌ । ୱିଜ଼ୁ ପାଞ୍ଜିଙ୍ଗ୍‌ ଆନ୍‌ମାନ୍‌ତାଂ ରି ହାଜାର୍‌ ମାଚିକ୍‌ ।

ମାର୍କ 5:13 ပူးပေါင်းရင်းမြစ်များ

ମାତିଉ 7:6

ମାପୃକାତାତିଙ୍ଗ୍ ଇନେର୍ ୱେଞ୍ଜେଙ୍ଗ୍ ଇଚାକିଉର୍ ହେୱାନିଙ୍ଗ୍ ୱେଚ୍‌ମାଟ୍। ଯଦି ଏପେଙ୍ଗ୍ ୱେଚ୍‌ନାଦେର୍, ପବିତ୍ର ଜିନିଷ୍ ନିକୁଡ଼ିଙ୍ଗ୍ ଆଗେ ତୁସିହିତି ଲେକେ, ଆରେ ପାଞ୍ଜିଙ୍ଗ୍ ମୁମ୍‌ଦ ମୁକ୍ତା ତୁସିହିତି ଲେକେ ଆନାତ୍। ଇନେସ୍‌କି ହେଦାଙ୍ଗ୍‌ତିଙ୍ଗ୍ ହେୱେକ୍ ତଗାୱିହା କିନିକ୍ ଆରେ ମିଙ୍ଗେଙ୍ଗ୍ କାପ୍‌ତେଦେଙ୍ଗ୍ ୱାନିକ୍।

ମାତିଉ 8:32

ଯୀଶୁ ହେୱାରିଙ୍ଗ୍ ଆଦେସ୍ ହିତାନ୍, “ହାଲାଟ୍!” ଲାଗିଙ୍ଗ୍ ହେ ବୁତ୍ଆତ୍ମାଙ୍ଗ୍ ହେ ମାନାୟ୍‌ତାଙ୍ଗ୍ ୱିଜୁ ହସି ପାଞ୍ଜିଙ୍ଗ୍ ବିତ୍ରେ ହଟିକ୍। ହେଦାଙ୍ଗ୍ କାଜିଙ୍ଗ୍ ଦୁଇହାଜାର୍ ପାଞ୍ଜିଙ୍ଗ୍ ବେଗି-ବେଗି ହନ୍‍ଚି ହାଲ୍‌ଜି ଡେଙ୍ଗା କାଣ୍ଡିତାଙ୍ଗ୍ ହାମ୍‌ଦୁର୍ ବିତ୍ରେ ଆର୍ଜି ହାତିକ୍। ଦୁଇହାଜାର୍ ପାଞ୍ଜିଙ୍ଗ୍ ମାଚିକ୍।

ମାର୍କ 5:12

ବୁତ୍ଆତ୍ମାକ୍‌ ଯୀଶୁଙ୍ଗ୍ ଗୁୱାରି କିଜି ୱେଚ୍‌ଚିକ୍, “ହେ ପାଞ୍ଜିଙ୍ଗ୍ ବିତ୍ରେ ହଣ୍ଡେଙ୍ଗ୍ ମାଙ୍ଗେଙ୍ଗ୍ ଆଦେସ୍ ହିଦା।”

ମାର୍କ 5:14

ପାଞ୍ଜିଙ୍ଗ୍ ହାରାୟ୍ କିନି ମାନାୟ୍ ହନ୍‍ଚି ହାଲ୍‌ଜି ସହର୍ ଆରେ କଚଣ୍‌ନି ନାସ୍‌କୁକାଙ୍ଗ୍ ଇବେଣ୍ ୱେଚ୍‌ଚାର୍, ହେବେ ଇନାକା ଗଟାଆତାତ୍‌ନା ଇଞ୍ଜି ମାନାୟ୍ ହୁଡ଼୍‌ଦେଙ୍ଗ୍ ହାଚାର୍।

ଜହନ୍‌ 8:44

ଶୟତାନ୍ ଆନାନା ମିଞ୍ଜ୍‌ବା ଆରେ ଏପେଙ୍ଗ୍ ତା ମେହି କାଦେର୍। ଏପେଙ୍ଗ୍ ତା ଇଚାତାଙ୍ଗ୍ କାମାୟ୍ କିନାଦେରା। ହେୱାନ୍ ଆଗେତାଙ୍ଗ୍ ମାନାୟ୍ ମାରୁ, ଆରେ ହେୱାନ୍ ଇନାୱେଡ଼ାଙ୍ଗ୍ ପା ସତ୍ ୱେଚ୍‌ୱାତାନ୍‌ନା। ଇନେସ୍‌କି ହେୱାନ୍ ମିଚ୍‌ୱା। ଏଚେପାଦ୍ନା ହେୱାନ୍ ମିଚ୍ କାତା ୱେଚ୍‌ନାନ୍, ହେପାଦ୍ନା ହେୱାନ୍ ଜାର୍‌ତିଙ୍ଗ୍ ୱେଚ୍‌ନାନ୍। ଇନେସ୍‌କି ହେୱାନ୍ ମିଚ୍ ୱେଚ୍‌ନି ମାନାୟ୍, ଆରେ ହେୱାନ୍ ମିଚ୍ ୱେଚ୍‌ନାକାର୍ ତାଞ୍ଜିବା।

୧ ପିତର 3:22

ଆରେ ହେୱାନ୍ ସରଗ୍‌ଜପି ହାଚାନ୍‌ନା। ହେୱାନ୍ ନଙ୍ଗୟ୍ ସନ୍‌ମାନ୍ ପାୟାଆନି ବାହାତାକେ ଈଶ୍ୱର ତିନାବାଗାୟ୍ କୁଚ୍‌ଚାନ୍‌ନା, ଆରେ ହେୱାନ୍ ୱିଜୁ ଦୁତ୍‌କୁକାଙ୍ଗ୍, ଅଦିକାର୍ କି ଶାକ୍ତିମାନି ଆତ୍ମାକାଙ୍ଗ୍ ସାସନ୍ କିନାନା।

ହତ୍‌ତି 20:7

ଏଚେପାଦ୍ନା ହାଜାର୍ ବାର୍‌ହୁ ସାସନ୍ କିନାକା ସେସ୍ ଆନାତ୍, ହେ ଦୁତ୍ ଶୟତାନତିଙ୍ଗ୍ ପାତାଳ୍‌ କୁଣ୍ଡ୍‌ତାଙ୍ଗ୍ ହସି ୱାଦେଙ୍ଗ୍ ଅନୁମତି ହିନାତ୍।

ହତ୍‌ତି 9:11

ପାତାଳ୍‌ନି ଦୁତ୍ ହେୱାର୍ ରାଜା ମାଚାତ୍, ଏବ୍ରୀ ବାଷାତାଙ୍ଗ୍ ତା ତର୍‌ ଆବାଦାନ୍ ମାଚାତ୍, ଆରେ ଗ୍ରୀକ୍ ବାଷାତାଙ୍ଗ୍ ତା ତର୍‌ ଅପଲ୍ଲିୟୋନ୍ ମାଚାତ୍, ତା ଅର୍ତ ବିନାସ୍ କିନି ମାନାୟ୍।